養心殿台式養生鍋 (Closed)

食依間餐廳真係食到我一肚氣！成日見人黎依間餐廳打卡好似好吸引咁就打算同朋友黎試下一早知佢有7點前離座有半價所以弓早book 左5點食點知一黎到門口reception 話搵唔到我地嘅紀錄但我地見入面咁多位無人坐叫佢俾我地入去坐住先門口個職員堅持唔肯到最後佢發現佢睇漏左個record 確認左我地有book 枱先比我地入去但已經擾攘左成15mins到我地order 野食揀左個美人鍋同麻辣點知佢最後淨係上左個美人鍋上黎（單拼）我地同返佢講佢一開始仲要質疑我地到佢check 返單知道係自己錯佢先換俾我個湯底味道係正常嘅啲野食上到黎已經無心機食因為嘥左好多時間去處理佢地嘅失當唔開心到之後都無影到野食相但佢咁偏貴嘅價錢黎講野食質素好普通啲丸同街市買嘅差唔多唯一嘅好係送左鴨血俾我地但我同朋友都唔食嘅又無一早同我地講會送基於衛生問題放左上枱嘅野食無理由收返搞到嘥左啲野食（因為我地唔食）點左佢最高級嘅牛超薄 份量少無牛味 好似食緊空氣咁真係好無奈返到屋企查下依間野先知原來佢同台灣間養心殿係無關係仲有少少誤導成份令人以為係同一個集團總括黎講價錢偏貴半價左都每人350蚊野食唔係特別好員工做事求其 態度差又疑似消費台灣嘅養心殿永無回頭呀🤬🤬🤬🤬🤬🤬…Read More

老公出糧 佢話要同我食好啲 😍咁岩上網見到呢間9:30入座後有七折 所以就決定食呢間🤙🏻湯底方面我哋叫咗麻辣湯同埋酸菜白肉湯。麻辣湯好出色，裏面有鴨血同埋凍豆腐，啲凍豆腐吸晒啲麻辣湯好鬼正👍🏻👍🏻而個酸菜白肉湯都OK嘅，最鍾意食入面嘅寬粉條✌🏻但我就略嫌大白菜唔夠酸，可能因為台灣鼎王嘅酸菜白肉鍋太過出色，所以我覺得佢可以做得更好更酸。火鍋配料方面，我好滿意💯💯1.手切牛肉➡️好味，好有牛肉味2.手工丸類拼盤➡️有六種不同嘅口味，好特別好彈牙，當中最喜歡係鵝肝墨魚丸，黑松露蝦丸，同埋梅菜豬肉丸3.極品水餃➡️正常，皮薄，足料4.冰菜➡️香港比較少食到呢種菜，食落去脆脆地好得意呢間餐廳有拆食真係幾抵，推介🙌🏻…Read More

食物質素好一般，即炸響鈴唔似即炸，醬油區基本冇乜選擇，只有冇味嘅醬油，辣椒，蒜水，莞茜，蔥。其實咁嘅收費，咁嘅質素，不如食返放題。唯一可讚之處喺湯底ok。鴨血，水餃，雲呑都不錯。收加一服務費但完全冇服務。9:30後入座全場只有5-6台客，但全部職員長期執緊餐具，坐1.5小時執足咁耐，一直都喺啲筷子，碗碟聲，未停過。過程冇人嚟問需唔需要加湯，想加單好似叫救命咁要大叫，最後埋單已經放棄呢班侍應，自己行出去。…Read More

以後絕不會再光顧此分店！在光顧此分店前幾天去過尖沙咀分店，尖沙咀分店冷氣通風系統較需要改善，故今天選擇荃灣分店聚餐，但真的沒想過今時今日竟然還會有如此差的待遇！事前在OpenRice book定8:00pm，到達後問接待人員用OpenRice 不知道是留名還是留電話，然後此接待人員語氣差帶著不屑的回應「我地通常就留電話既」，一個小問題不需要受氣吧！入席坐下時整個椅子濕的，朋友一坐下褲子衣服尾端濕掉，跟店員說，她只是取紙巾抹一下就算，還是濕的椅子只是換到旁邊桌下，下個顧客坐下又會濕的，之後換了一張椅子來，但正想坐下時看到數隻蟲還是蚤，太恐怖了😱！我們又要再用紙巾自行抹去，坐下後一直感覺很癢！再抹桌子，發現是黑的，非常疑惑此店用的布多久才洗，可以不要那麼懶嗎？整個下單過程沒說過、取醬油位置又沒說，整頓飯過程沒有人理會的感覺......不是一頓數千元的飯，也是一千多元吧，明白店員可能也會有情緒，但顧客受你氣也很無辜吧！不只是一個店員，其他店員也是很被動，整頓飯心情被一開始就被破壞了，希望這方面真的要好好改善！衛生是一個問題，服務又是一個問題！…Read More

無論個天有好熱，似乎都影響唔到我班朋友對打邊爐嘅熱情🤔 呢晚我又被呼召到荃灣集會... 大家千其唔好誤會，我講嘅集合只係齊齊去「養心殿」打邊爐咋🤪 呢日我遲咗啲收工，所以嚟到嘅時候，朋友己經點好哂湯底同食物，就連我至愛嘅樽裝可樂都幫我叫埋😏都不枉我千里迢迢過嚟荃灣！一如以往，我都係專攻麻辣湯底，配埋啲厚切午餐肉、響鈴、鴨血一齊煮，味道零舍入味🤤 而我嘅朋友就最鍾意食「養心殿」嘅手工蝦丸、墨魚丸，話啖啖肉之餘，又夠爽口👍🏻 而我就最欣賞呢度嘅設計，以中式屏風相隔每一枱食客，就算有時忘形玩得癲啲，都唔怕騷擾到隔離枱😄 埋單嘅時候，服務員仲請我哋每人食咗碗綠豆丸子，好窩心呀！…Read More

呢間台式火鍋好出名，今次黎呢到同朋友試下，睇下點樣打邊爐又養身。唔係任食，係遂碟叫，價錢公道，份量都ok食物全部都整得好靚，打卡一流啲蔬菜特別清甜，有啲款式香港少見環境都幾好，又有包廂，岩一大班人黎…Read More

呢排社會氣氛緊張，成班朋友坐埋一齊，都好難避免會討論吓時事🤔 雖然立場未必一樣，不過好彩嘅係大家懂得互相尊重，咁先可以開開心心圍埋食飯㗎嘛🥢 所以我哋就最鍾意去 #打邊爐，一齊 #烚吓烚吓 咁，唔使咁拘謹😉 呢晚 #小秘書 就葵荃區嘅朋友呼召，嚟到「養心殿」 同大家聚吓舊👭👬 #小秘書 人都未坐抵，已經喺門口聞到勁香嘅 #藥材 味💨💨 雖然呢日已經係 #小秘書 第N次嚟幫襯，不過 #荃灣店 始終係第一次到，感覺地方都幾骨子😏 大家為咗成就我呢個 #桃膠控，今次揀咗 #美人鍋 拼 #麻辣鍋 做 #湯底🤤 喺未開始食嘢之前，我哋每人先嚟一碗 #美人湯 嚟補一補🥰 #小秘書 淨係見到湯底裡面成個乒乓波咁大嘅 #桃膠 + #烏雞 以及其他 #中藥材，就知道係好嘢，「拿拿臨」飲哂碗湯落肚，就開始食嘢🥢 以往我哋都會叫到成枱都係食物，不過食唔哂又浪費🙇🏻‍♀️ 所以今次我哋就叫得「精」啲，務求食清哂「不飽無歸」🍻唔知點解，#小秘書 硬係覺得佢哋嘅 #貢丸 特別好食，尤其浸入 #麻辣湯 裡面😄 爽口得嚟又充滿肉+香菇嘅味道👍🏻 咁當然唔少得我每次必食嘅 #肥牛、#鴨血 同 #炸響鈴 啦！仲有呢... 原來用 #鮮淮山 嚟 #打邊爐 都係一個唔錯嘅選擇，可以用佢嚟吸收哂 #美人湯 嘅精華先放入口，好補咁呀😏 …Read More

Food ok but arrangement not very goodMany variety but it is not 任食 so it is much better if you have FDs Ho with it and use that 50% discount before 7pm pay the bill…Read More

難得星期四晚唔洗OT，就同朋友相約去試鼎鼎大名嘅養心殿台式養生鍋 (荃灣分店)。養心殿聽就聽得多，但都係第一次去試，該餐廳位於荃灣眾安街55號大鴻輝(荃灣)中心17樓，離港鐵站大約十分鐘路程，相當之便利。我們一行兩人七點半到達餐廳，都差唔多座無虛席，但餐廳的位置位與位之間很闊落，所以坐得十分之舒適，同時亦有空間給予客人們交談，值得加分。火鍋湯底方面，我們揀選了鴛鴦鍋，分別是麻辣鍋 ($128)以及酸菜白肉鍋 ($128)鴛鴦鍋只會收取較昂貴的湯底，所以一個價錢可以試兩個不同湯底真心不錯。麻辣鍋 – 湯底已經有不少鴨血和凍豆腐，我地落單時已經額外提點了服務員要『小辣』，所以湯底不會過辣，同時亦讓我們過足口癮，一嘗吃辣的快感。而酸菜白肉鍋，則有醃制過的大白菜，再配上五花腩片以及QQ寬粉條，令人食慾大增。火鍋配料方面，我們主要點選蔬菜及丸類為主，因為養心養生，大家都想健康點。手工丸類拼盤 ($108)，雜錦手工類中以黑松露蝦丸以及梅菜豬肉丸最為特色，黑松露蝦丸有濃濃的黑松露味，而梅菜豬肉丸就似足平時屋企弄的梅菜肉餅，只是變成肉丸，富肉汁彈口，不知覺地一盤手工丸就比我地吃光光。同時我地都點了一份鮮蝦滑 ($88)，蝦滑食得出用人手打出來，加上蝦滑上佈滿了蟹子，增加口感，最適合我這種不愛脫蝦殼但又想食蝦的懶人。蔬菜方面，我地叫了鮮甜三蔬 ($68)和農場野菌($58) 。鮮甜三蔬包括了秋葵、山藥以及玉米，而農場野菌則有金菇、冬菇、秀珍菇，每款時蔬都十分之鮮甜多汁，新鮮得很，准山爽口，玉米清甜，秋葵脆嫩，感覺上食火鍋都很健康。最後我地加點了一份紫准山麵 ($38)，麵料煮過都不會過軟，同埋吸盡了麻辣鍋和酸菜白肉鍋的精華。再配上一杯hoegaarden 啤酒 500ML ($70)，簡值是絕配。難怪該餐廳開店一值以來都人流滿滿。…Read More

之前食過七折時間覺得好味，所以今日食午餐又想打邊爐就諗起這間，而七點前有五折，當然即時去訂座啦，去到都幾多人打邊爐中，今次叫了麻辣鍋配養心鍋，中辣不夠辣味道都可以而養心鍋幾足料。送鴨血都不少又好味，雪花一口牛好味牛肉味重煮完吾太硬身，凍豆腐普通，細細粒易入味，水餃幾大隻同足料皮薄身，蟹子墨魚滑份量不多，但味道幾好有彈牙，炸芋頭好硬，要煮好耐先食到，最後叫了鮮甜三蔬份量不多，但幾新鮮，最後結帳五折後每人二百元，價錢都不平，但味道好味，真的要等有折扣才來先好。…Read More

聽朋友好評介紹的臺式火鍋, 終於可品嘗試一下。 環境不錯, 座位寬敞舒服。 我哋叫了酸菜白肉鍋, 醃制大白菜+豬王花腩, 配上彈牙透明闊條麵, 開胃醒神! 熟食我哋叫咗招牌滷味拼盤, 豬腸好彈, 牛肚好腍, 值得推介。朋友鍾意食蟹子墨魚滑, 鮮蝦滑，非常新鮮彈牙。 還有自家製鮮蝦雲吞，自家製韭菜餃, 其味無窮。還有試咗極上雪花肥牛, 黑毛豬梅花肉;肥牛雪花分佈平均，入口即溶。 黑毛豬梅花肉更是厚脂美味。推介雪花一口肥牛粒, 鮮味有咬勁。推介日本牡蠣, 鮮味至極! 鮮豆皮新鮮, 滾極唔會散，最後叫了什錦蔬菜盤陳設好靚又好新鮮。埋單後仲QQ粒綠豆甜品送添,很細心。 真係優良級數高, 品質好，另人回味無窮的打邊爐不二之選! …Read More

因跟父母慶祝，來到主要推養身火鍋的養心殿我們點的是酸菜白肉鍋:)酸甜適中很開胃，內配透明的闊粉條，類似雲南的紅薯粉，很入味，粉條立馬被吃光之後上的招牌鹵味拼盤，鹵水汁很濃郁且鹵味很入味，旋即清碟然後是幾款手打丸，鵝肝墨魚丸及黑松露蝦丸基本上沒有特別:(而芝士牛肉丸則較出色，芝士溶入了肉汁裡面嘉美農場雞肉是一塊塊嫩滑而大件的雞肉，喜歡肉食必點推薦是極品水餃及鮮蝦雲吞，蝦肥而料足另一美食是鴨血，很滑很易入口整體雖價格高昂，但確實跟別的火鍋店不同層次，店員收碟速度快，又有免費糖水送，想食高質火鍋的朋友可以一試…Read More

知道晚上會帶家人來養心殿，中午特地食很少來迎接大餐😍😍😍 店內火鍋香氣撲鼻而來，餐廳用中國風間隔不同的房間，古色古香的很有特色。湯底有很多不同選擇， 這次我們選了酸菜白肉鍋， 內裏除了有酸白菜，蕃茄和豬腩肉外， 竟然還有寬條麵，口感順滑而且有彈性，吸收了湯汁的精華，異常美味。先來個滷水拼盤，內有牛大腸， 牛展和牛肚，甜甜的不太鹹，連湯汁都掃清光。鵝肝墨魚丸，爽滑彈牙。黑松露蝦丸，松露味極重。食芝士牛肉丸要注意：咬下有熱芝士噴出。店員說餃子都是每日新鮮製作，我當然不會放過，點了鮮蝦餛飩，極品水餃和水蓮餃，大大粒好飽滿，口感實在， 真材實料，唔錯雞肉應該是用上雞髀肉，而且 用了料酒醃過， 充滿酒香。媽媽說這裡的鴨血與眾不同，嫩滑不鞋口， 很美味，要再追加一份。最驚喜是結帳後店員還送上有台灣特色的蕃薯粉圓糖水一碗，好細心～～馬上好感度大增總括來說餐廳食材質量上乘，湯底濃郁，食得出是心機之作，家人都很滿意。…Read More

早前名氣極高嘅養心殿，見到好多人都讚好，所以決定要試下先得。揀選左9:30pm後有7折的時段才光顧，不過望望menu，收費確是較高。不過既然一場來到，亦有七折，就一於試下啦。被安排的位置好差，二人都係坐一字櫈，想挨都無得挨！湯底主要係以藥膳為主，選擇唔多，大部分都係烏雞的湯底，最後揀選了其中一款。湯底是ok的，湯底嘅材料亦算豐富，其他食材亦都係要逐樣order及收費的，不像一般的火鍋放題。是次人均消費約$300-$400。…Read More

今日專程約了哥哥外出晚膳，自從他搬出去住後，很少見面，於是揀了間可以坐得耐的餐廳，烚下烚下交流一下近況。由於他在元朗上班，揸車出來，荃灣十分方便！哥哥未試過到這間餐廳，由於我倆都吃辣，我便建議他選一個麻辣湯底，另外我亦選了酸菜白肉湯底，上次在旺角分店試過，超級喜歡這個酸菜，十分開胃，最重要的是還附送額外的酸菜白肉呢！配菜方面：牛肉：肥瘦分明，不太肥，切得夠薄。秋葵：秋葵是極健康的食物，又大條又爽口。山藥：同樣十分爽口，亦十分健康，頗吸味，放在酸菜湯底那面，味道酸酸的，挺開胃。響鈴：每一條都很大條，而且10分爽脆，放在湯裏，炸炸聲的！總括而言，哥哥對於這間餐廳十分滿意！裝修古色古香的，食材新鮮而且用料不隨便，我們都捧住個肚走呢！…Read More