韓之美食 (Closed)

聽朋友講，依間餐館好有家庭feel!我見有人俾劣批，我知點解會咁比。可能d人吾慣/吾中意個老闆娘個說話方式，因為佢講野你會以為話你趕你姐快d埋單咁...但我覺得佢係同緊我地開玩笑🙈🙈今次同朋友一齊食，我就叫左個辣豬頸肉套餐$40包野飲、兩款涼拌....真係好辣，可惜豬頸肉好細塊！但送飯食一流！朋友叫左辣五花腩套餐，不過我個餐辣好！炸醬面都好好食，抄年糕好細份，但d年糕好煙n...泡茶豆腐湯份量都幾大份，我地五個女仔食完自己份野再飲埋湯已經好飽！但味道一般😩😩…Read More

食物沒有韓國風味，質素差，服務態度差，價錢比佐敦還要貴，我叫了湯年糕，但用了炒年糕來做湯年糕，所以好淋，沒有糯米的口感，又叫了豬骨湯飯，味精很重，好明顯係用豬骨濃湯寶，蛋卷，蛋沒打混，完全係蛋白同蛋黃分開，都唔明點解有咁多人去食，難道元朗既人未食過正宗韓食！真不值得再去。:(:(…Read More

其實哩間韓食 好有韓國家庭既風味 有分學生餐同午餐 咁學生餐份量少 但係都夠飽嫁 2個午餐 三個人食 辣豬頸肉 豬大腸 兩個餐 四個跟餐泡菜 可以任你自己選擇 圖可見份量好多嫁 跟餐仲有海帶湯 其實老闆娘好好人嫁 見我地三個人話唔夠食可以添飯 個辣魷魚泡菜一定要食啊 又辣又正 魷魚絲都好好食啊 青瓜就冇咩特別 豬腸入味 醬汁撈飯好好食 豬頸肉真係幾辣 推介就一定食辣魷魚泡菜 仲可以任飲 麥茶添啊 餐具就自己拎既 野飲都係 …Read More

　　平時食野都好少會寫食評，但今次實在極不愉快，等各位唔洗再比錢買難受！！！　　午市一點幾左右，同幾個朋友去左呢間餐廳。　　首先，服務態度非常差劣。如果有得比負分，我簡直想比負一百零一分。老闆娘個女落單黑口黑面，好似個個客人都得罪左佢咁，語氣亦非常差。我地講錯少少野，佢語氣就非常不滿。而老闆娘既服務態度亦非常差，更會鬧客人。唔可以玩手機、唔可以食剩呢一類既規定都可以接受。但要客人比錢睇人面色，我真係不能接受！呢間餐廳既賣點係家庭式。但我到今日先知原來家庭係咁唔溫馨，要比錢受人氣！而餐具飲料更是自已去拎，我唔知自己比左幾十蚊買左啲服務番嚟。　　之前既服務態度都冇咁差，食客同老闆侍應既關係都算溫馨，配合番家庭式既賣點。可能而家佢愈來愈出名，有不少元朗外既人亦會特登入嚟食，更有雜誌訪問，老闆以為自己唔憂做，服務態度每況愈下。負一百零一分既服務，配上普通既食物，不舒適既環境，請都唔會有下次！　　入面唔算多人，因為我地幾個人就等左十分鐘左右。咁我地開始食啦，野食都幾快就到。我叫左個雞柳，味道普通。同其他韓國餐廳相比，其實就冇咩特別，不過不失，涼拌菜都算入味。但其後，嚐過友人叫既牛肉片、豬頸肉等等，發現每一樣既味道係一樣！如果大家想試曬咁多樣既，我勸大家唔好，因為樣樣菜既味道都差唔多。而份量方面，飯得好少，大食少少都唔夠，但加飯又要加五蚊。如果加飯，一個午餐就變左４５蚊，同番元朗附近既餐廳比，都真係貴而唔抵！老闆娘仲話想加價，但老公唔想佢賺咁多就冇加。好彩佢老公醒目，如果唔係嚟食既人一定少好多，又貴又唔抵服務又差！　　而環境呢，坐得十分唔舒服，擠逼。有幾張檯更要坐膠凳。我地坐左一邊大檯，要一個癡住。一個手臂坐。而後面就係另一張檯，坐出啲都驚整到人。由於太擠逼既關係，行出去都要坐最出既友人起身讓位。　　如果元朗有間韓國餐廳，食物方面差唔多，但服務同環境都好啲，我深信韓之美食呢啲令人不愉快既餐廳係競爭下一定好快消失。雜誌仲講話老闆娘想打造元朗韓國街，希望到時有多啲競爭，等佢地知到今時今日咁既服務態度係唔得既！！！！！！…Read More

成日見呢間韓國餐廳夜晚好多人...坐晒出門口...一路都想試...今日見無乜一試o下lunch先~ 無乜人唔駛等位~ $40 o既套餐有A-K揀...5款係唔辣ge...包白飯同紫菜湯...仲有兩款涼拌菜...同埋罐裝飲品/即沖熱飲...呢度d餐具同麥茶都係自助ge...罐裝飲品都係自己拎...我地叫o左兩個set...一個係豬頸肉一個係辣豬腩肉~ 全部都係一叫即到...好快手...呢度d涼拌菜差不多有成十款~ 我地兩個人都試到四款~ 泡菜比較辣...其他都ok~ 魚仔最正!!! 個湯真係好好味好多紫菜~ 不過略嫌唔夠熱...飯太多水...同埋d餸都係唔多夠熱...可惜...味道其實算係比較清淡~ 唔會好似出面食o既咁濃味~ 我叫o既辣豬腩肉其實都唔係好辣...而且味道更好~之前睇其他post都有好多人comment老闆娘o既態度...今日所見佢真係好多o野講...直頭坐埋其中一檯客度傾計...不過我地問佢o野佢都有答...態度都ok...相信係佢本身o既性格je...其他店員服務都ok~ 搵日夜晚無咁多人都會試o下其他o野~ …Read More

傳說中，呢度落單慢﹑ 嗌錯野﹑ 食剩野同玩手機係會俾阿珠媽老闆娘鬧爆，但話就話去挑戰EQ, 事實上同事們都勁淆底，所以4個人只係嗌左3人份量食物，而玩少陣手機都會死ge美少女同事亦不惜放下手機，全程魂不附體咁食完餐飯，得我一個唔識死做戰地記者，繼續相機食先~ XD 雖然我地無俾人鬧，都見識到阿珠媽老闆娘ge真性情，一時叫食客個B女坐好d食飯，一時又同人研究食辣唔食辣好，仲不時傳來爽朗笑聲，同埋真係有叫學生妹收埋部手機… (ˇˍˇ")總結：我地叫左豬肉炒粉絲，卷卷壽司，泡菜豆腐湯同3個白飯，感覺係媽媽ge味道，全部都好好味，可以encore呀~ (=^^=)…Read More

為左呢間野第1次寫食評，因為實在唔明點解咁多人排隊！見到呢間餐廳好耐，但一直冇機會試，今日朋友話想黎呢到食，近排韓風好勁，出面d 韓國餐廳閒閒地都等成粒鐘，所以今日3個人等左半個鐘左右，我覺得可以接受的。一路同朋友傾食咩，見部隊鍋只係$150 覺得好抵，但見到人地叫左既實物。。真係呆哂，勁hea !!! 唔係慶熱住食既。。。最後我地叫左5 樣野1.薯仔豬骨鍋呢個鍋真係好hea, 我個幾舊骨，但個湯底係好飲的，所以我地係飲湯飽2. 壽司都係咁上下，問題係。。。呢碟野我冇記錯係$4x.....出面d 普通韓國餐廳2條通常係$2x...,呢個會唔會份量太小？3. 豬肉抄粉絲個味ok, 但太碎！！！ 用快子係夾唔到。。。。用樣。。份量唔多4. 雞蛋卷係我同你係屋企煎到個隻。。。你收我$4x...,.,份量會唔會又係太小？？？5. 韓國撈飯係用平時韓國餐廳既飯前菜黎撈。。簡5 樣。。。都係個句。。。。好hea..飯又小食到一半，我地已經知呢個份量冇可能食得飽，係簡無可簡之下於是叫多個撈飯同埋豆腐豬肉泡菜湯係上面豬骨鍋既湯底。。淡小小。。，用一個碗裝住。。。hea 到我冇野講黎呢到之前我睇過d comment, 但我發現服務態度係冇咩問題，好正常的，d 客都有玩電話，冇人話過。。。但最令我失望既係，雖然價錢唔係話好貴，但完全唔係正宗既韓國菜，真心覺得好hea, 份量又小！！！ 出面d 韓國餐廳點平都唔係hea 到咁樣lor..真心好失望，永遠唔會再去了！…Read More

我同朋友4個人第一次去呢間韓之美食，坐低唔夠一分鐘就有個唔知係唔係老闆娘既女人好大聲叫我朋友唔准玩電話！成間餐廳既人都望實我地，個女人仲話呢度規矩唔准玩電話，唔鍾意可以走！我地覺得唔玩冇問題，但係你識唔識尊重人？可以行埋黎慢慢聲講，依家小學雞咩？！ 你地又冇大大隻字寫明， 做咩要咁樣落我朋友面？我地4個已經搞到冇心情食野，但係好肚餓又想試下好唔好食，所以叫左4樣野叫左韓式撈飯，炒年糕，薄餅同雞蛋卷撈飯小小辣好好味，青瓜同泡菜爽脆令到撈飯好有口感，炒年糕煙煙韌韌，辣辣地好正至於薄餅咩都冇，好普通雞蛋卷咪就係雞蛋煎成卷，冇咩特別總結：因為佢d態度令到成餐飯都唔太開心，除左服務態度，食物可以接受，價錢唔值咁貴，我唔會去第二次！…Read More

未寫過食評，但今次好唔開心！點了午餐牛尾骨，餐好似40文，好快就上咗個餐，有罐飲品，一碗海帶湯，一碗白飯，一細碟仔小菜,主食係牛尾骨，真係兩舊！！！！好薄同好少肉，味道麻麻。食唔飽，加多個泡菜餅35蚊，薄！細！油多無味！老板娘態度很差，反感！食完好唔開心，唔會再有下次了！…Read More

這一間應該是全元朗最好味的韓國料理煎蛋卷 入面不太熟好好味好香辣豬腸個味似㗎喱豬腸怪怪地，佢味道唔差，但叫套餐啲餸唔熱。。。。辣生魷魚，泡菜好好味。如果要求有服務就唔好黎依間野食因為如果你同店員0交流就無問題，我都見老板娘串人可能同韓國人唔知廣東話語氣有關入黎就要集中係食物味道度 :)…Read More

之前學校頒獎典禮,我地一大堆人去食韓之美食個老闆娘係韓國人黎,講廣東話唔正聽得出~好有去左韓國既感覺好多食評都話佢地態度好差,但我覺得佢幾好人喎又有同我地講笑~佢既小菜同飯同飲品係要自己出去拎嫁~韓國好多餐廳都係自助式,有啲快餐食完仲要拎番個盤比佢,我覺得呢種方式好好,因應自己既食量唔會浪費食物~但佢主菜份量真係好少,得幾塊肉...:(如果食唔慣韓國野,例如重口味,泡菜,醃制食物就唔建議你食呢間~因為好多韓國菜都有呢幾款嫁拉.包埋海帶湯^^走個陣佢仲請我地食薄荷糖,個口清新D~…Read More

中午1點幾，人客唔係咁多，入去正想坐低，俾아주마喝問:"幾多個?"'一個""座果度啦,要搭枱...."態度好唔耐煩同埋語氣好掘。正想走人，但係又想試吓，好唔好都係一餐姐,叫咗個"豬手飯".好快就上咗個餐，個餐40蚊，有飲品，有碗海帶湯，一碗仔飯，一細碟仔반찬,主食係兩舊仔圓形叫"豬手"的物體，比牛尾骨大D,真係兩舊仔，但好薄同好少肉，味道可以。반찬은맵고 짜다(小菜又辣又咸).정말 어이없다.…Read More

我唔係想抵毀咩人，但正如之前都有人講到，我都真係頂唔順要特登開個ac講下呢間食店，並奉勸一啲火爆少少嘅人千祈唔好幫襯，無為自己激心又喺街同人噪 話說當日同朋友入開元朗，完全盲鐘鐘咁鐘咗入嚟呢間鋪。由於唔係我去攞位，一開始都唔知友人已經被炮轟，只知道等位等咗都幾耐。好喇咁入到去，啲位係都幾窄不過我都仲未有受影響。我地等位嘅時候實在太長，所以已經都睇定晒食咩，無俾人崔點菜。但係之後問題就嚟喇，我就同個老闆娘講話要一個「咩咩咩套餐」（已經唔記得咗係咩名），個老闆娘停一停，然後睥實我話：「你識唔識字呀你？」我地全部當下被嚇疾咗，完全唔知咩事嘅受害者我大概兩秒後只好跟住牆上個餐牌仔細咁讀一次個全名。但係個老闆娘又鬧：「你識唔識睇呀？你望下！」我再望一望，先睇到原來當日係無嗰個餐供應。我心諗：你係咪玩野？無咪無囉！唔駛咁鬧人下話！？但係為保持儀態同禮貌，我無出聲，仲要同返佢講句唔好意思添。跟住叫咗野食（食物味道我唔評價，因為本人其實係唔鐘意食韓國野，份量亦不評論，因為本人非常細食）我地當中有學生，佢話學生可以添飯，但係友人就將個飯俾咗另一位大食嘅友人。有一位態度好好多嘅店員叔叔見到就話：「不如我幫你地每個人都添飯啦」我地起初話唔駛，但叔叔笑笑咁話：「唔緊要啦，我地啲飯好好食㗎！」然後就擺低幾碗飯。食食下，老闆娘突然間又過嚟，勁大聲話：「做咩你地個個都有飯㗎？！」我差啲俾佢嚇到哽親。友人就戰戰兢兢同佢講：「係頭先呀叔叔俾我地㗎」佢「喔」一聲就無再講野，但係又企係我地隔離唔走，我地全部人就dup低頭默默食飯。冷不防佢爆咗一句：「好驚呀？」加多個嘴角上揚，死未！我又心諗：你知就好啦，可唔可以改善一下你嘅態度？女仔之間成日鐘意share野食，咁我同大食友人就share咗一個炒年糕。一碟年糕，你夾一舊食、我夾一舊食咁。點知俾老闆娘見到，又鬧：「你地一人一碟咁分開食吖嘛，咁食法係咪癡線㗎？」你無睇錯，我都無聽錯，佢鬧自己啲客癡線！ 平心而論，我唔係嗰啲要求服務質素好似酒店咁好嘅人，但係你嚟得香港開餐廳，都係想promote韓國美食啫？但係你咁嘅態度，唔單止嚇走晒啲客，仲令人對韓國留下好差嘅印象。sell住家feel唔係咁㗎，我本身對韓國已經無咩認識同好感，加埋今次經驗，我更加懷疑，乜原來韓國人同大陸人差唔多㗎咋？（重申，唔係抵毀唔係歧視）我絕對唔接受「佢係韓國人，中文唔係幾好，用詞用語唔係好識」之類嘅理由，你鬧人鬧得咁流利，同隔離枱吹水吹得咁流利，加埋佢個咁真誠（地兇狠）嘅眼神.......無得懶啦！認真講句，如果有呢間鋪嘅支持者見到，麻煩將我嘅意見轉達俾老闆娘知。我都唔想咒人地執，淨係希望其他食客入到去唔好好似我地咁無端端俾人鬧，留下好深刻......地差嘅印象。…Read More

元朗區韓式餐廳不是沒有，但都是主打韓式燒烤。難得這家小店（估計是小家庭經營) 給我「回到家裡吃飯」的感覺，因此也樂於幫襯。這裡有套餐食物也有「小菜」類別。因為每次幫襯都只有兩、三人一起，所以我們都只會點套餐，「小菜」留待大伙兒吃飯才再試吧！套餐 ($35) 包括一個「餸」、一碗飯、湯任飲（通常都是味噌海帶湯）、泡菜兩款、罐裝飲品一罐。泡菜的選擇很多，這晚我們兩個人吃共可選四款，於是選了生魷魚、大豆芽、咸魚仔、魷魚絲。（另外推薦黑豆、海帶莖、蘿白、蓮藕片也是不錯的選擇)餸方面，要了一份炒豬肉片、炸醬雞柳。這裡的食物不花巧，也沒有精緻的賣相，但味道是不錯的，吃到食物的原味。尤是是炒豬肉片，有少許湯汁，估計炒完豬肉後只加小許水和醬油去煮，很像小時候媽媽煮給我吃的下粥小菜。喜歡喝湯的我，這晚喝了兩大碗味噌海帶湯，很滿足！這裡的筷子、飯碗都是用不鏽鋼的，我記得第一次幫襯的時候覺得很有趣，想起韓片中那是家庭在吃飯的情景 ^^;…Read More

依間野D人服務態度真係不知所謂, 我同女朋友入去食野好似欠左佢咁, 一開始個女仔清理前食客既餐具時, 佢要移開張椅又唔出聲, 借借又講, 仲撞到我咁都算, 對唔住都冇句.然後到點菜, 我地只係睇左一陣都未簡定, 老板娘就坐係我地對面(係坐, 唔係企, 好大壓力)問我地食乜, 咁我地仲望緊牆上面既菜單, 佢突然拍枱叫我地快D, 已經比佢嚇一嚇. 最後我都仲好有禮貌咁望住佢同佢講要點既野食, 點知佢全程望左去第二度, 搞到我都唔知佢係咪聽緊我講野:(. D野好唔好食已經唔仲要, 因為食慾已經大減.食物味道: 冇晒mood, 龍肉都冇味, 這個唔評論食物份量: 份量好少, 我女朋友叫左佢個set, 女仔食都話唔夠飽店舖環境: 位好窄, 但係餐具又要自助式自己出去攞, 好唔方便(老板娘叫我自助式出去攞, 但係同我地同枱之後入黎既兩位客人又有伙計自動幫佢地攞餐具...:( )總結: 韓國當地食店係咩風氣我唔想知, 但係o係香港地咁既服務態度想我再幫親, 真係請我我都唔會再去P.S.: 帶女朋友去搵野食既朋友請自重, 一個浪漫既晚餐就此完結. 而家中有小孩既家長亦最好小心店員拍枱, 嚇親自己的小孩.…Read More