養心殿台式養生鍋 (Closed)

今日同阿媽撐枱腳，阿媽表示掛住養心殿個湯底，於是同佢再食一次！呢到環境舒適、裝修雅致，可以優閒清靜咁食返餐。今次除左點左個開胃嘅酸菜白肉湯底，仲點左個養顏嘅美人湯底補下。呢個美人鍋裏面有半隻烏雞、紅棗、桃膠、杞子等，十分滋補！而配材方面，我地點左鴨血：好滑，一d都唔腥。極上雪花肥牛：每次黎都必點。佈滿雪花，肉質嫩，好有牛味！蔬菜拼盤：份量多，秋葵爽脆、粟米甜、生菜新鮮翠綠。自家製水蓮水餃：裏面有清熱解毒的水蓮菜，好有嚼勁。自家製極品水餃：皮薄多汁，餡料多，有肉、蝦等，好夾味，我個人比較喜歡呢隻味的水餃。最後先至食烏雞，煲左咁耐，d肉有濃濃的湯汁亦有雞味，已經可以用筷子輕易分開。…Read More

晚上相約友人食火鍋☺️大家一起補補元氣🤓打邊爐湯底係重點，我地叫了美人鍋，鍋一黎到已經香味撲鼻，材料有原隻烏雞，桃膠等等滋補藥材。打開配料餐牌有唔少食料可以選擇😍我地牛肉，豬肉及水餃等🥰好豐富的一餐…Read More

二零一九年六月廿九日下午七點時分出旺角行街行左好耐....知道旺角一間開左無耐既養心殿餐廳之前都成日食開荃灣個間都唔難搵架間舖頭銀城廣場後一條街一棟大廈入面上到去咁啱無乜人坐低就叫左美人鍋+牡蠣+蝦丸+羊肉食物同湯底都係一直以黎既味道無變保持得幾好當然打邊爐既野不用煎炒煮炸較容易處理侍應的服務態度大多都好但唯一美中不足是衛生問題！出去拎醬油時豉油碟不知為何極度油膩一拎上手成層油 教客人如何去將醬料加進碟中呢？不只醬油碟 連筷子 公筷 其他用具都油膩的希望貴店能夠及時改善 成為一間食物和衛生俱佳的店！…Read More

養心殿食物質素其實一直都好有保證, 食過好多間。不過今次真係好想寫一寫，都係嗰一句食物係ok嘅而且佢哋嘅牛肉同埋湯底真係值得一讚，特別氣養生鍋😋湯底味道夠濃厚而且料有足夠，真係超正。但稍嫌不足的就是服務效率，可能人手唔夠基本上要搵一個服務員來幫你加湯都唔係容易，落單亦有漏單的情況😂當然我明白人手不足係大問題。如果能夠多平一點人手我相信分數會加好多好多。另外值得一提的是，如果你希望幫襯呢一間養心殿，建議你先做好功課了解佢嘅位置😂因為位置一啲都唔容易搵就算你用google你都會發現可能會行幾個圈都搵唔到，因為門口係沒有門牌的，所以當你一路望住個google你明明好接近，但係你又好似永遠都搵唔到個門口，好似去咗結界咁。…Read More

雖然而家夏天天氣真係好熱，但無阻我食火鍋既癮，本身我同男友都係火鍋迷，但我地獨愛依間既麻辣鍋拼酸菜白肉鍋，仲有必叫既梅菜豬肉丸，真係食極唔厭！店員先送上湯底麻辣拼酸菜白肉鍋，雙拼鍋視乎湯底最高價錢而收費，剛好依兩個湯底同價亦會另外送多一份追加鴨血或酸菜白肉，男友知我好喜愛食鴨血，所以毫不猶豫揀左鴨血因為佢地依度既鴨血夠哂入味，咬落順滑嫩韌口感麻辣鍋中仲有蜂巢豆腐，吸哂湯汁非常入味，湯底愈滾愈濃郁，辣度亦都相對提升，好惹味！而酸菜味道比較甜，好軟淋，飲啖湯夠哂酸，白肉係薄切，用玫瑰露酒醃過，帶住陣陣酒香，湯鍋中仲有水晶寬粉，好足料我地至愛既梅菜豬肉丸叫左一份八粒，梅菜同手打豬肉真係絕配，味道帶梅菜香味同少許甜，口感爽彈，真係好食到停唔到口。韭菜餃叫左半份四粒，皮薄饀多，韮菜味十足，食完全個口都係滿滿韮菜香炸午餐肉先輕炸，灼一灼落湯就食得，塊塊厚切啖啖肉，非常有份量，食到炸左既香味，令午餐肉食落唔會太單調必叫關廟麵，灼一陣就食得，係台灣既拌麵條，食落爽滑彈牙，份量亦好多，食完已經飽到郁唔到最後都要食返少少菜清一清，叫左台灣水晶冰菜，熟左依然保持爽口清新另外叫左沖繩黑糖烏梅汁解下膩濟，夠哂濃郁，酸味更加解左一下飽肚感，全餐好滿足呀…Read More

呢間嘢有其他分店我都食過本身對佢印像都好好嘅情況每況愈下我覺得佢開太多分店開得太快而家太舊嘅鋪頭我都唔夠膽去因為真係好多塵但係啲嘢真係好污糟要自己出去裝豉油 醬汁嗰啲嘢啲豉油碟 唔係一兩隻唔乾淨喺幾棟嘅 豉油碟入面只有搵到幾隻唔油嘅你要記住係唔油唔係冇水好彩我係食完先去廁所一共有三格厠格三個都勁唔乾淨sorry我應該係要用污糟嚟形容你晏晝食係預咗好多嘢冇得食㗎喇係做完尋晚嗰輪淨返嘅剩餘物資台灣菜係冇曬㗎啦咁本地菜都算新鮮啲嘢食又平又抵又好味總結嚟講呢間 啲嘢係好食但係清潔洗碗做得唔好不過招呼又好好喎但係我絕對唔會再返去…Read More

聞名已久嘅樣心電，今日終於第一次去食。點左係鴛鴦鍋美人鍋加少少辣嘅麻辣鍋。 太餓既關係，先食左個台灣小食「鹽酥蚵仔」 $78，炸得香脆可口又美味 . 美人鍋入邊有半隻烏雞加大量嘅桃膠紅棗等等嘅中藥材，非常滋潤養顏，真係好適合女士。 麻辣鍋 辣得有後勁，而且鍋裏面嘅蜂巢豆腐同埋鴨血都非常鮮，好味。台式火鍋另一特色相信係手工自家製品，手工丸同埋手工餃值得特別一提，「手工黑松露蝦丸」 $48，入口彈牙爽口，好濃黑松露味！另外，一定要推介金錢肚，牛味重，口感相當好。…Read More

有朋自遠方來 作為東道主嘅我帶朋友行下旺角 女人街充滿香港特色 一定要去 行街都需要體力 我哋決定食咗嘢先養心殿位於女人街行人路側 八點半前離座 或九點半後入座 即可享有全單七折優惠裝修古色古香 有獨立屏障 間住枱與枱之間 有 足夠既獨立嘅空間揀咗鴛鴦湯底 一邊係美人鍋 另一邊係麻辣鍋 鴛鴦湯底唔需要另外加錢 以較高嗰款湯底價錢為收費 麻辣湯底入面已經有鴨血 還可以額外追加美人鍋湯底入面有半隻烏雞 有藥材，桃膠…… 翻滾之後馬上飲返碗湯 即刻覺得好養生 又養顏五餐肉係厚切形式呈現 仲要炸過添 非常香口 打邊爐我最鍾意食午餐肉極上雪花肥牛 牛肉脂肪比例平均 半肥瘦的 有肉味 而且肉質淋滑芝士鮮牛丸 用新鮮牛肉打製而成 口感相當彈牙 牛肉味重 咬開中間有流心芝士效果鵝肝墨魚丸 上面有大量蟹子造型相當漂亮 墨魚丸鮮甜 中間有鵝肝餡料蔬菜盤內有各種時令蔬菜 全部清洗得乾淨而且新鮮 個粟米好甜呢度仲有酒類提供 大大杯hoegaarden先70蚊咋 好抵飲整體食物質素新鮮 款式又多 有部分食材仲係來自台灣 價錢合理 想抵食嘅話記得係指定時間內光顧 全單可享有折扣優惠…Read More

行街見到養心殿派單張話7折優惠即刻去食叫左雙拼麻辣鍋X美人鍋 $188湯底內已經附有大量食材麻辣鍋有蜂巢豆腐、鴨血美人湯有半隻烏雞、桃膠兩款湯底都係非常足料味道越煲越濃最中意美人湯，一滾起可以先飲一晚湯好清甜👍🏼上FB簽到打卡仲每人送一杯飲品幾好喎手切牛肉 細 $238不是冰鮮牛肉果然肉味較濃郁油花分佈平均半分芝士牛肉丸 $48內裡係流心芝士外間打邊爐比較少見鮮甜三蔬 $68有齊粟米、山藥、秋葵三種蔬菜都係我既最愛鮮蝦滑 $88上面鋪了滿滿既三文魚籽份量亦有很多食極都有一點都不腥紫淮山麵 $38第一次食呢種麵煮一分鐘左右已經可以食 好快熟味道沒什麼淮山味，容易入口7折之後人均$200幾性價比極高👍🏼👍🏼…Read More

食過好幾間台式火鍋店,發現自己最喜愛嘅都係養心殿今日咁岩係旺角,親愛的話好想去食辣野, 於是就去咗旺角新開嘅養心殿,位置喺女人街裏面都算易搵!我哋每次去必點麻辣鍋同埋美人鍋,麻辣鍋我哋都係叫小辣,親愛的反而好鍾意美人鍋, 烏雞好好食,我就最鍾意麻辣鍋嘅鴨血同埋豆腐! 我哋今次order了水餃,必點嘅午餐肉,仲有台式寬粉條, 非常煙韌, 放入麻辣湯, 夠掛湯,每啖都好似刺激, 今次我哋仲點了冰菜，冰菜台灣新鮮運到嘅,口感夠特別,我哋好鍾意食萵筍, 放入麻辣湯，半爽半淋最好食! 水餃亦是值得推介,每隻水餃都餡料充足, 十分結實整體來講,養心殿食材用料非常新鮮,食物賣相和定價都可以接受! 而且服務10分不錯! …Read More

雖然已經踏入夏天，但都無阻我地打邊爐嘅決心😂 呢間我地已經食過好多次，因為佢分店夠多夠方便，而且又唔算好貴，最重要係好食！今次都係叫鴛鴦湯底，酸菜白肉加麻辣鍋（$128）。湯底本身已經好濃郁而且好多料，例如酸菜、花腩肉、QQ寬條麵、鴨血、凍豆腐等，香料同藥材味好出，如果你仲嫌唔夠重口味，可以再去自助醬料區溝醬。火鍋配料方面，選擇真係好多！仲有飛機直送嘅配料，例如台灣獨有嘅翠絲水蓮、珍珠荀、A菜同水晶冰菜，朋友第一次食水蓮就愛上，爽脆新鮮！肥牛基本係打邊爐必備，呢隻手切肥牛肉（細份$238），油花分布均勻，口感嫩滑牛味十足。另外值得一提嘅係餃子拼盤（$118，有6款共12粒）。粒粒飽滿，皮薄餡靚。仲有響鈴，炸到金黃色又脆卜卜，浸一浸湯底已經吸滿湯汁，正呀！其他配料唔一一介紹啦，絕對合格有餘，值得一試😆…Read More

平時去旺角打邊爐 好少去女人街個邊 不過知道開左養心殿 估佢冇咁多人 唔駛等位 就去試一試 去到就有位👍🏼👍🏼養心殿打邊爐，當然要試下美人鍋。咁岩媽咪想依酸菜，一於叫個雙併，美人酸菜白肉試晒佢. 個湯底一到，即刻飲湯🤣🤣 養心殿指定動作！湯好好味，又足料，其實酸菜湯夏天飲仲開胃😋另一個養心殿指定動作就係叫即炸響鈴！一上到枱就已經好香，大大件，放落湯3秒就一定要食，超正的！另外我地叫左黑毛豬腩肉，好濃豬肉味，又大件，好好味！其他火鍋料都好新鮮超正！吃到最後唔夠飽，仲叫左鹵牛腩，厚身鹵水味夠，真心正！最後仲送每人一份雪糕🍦…Read More

朋友知道養心殿在旺角女人街有新分店，剛巧下大雨又在附近所以上去。威達大厦搭升降機上三楼，打開門就見到養心殿門囗，旁邊有間唱k房，多人可包房—路食養生鍋一路唱k。店內非常大，枱與枱有很大空間感，坐得舒服，按入座時間有不同折扣。朋友喜歡麻辣，所以點了鴛鴦鍋麻辣拼養生鍋。養生鍋內有名贵藥材，人參，火腿，老雞。沸起後立即飲番兩三碗，湯底香濃參味夠晒養生。跟住吃麻辣鍋內有無限指天椒和香料，湯底唔㑹死辣。鴨血Q彈配麻辣是最正，千層荳腐吸晒湯精華好野味。極上雪花肥牛。夠質感有牛味油脂分佈均匀，入口即溶。炸午餐肉，蟹棒。台式麻辣火鍋必備。響鈴薄身爽脆，好有豆味。淥落湯底吸收精華。台湾水晶冰菜，淥一淥食得，淸甜可口。台式鹽酥雞，外皮鹹脆香囗，雞肉鲜嫩。最後加多—個稻庭烏冬，吸收所有精華，完美句号。…Read More

上次和朋友吃養心殿時是朋友的生日，今次是朋友簡單聚會，想吃得健康一點，便再來光顧養心殿。環境不用多說，木製的隔門，裝修好有古色古香。兩個人食/四個人食，都係好夠位，環境闊落衛生！重點係打邊爐既湯頭上，我地叫左麻辣鍋同美人鍋，麻辣鍋有得叫三種辣度，我地想食辣味之餘又唔想太重口味，就叫左小辣，呢種辣唔會過辣，但又食到辣味，令到材料都有入到味，唔會好重口味。另外，美人鍋有烏雞，超滑，建議落其他野食之前可以飲下佢個湯，好補，又清甜。再黎有附送鴨血，唔腥，而且份量足！再黎我地叫左雪花肥牛，佢望落雪花好靚，食落同普通肥牛係有分別！好滑好香，好有牛味！我地叫左蝦丸同魚籽墨魚滑，好爽口彈牙，唯一不足之處係佢地俾少左個匙更我地，要我地問佢拎。最後我地怕唔夠飽，叫左個粉，好滑，索左美人鍋個湯係一流。美中不足只係佢比較幼，我個人就比較鐘意食粗身少少。最後影一影叫左既其他相，有金菇、蝦丸等等，味道都不錯！而我地冇叫野飲，飲佢個茶都幾好，可以消濟！…Read More

上個月同朋友傾開打邊爐，她知我喜歡這間店，由於7點前埋單有折（待應話飛機菜小黎，所以無折），當然茶芥海鮮也沒折。為了方便關係，就用Openrice訂座了。由於早到關係，上左去門口出邊座，有位年長女仕見到，就叫畢如入去飲住茶等朋友。由於呢到算隔涉又唔係開左好耐關係，除左我地， 完全係無人的。直到接近5點先開始有客人黎食。到走時開始有D人入。服務唔差的，尤其俾位我地入去那位。最後4人折後只需$609元，人均消費$152。2（5折時段只收現金）總結：食左9款食品，加埋湯底材料勁飽。食物質素普遍不錯。最愛個湯底 。半價食絕對超值，正價就有D貴了。。醬料係入門口位置附近 乾淨企理今日的食物,湯底要了薑母鴨鍋(有凍豆腐加豆皮）加寧神養心鍋有魚加雞。 2個鍋比較喜歡寧神那個多d ,薑母那個略嫌太濃味.寧神那個湯勁飲，加左好多次湯😁😁鴨血$48 ，無腥味，又滑的， 好食過豬紅厚脂黑毛豬梅花肉$168,食唔出同平日豬肉片有乜分別，唔算特別鮮甜嘉美農場雞肉$108，好薄切，有雞味 ，份量適中。魚皮餃$36（半份）加鵝肝墨魚丸$48（半份），魚皮餃大隻肉多，又無乜味精味，不錯。墨魚丸太硬實，鵝肝味唔覺有，唔好食雜棉蔬菜盤$68，有生菜，沙律菜，冬菇，金菇，粟米，菜洗得乾淨，菇菇新鮮。鮮甜三蔬$68，只吃粟米，粟米算甜，盤底仲有幾件，算抵食。野生竹笙$88 ，煲耐d 吸晒湯精華，美味…Read More