食味道餐廳小廚

Open Now

Now Closed

今日第一次食，50幾蚊個椒鹽豬排客飯，得幾小塊豬排，加少少洋蔥，幾條白菜仔，完全係食白飯先夠飽另外一個回鍋肉飯都係超少肉講真街口間27蚊雙餸飯無論餸定飯分量都多過佢一倍，而且味道差不多，個人意見，供大家參考

貴得要死，難吃的要死，還要我等這麼久，點個菜還要等！難吃，難吃，難吃，難吃，難吃，難吃，難吃用腳做飯啦～這些水平做什麼餐飲，炒菜還可以！！烤魚用腳做，拜託去學一下做烤魚啊，做個烤魚一個鐘，美國空運過來的嗎，一個鐘都算了，還這麼難吃，我真的服了

今日試完。食我材料都算。油億未加味道不對不知材料生熟。完全破壞食材。講真食野都係食原味。煮食係提起食物本身味道。唔係遮掩食材本身味道。我都係黃。希望一句。請多加留意🙇🏻‍♂️🙇🏻‍♂️

跟2個死黨飯聚, 海鮮、小炒加啤酒慢慢食慢慢飲. 真係食味道、食新鮮不知不覺食左好多, 飲左3大支啤酒, 好味！（好彩叫淡啤) 老闆好人, 上菜安排體貼, 大贊. 唔怪得唔多熟客！

大埔墟CP值高的小炒店今次又出大埔覓食，返到大埔墟基本上都好多選擇，今次食小炒！原來依間店原先係大埔墟新街市熟食中心擺檔，後來因為裝修另覓鋪位重戰江湖！都好，可以再食返d有質素嘅小炒真係唔係咁易搵！晚餐除左牆上面d菜，仲有68蚊左右嘅晚市套餐（有湯）價錢都算係抵！今次叫左3碟：1. 墨魚餅炒西芹墨魚餅拉過油先再炒，超夠鑊氣！火喉都控制得唔錯，因為墨魚餅同西芹都唔會過老！2. 啫啫雞煲套餐價黎講真係好抵！仲要好多件雞同豬潤，啫啫咁上台時已經聞到好香！雞都幾嫩滑同入味！3. 酸菜魚酸菜魚就有點失望，可能以往食開的味道並唔係依種酸辣味，所以有d唔慣，加上佢用鯇魚做魚片，一來魚骨去得唔太好，又多骨，同時佢處理上做得唔好嫩滑！好影響口感！不過都有特別地方就係食得出有清新檸檬味！

大埔這家中菜館，位置一般，但爆到滿瀉，原來價格極便宜，難怪滿滿都是人餐廳的裝潢一般，只是一般白色裝修加上即棄桌布，但價格卻非常便宜食物：酸菜魚$108極抵！哪裡還有這價位的酸菜魚？用上鯇魚片，骨量不多，以芽菜墊底，酸菜跟辣椒的份量適中，微辣不過酸，非常開胃！蜜椒薯角一口牛$108牛柳粒非常非常鬆軟，一咬即斷，加上蜜糖炒熟的薯仔粒，一軟一爽，正！菜脯蛋炒飯$78炒蛋乾身，菜脯惹味咸香，這道古老的中式炒飯，當然好吃吧！金銀蛋浸娃娃菜$65肉碎跟咸蛋，皮蛋的份量很多，為天然甜的娃娃菜吊出了些鮮味豬骨湯 三人份$25感覺是晚最好的竟是豬骨湯，湯頭甜而重豬骨香，紅蘿蔔的量超多，無味精的湯頭很難得想吃平靚正的東西，來這裡就對了！

知道最近大埔墟開咗一間私房菜，聽聞食物質素唔錯，以前是在大埔墟街市熟食中心，由於熟食中心裝修所以今晚就去佢嘅新鋪去試吓。餐廳位於小路入面位置都非常多眼，而且門面開陽容易搵到，遠處已經見到大大個餐廳招牌。老闆娘先幫我們量體溫以確保客人嘅健康，等我都食得安心啲。餐牌好多款有鑊氣小菜選擇，我哋二人一口氣叫咗三款小菜食。今日嘅例湯係青紅蘿蔔湯，估唔到例湯非常香濃，飲得出好夠火口好足料，大推！紅蔥頭點醬油雞我哋叫咗例牌，賣相極之吸引，每一件雞都好有份量，最重要係雞肉肉質鮮嫩、非常滑溜，醬汁又好味，有咁嘅質素真係買少見少了！酸菜魚鍋酸酸辣辣好開胃，入面仲有好豐富嘅配料包括芽菜、酸菜同埋魚肉，魚片唔算多骨，配以白飯一齊食好滋味呀。呢度嘅小菜全部即叫即做，XO醬西蘭花炒牛肉確實很有鑊氣，熱辣辣食落去加上味道剛剛好，牛肉很鮮嫩，西蘭花炒得好林好入味，夠晒健康。大埔確實好少食到啲小菜咁有質素，真係三款小菜都咁好食😋唔係講笑，下次一定帶埋媽咪嚟試吓，因為我哋食到捧住個肚出門口都只係$300有找埋單，這間確實是高質有良心小店，支持支持👍🏻！