Yum Cha (Closed)

之前半價已經食過一次，同樣覺得外表精緻，食落都合格。見到有放題單張，就book左10月黎試下！一坐低見到點心紙唔同左，而家已無得任食蝦餃同鴿吞鳳梨(鳳梨酥), 係其中2個上次食過想encore既，未食已感失望！但就多左d飯麵，呢d你俾100 我揀又食得幾多丫！叫左22款點心，小菜等，出名既正野一件頭上d肉鬆已變肉餅，紅都面埋入面係豆沙mochi, 好味但個包蒸太耐，個皮又厚又硬。 椒鹽豆腐無咩味唔洗叫。黃金四季豆即係鹹蛋黃，老公like, 我覺得鹹左d; 豬手都好味；焦糖魚丁唔覺有焦糖味，係松子魚，魚夠滑；水煮魚得3-4件魚但等好耐，略嫌唔夠辣但係好滑好味既！最有驚喜係透明波波同黑椒牛酥。波波係豐富黑松露加d紅蘿蔔等既餃，牛酥既黑色應該係竹炭，因為唔係黑芝麻，外皮好鬆化，好新鮮整起，入面d牛有d似咖喱既黑椒味，好香！燒賣，蝦/叉腸粉，春卷，雲吞，擔擔麵，飯都普通，同稻香/彩福差唔多。生菜吞鴨味道可以，但有大量西芹紅蘿蔔混埋，俾你用生菜包，唔食西芹慎點！總結： 放題限時90mins, 要另俾茶錢加一。有分$150 少d野揀，加$40 多好多野揀 (9月時既$150 已經好多選擇，而家少左), 加上無左蝦餃同鳳梨酥，好難食回本，正價更唔會黎食，推介有折(半價) 至好黎食下！放題唔抵食！…Read More

點心造型可愛，影相打卡一流，不過食落認真普通！！所以我建議，大家可以先衡量下係約左乜人食飯先book枱，如果係約左「影相為主、食物其次」嘅朋友，yum cha係適合嘅，不過一早想打卡嘅朋友都應該早前已食過。基本上全部嘅食後感都只係中規中矩，入口唔特別juicy，包仔啲皮偏厚唔夠鬆軟，食完甚至乎無咩印象，食過一粒都停左手😂，其他拎走。Yum cha比傳統點心價格為高少少，可能因為係視覺上嘅設計啦～…Read More

今天來到位於銅鑼灣時代廣場對面的精品點心餐廳，百分百香港製造的YUMCHA! 原來之前一直都是散叫的，在九月頭推出了任點任食套餐，都只是每人$198! 這個優惠雖然是做到10月，但因為朋友都是點心的愛好者，所以今次就試吓這一個點心放題。可以選擇的由涼菜、點心到小炒也有，茶和飲品也是任飲。選擇都很多，主要推介的有幾款，涼菜的沙姜雞淡淡充滿着沙姜的香味，另外橙棍冬瓜味道酸酸甜甜，都幾清新。而點心方面，當然是店內招牌的蒸包，睇住流奶！一咬入口，滿滿的流沙奶黃餡湧出來，香甜非常。另外還有的就是用上OMNI PORK的素食叉燒酥。香脆可口，而且點心的質素也是即叫即做，感覺也不像放題。小炒方面，有炒飯和小菜。每款也是半份，所以份量也十分容易計算到，多人食可以叫多幾款。加上十分有格調的裝修，可以一路食好一點，一路感受一下香港飲茶的文化。…Read More

🦁幾個月前去過一間過氣熱門食店，以得意可愛的點心作招徠。雖然點心未有特別驚喜，不過部分小菜餐點仍有可取之處，今日記起特地再來一個😌😋▪️▫️上一次去尖沙咀店，裝潢用上更多粉紅及金屬裝飾，感覺比較浪漫雅緻。銅鑼灣就位於時代廣場對面，地理位置及自然光線都更方便理想，以鮮豔奪目的大幅牆畫做主題，玩味感更重。食物的味道心思亦較鮮明，更令人陶醉。🥢 睇住流奶 HKD49奶皇味比尖沙咀店更香濃幼滑，夾帶椰香的層次感亦相對出色，加上充足的鬆軟度，向來以外表取勝的精緻點心竟沒有令我失望，更為以後的菜色加上相當信心。🥢 扑扑蠔餅 HKD89因為用蛋漿代替麵粉，在油炸過程不會因為吸收油份引致普遍蠔餅所有的飽膩，在口感及味道上更新鮮而富親和力。加上柴魚片營造出海洋風味，菜色更細緻奪目。🥢 沙薑蔥雞 HKD69黃薑粉及蔥蒜的比例配合的非常好，辛甜而惹味，雞批肉亦特意製作得更細軟，以新派點心來講算得上高水準一作。🥢 有色蝦餃 HKD55外型吸晴，閃閃生輝。大大粒在端上桌時就已經有著主角光環。尤其粉金色的塗漆會與環境光線輝映出更動人別緻的漸變色，打卡拍照一流，實物更漂亮。🥢 龍皇泡飯 HKD109鮮茄湯令滿懷累贅的海皇羹生色不小，借用酸甜美味與秋葵的爽實口感配搭出美味一致又清新脫俗的懷舊菜。🥢蒜蓉炒蟶子 HKD168性價比高接近三人份量。以裝潢為吸引力的食店而言味道絕對超班，香口鮮嫩，傳菜員特地快手上菜令我們把握到最美妙的用餐時間，值得點名一讚。…Read More

今年的中秋沒與家人做節，只簡單的吃頓晚飯就好。以得意點心主打的YUM CHA， 其高顏值和高質素一直很得我心， 而這次跟母親前往， 也是意外地獲得她的高度評價。雖然是中秋正日， 卻意外地接受我這walk-in客人， 事實上近日銅鑼灣顯得冷清得多， 而YUM CHA絕大部分都是遊客， 本地的客人是少之又少。 光顧過飲茶尖沙咀店、 旺角店和中環店， 這家環境可媲美開揚貴氣的中環店， 中西合璧的店風時代感強， 貫徹了飲茶新派點心店的風格， 而且不同廳房之間設計也有差異， 在環境佈局上很有心思。而我倆選的吧桌前食桌， 感覺更是前慧、型格。選餐採自助形式，掀開點心紙， 選項上點心、 小菜各佔一半， 感覺不如餐廳、小廚的選擇多多， 要留意「飲茶」就是為了吃精緻可愛的點心， 若然要把它當作傳統酒樓小廚看待，定會大失所望的。 媽媽對新派點心並不熟悉， 店員見她迷惘的樣子， 連忙奉上圖文並茂的餐牌， 如此便能看圖索驥了。 飲茶 一向是遊客的朝聖熱點， 這晚來光顧的絕大部分都是外國遊客， 而這餐牌就是為外國人而設。既然是走中高端路線的新派酒樓，就是中國茶也有幾款選擇， 分別是陳年普洱、 紅棗茶、 胎菊茶和茉莉花茶， 茶香又比傳統酒樓為佳， 當然茶位也不便宜吧！點了兩款點心和一款小菜， 雖然飲茶的餐點份量不多， 但也還是吃得飽足， 甜點方面沒有太吸引， 反正已預留胃納吃Lady M的蛋糕， 因此也沒有讓自己吃得太飽。本來想吃睇住流奶，但媽媽說近日奶皇月餅吃太多了，改選了玩味十足的吉川奶子($55)，無論是把包搿開或是鏧穿它的嘴巴，流心餡都是如此的澎湃，這家的流心包包視覺效果完美，綠茶餡比奶皇餡更清新一些，不甜不膩茶香亦濃。 最喜歡的是包身新鮮鬆軟， 這總是飲茶的必食選項。鴿吞鳳梨($45)向來是我的最愛， 致勝之處在於它的可愛造型。每次奉上都會驚訝於它的迷你， 不過鳳梨酥還是少吃多滋味為佳， 小小的一件才不會有負擔吧！ 媽媽又是對那小鳥愛不釋手， 麻雀鳥籠把玩了好一會兒， 瞬間變成個小女孩。都說這兒的點心玩味十足， 連長者也被逗得樂呵呵的。鴿吞鳳梨($45)就是小鳥造型的鳳梨酥， 不同的是這兒的甲吞鳳梨是即做的， 新鮮的鳳梨酥吃起來酥脆又不膩， 香甜軟膩的鳳梨內餡非常大器， 同樣是美味的一道，可以當作是甜品菜式來點。雖說點心才是主打， 但小菜同樣是甚有鑊氣。 鳳梨咕嚕($89)， 二人吃份量是有點多了， 但伴以新鮮的原個菠蘿切片， 如此一口鮮甜菠蘿， 一口咕嚕肉就能解膩， 欣賞這兒的咕嚕肉新鮮即製， 咕嚕肉 酸酸甜甜的吃起來相當脆口， 肉排嫩嫩的又帶有肉汁， 實在是下飯的恩物。飲茶的點心屬中價水平， 但在顏值和味道方面都是水準之上， 而且這頓價格亦很合理。這晚母親吃得相當滿足， 這讓我想起同一集團的龍麵館， 見他對飲茶的新派點心水準如此滿意， 下一站我決定帶他到龍麵館， 多見識一下新派創意的中菜吧！…Read More

中秋佳節和親人共進晚餐，選了食呢間飲茶。餐廳十分寬敞，而且不用等位。我們叫左紅棗紅袍，茶味就無咩。而且紅棗味都好淡。第一碟三杯醉雞味道都係清清地，酒味都很淡。雞是滑的，不過沒有很重的雞味。瑪利怕怕係綠茶流心爆漿饅頭，啲綠茶餡係綠茶latte嘅味道，不太甜。近墨者黑係用墨魚汁、蛋白同蝦炒嘅，口感都ok，不過食落就無咩鮮味。椒鹽豆腐就係外脆內軟嘅豆腐，無咩驚喜。鳳梨咕嚕係有啲特別嘅，因為佢無張啲菠蘿同咕嚕肉炒埋一碟。啲肉一啲都唔肥，啲菠蘿係凍嘅，酸酸甜甜的。呢碟七彩茄子，食落無咩特別，係普通嘅茄子。呢碟辣蟻粉絲好惹味，食落辣辣地，充滿刺激感，停唔到口。香檳黑爐其實係一條炸左嘅爐魚，魚就脆脆地同就食唔到啲咩鮮味。不過個汁係幾特別，由柚子同紅石榴同香檳煮嘅，甜甜地又酸酸地。…Read More

夜晚食特式點心兩個女仔夜晚去食點心本身想叫明太子腸粉，燒賣但原來夜晚就會暫停供應😭😭一坐低，職員就同我地講有點心放題，貴啲仲有小菜任食。158 或者 198 包茶位 飲品。但結果我地係散叫的！因為朋友想試佢個咕嚕肉1. 咕嚕肉Em, 有啲似舊式大排檔嘅做法，肉同炸粉都比較乾，唔太啱自己口味2. 三色蝦餃顏色好特別，好靚，仲有金粉係面，味道正常3. 流沙包佢有幾種流沙包，最尾揀左最basic嘅一種，唔錯，幾好食，店員一放低就話係呢度嘅signature 4. 水晶波波係黑松露加蔬果碎嘅水晶餃，雖然佢個外形好普通，但真係幾好食啊，推介！5. 鳳梨酥外形係吸引嘅，好得意形狀同埋有個鐵籠裝住，打卡一流佢係暖暖地嘅鳳梨酥，感覺唔錯既，新鮮啲平時食嘅都凍哂😂6. 口水雞由開始食辣之後，本人都幾鍾意口水雞，呢個都係推介啊，因為配料都好食，佢連辣椒都整到好脆，唔會太辣最尾食唔哂，打包就走lu~~…Read More

飲茶主打新派中菜點心，將傳統港式點心形象改頭換面，加入新派潮流元素，推向年輕化，賣相吸引，口味創新。睇住流奶 ($49)是必食之選，每次來飲茶必定會點的。流沙包濃稠適中，流沙狀的奶黃如熔岩湧出，奶黃香滑，味道咸中帶甜，美味可口。明太子腸粉 ($49)腸粉口感嫩滑，包著明太子餡心，更富有口感。腸粉滲透著淡淡蛋香，明太子有著微微的辣感，味道一流。蜜汁叉燒 ($98)肉質細膩緊緻，鬆化肥美，軟嫩多汁還帶著香甜口感。咬下去肉味香濃，甘香可口，味蕾大滿足。金四季豆 ($99)外脆內軟，鹹香中帶有清甜，口感豐富，惹味得停不了口！椒鹽鬍鬚 ($89)火侯剛好，外層香脆，魷魚鬚爽口彈牙，一點也不韌。椒鹽豆腐 ($59)外層酥脆，豆腐非常嫩滑，香口惹味。…Read More

因為上網見到啲相覺得好靚，所以就同朋友嚟左呢間食，一入到去間餐廳，就覺得間野嘅環境乾淨，裝修簡單得來又帶點華麗，因為我係平日夜晚去，所以唔算好多人，環境清靜，啱晒三五知己圍埋一齊傾計同食嘢。👍🏾👍🏾👍🏾至於食物方面，我就覺得每樣餸都好平均，冇乜特別出色或者食起上嚟有「嘩！」一聲嘅感覺，但因為每樣食物嘅賣相都好吸引，所以係絕對可以影相呃like 的！呢個黑蚊蚊嘅包啲頭髮係肉鬆嚟嘅，第一眼就覺得好可愛，根本就唔捨得食！呢個上湯雜菌雖然賣相就冇乜特別，但我覺得幾好食呢個燒賣幾特別，我覺得入面個餡同平時喺酒樓食嘅燒賣係有啲分別， 但我講唔出有咩分別，不過我唔係幾鍾意食呢隻雞翼我食到好「論盡」，因為見到好多like 所以就揀咗，但我覺得有少少失望，個皮好硬同好痴牙，下次應該唔會再叫:(個燉湯我唔記得咗影入面有啲咩😂🙈飲落覺得都不過不失既，鍾意飲湯嘅話，都可以叫一盅試下…Read More

今次介紹呢間大家可能都會聽過 係主打食一啲卡通造型點心 宜家喺香港都愈開愈多呢類型嘅餐廳~~三杯醉雞 (例) $69 雞唔係平時食有骨嘅雞件 佢將啲雞肉整成一個卷咁樣再切一片片 肉質有啲實同埋鞋口 酒味幾濃 食落去有少少苦添🤭.太子麻菜 $59好普通 都係將菠菜撈芝麻醬落去 再加啲蟹子咁.睇住漏奶 $49見朋友每次去食都會叫 呢個即係流沙包 包做得好軟熟 蛋黃味道好香🤤 可惜就唔係好流心.雞雞春卷 $39外皮炸得好脆 中間餡料比較稠 好似平時食珍珠雞嗰pat醬咁 但又幾好食喎👍🏻.近墨者黑 $109呢個即係墨魚汁海鮮炒飯 個飯炒得幾有穫氣 加咗啲蛋白同杞子有口感 海鮮有蝦同埋魚 蝦都彈牙~~總結1）造型靚嘅點心 但味道就普通 未試過嘅朋友都可以試一次嘅🤨~~…Read More

今日同由外國返嚟嘅朋友去「飲茶」飲茶，佢呢度啲點心好特別大部分都係有個公仔嘅，尤其是係嗰個奶黃包。佢好好玩架，係食之前呢隻要將個筷子係佢個嘴嗰度開個細細嘅洞，跟住輕輕㩒一㩒呢，佢入面啲奶黃呢就會流曬出嚟，真係又玩得，影相一流又好食。我好推薦大家帶由外國嚟嘅朋友食呢間嘢，因為佢又坐得舒服而啲點心又靚，而且個味道都好正宗！！同埋個價錢都合理，2個人食左200幾蚊，都飽既！值得一提既係佢地服務好好，見我地自拍，有主動行埋黎問要不要幫我地影，讚！…Read More

位於時代廣場對面的飲茶就在某商業大廈的二樓想不到又是不用等位有約七點入座，直至離開九點，都沒有滿座不過期間都有零星外國旅客入座的 三杯醉雞(份) — $69這醉雞是沒有骨的而且用來浸的酒不算烈比較貼合香港人口味 睇住流奶(3件) — $49這完全是它的招牌菜可以看到每枱客都有叫到 椒鹽鬍鬚(份) — $89魷魚鬚的SIZE好大，份量又多 透明波波(含黑松露)(4件) — $49這屬於素菜，沒有肉的黑松露味都幾重 鴿吞鳳梨(3件) — $49簡單來說就是白鴿形狀的鳳梨酥用鳥籠作器皿極之可愛…Read More

成日同寶寶去太古附近的地方飲茶 今日去試新野 飲茶@銅鑼灣想試好耐 不過一路未的起心肝去食 叫咗5款點心1. 蝦炒腸粉2. 豬頭叉燒包3. 明太子蛋腸粉4. 蝦餃5. 蟹子菠菜卷啲名唔完全係咁的 我唔係好記得係好食的點心 服務都唔錯 1/2點去到 仲有枱坐 門口對住個bar枱好華麗🤩點心再熱啲會好啲 不過全部都好有特色 就算蝦餃 個皮都染咗三隻色 我最喜愛的蝦餃叉燒包好得意 豬仔的外形 好啱氹小朋友食明太于腸粉🥳 大愛 滿滿的明太子 係無蛋味 得黃色的腸粉當咗係蟹子菠菜卷 冷盤 幾得意 配埋麻醬寶寶嫌佢唔抵食 咁佢造到咁得意 收貴啲都唔出奇 不過唔係每個weekend食的選擇🤣…Read More

今日嚟銅鑼灣飲茶，叫咗啲包，跟住嗌過龍王泡飯，剛上菜時候上咗個龍皇湯，跟住另外一碗仔米通喺我面前倒落去，話呢啲飯嚟嘅，跟住我再嗌經理過嚟畀幅相同埋現成佢睇， 張相好多飯喺上面，現成就得啲米通，佢同我講有少少飯喺底，但係好難搵到，佢同我講話為咗影相靚啲，已經好多個客問過佢呢個問題，我要求取消，點解唔改進下呢，之後嗌過肥肥矮矮嘅女侍應攞辣椒油畀我佢用一個飯碗攞一大兜畀我，我心諗要嚟打邊爐咩我見其他都係搵個豉油啲畀辣椒油咋嘛，唔想做就唔好做喇…Read More

今次想介紹嘅就係呢一間以可愛賣想點心為主打嘅飲茶，如果大家有睇我啲相嘅話呢，其實呢你哋可以發現到佢可愛嘅啲點心都係啲包類啦，咁紅豆包呢我覺得幾得意同埋幾好食嘅咁佢紅色嘅啦，綠茶包呢咁就係綠色嗰個包啦咁我覺得呢兩隻味都係幾特別嘅。咁菜肉包就係黑色嗰個啦，豬仔包就係叉燒包啦。其他點心我就唔特別介紹啦因為其實都係差唔多嗰個味道同埋嗰個嘅質感呢其實都係同一般茶樓差唔多，所以唔特別推介嘅，講返飲茶最緊要就係講啲茶葉同埋茶包好唔好啦，咁我哋叫左普洱同綠茶，都唔錯既，唔係劣質二手大陸茶葉。其他嘅話我想提一提就係衛生情況係好唔錯嘅，如果你對衛生講究嘅話其實真係可以揀呢間，至於店員嘅服務態度呢就一般嘅，可能因為我係午市時間去。…Read More