韓日燒 (Closed)

禮拜日臨時轉場試伏$199 假日晚市 1人一d都唔算平包韓燒，壽司，火鍋種類都算多啱入去都覺得都幾抵食啵點知係樣樣都一般飲料水分好多無乜好飲嘅韓燒嘅豬肉肥膏太多牛肉同牛仔骨都幾好食推薦豬腸，大腸小腸都好火鍋材料都算ok湯底就不過不失壽司刺身就唔好試了三文魚，油甘魚，吞拿魚嘅肉質都係麻麻仲有d熟食，炸雞，泡菜，炒麵無試甜品都幾多下，有豆腐花，西米露，芒果布甸，啫喱，雜果沙律，涼粉不推薦西米露朱古力雪糕幾正，要快手d總體來講 呢個價就唔抵嘅如果低於150就可以考慮下嘅…Read More

成日見網上好多人都話呢間野唔好食，令到我好好奇夠竟呢間野有幾咁難食，所以我特登拉埋我個frd黎試伏我地簡左燒烤+壽司～壽司一入黎就見到唔同種類嘅壽司喺迴轉帶上面，我即刻拎左幾件落黎試下，有蟹子、玉子、吞拿魚、腐皮、肉鬆等等嘅壽司，每件食落去味道都正常，冇怪味，但紫菜略嫌唔脆，壽司飯都食到有 d醋味，但當然唔好有好大期望d飯係人手按出黎嫁啦燒肉呢度 d燒肉係要自己出去夾，而出面有兩大座雪櫃放滿唔同嘅肉類，各款已醃製嘅牛肉、雞肉、豬肉都應有盡有，仲有腸仔、丸、蟹柳等等多款啲配料，甚至連蔬菜都有幾種～d肉經過調味，味道都唔錯，但d牛肉就有少少肥，其他配料蔬菜味道都正正常常～熟食&前菜除左燒肉同壽司，出面仲有少少熟食同前菜比你拎(魚蛋、米線、泡菜。。。)甜品&飲品甜品有布丁、啫喱、涼粉、雪糕。。雖然賣相唔係話好精緻，但食落去都係正常發揮 ge:)～飲品方面呢，就冇紙包/罐裝飲品，但就算係要自己去汽水機裝嘅，佢d款式都唔 hea ，除左汽水，仲有五花茶、豆漿。。。…Read More

門口個牌明明寫係8:45分後仲可以入座 特登入黎等到8點45分食結果唔比入座 話個牌係舊牌 所以唔入得九唔搭八咁點解唔收走個牌？嘥我時間要我等咁耐 改左時間變左早收就唔該改下個牌啦…Read More

明將係中學回憶，所以知佢變左韓日燒個陣，就算幾多人話係劣食，已經心郁郁想去試。星期日諗住食11點塲，10點9去到條隊已經排到轉彎樓梯位，9成都係姐姐。夠鍾入到去諗住拎野食，情況就同喪屍城無分別，啲姐姐圍住哂，每次都夾一大碟，夾完又唔走。正確黎講係夾完一大碟，佢後面又有朋友遞隻新碟比佢再夾，而且仲係一大堆姐姐，你想夾野食？等佢地夾完先啦。其實體諒佢地一個星期得一日假，但我又何嘗唔係呢？所以提醒大家千祈唔好星期日同假期黎食，唔係11點開始你半個鍾後都夾唔到野食，你根本唔會夠佢地迫，仲要一肚氣，插針都插唔入。最恐怖係拎炸薯條個陣，有姐姐等唔切食物夾，竟然用手拎，真係忍唔住出聲話佢。基本上食120分鐘，頭30分鐘你都唔會拎到野食。唔知有無人都試過星期日去，明白我既感受，知我講咩。入番正題講野食，其實真係無外界講得咁差，94蚊加埋一先103蚊，你仲想食A5咩？雞，魚，牛，豬，腸仔，丸，菜，湯，涼拌，炸物，熟食，沙律，糖水，生果，飯，雪糕，汽水，奶茶，凉茶都有。我個日就食左好多豬腸，味道唔差，佢糖水有椰汁西米露同木瓜雪耳，木瓜雪耳都唔錯。至於壽司就比較缺貨咁，黎黎去去都係個幾款，個日既食物唔算好食，但又未去到要嘔，就係一般凍肉舖個啲。如果閒日去唔會拎唔到野食，我都會再去食。到最後想食雪糕，已經咩都無哂，走個陣出面又係人頭湧湧。…Read More

在星期六預定了此韓燒，中午价$95 有加1，價格真很平，雖然沒有什麼名貴食材，但豬，牛，雞，前菜，湯(有面豉湯，粟米湯)冷盤泡菜，炸物(薯條，春卷)，甜品有豆腐花，仲有其它布丁等。還有多款壽司任取。咁既價格其都好低吃還一提員工服務感度都很好。…Read More

喺深水埗行行下想食燒烤, 見到西九龍中心有燒烤放題, 仲要超平, 就食下喇!😋$104 一個 (已包加一), 價錢真係好抵! 其實選擇都好多, 前菜, 冷盤, 熟食, 炸物, 壽司, 燒烤肉類, 丸類, 菜類, 甜品, 仲有好多款飲品同極之多既調味料!🤣百幾蚊有咁多款式, 仲要係任食燒烤, 其實都唔期望好好食, 但其實都唔差! 醃左既肉, 味道係差少少, 但無醃既肥牛, 豬腩肉.. 燒起嚟都好甘香, 加少少鹽都好好食!😋平平地放縱一下真係唔錯架!🤗…Read More

昨天下午三点多到了这网络传说中的《明将》再现的《韩日烧》餐厅，我进入时根本没有服务员在场，可能转场关系吧，我自己去收费处同个女员工说，个女员工态度，恶劣地说叫我自己找位置坐，好的我自己找个近寿司带的位置坐下来，然后有个年龄女员工立刻帮我上了烧纸（态度好点）:)，我自个儿立刻出去拿东西吃及调料等:)。回到自己位置，看见寿司带有我喜欢吃的寿司🍣想也不想就拿，味道同以前《明将》是一样的，没有什么问题非常正常，我不吃牛肉，所以只拿了些：青鱼，又滑又香😊，只是太多骨刺😝，红肠一般，肥肠弹牙:)，但太（藓），鱼柳又滑又香味道不错，鹅肠味道不错，猪扒厚又大件:)，但放太多松肉粉令肉质有点过软，炸品雖然凉了但还有点脆呀:)；其他东西一般，不过不失:)。令我惊喜是甜品最出色，布甸，啫喱及凉粉都不错，西米露劲多西米又好吃（吃了二碗）。总结：吃得饱，又便宜，质量还可以，以九十几块钱能吃烧烤、寿司🍣、甜品及热食算是全港最便宜的自助餐厅呀:)！重点希望贵公司注意一下员工对客人的态度，员服务态度要改善，就算再便宜也会没有客人光顾！（以我个人在餐饮服务入行30年之经验）…Read More

一入去明顯聞到好大浸油益味，雖然性價比高，但係衛生質素真係對得住個價錢，午餐唔到$80，算有壽司食可以燒下野食，都係一個唔錯即食到飽選擇，成個環境可以講係麻麻哋燈光昏暗。…Read More

間唔中都會突然好肚餓想食任食嘅餐廳，見到韓日燒呢到午餐好平，有任食烤肉、甜品、韓式醃菜、壽司等等，好抵食。我見好多人話佢係名將總店，好伏，但我自己覺得呢個價錢好實惠，價錢相對水準非常合理，特別係烤肉，感覺同貴一倍的韓燒餐廳，來貨一樣。烤肉方面款式好多，豬、牛、雞、內臟、丸、蔬菜，真係好多款，而且經過醃製，味道真係幾好食。除此之外仲有碗仔翅、炸物，水準都非常正常。烤爐用了一段時間，底部的牛油紙會燒焦，需要搵職員更換，職員都10分有禮貌幫忙。壽司方面，因為是迴轉壽司所以壽司感覺擺放咗好耐，都冇人食。由於不太吸引所以冇咩點食壽司，腐皮壽司係我好鍾意食嘅，所以每次黎都會食返幾件，甜甜酸酸正常水準幾好食😊總之呢個價錢$100左右食到咁多嘢，我真心覺得好抵。…Read More

話說個frd睇完YouTuber介紹話想試伏 雖然個心驚驚地 但見tea時段都咁多中學生係門口排隊 野食又咁多款😎sushi、韓式燒烤、前菜、甜品 都應有盡有 燒肉、菜類、熟食都keep住refill 既然一百蚊都唔洗 就試下係咪真係咁伏！。。。🦔壽司 + 燒烤自助午餐午市11:00-17:50 平日$81 👉 🍣好可愛嘅迴轉壽司🤩一坐底好肚餓已經係咁拎拎拎🤣都好多款 玉子、腐皮、玻璃蝦、芥辣八爪魚、吞拿魚、肉鬆、蟹子壽司呢啲都有齊 咁抵價唔好預好高汁 圍邊紫菜唔會脆得去邊 但普普通通試齊咁多隻已經好jenggg 💡放題有另一個價係無壽司位 淨韓燒 但加多10幾蚊等多陣 就有得食番幾嚿壽司過口癮 何樂而不為呢kekee。。。🦔👉前菜、熟食話明韓燒點可以少得醃泡菜、大豆芽、醃蘿蔔等配料呀 係就似模似樣有齊款 但明顯同我地餐廳食開嘅味道有段距離🥴唔驚嘅 肚餓都可以食住魚蛋、燒賣、薯角、咖哩角呢啲現成熟食 魚蛋就真係質感差咗啲 反而炸物薯角嗰啲幾有驚喜 不單似酒店咁高級會用熱燈射住 食咗幾轉佢都係咁脆咁新鮮🤪想暖胃嘅仲有栗米羹呢啲湯品 我就留番啲quota 但就咁前菜款式多多都幾貼心🥰。。。🦔👉燒肉有兩大座雪櫃包哂所有蔬菜、肉、丸、魚、麵類 即使人潮一波波咁去拎 但盤盤都實有貨剩keep refill👍唔好以為咁抵無乜好肉食 佢都幾多豬扒、雞扒、大骨可以燒😉豬扒質感又唔錯架喎 雞翼都醃得好入味 大推!! 👍最鍾意係燒佢啲牛肉😍薄得黎又質感唔錯 即使同款嘅肉 但燒烤醬沙嗲醬各種醃法 唔會令你覺得頹🤓覺得油膩時燒啲🥬都唔錯！翠肉瓜、茄子、韮菜、菇類等實有款啱你！款式多多細至煙鴨胸、紅腸、大腸、鯖魚、龍脷柳、美國腸都有 雖然我唔係試匀哂🤡但話到比大家聽龍脷柳都還好 鯖魚就腥到我擺唔落口 美國腸就得個樣🤣唔好expect有隱藏黑椒味 其他都正常發揮啦💡有趣嘅係呢度嘅爐係會provide牛油紙比你自助舖黎燒🤣窿咗又可以自己換 都幾user-friendly。。。🦔👉甜品呢個不得了 比起酒店細細兜杯仔 呢度嘅中size都唔輸蝕😎仲有4款以上款式: 大菜糕、綠茶布丁、涼粉、果汁啫喱、木瓜雪耳糖水呀 基本上都擺得落口🤣係有一隻啫喱/布丁少伏 大家盡試啦 開口中咁先開心嘛kekee 唔夠食仲有埋熱豆腐花供應 做到由中至西式咁多選擇都算誠意權權啦😜臨走前食埋嗰2款雪糕仔 係用之前雀x家庭裝嗰啲大兜裝起 任挖 食落不過不失我又okay喎。。。🦔👉飲品真係唔好睇少佢 除咗汽水機以外 都有啲特別嘅提子、甘桔檸檬味、涼茶類 老少咸宜👍…Read More

先在門口按飛我今次係平日下就3點去，都有唔少人排隊等入職員帶入座，有兩小時任食有人話內面好暗，我又唔覺，座位燈光夠，睇得清爐溫度可選1至9座位係4人座台上有油紙，燒到起焦，可自行更換喔座位隔離係迴轉壽司，試左鰻魚，有點腥，飯係無醋味既肉方面，有雞翼，牛肉，豬扒，肥牛，魚....牛肉唔知用咩醃料，味好怪，唔啱我，用水沖完都係沖唔走陣醃料味咁多款肉我至愛肥牛，快熟，味又正常另外有餃子，腸，蟹柳，丸，各款蔬菜比你燒至於熟食選擇都好少下:(味道方面燒賣好粉，咖哩汁好味，魚蛋好細粒薯條好粉同好多都燶咗重有春卷，咖哩角同涼拌米線但我無食熟食裏面我至愛韓式涼菜有芽菜，青瓜，泡菜，雲耳，木耳，蘿蔔... 選擇都算多:)野飲方面，有汽水，涼茶，無糖凍熱飲，熱水我試左豆漿，味都好淡檸茶澀檸水太甜我自己diy左豆漿溝凍奶茶 同 熱檸茶溝凍檸水比就咁飲一種好飲點雪糕得一種味，味似牛奶珍寶珠芒果布甸，味似羅拔臣啫喱味涼粉唔好食重有橙同沙律，我無食溫馨提示，要自備酒精同紙巾…Read More

肉種類不多，但我喜歡蔬菜類夠多夠新鮮。吃落不會非常好吃，但我覺得未至於係劣食咁誇張，入得口嘅，我個人覺得幾合我口味。喜歡這裡調味料夠多種，多樣選擇，調味料對食物入口的感覺真的很重要。這𥚃有同燒烤絕配嘅孜然粉立即加分不少👍👍👍👍👍想吃刺身壽司就不建議來這裡了。值得一提是這邊嘅爐好好，調火的大細很好操作。我全部都是用低火慢烤，慢工出細活，別有風味。平常中午想輕鬆慢慢燒下嘢食，這裡不錯！性價比中上，會再來的🍹…Read More

劣食霸主📍韓日燒，講起『明將壽司』無人唔識喇？今次捲土重來，做大生意，整個低價壽司火鍋燒烤任食，睇你死唔死？全場分為劣飲劣食區，入門有🍶🍷🍺🍸🥃酒區、仲有咖啡汽水涼茶。刺身及壽司喺回轉帶不停轉，但係轉來轉去都係嗰啲款嘅。即係三文魚壽司、粟米壽司、加州卷青瓜細卷。刺身就要睇下嗰輪師傅哥哥鍾意整乜嘢啦。好多後生仔好醒目嘅，企定定係一個位置，部署好係度等。除咗一大堆食物以供大家燒下烚下之外！呢度都仲有鍋物，分別係壽喜燒及日式清湯。前菜有、炸物有、燒物有，但全部都係冇質數嘅。睇張相都見有泡菜、咖哩魚蛋、炒青菜、炒粉麵飯、燒青魚。話晒都係任食，一樣都有甜品有糖水。不過冇一樣野，我講甜品，我冇一款有試過，所以冇讚，亦都冇得批評，因為我見到個樣都唔想食！但其他食物，我略略都有食過。唔係話好難食，但我真係頂唔住個賣相，差唔多價錢嘅話，韓和真係又好食又乾淨。唔好講笑雖然話明係劣食，但係確實見到有好多客。我諗大家都係抱住個心態係平平哋，可以食到好飽。我見到啲阿姐同啲哥哥仔，夾嗰啲燒烤嘅肉類推到成個小山丘咁，就好似以前細個喺Pizza Hut見到啲人鬥砌自助沙律吧一樣咁高！好勁啊！…Read More

韓日燒位處於西九龍中心嘅6/F，呢個地址嘅前身係一度令人「聞紅豆喪膽」嘅明將壽司，而近期唔少網絡紅人都話呢間餐廳無論裝修風格、食物質素同價格都同明將差唔多，只係改左個名咁解，所以其實明將一直以來都無離開過我地架！餐廳菜牌分為2種：分別係A(淨食壽司)同B(韓燒+壽司)，我地覺得一場嚟到，當然想食得全面啲，所以揀左貴十幾蚊嘅Plan B。記得當日一早(11:30am左右)已經去到餐廳門口，原先以為自己已經夠早，點知因為星期日嘅關係，呢個時間已經十分之多人，我地等左20分鐘左右先入到去。一入到去以為自己去左玩迪士尼嘅機動遊戲：飛越太空山，因為入面燈光極為昏暗，加上隔離迴轉壽司嘅微弱燈光時不時閃爍，令我有置身喺機動遊戲環境之感。我地獲安排喺遠離迴轉壽司嘅二人卡座，所以想攞壽司的話就必須行出去走廊。另外，餐廳設有自助吧區，好似打邊爐咁可以隨便拎野食，野食方面選擇唔算多，但新鮮度尚算唔錯，而且侍應添加食材嘅頻率甚高，因此好少會出現無哂某種食物嘅情況嘅~:)再嚟食物質素方面，水平超乎我想像，尤其係韓燒果part，佢個爐火力非常充足，就算比較厚身嘅肉扒同雞翼，都好快就燒熟。而且肉質幾鮮嫩，又入味，實在無啲人講到咁誇張，我自己就覺得高質過坊間唔少餐廳(尤其係標榜韓燒嘅餐廳)；壽司方面，可能因為我地入座時間早，所以基本上無咩選擇，得玉子、赤蝦、八爪魚等，連基本嘅吞拿魚同三文魚都無.......去到我地差唔多走喇，佢先開始出三文魚、蟹子、鰻魚果啲.......所以我建議想嚟食嘅朋友唔好太早嚟，寧願排一陣隊都要等到12:45之後先入座，果個時間先最多野食！埋單總結，連加一$198兩個人，平均每人$99，非常抵食，我相信呢間好有可能係平絕全香港嘅韓日餐廳，而且欲試又止嘅朋友請聽筆者一言：想用一星級價錢食五星級菜式係無可能嘅事，所以唔好抱有不切實際嘅期望，講真果句：呢間餐廳嘅整體質素已經好過好多中等價嘅餐廳，所以請性價比，西九龍中心嘅韓日燒係無得輸！…Read More

我本身以前食開明將，幾十蚊就可以任食三文魚 壽司食到飽，真係你要幾多件就比幾多件你，只要三文魚唔會太差，我覺得好ok好底食，我上網睇左下介紹，就黎到呢間一心想試下佢個壽司任食有冇明將咁好，黎到差不多下午3點，我在門口望下個迴轉壽司果條迴轉帶已經係冇乜壽司，得返啲轉左幾百個圈都冇人會拎既壽司，我入左坐，見到咁情況，起身問人有冇三文魚壽司食，冇我就走啦咁講，佢地話師傅返黎整緊，咁我坐返埋位，再等一陣就真係出左幾碟三文魚壽司既，咁我立即搶左幾碟食先啦！味道同品質都係ok既，同明將一樣囉，但食左果幾碟之後就完全唔肯補三文魚壽司出黎，太孤寒，咁得返啲三文魚皮壽司係條帶度，我都唔係咁想食三文魚皮，又肥又冇魚味，不過都係三文魚，咁我就食埋佢，諗住條帶冇曬三文魚，佢會補返啲出黎啦，但唔會囉，整埋啲沙律，假飛魚子果啲，完全都唔肯補啲三文魚， 鰻魚壽司更加係成2個鐘頭食左成餐都冇見過半舊，成條帶都係果啲冇乜人想食既款式，燒烤果邊我就唔知佢啦，你話壽司任食果方面，我係不滿意既，我用同等價錢，去爭鮮買三文魚壽司，都起碼必定有20幾件以上既三文魚壽司比到我， 你如果係唔捨得比三文魚壽司人食既話，就唔好開所謂任食，你要我任食腐皮，海帶，罐頭吞拿魚沙律，罐頭粟米沙律，Big No No囉!你包得三文魚壽司，條帶冇你就要補啲比人食啦！你唔好成條帶都放白飯?…Read More