Baab Korean Casual Dining (Closed)

朋友話想食韓式，所以就黎左依間試下啦。原本見到完全唔駛等位，好多空位，以為會幾伏，但係無諗過食物質素又ok喎。我叫左一個雜錦海鮮年糕麵，海鮮有八爪魚、蝦、青口、蜆，雖然都唔係貴價野，但係味道都唔錯。年糕煙煙軔軔口感唔錯，同湯麵搭配既味道幾好。所謂既韓式湯麵其實就係辛辣麵，雖然係類似即食麵既野，但係坦白講，麵質比起唔少日式韓式餐廳好，而且個湯底應該有加其他野，比起原本辛辣麵剩係得辣味多左鮮甜同咸味，相當唔錯。不過不得不提，店員既服務態度麻麻，就算得好少人都叫好耐先過黎，不太能接受。…Read More

因為在我家樓下而且此店經常不用等位，所以幾乎是我家的指定食堂。我女兒很愛來吃燒肉，200多一碟加個紫菜飯團再加個小食已經夠飽。是次跟朋友來，叫了燒肉、双併鐵板、石鍋飯、兩個紫菜飯團。燒肉ok都叫入味抵食；石鍋飯真係麻麻地，已經食均甘多款無款叫好味；双併鐵板個辣味豬肉幾野味，輕易食完一碗飯；紫菜飯團真係小朋友至愛，每人食三個加燒肉一定比係屋企食得多。對此店評價？點講呢：以食物來說，not bad lor,； 以價錢來說，可接受啦；服務，中則中距；食物選擇，實在不多，好快就食悶左。無地方食飯可以一試，不過不進則退，最近韓風也吹到了北角，附近開了好幾間韓食店，如果韓食家再吾諗下新花樣，睇怕吾捱得好耐。…Read More

今日同個fd去左韓食家食lunch。之前黎過一次，試左個牛肉石窩飯，不過不失啦，冇乜特別，所以今次就試左個海鮮拉麵。個拉麵上到黎，見到有隻有殼青口喺面已經有驚喜55蚊未加一喺呢區算係咁啦，仲有泡菜加汔水或者湯可以揀添！一路食落去，真係寶物沉歸底！有6隻蝦仁，兩隻 蜆（有殼果隻！），三四隻墨魚仔，好足料！！以咁既價位同咁既地段真係有驚喜！唯一缺點係我唔係好食得辣要用可樂送麵，所以唔係食得辣既朋友記得揀可樂呀！可以解下辣丫嘛…Read More

北角健威坊LG樓層有一間韓國餐廳 ，他們主打韓式燒烤，若是食lunch過了12:30pm會幾多人。燒烤食物方面有牛肉、雞肉、豬頸肉同牛肋骨揀。但我們叫了鐡板牛肉、雞肉和，牛肉年糕麵。前菜先來了一個泡菜和湯，味道普通，牛肉味道調得一般，感覺是靠d汁吊味頂住但勝在不算韌，但雞肉方面就吾錯，比較特出是牛肉年糕麵，湯汁很香有少許辣，拉麵口感似公仔麵。由於個鐡板餐和麵餐送飲品，我叫了杯熱蘆薈茶但感覺是糖水溝出來，很甜。…Read More

平日同朋友聚會多數都係人多既銅鑼灣或者旺角食晚飯，想傾耐D都吾得...突發奇想，不如去下北角搵下有咩好食! openrice 下就見到"韓食家"，就試下啦!七點幾到達餐廳，吾使等位，入到去就聞到一陣韓燒味，感覺更肚餓!因為得三個女仔，我地決定叫一個套餐加一個細既人參雞湯! 上菜的速度都算快。餐廳空間不太逼，幾光猛同簡單的裝修，而且可以坐好耐，最arm同friend 一邊食一邊傾計。.…Read More

媽咪生日，選了屋佐附近的韓食家，個晚好多人，等了差不多1 個鍾才入座叫了一個四人餐 ，再叫多兩個菜傳統石頭飯，海鮮石頭飯，兩者味道分別不大韓式炒粉絲，味道較淡鐵板雞和牛仔骨，雞的味道甜甜地，而牛仔骨好多濃，好多都唔食得泡菜豬肉豆腐，豆腐應該係百福，幾滑人參雞，有一枝細細地的鮮人參，雞肉已煮到很鞋，湯都幾鮮甜芝士炒年糕，無味，無肉五個人連加一食佐$871，好飽，抵讚的是上菜很快，但食物keep 住熱…Read More

今次給一個喊臉都算是很有決心！之前看過的食評都說食品沒有味道，又說座位較迫等等，心裏已預計是不理想的，所以在沒有期望之下，理應沒有太大的失望的，誰知仍是失望，並且是失望到不得了。:(我們一行四人在六時多到達，裏面只有一至兩枱客人，我們被安排在靠牆的桌子，與鄰桌只有八吋距離，不算瘦的和身材略矮小的要經過兩桌中間都是比較困難。冷氣比較凍，可能是預計客人會作燒烤而盡把溫度調低罷。香辣海鮮麵套餐（多了泡菜和柚子茶）：湯極咸，有青口、魷魚，沒有深刻印象。柚子茶是淡淡的，沒有味道，不甜不酸，看見有檸檬皮。紫菜飯團，有紫菜味，微暖。柚子豆腐沙律，冰凍豆腐，沒有想像中的滑。有柚子味的汁伴著，並不吸引。鐵板牛肉，汁甚燒，頗乾身，跟餐有一碗飯、柚子茶、紫菜湯。賣想很乾，惟鐵板真熱。泡菜豬肉石頭窩飯：跟餐也是泡菜和柚子茶。石頭窩極熱，上面鋪著泡菜（有味）和豬肉，豬肉也是沒有味的！泡菜不辣，心裏希望有韓國辣醬，但沒有提供。回想在尖沙咀的明洞吃過正宗的韓國菜後，念念不忘那石頭飯，當時的店員教我們要下多一點辣醬，這樣才好吃。但在桌子上甚麼調味品都沒有，連牙籤也沒有。所以好像捱完這個石頭飯，完全失去享受美味的感覺。總結而言，一定不會有第二次。…Read More

同朋友B食講左其實幾耐既一餐。因為朋友住北角附近所以就係健威坊搵一間唔洗排隊的 (懶鬼兩個)結果就係呢一間落腳。叫左兩個一模一樣既飯, 結果, 一樣地...麻麻地-,-石頭飯黎到"咋","咋"聲係幾開心。但個飯其實冇咩味, 加左汁都係冇咩味-,-海鮮都唔係幾好食, 好雪藏-,-另外, 其實呢間野係新開的, 但環境都幾唔舒服。已經有點舊 (可能係因為有韓燒既關係..)而且臺同臺之間幾近, 幾唔舒服 (唔想同隔離咁Close LOL)…Read More

今晚家中只得父子倆，小伙子想我開火鑽(煮飯)，我說難得放假，讓我休息好嗎？他說街外的食物不及家中的好吃，但我是「一家之煮」，我說話他也會聽聽。上次曾來等位，結果等到失去耐性而離去的「韓食家」，今晚門外等位的人不多，便也再試一次，最後也等了二十分鐘。大倍份的人都吃燒烤餐，但我們想速戰速決，我點了石頭牛骨肉飯，而小伙子點了鐵板牛肉，加十元轉套餐有前菜，白飯和柚子茶。我們對 kimchi 都沒有興趣，鐵板牛肉份量一般，用小鐵板盛著來，除牛肉片外，還有洋蔥和蔥，鐵板沒有燒得滋滋發響，但牛肉仍冒著煙，小伙子覺得白飯只是微溫，部份肉質稍韌，大部份都合格，牛肉味道不過不失，他嚐出是我們在韓國旅行時，所買的烤牛肉用的醬汁味道，微甜和獨特。(其實在尖沙嘴的韓貨超市也可買到，只是比韓國買略貴。) 牛肉擺放十分鐘後，給鐵板的熱力烘乾了，變得有點乾和柴皮，扣了點分數。柚子茶是瓶裝產品加水開調，味道不錯。我的石頭牛骨肉飯，名符其實用石鍋載著，除牛骨肉外，還有幾種菇，雞髀菇，秀珍菇，蘑菇等，米是短少而肥的珍珠米，夠熱，我連忙將所有材料翻天覆地般拌勻，以免在底的飯燒乾，一般牛骨肉是較韌的，因此廚師會將肉切了多刀，令入口不覺韌，這點是做到的，有些牛骨肉較厚身，亦較好味，而石鍋底的飯焦也很好味。小伙子不太滿意這頓晚餐，也許下次我在家煮過一餐較美味的補數吧！…Read More

在北角區, 加埋這間韓食家, 就只有2間韓國餐廳,這間韓食家剛開了不久, 當然要立即試試,客人吃韓燒, 石頭飯, 麵為主, 看見韓燒套餐的份量並不多, 所以點了2個石頭飯, 泡菜豬肉石頭飯, 熱辣辣冒著煙拿出來, 離遠已聞到香味,碗很熱, 有許多飯焦, 愛飯焦的人必喜愛這石頭飯, 泡菜很爽, 辣度適中,不過豬肉份量超少, 泡菜份量多豬肉好幾倍... 烤牛肉石頭飯,牛肉很嫩滑, 很香, 同樣許多飯焦,不過約五十元的石頭飯尚算不錯, 值得一吃!…Read More