餃腩店 (Closed)

是抵吃的平民美食呢! 我選擇了要自由配搭粉麵組合。首先, 可以選擇湯底, 分別有蟲草花懷舊藥材湯、新鮮蕃茄濃湯、馬來西亞咖喱湯供選擇。而我則選擇了蟲草花藥材湯, 感覺很健康和養生。配料方面, 我選擇了要牛脷和牛筋, 麵底要了幼麵。另外再加了一碟油菜。生菜上面有幾粒杞子, 生菜鮮甜爽口, 杞子甜甜的, 為菜增添了一些甜味。自己配搭的麵 - 很欣賞這裏的牛筋, 牛筋炆得非常淋滑, 帶點粘口的口感。牛筋還有豐富的骨膠原, 是女士們的補品呢! 牛脷份量多, 質感亦很淋滑, 夠軟熟。湯底味道鮮甜, 吃完沒有口渴的感覺。招牌鮑魚牛腩蝦子撈麵 - 鮑魚的size比我想像中大，蝦子撈麵有微彈牙兼爽口的質感。…Read More

一個人在旺角，最適合是吃簡單的粉麵晚餐，經過這間餃腩店，見到人氣不錯，餃和腩也是我喜歡吃的東西，就一次過滿足兩個願望吧。牛腩湯河$58 (+$8轉藥材湯)牛腩細緻之中有一定咬口，有牛香，還有牛筋及蘿蔔各兩件，牛筋爽口，蘿蔔清甜無渣，湯底清清的不油膩，有藥材的甘甜味道，還有一些蟲草花，健康之選，而河粉也很滑溜。韮菜煎餃六隻$36輕輕煎過，未算煎得太脆，韮菜味鮮香，肉也新鮮，不用太多調味已好吃，但是比較油，油少一點就更好。…Read More

物貴人賤，滯脹年代人工凍結但物價飛升，一宿三餐差啲攪唔掂。好在老天爺暫未斷我生路，覓得餃腩店，整個豐富平價下午茶也不花多少，賤命得以久存。這裡的下午茶又主食又小食又有飲品也不過幾十蚊，而今時今日，飲杯乜乜黑糖珍奶也幾十，連大陸乜茶來到腥港亦高貴不少，更成為打卡潮物， 實在摸不著頭腦。都是幾十蚊餃腩店最實際。餃子煎得十分透，十分香脆， 餡料塞得滿滿， 多菜少肉，入口爆汁，不錯！牛肚亦煮得軟淋入味，清清地合下午茶的輕食原則。 醉雞翼同炸鯪魚球亦各自精彩，沒有因為是配角而做得馬馬虎虎。好，餃腩店！…Read More

lunch揾食發現左呢間有齊我喜愛嘅食物嘅地方，清湯腩同靚餃子。餃子有好多款式架，仲有湯底揀，個人認為湯的比煎的好味，餃子好大隻，可揀6隻或9隻。招牌牛腩河睇落唔大碗，但次次食都好飽，夠哂牛腩送麵，唔會得幾舊，跟湯嘅白蘿蔔仲好淋好甜，最重要係個湯底，真係做到清甜。成日想試貴啲嘅緣份牛腩，但中午時間多數都無，遲下要試埋佢。至於餃和腩以外的食品的確差少少，有改善空間。已經返左去幾次食餃腩喇，價錢都好合理，希望繼續keep 住個水準啦！…Read More

今晚接媽媽下班，想慰勞媽媽，難得媽媽工作附近地方有這出名食牛的麵店，於是就和媽媽去試試。店家環境很寬敞，裝修企理、骨子！因為媽媽一袋二袋，一進店，職員已經安掛較寬敞的位置給我們，實在太高興，可以坐得舒服點。媽媽對藥膳湯底很有興趣，於是點了牛三寶藥膳幼麵，媽媽表示藥底很足料，見她連湯麵喝了，是相當不錯吧！腩汁蘿蔔很入味又軟身！媽媽幾乎全吃了！另外，醉雞也很夠味，連杞子也很飽滿的，連配菜都不錯。我的蕃茄鯪魚球米粉也十分足料，滿滿的蕃茄，而鯪魚球也是十分彈牙！正呀！…Read More

Weekend lunch 想食清啲咁岩行過呢間就試下，兩個人唔洗等位。叫左一個蕃茄牛肉米線,蕃茄湯好鮮甜，又多蕃茄，食落無味精，好警喜。餐仲跟兩隻醉雞翼(雪得耐左有啲硬)同一杯野飲。另外再叫左九隻湯餃，味道都幾好，好有住家味。兩個人食都唔洗一百蚊，健康得黎又好味，下次值得再試。…Read More

今天下班特别冷，本来想去打边炉，后来想到周六定了一家，算了今天吃点饺子吧，毕竟是新年第一天，吃饱吃好，饺子点的煎花椰菜饺子，味道还可以，三重芝士炸鸡，味道也还可以，清汤牛腩我不吃，朋友吃的还可以…Read More

本身這條街全是食店，都不知選哪間午餐，見到餃腩店個名好頂癮，欣賞它的名字夠創意就試試。試了一個招牌鮑魚牛腩蝦子撈伊麵，鮑魚有兩隻半隻掌心之大，都不太韌，爽口彈牙又入味，這個價錢算超值，而牛腩真是很軟腍，一絲絲溶入口中，牛腩的味道濃郁。蝦子份量一般，勝在蝦味重。另一招牌就是餃子，點了六隻韮菜煎餃，韮菜很搶味，但豬肉汁後勁強烈，餃子皮亦煎得香脆，吃完口腔仍殘留著強勁的餃子味道。五菊銀花淡淡的菊花香，是清淡解膩的消暑花茶。牛腩和餃子果然是招牌菜，很滿足的一頓，食完什麼都餃腩店！…Read More

約左朋友去旺角食個飯 今次平平地食簡單d。朋友介紹食呢間 “餃腩店” 一開始未get到係食咩既， 之後睇番個店名發現都好明顯係主打餃子同牛腩😂😂一入鋪頭 店面唔大 但比一般牛腩粉麵鋪乾淨企理 同埋都坐得舒服～見到佢一人餐 $60蚊有小食有野飲 真心抵食，就決定同朋友一人一個餐。 其實仲有其他二人餐 四人餐， 不過份量就多d ..第一次黎試個清湯腩河先 ，雖然餐牌上其他粉麵飯麵好吸引。D野食黎得好快。成碗牛腩河份量好足 ,牛腩好淋 唔韌, 蘿白甜 冇渣好好食。小食我叫左雞粒， 朋友叫左娃娃菜雞粒襯熱食都唔錯, 娃娃菜都好食..二選一的話 我揀娃娃菜…Read More

呢排過節日，食左好多西餐同放題，就轉一轉口味，食下啲傳統野。呢間餃腩店，係我同朋友行過旺角發現，環境都幾簡潔，放上數張枱，然後便是菜單了，沒有花巧的裝飾，幾舒服。我點了個招牌清湯腩飯配油菜，清湯腩燜的時間恰當，很鬆化，而且肉質鮮嫩，再配上旁邊的白蘿蔔，簡直絕配。朋友則點了牛腩蝦子撈粗麵，他同樣表示肉質鮮美出色，至於蝦子味亦都幾濃味，再加上飽肚的撈麵，食完都幾飽。最後點了個網上推介的馬蹄香菜湯餃，馬蹄爽口，香菜味濃郁，兩者混口，有多層次的味覺配合。埋單大約$200，都幾化算。…Read More

本人係牛既忠實fans，知道旺角有間鋪專食牛腩同餃子，點可以唔黎試下！餐廳提供唔同部位既牛腩，仲有啲係限量供應！門口已經痴哂餐牌，方便客人等位時可以揀定食物，有分別提供午餐，下午菜同一人餐。餐廳係L字形，檯與檯之間既空間足夠，唔似普通粉麵店咁濟逼。先試小食。涼拌青瓜($24)，首先要讚既係好夠凍，因為好多餐廳都整得唔夠凍就唔係涼拌:(呢度食落係有透心涼既感覺！好香蒜味，但又唔會蓋過青瓜特有既草青味！緣份牛坑腩蝦子撈粗 ($66)，好大份，牛坑腩有六至七舊，每舊都份量十足！撈麵加上蝦子多添一份鮮味。豉油份量適中唔會過鹹，牛腩超濃牛味好鬆化，而且每舊都帶有小小肥膏，一咬落口油脂散發出黎，如入仙景既感覺牛肚米粉配養生藥材湯 湯底十分濃好香藥材味仲好甜！而且一啲都唔油，飲得出係真材實料牛肚都好腍！叫粉麵可以加$11配油菜，睇得出店鋪好有心思，生菜配上杞子，仲有淡淡清湯味，絕唔係一般既清水烚菜。餐廳仲做緊一週年優惠，可以免費送芝士餃子，岩哂我呢個芝士狂迷，約左朋友下次要陪我再食埋單$200都唔洗，性價比高！旺角食飯又多個選擇！…Read More

係旺角等睇戲，諗住搵間餐廳快食，又唔想食米線，腦海裏突然間諗起呢間有牛腩/筋/丸/脷/肚等牛部位食，有D特式腩位係限時供應，賣晒就無，稱之為"緣份牛腩"，今晚與佢緣慳一面..........仲有一人套餐，相當抵食亦有咖喱類及客式小食既然係咁，好在仲有餃子類，就主打餃子啦椰菜豬肉餃 ($45/9隻)，加配清湯粉麵$8，餃子隻隻飽滿，湯底味道唔錯!咬落有椰菜嘅爽口感，又有豬肉嘅綿滑，啖啖滋味!食餃子又點可以少左辣醬，呢度提供3款辣醬/辣油，仲可以加埋醋試左其中一款辣醬，相當辣度，但辣得黎係好惹味，同餃子真係絶配!今次黎發現有新成員加入，就係泡菜豬肉餃  ($45/9隻)，轉新鮮蕃茄濃湯加$8湯底幾有蕃茄味，再有幾舊蕃茄係面可以食埋，仲有D薑絲係度，又多一份香味!餡料除左有泡菜外，仲見到有粉絲，食到泡菜微辣味，估唔到用黎包餃子都OK喎!小食叫呢客鮮炸鯪魚球 ($38/5粒)，粒粒炸至金黃色，漲卜卜，香味四飄!入口熱辣辣唔油膩，魚肉幾彈牙及食唔到細骨，加埋蜆芥就仲多一份咸香!一份小食又點夠喉?!  叫多份麻辣牛肚拼黑栢葉 ($38)，因唔太清楚辣度有幾多，問左侍應可以叫小辣，咁就要小辣啦!  (其實只係加少D麻辣醬上面)一客份量以價錢黎講都幾多，仲要係講緊雙拼喎!  黑栢葉食落爽脆，切成小塊易入口!牛肚就夠腍，唔會似食緊香口膠咁!無加一，呢餐飲埋杯凍檸茶同汽水加埋碟油菜都係二百零蚊，已經食到飽到一個點，希望下次能夠食到緣份牛腩啦!…Read More

星期六又走到旺角，辦完一大輪銀行鎖事，時已近3，和友人會合去食個lunch。來到了餃腩店食碗牛腩河。但坐低見到餐牌的招牌清湯腩飯，太吸引，所以改點牛腩飯！還可以套餐價配油菜，十分抵食！ 朋友就點了番茄牛腩飯。再點了個韭菜煎餃和飲品。送餐頗快，牛腩一陣就上枱。餃子煎得金黃，外皮焦脆，入面韭菜爆滿又多汁。點少少醋，就已經好好食。跟餐的菠菜清甜而份量很多，因為走了油，食得更健康。主角清湯腩，湯頭真的很清，但清得來帶鮮甜，無筋的蘿蔔應是居功不少。 蘿蔔煮得好稔，無筋，好甜好好食。牛腩肥瘦適中，似是坑腩位，連著少少脂肪，所以入口牛味濃且帶牛脂香。那砵白飯是不可或缺的，飯粒粒分明，淋上一口牛腩湯，再吃一件牛腩，著實撫慰了我飢餓的胃。 朋友的番茄牛腩份量比我的更多，番味濃郁，她忙著食得不亦樂乎，也不顧我叫她試試我的清湯了。 食飽點了個羅漢果茶和檸檬薏米水。羅漢果自家製，無糖易入口，也是健康非常。簡簡單單的牛腩飯，食得飽飽一百蚊都唔使，著實好抵！！…Read More

空間好大，坐得好舒服，兩個人黎食都可以自成一角咁傾下計。叫左兩款唔同嘅煎餃，一種係韭菜豬肉，另一種係黑松露鮮蝦。鍾意黑松露嘅我，一食落口已經充滿黑松露嘅味道，咬開見到個餡佈滿晒黑松露真係勁開心，除此之外，仲有個蝦都非常爽口，十分推介呢個。韭菜餃我都好鍾意，個皮除左薄仲煎到好香，我一個人食哂六隻。仲有呢個蕃茄汁龍脷柳飯，蕃茄汁夠濃，個龍脷柳又大塊，撈飯食真係一流。馬蹄香芹菜豬肉餃，馬蹄超爽，湯底清得黎又甜由餡料到湯定煎都花多眼亂，最後為有叫店員介紹。仲眼見好多人都好似我咁諗唔到點咩好，最後都係店員出動，雖然係咁，但係店員都好有耐性推介。雖然招牌推介係牛腩，但因為我唔食牛，所以就揀下其他野啦，見到呢個蕃茄汁，好想試，不過全部都係牛，正想放棄之際，見到最底有個龍脷柳，即刻忍唔住叫左。…Read More

旺角係逛街購物集中地，今晚買完東西，行甘攰又是尋找好野食時間！新寶戲院附近有間快餐小店［餃腩店］！D餸好快上，分別叫左牛筋虾子捞粗面$50 睇下個牛筋好粗身，而且肯定重骨膠原，蝦籽灑在粗麵之上，味道還不錯！牛坑腩河粉$65個侍應哥哥同我講，得反最後一碗牛坑腩，心諗甘快買剩一碗，我自然食真啲，個湯味道不濃，蘿蔔好多，有埋牛筋同牛坑腩，牛坑腩肥厚適中，好香牛肉味！马蹄香菜煎饺（6隻）$36價錢划算煎到好香脆！煎鱼饼（三件）$28 呢個暫時食不到有什麼特別！總括：牛坑腩可一試！…Read More