First Korean Restaurant (Closed)

星期六下晝放工去咗愉景灣。呢度比我感覺好舒服，有條海濱長廊，有個沙灘，中心地帶有個商場連帶好多食肆，行入啲就喺高尚住宅區，感覺有D似去咗外國。 不過船費就吾平了， 星期六日一程都要40幾蚊 。好彩有嗰船飛優惠，只要在指定食市食滿120蚊回程船飛就免費。今次揀咗間韓國餐廳，全個愉景灣好似得一間韓國野 ，地方大但吾算多人，我哋揀咗個卡位，坐得好舒服。兩人叫咗個牛肉石頭鍋飯，泡菜炸醬冷麵同一杯熱飲， 石頭飯熱辣辣好好味 ，泡菜炸醬冷麵要加醋嚟食，好地道。侍應話韓國人好鍾意食呢個麵…Read More

我一向鍾意食韓國嘢，呢度星期一至六都供應set lunch, 78蚊起，嗰餐包括一碗蘿蔔牛肉湯，兩款前菜同埋一款主食，食辣同唔食辣都照顧到!今日我食雞肉什錦石頭飯配煎蛋，呢個飯即做㗎，所以要等10至15分鐘， 先上個蘿蔔牛肉湯畀客食住先！再嚟兩款前菜，哈哈，今日有豆角同埋蜜汁炆薯仔， 煙煙韌韌，甜中帶微辣，搞到我更加肚餓！終於主菜出場喇，啱啱煮好熱辣辣，嘩個太陽蛋好醒神……橙色蛋黄㗎! 蛋下面鋪滿料，有翠玉瓜、洋蔥、紅蘿蔔、蘑菰同埋雞肉， yummy！…Read More

第二日，天氣潮濕又大風，但總算比落雨好，一早酒店門口睇舞獅，跟住走去中央公園玩放電，之後去南廣場行咗一陣，大小姐就話肚仔餓，我地又開始搵野食。由於初一晚餐已經食咗西餐，所以今日想試下呢間韓國餐。一坐低，個女就話想食麵，咁我地就叫咗個海鮮湯麵同埋一杯士多啤梨乳酪，而我就叫咗個石頭鍋飯，再加支韓國啤。肚仔餓特別開胃，個海鮮湯麵好多料，湯底都唔錯，石頭鍋飯夠晒熱，仲可以食到飯焦添。埋單三百左右，記得問佢攞番張單過隨離個露天 counter，用八達通換免費船飛，一張單夠百二蚊可以換一張，而我張單三百左右，就可以換到兩張，早知食多幾十蚊野換夠三張啦。不過今次入愉照灣避年，總數驚喜多多又寫意，值得再去。…Read More

今日媽咪生日，媽咪同我，都係第一次到愉景灣遊覽，環境好舒服，睇册子介紹，唯一一間韓國菜，好似唔錯，因為，西餐……老人家未必慣，韓國人參雞……令我哋好懷念……韓國之旅。於是，就嚟呢間……環境都算企理，舒適，石頭窩飯都好味，人參雞就………😓😓😓！！！人參……連鬚都睇唔到一條，當然唔會有人參味道。招呼都好勉強！…Read More

計劃緊韓國之旅看太多食物，忍唔住要食返餐。自問對韓國無乜感覺，亦從來唔睇韓劇，夢幻既愛情實在唔係我杯茶😑但總會有時想食下泡菜八瓜魚同人參雞。愉景灣唯一一間韓國菜，係有心機之作，不過前菜就好搞笑點解會係腸仔同西蘭花。(泡菜係好味既)我地去到既時候已經9點幾，人流不多 可能廚房已經準備收爐，哩碗牛尾湯係即煮，所以等左好耐，味道不錯，再煮耐d會更美味。另外叫左個烤雞沙津，雞肉非常juicy😋😋 甜甜地好好味，不過沙津菜略嫌酸左少少。…Read More

因為天氣太熱.....所以諗住食韓國麵, 又無湯咁實唔熱到中暑啦XD中午時份一上到去,已經FULL晒, 亦都有幾台人中午已經韓燒緊!! shocked!!門口有幾張櫈可以坐低等, 所以都OK~~~大概等左10分鐘左右, 已經有位啦!都算快~坐低左我地叫左3個餐, 所以有3個前菜?另外有樣野要注意,坐低之前會比壺水, 係熱既...其實有凍, 可以問侍應拎嫁!!3小碟前菜, 其實都有6款~每人一兩小口開開胃~推介既係豆角~好爽甜!好味芽菜就較重麻油味啦~其他就一般~~~叫左呢個雞肉辣麵...好辣呀...........!!!!!!!!雞肉無乜味? 不過食既時候, 一啖麵, +上辣醬, 雞肉同生菜絲一齊食就好match!生菜絲增加口感同中和辣味~辣醬配上無咩味既雞肉又變左好味~~!!太熱都係點左杯凍飲~是日特飲>> 紅棗! 女仔最岩飲~~~另外消費夠指定金額, 可以憑收據換免費船飛!!唔知係侍應定老闆呢? 我地6個人, 都比多左張單我地用~~~雖然之後無用到~! 但係服務態度好好~~!…Read More

山長水遠，走到入愉景灣，幾乎所有西餐廳都滿座，或者要訂枱才能內進。既然如此，我就吃韓國菜，而這家韓一館店內十分寬敞，很輕鬆便可以入座。我點了最愛韓式牛肋骨湯，燒雞沙律和海鮮煎餅。餐廳會送上6款餐前小菜，我覺得泡菜的味道剛好，不太鹹；薯仔亦燘得很入味，送飯一流。韓式牛肋骨蘿白湯果然沒有令我失望，牛肋骨肉味很濃，蘿白則吸收所有湯汁的精華，青蔥更令到牛肋骨湯增添香味。至於海鮮煎餅是一個厚厚的蛋餅，包著魷魚和蝦等海鮮，內裡夾著蔥段，增添口感，整個煎餅味道很好，而且蔬菜爽脆，口感提升。燒雞沙律也很不錯，清新的沙律菜減低燒雞的油膩，而燒雞焗得剛好，保持肉汁，不消一會已經「清碟」。在愉景灣內消費滿指定金額可以換取船票，感覺很划算，就好像免了交通費來吃美食一樣。…Read More

入了愉景灣兩日一夜，已經食了兩餐西式，今天真的想轉轉口味。上OpenRice 望一望，發現這間韓式料理評語也不錯，就即管試試,食個Lunch.鐵板牛肉金菇 $78牛肉份量十足，相對金菇比較少，但放在洋蔥和牛肉下, 吸了牛肉汁，味道不錯。鐡板雞肉 $75雞肉醃得入味，香口惹味，奉送的一碗白飯都不夠。鐵板豬肋骨肉 $75肉味濃郁，嫩滑可口，連洋蔥也很入味。我最愛這豬肋骨肉和洋蔥，完全被我消滅了，連洋蔥也不剩。韓式傳統石頭飯 $75正宗傳統石頭飯，可加入泡菜醬，混醬完後味道一般。…Read More

This is one of the regular resutarants I go to when I visit Discovery Bay. The food is great and trh ingredients are fresh. There are not too many Korean restaurants in the area and this one definitely stands out. Both lunch and dinner are good here. Great food and great value. Recommended.…Read More

今日黎西灣河探朋友, 朋友就帶左我去食呢間小店- 韓一窩。呢度既氣氛有種窩心既感覺，環灣都幾舒服。我地因為太早黎既關係，所以好快就有位入座lu，聽朋友講，平時都幾爆場既，好彩早黎je..我地點左泡菜海鮮湯飯同芝士炸雞!泡菜海鮮飯泡菜辣得黎好惹味, 又夠酸, 幾正宗! 正! 而海鮮入面有蝦啦, 蜆啦 年糕咁! 幾豐富, 而且d 食材都幾新鮮~ 幾好唔錯!!芝士炸雞芝士控遇上芝士, 果然係無得輸!! d 雞炸得脆卜卜, 下面墊左d 生菜吸油, 少左d 油膩感. 雞肉都幾嫩~~整體黎講, 呢間水準唔錯, 如果下次再黎西灣河探朋友會再黎…Read More

just went there now with my sister!!May 8,2016around 7pmwho pissed me off on mothers day!!!the food was great but the service was not good..!!!I just experienced fighting with one of the staff,he is rude...!!!!please treat your costumers nicely and if your trying to say something you can explain it in a nice and proper way...…Read More

光顧韓式館子，如果有供應水冷麵，我都要來一客。我認為它是韓式最清新的料理。 冷麵很是冰涼，湯中仍有冰塊。伴著上枱的還有白醋和黃芥辣，可自行調味。蕎麥麵幼且靭，很有咬口。酸蘿蔔太多，梨太少，如能加多一點梨換走一點蘿蔔就好了。青瓜也加多一點點吧。幾片牛𦟌做得不錯。原以為有一隻蛋，翻轉原來只有半隻。 韓式燒雞沙律是用優惠卷免費換的。想不到居然有一大盤，足夠兩人享用，有點驚喜。燒雞很入味，沙律菜很新鮮，加上有芝麻的偏甜醬汁，也很可口。 …Read More

假日的愉景灣很多人，加上剛好碰上聖誕市集的擺攤日子，所以幾乎整個愉景灣都擠滿遊客，建議下午到達的時候先去餐廳訂位，特別是打算七點吃飯的朋友，不然熱門餐廳可能會沒有座位。二人套餐附送的前菜，爽口微辣的泡菜很開胃，青嫩的菠菜也不錯，豆芽一盤比較乾，另一盤麻油味重的比較多汁。左方是大蝦和豬頸肉，前者入口彈牙，口感結實飽滿，後者肉質有嚼勁，油香味誘人。右方是牛肋骨肉和雞肉，前者肉味濃厚，入口軟綿，後者嫩滑可口，醃得入味。海鮮芝士年糕，以一層超厚的芝士蓋在惹味的炒年糕上，每一口都能吃到綿中帶韌的韓式年糕和濃香芝士，再加上非常濃味的醬汁，好吃！套餐的雞肉沙拉，中間的菜很清新，酸中帶麻香，份量比想像中多。雞肉和烤肉的雞肉很像，一樣嫩滑。人蔘雞湯，上桌就聞到濃郁的蔘湯味。用料豐富，原隻雞釀入紅棗、栗子、人蔘片、米飯，光吃配料就讓人很飽。個人最愛雞湯混和米飯同吃，既有蔘湯的濃郁味道，也有吸盡精華的軟滑米粒，讚！最後是八爪魚豬腩肉芝士，直接在桌上開火加熱。八爪魚煮得過硬，所以不太喜歡，可是薄切豬腩肉肥瘦均勻，入口軟硬適中，分數耿上大提升。…Read More

好耐無入愉景灣，入到黎第一件事就係食個晏雖然今日熱熱地，但突然想食辣野，所有以揀左韓一館，但因為好多人，等左20分鐘！想食辣嘅我，㨂左泡菜豆腐沙甸魚煲，另外再叫左煎海鮮薄餅。仲加$35轉套餐落完單就即刻送前菜黎，有我鍾意嘅大豆牙同蘿蔔絲，但嗰啲白菜仔、腸仔就唔係我杯茶豆腐鍋上檯時勁香！個湯酸辣味，正，沙甸魚有三條，足料！但個海鮮餅就一般，料好足，但無味，要靠我個泡菜湯增味！明知個湯重味，會有好多鹽，但都忍唔住飲晒咁濟！人手唔夠，但見啲員工都盡做，抵讚！…Read More

適逢與家人到愉景灣, 梗係周圍行兼食餐好嘅, 夜晚到「韓一館」試一試!首先換咗會員贈送嘅美食韓式燒烤雞肉沙律品嚐啦! 烤雞燒得好香, 椰菜甜酸配搭麻油, 清新好醒胃!選擇主菜時, 因為家人怕熱氣唔食韓燒, 所以首次Order咗火鍋套餐! 1Set已屬兩人份量, 雪花牛肉好靚好好食, 蔬菜配料之外, 仲有前菜、粉絲同白飯抵食! 超值得推介最後用埋積分換美食～香煎蛋包魚, 魚肉厚身又新鮮, 味道肉質鬆軟! 煎蛋與魚香完美結合, 唔油膩兼非常好食!總括來說, 店舖環境舒適, 食物新鮮好食, 會員有85折抵食, 但員工很少, 服務方面尚可有改善空間。…Read More