食口福生滾麵

Open Now

Now Closed

今日用外賣平台叫外賣，我有兩張單，去到餐廳未整，好有禮貌同門口既男職員講可唔可以兩張單幫埋一齊，因為我一隻已經拎住好大袋既野，想好拎d，但個男職員態度好差咁問返我轉頭可唔可以唔包埋一齊，我打左個突，原來未整，包埋一齊係咁難，最重要外賣仲要唔係佢包，係另一位職員包，我唔明白點解講一句都咁困難😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡

平時都係堂食，今日見到外賣平台有discount叫左半隻醉雞，半個鐘唔洗送到黎，雞冇酒味，半盒鹽水浸住勁咸，肉又乾又柴，成盒雞咬左一啖就掉左，連雞翼都可以係鞋嘅，餐廳仲話符合岀餐標準，笑左堂食員工態度差又黑面都算，連外賣都持住平台唔會肯退款所以俾垃圾雞外賣客，搬黎兩年就食左兩年，而家真係冇下次其他食評堂食啲相好靚架，一到外賣就會變到好似我哩盒咁囉成盒雞已經揀雞翼位食都係雞胸咁嘅質地，餐廳岀餐標準低到咁？

係V city 附近 都唔算好難搵雙拼麵 ($56)我揀咗醉香雞+酥炸魷魚鬚鴛鴦米好豐富 魷魚鬚炸得好香脆 惹味醉香雞上邊耍左啲炸蒜粒又係好香雞髀位好滑 唔會好鞋👍🏼鴛鴦米係米粉加粉絲 兩種口感唔錯😎另外叫咗個霸王雞飯 ($51)霸王雞同醉香雞食落都差唔多正正常常 比較之下雙拼麵抵食啲特別啲 所以會推介啲不過整體都唔算好貴兩樣都性價比高👍🏼

平時唔想煮飯又諗唔到食邊間餐廳好，都會去呢間只有街坊知道的小店！今之食醉香雞和炸魷魚鬚米線真是太好吃了！醉香雞內裡多汁，每一口都是驚喜都是酒的香味！炸魷魚鬚米線則是絕配(不過炸魷魚鬚經常賣哂所以要食都係一種運氣)，米線入口滑嫩，魷魚鬚酥脆可口！這家小店雖然不起眼，但絕對是個美食寶藏！今次食左2餸米線加杯凍飲做晚餐，一個人食簡單搞店，埋單都係61蚊。平時早餐都好多人，有時放假都會去呢到食個早餐再出去玩。

初次來到屯門的「食口福」看到生滾麵，覺得很特別，不知道什麼是生滾麵，所以抱住好奇心來嘗試一下。其實除了麵還有飯，選擇都算多，口水雞看來應該很出名，不過我本人不愛吃，但愛吃雞的也可來試，因看到很多食客都有點口水雞飯。最後我點了「厚切豬扒＋ 酥炸魷魚鬚＋ 鴛鴦米（米粉＋粉絲）」， 湯底清甜，不會太油膩， 厚切豬扒鬆化，啖啖肉，不黏貼。酥炸魷魚鬚有嚼頭，容易咬開，非常惹味，值得一試。雙拼$59 配了凍飲1杯加3蚊，總共埋單$61性價比還可。

做街坊生意的茶餐廳，應夠做到快，靚，正，菜式有正常味道已經合格了，但如果味道能更好吃，吸引顧客光顧一定會更受歡迎，而這間茶餐廳便造到這一點，菜式質數非常不錯😋他有飯類套餐，單雙拼麵，小食等等他的酥炸魷魚鬚非常受歡迎🦑很多時候點這個菜會賣光了😭他的魷魚鬚香脆有咬口，不會死實實，而且不會有大量粉漿，夠爽脆而麻辣手撕雞非常惹味，不會太辣，而且雞肉嫰滑不鞋口，配飯一流，吃光飯也未吃完雞呢🤡大家也可到場試試食口福生滾麵屯門德政圍27號松苑地下

落雨濕濕，同事介紹話有間ok茶記。叫左個D仔雙拼外賣，盛為63大元。雞肉拼魷魚鬚，麻香雞雞肉滑好味，魷魚鬚拎到黎有d涷左，焗返熱或者堂食應該好味。推介麻香雞。叫左個唔係周圍有得叫既伊麵，麵質正常，係份量有d少。本黎想試下呢間d豬手，但12點叫既外賣，餐廳1點先打黎話無貨要臨時轉食魷魚鬚，搞到食得好趕，下次有時候先試其他野啦！

🍽食口福生滾麵 (屯門)🫶🏻皇牌特餐 $52主餸：麻辣手撕雞配餸：煎雙蛋(自選兩款)湯麵：河粉..……：奶油脆豬💗飲品：凍奶茶 $2(跟餐).手撕雞啖啖肉，麻辣惹味好送飯生滾湯河，加木魚絲🤤必試奶油豬‼️外脆爆醬～超正💗依間既奶茶係我大愛之一🤤茶香奶滑，唔苦澀👍🏻.👍🏻麻香雞飯 $51雞件腍滑，麻香入味😋蔥油飯夠誠意✨.🫶🏻魷魚鬚 $40外酥脆，內爽口，少鹹香🤤Lunch Time 成日都會賣晒食唔到🥹📸19.05.2023.💁🏻‍♀️ #大推有Heart小店💗依間係我學生時代，返PT既飯堂想當年同班同事成日放飯都會去食平靚正，上餐快，大分夾抵食🤤

本身今日約咗小朋友食早餐，但係佢唔舒服，所以我一個人走咗落樓下食早餐，諗唔到食乜就去咗最近嗰間食口福。其實之前成日幫襯都知道自己想嗌啲乜，但今日就一反常態，叫左豬膶麵，奶油豬腸仔煎蛋，熱奶茶。豬膶公仔麵：個面浸得太耐比較冧身，朱潤亦都煮過龍，一啲都唔滑，不過30幾蚊嘅早餐份量都算OK。奶油豬腸仔煎蛋：個奶油豬好似冇乜點烘過，所以唔太脆，腸仔煎蛋上碟既時候係凍嫁仲要我等咗成差唔多20分鐘先，真係完全唔值得等。呢間餐廳嘅熱奶茶一向麻麻哋，茶味比較重，落得比較少奶。

📍食口福生滾麵屯門龍門路43號龍門居11座地下119號舖🍷🐥醉香雞 米線 $44🌶🐥麻香雞 米粉 $44 (加底 +$6)呢間餐廳既醉香雞🍷🐥同麻香雞🌶🐥都好好食❤️❤️醉雞浸到好入味，有酒既香味之餘又唔覺得太重酒味😋而且雞肉好滑🤤如果飲一啖個汁就會飲到好濃既酒味🤣而麻香雞就好香😋，而且唔辣🙅‍♂️🌶，只會感覺嘴唇有小小慶，所以食唔到辣既人都食到😆冬天食碗暖笠笠既湯麵特別舒服🥰，而且呢間餐廳既性價比好高👍👍，價錢親民之餘份量又多。呢間餐廳除左食醉香雞🍷🐥同麻香雞🌶🐥之外仲有其他餸，下次黎食再介紹比大家！😆

呢間係我平時成日食嘅餐廳，出名食雞。我最鍾意食佢嘅麻香雞米線～佢嘅麻辣好適合我呢啲唔係咁食得辣嘅人，少少辣但足夠令你覺得過癮，而且好香！本身係清湯米線，米線堂食都夠彈牙，重點係加埋D醬落去就變咗麻辣米線，勁好食！至於霸王雞有啲似蔥油雞，啲蒜粒好香嘅，撈飯一流！雞肉都夠嫩夠滑，不過食咩部位就睇彩數喇，好運就會有雞髀位，如果係雞胸位就少肉啲啦。*･゜ﾟ･*:.｡.☻.｡.:*･☆･*:.｡. ☻.｡.:*･゜ﾟ･*😋#kellydiscovery_food 🫶🏻#kd_food_tm🫶🏻#kd_food_屯門#屯門美食 #屯門打卡 #屯門餐廳

做運動前去左食少少野，因為食餃子食到厭厭地，見隔離有間麵店，望個餐牌又好似幾吸引咁就入左去試，普通平民餐廳，味道麻麻，唔會再幫襯。🐔醉香雞飯 $47★★☆☆☆見到MENU有手指公推薦，諗住招牌菜實冇死。冇特登加錢指定雞嘅位置，咁啱今次俾左雞脾位置，份量都幾多，有10件左右，仲有幾件雞腎附送埋。但Ｄ雞食落一般，雞肉同酒完全係分開兩回事，一啲都唔入味，似係煮完個雞放入雪櫃，有人叫就淋D酒上去出餐，真係失望。個雞肉質唔鞋口，但未做到嫩滑，食落正係得咸味，冇花雕酒嘅香味。最唔掂係個奉送嘅蔥油飯，個飯焗到淋哂、零咬口，似係電飯煲煮完焗左好耐，蔥油亦都唔香口，分分鐘仲衰過燒味個飯。🐔麻辣手撕雞拼鹽酥雞球飯 $55★★★☆☆所有飯都係統一地差，麻辣手撕雞正正常常，份量偏多，但麻辣味唔算好特出。鹽酥雞球即叫即炸，食落好脆口，入面D雞肉都JUICY唔會乾爭爭，外面脆粉落左孜然粉、椒鹽，所以食落都幾惹味，Overall D餸係正常。🐔醉香雞拼酥魷魚鬚飯 $55★★★☆☆醉香雞上面講左唔重覆，酥魷魚鬚係所有叫嘅餸入面最出色，即叫即炸，份量都多同大條。魷魚鬚食落係爽口彈牙，冇霉或者淋。炸粉啱啱好，唔會太厚食完

食口福有飯有麵多款唔同款式既雞今日食左麻香雞 麻香雞面頭個陣辣油真係好香令成個雞既味麵昇華哂豬扒多汁厚肉但又好淋 好夠味有伊麵底選擇另外仲叫左麻辣手撕雞+魷魚鬚魷魚鬚有時會賣晒因為佢炸得好香口 份量仲有唔少可以揀粉絲做底 好食

今日放工經過屯門德政圍食口褔，就係門口巳經聞到一陣陣好香的醉鷄湯味，於是忍唔住行左入去坐底。見到餐版以套餐為主，且價錢便宜。單併，雙併或三併都有。我就緊係叫佢招牌野，醉鷄鴛鴦米(即米粉+粉絲)。我仲見到隔離枱叫左杯奶紅豆奶茶，於是我都叫左杯。。。。果然! 驚喜就黎了，杯奶茶好味道不得之鳥，係廿年前的味道，好耐無試過呢隻味! 根本係而家好少有機會飲到呢隻奶茶味，加埋粒粒紅豆，攪拌後，無得輸!主菜醉鷄米線黎了，果然無失望！醉鷄充滿著醉鷄的味道(因為出邊好多舖頭係醉鷄係做到好似白恰鷄咁) , $42單併，根本無投訴。加杯紅豆奶茶，都係加 $8 ! 我覺得以咁既價錢來說，巳經好好。他們生意很好，很多年青人都來吃。。。。。餐廳內令我感到份外親切，因為我一路食野的時候，餐廳一路播緊Dear Jane 的銀河修理員 5⭐️是滿分CP值：⭐️⭐️⭐️⭐️價錢:⭐️⭐️味道:⭐️⭐️⭐️⭐️位置:⭐️⭐️⭐️⭐️推薦: ⭐️⭐️⭐️⭐️地址： 屯門德政圍27號松苑地下Tel： 26411628

食口福係定期都會黎幫襯既餐廳最出名緊係麻辣手撕雞同魷魚鬚每次黎必叫皇牌特餐奶油脆豬又係好正😋真係唔係hea你既奶油脆豬， 熱辣辣又脆卜卜鴛鴦米係出面餐廳小見，通常聽得多都係油麵溝米粉。呢度米粉溝粉絲 夾埋個湯底超正👍🏻👍🏻