餃子妹上海雲吞麵

Open Now

Now Closed

餃子好味預料之中， 又細食到大從來冇失望過，只係個胃唔夠大， 招牌墨魚餅都唔令我失望 當墨魚餅拎到上枱嘅時候太陽蛋仲係好靚， 呢間舖除咗墨魚餅之外，豬扒菜飯都好好味 餃子最出色就係酸辣湯嘅餃子 ，今次我朋友叫咗 酸辣豬扒麵， 鍾意食酸辣嘅我覺得湯底唔夠酸但係正正豬扒大大份， 飯餐仲送超大1杯豆漿又香又滑， 性價比好高， 不過就這舖座位有啲迫。

來到美孚 一定要試餃子妹 ，最喜歡這裏的墨魚餅菜飯，又彈牙莱飯好熱， 另外我叫咗一碗酸辣水餃 酸辣湯有好多豬紅 ， 味道好好 再叫咗6只煎餃子 ， 佢仲有個招牌紅燒腩肉裏面有一隻 鹵水蛋，滿足喇

差，漏單，左催右催哩間鋪其實已經很久沒幫襯了，今日過來食咗個常餐，面一早已經到，雞翼同飲子催了幾次等了20分鐘先到以致面凉掉，位置窄仲要搭台，真係不會再幫襯了。

雖然美孚都算係香港其中一個美食沙漠區，但好彩都有間「餃子妹上海雲吞麵」可以搵到啲素食。🤩餐牌上有一頁「素食類」，有湯餃，碟頭飯，甚至炒年糕都有。菜式唔係話好吸引，都係比較家常啲普通食物。我同太太試咗：🥟 上湯素菜餃 $46我問老闆娘係咪素湯，佢話素餃湯係冇肉嘅。餡料有粟米，紅蘿蔔，冬菇，椰菜，已經調咗味，我覺得食落有啲咸，我會寧願佢清淡啲等我自己落調味料。🙂🐤上海素雞麵 $48其實嚟呢度食之前真漢子太太叫過 Foodpanda 食過，果次食到嘅素雞係正常素雞樣，但呢次食到嘅基本上係豆腐樣，可能換咗第二隻牌子。所以味道唔使介紹啦，就係豆腐咁味，不過有塊啡色外皮賣相比較靚仔。😘🫛 雪菜毛豆麵 $54雪菜毛豆有啲芡汁，加埋麵食幾好味，我哋都覺得呢款係三款之中最好食。😋啲麵嘅麵質非常普通，講唔上好食，但份量好多。食完先留意到麵可以轉粗麵，米線，米粉，粉絲，河粉，轉出前一丁都只係加 $2。如果再嚟食可能會試下粗麵，睇下會唔會好食啲。🤨以上三款都可以加 $5 要豆漿或 $6 飲咖啡奶茶，價錢非常經濟抵食，難怪非常多街坊熟客捧場。❤️💚

近美孚站方便收工黎食早餐份量合理炸豬排同雞翅都好新鮮 調味適中米粉唔夠味道有蒜蓉辣醬調味雪菜份量足夠 味道正宗態度都唔錯 落單好迅速上食速度都很快好適合趕時間嘅香港人

簡單吃過幾家上海餐廳這次點了 凍豆漿 雪菜肉絲麵 煎餃 墨魚餅飯凍豆漿是最像上海的餐廳的 超級推薦⭐️⭐️⭐️⭐️⭐️雪菜肉絲麵 雪菜本身就是鹹菜，湯底應該要淡些，但是略咸了一些，所以除了這點其他都很像上海的雪菜肉絲麵⭐️⭐️⭐️⭐️煎餃 韭菜肉餡超好吃 破了兩個 總體很不錯 像我媽媽煎的 ⭐️⭐️⭐️⭐️⭐️墨魚餅飯 菜飯底沒有鹹味 墨魚餅麵粉太多沒墨魚味道 煎蛋賣相好 partner食嘅 總體覺得不夠好吃不推薦啦看到兩個小🪳在卡座旁邊的板上爬 店員姊姊幫忙打了謝謝🙏 還是很驚訝這個小店的味道夠還原上海菜

一個星期前叫同一樣的下午茶餐問清楚鴛鴦餃是否可加酸辣湯底，店員回覆是可以加7元便可，最後叫了鴛鴦餃加酸辣湯底凍檸茶$50，一個星期後同樣鴛鴦餃加酸辣湯底凍檸茶，一直都沒有給單，當差不多食完姐姐才給單一看單價為$59，跟著就問店員姐姐為何不是下午茶餐42+7元（ 酸辣湯底 ）+1元凍飲=$50，她只是說沒有做這個價喎！沒有做餐！所以如果大家要去這一間食要問清楚價錢才下單！

落雨咁啱經過呢間上海菜餐廳，餐廳有街坊小店嘅感覺，所以試試。店舖座位唔多，而且座位位置間偏窄，唔會坐好耐嘅感覺。因為冇idea 食咩好，所以都係選擇咗招牌菜式，感覺上會穩陣啲。叫咗個招牌墨魚餅菜飯估唔到份量好大，如果胃口細嘅記得叫少飯廢是浪費食物🙌🏻好耐冇食太陽蛋嘅我，見到太陽蛋好開心。其實太陽蛋加甜豉油加菜飯已經好好味。至於墨魚餅煎得香脆，但有少少油，不過可以接受。整體嚟講，食物一般，但幾有街坊人情味嘅感覺，如果唔想食連鎖店嘅食物都可以嚟呢度試試。

油豆腐淋身多汁有味道，配合滑溜粉絲同足料湯底，真是一流。配菜係肉絲，冬菇同紹菜，煮咗再放上面充滿好香嘅冬菇味，能夠完全提升到口感。女士嘅份量啱啱好。唔夠食嘅話可以加錢叫凍/熱豆漿同滷水蛋，煎餃等小食㗎。

先講回鍋肉，你明顯食得出一碟肉入面會分為兩種，一種係罐頭回鍋肉入面既湯渣肉，肉質硬過我條命，一種係佢自己加既肉，一般啦，但一間上海菜，回鍋肉都係靠罐頭可想而知幾失敗，獅子頭超多粉，唯一餃子係可以入到口。

今日同先生去咗食呢間舖頭我哋叫咗一碗糖醋排骨酸辣米線一碗上海擔擔麵 同六粒煎餃 +2杯豆漿 成為$148 先講糖醋排骨酸辣米線一般般啦 未至於難食但係一啲都唔好食😅而且要$56 一啲都唔值呢個價另外先生食咗碗上海擔擔麵 $44其實就係落咗好多花生碎既湯面 同正宗既擔擔面差十萬九千里 唔香 唔濃 個湯底 🤮一啲花生味都無 煎餃 好一般 係大粒既 $38但唔熱 一早整好曬 唔係即叫即煎 而且又油 凍豆漿 每杯加$5 但一啲都唔凍 係室溫豆漿 可一不可再🤮🤮🤮🤮🤮

呢間喺美孚地鐵站隔離嘅上海雲吞麵最出名一定係佢哋嘅餃子🥟無論係煎餃定係湯餃都非常之好食😋上次就食咗佢哋嘅韭菜餃 每一隻餃子都皮薄餡靚 食完六隻淨湯餃 唔洗要麵底都一定夠飽🤩

估唔到喺美孚地鐵站附近竟然有一間正宗嘅上海雲吞麵可以食不過呢度最出名嘅係佢哋個墨魚餅上海菜飯！墨魚餅真係相當之爽口彈牙 仲好有鮮味 再加埋佢地嘅流心太陽蛋 相當豐富 個菜飯底都好香😋

介紹過佢地好多野食試埋佢嘅米線同上海招牌菜三絲✨.📌上海三絲湯麵 $41米線都爽口唔會太淋😌三絲有旺菜, 冬菇絲同肉絲🥬🍄🐷旺菜淋甜 肉絲都滑🥰不過原來唔分湯嘅餸 係用細兜裝…餸有啲少 底全部都係麵 有啲dry🥺$40唔太抵食 會寧願食樓上嘅三哥🙈

📌菜遠排骨飯 $58之前食炒河份量超多(可以睇番之前嘅食評)不過可能而家物價貴 菜真係縮晒水😩所以呢個價錢真係幾貴🥲佢啲排骨有少少雪藏味 感覺唔太新鮮🤏🏻不過幾鍾意佢肥瘦適中 唔會話太鞋 同埋有好多軟骨 好好咬🥰個菜幾鮮甜 唔會炒得好老🤤.📌熱杏仁霜除左甜品店食過杏仁茶燉奶 都未試過喺街飲🤣聞落幾香 不過飲落只係帶好淡嘅杏仁味 奶味相對更濃🥛冬天飲都幾舒服😌