食得福

Open Now

Now Closed

工作中午餐，趕到唔可以堂食，所以買外賣，呢度係舊式冬菇亭，有幾間餐廳，講真環境麻麻地，見呢間算幾企理（以大排檔來講），睇餐牌時男店員又好親切（大排檔有呢種態度好難得）地介紹可以上網睇餐牌、八達通比錢（大排檔有心與時俱進）落單後好快出菜，中間有個小插曲，我叫罐裝忌廉，女店員在雪櫃近門位置搵唔到！好努力掘入雪櫃深處，我叫住佢哋，話可樂都可以，佢哋就包好比我！豉油王雞髀飯（$34）普通發泡膠盒，賣相平實，雞髀已斬件（不過有幾件斬唔斷，連埋一齊），炆得入味，甜豉油熱辣辣微鹹，雞肉竟然幾滑，有爽脆椰菜墊底，白飯熱辣辣鬆軟，好味！芙蓉蛋飯（$34）同事食可樂（跟餐加$4）外賣盒$1招呼我嗰位男店員有禮斯文（以大排檔來講好難得）仲好落力介紹可以上網睇餐牌，仲有八達通比錢，幾有heart幾有❤️的大排檔

年近歲晚，要到葵芳上班，工業區內，都不會抱太大期望，沿著貨櫃碼頭路走，兩旁的餐廳早已收爐，迎接新一年，在無得選擇的情況下唯有到呢間食得福餐廳。餐廳以大排檔式的格局經營，相信應該會很有風味，但其實這只是我一廂情願的想法。早餐款式選擇多，有港式西式，一貫茶餐廳風味。揀左兩餸出前一丁，餐飲就揀凍奶茶，凍飲不需加錢。侍應告知沙嗲牛已經賣完，有點失望，唯有選擇漢堡扒配煎蛋，好食的話下次再食沙嗲牛麵。餐桌上放左好多出前一丁的調味粉，心想這間餐廳可能為免食客浪費，才用這個碗裝起多餘的醬料。過了不久侍應端來一碗麵和凍奶茶，這碗泡著熱水的麵，上面放上一塊煎蛋和漢堡扒。要麻油味又好，黑蒜油味又好，都必須在盛著配料的碗內挑選合適的味道自行添加，除非你想食滾水一丁。其實味道不是太差，一個普通人都可以煮到的出前一丁味道。如果我果朝可以早點起身煮，其實可以唔需要起度食。