夜晚10點左右, 未食晚餐, 好餓但大角咀好多食店都閂左或準備閂門, 見呢間餃子店仲營業就試下。手撕雞ok ge, 好香薑蔥味, 啲肉質都ok。餃子皮有咬口, 西洋菜餡個人認為偏乾同冇咩味, 個湯麻麻。 …Read More
The above review is the personal opinion of a user which does not represent OpenRice's point of view.
Like
Dining Method
Dine In
靚湯水餃 (Closed)
靚湯水餃 (Closed)
平時也很喜歡吃水餃的我，剛路過未食飯走咗入去試吓，特別賣冇味精嘅水餃湯底，唔係特別濃味，有點清甜還不錯。也喜歡吃菜浦，比較重一點豆豉的味道。重點是水餃，今天吃了西洋菜水餃，有驚喜因為好足料，脹卜卜的！西洋菜非常新鮮，喜歡吃菜的人一定喜歡。在點了湯水餃以外，還加了面底，上海湯麵，質地很好。下次還會再來嘗試其他款式的水餃。另外，不知道是店員還是老闆，態度親切有耐性，有其他客人不確定要點什麼，他都給予充足時間。還介紹不同的食物。
…Read More
…Read MoreThe above review is the personal opinion of a user which does not represent OpenRice's point of view.
Like
liverpool1992
做打手做到你咁cheap
Date of Visit
2020-06-08
Dining Method
Dine In
Spending Per Head
$50 (Dinner)
有冇搞錯！一心諗住去大角咀食餐飯，諗住食健康啲，搵到間自稱冇味精嘅餐廳！ 食落味精就應該冇啦，但係呢個湯臭㗎！！！！！！！真實嘅反應，就好似你睇美女廚房咁，第一野聞落去，點解係金華火腿咁嘅味嘅？係腳臭味，係臭豆腐味，你話死唔死！食咗咁多年上湯水餃，真係第一次！同個侍應講完，第一野就話，可能個淮山煲燶咗。 大佬呀，如果知道煲燶咗，係咪唔應該俾個客飲呀？第二，個侍應仲要話冇問題，仲要話返我哋，我哋食唔慣冇味精！唔通我有味精敏感同你講咩！總之就係，佢哋個味覺應該好特別，特別到啲食客覺得好特別，係特別臭！！！咁唔該，你哋自己屋企煮好啦，唔好開舖頭為害人間啦！！！P.S. 個侍應，口罩都戴唔好，唔怪得覺得臭湯冇問題！真係太嬲！忍唔住俾咗第一個OpenRice食評俾呢間野！…Read More
The above review is the personal opinion of a user which does not represent OpenRice's point of view.
Like
隔離間山東小城好食咁多，你都要揀食間屎既
Dining Method
Dine In
今晚口淡淡，又唔想食太飽，睇完雜誌介紹去咗大角咀靚湯水餃（第三位）。。。完全係一個騙局⋯⋯湯餃嘅皮太厚，餡料未算突出。湯底白色湯面冇咩油，感覺健康。雖然標榜冇味精，估唔到係完全冇味。是日椰菜雲耳餃。。。。椰菜正常爽口，但肉餡淡而無味，同埋咬落係散嘅。感覺唔太新鮮。菜有菜味。肉就食唔到有味。菜比例太多，餡料太少。餃子皮粉漿太多，烹調時間過長。餐廳環境乾淨整潔。可惜味道未能到達水平。。。。。。。。。…Read More
The above review is the personal opinion of a user which does not represent OpenRice's point of view.
Like
Date of Visit
2020-01-31
Dining Method
Dine In
Spending Per Head
$40 (Dinner)
Party 完左又同老公喺附近搵食經過呢間餃子店突然被給左入嚟見到佢寫住湯底係特別煲所以都好想試下我同老公分別叫咗一個韭菜餃同埋白菜豬肉餃餃子來講唔算差，都幾大粒，味道不錯唯獨是個湯底我哋覺得佢同想像中有啲出入雖然都係飲得出有味道不過唔覺得係好濃烈，疑似佢溝左好多水咁所以最後同老公忍唔住嗌咗個手撕雞飯反而呢個手撕雞飯有啲驚喜薑蔥嘅味道唔錯，雞肉都幾滑反而覺得呢個手撕雞飯比起餃子好食好多呢😅😅😅…Read More
The above review is the personal opinion of a user which does not represent OpenRice's point of view.
Like
Date of Visit
2019-08-31
Dining Method
Dine In
Spending Per Head
$80 (Dinner)
夜晚去完大角咀做gym.又有D肚餓，想食D清清地嘅野。同行友人就介紹左依間水餃店。朋友叫左，豬肉韭菜餃同白菜香菇餃雙併。而我就叫左，白菜香菇餃同椰菜雲耳餃雙併。佢有D辣菜譜擺係到，可加可唔加，自行決定。我就加左，好香，好脆。我哋另外仲叫咗個豬腸（又話減肥)豬腸唔肥膩，而且好入味。水餃。水餃隻隻都好足料。女仔7隻已經好飽。最重要係佢個湯底！朋友話平時佢唔飲湯，但都好鍾意飲佢個湯。皆因佢冇味精，而且每日都會用新鮮豬骨或者魚去調制。…Read More
The above review is the personal opinion of a user which does not represent OpenRice's point of view.
Like
Date of Visit
2019-08-20
Dining Method
Dine In
Spending Per Head
$50 (Dinner)
呢間鋪頭個名叫靚湯水餃，我諗佢應該對自己啲湯底同埋水餃嘅質素好有信心啦，點知兩樣嘢都難食到加零一。鮮肉椰菜雲耳餃兩個款都冇味嘅，而且冇蔬菜應有嘅鮮甜味，好奇怪。我實在唔相信一隻咁普通嘅椰菜餃都可以係難食嘅。鮮肉白菜香菇餃，香菇一啲都唔香白菜又係冇味嘅，兩款餃都係肉嘅比例非常之少，但係你啲菜又冇味，想點呢？水餃皮好厚，又散又冇口感。同埋餡入面會有生粉粒，發生咩事？而傳說中嘅靚湯呢，就唔知靚喺邊啦。又係冇味喎痴線，但係佢講到佢個湯有老雞有花膠有螺片，好似真材實料咁，而家煲出嚟咩味都冇㗎喎，係咩玩法？最後食咗三粒就忍唔住走咗，black list thx…Read More
The above review is the personal opinion of a user which does not represent OpenRice's point of view.
2
真係好難食，寧願買超級市場任何一包包嘅仲好食
Dining Method
Dine In
成日係大角咀食野，食到都唔知食咩好，行咗成十分鐘都諗唔到食咩，突然間見到呢間原來未食過，本住試下嘅心態入咗去😂呢間鋪主要係食水餃，有幾款水餃可以揀，我就揀咗十隻嘅椰菜豬肉香茹餃，因為本身水餃係唔跟麵，怕唔夠飽，就加錢加咗份上海麵。睇落平平無奇，個湯望落好似無乜味，但食過又唔係想像中咁差。首先個水餃不算太出色，勝在餡夠多，而且隻水餃都算大隻。食完隻水餃飲啖湯，好濃嘅螺片味，睇返menu先知原來個湯係用咗好多野煲，花膠螺片新鮮豬骨淮山煲老雞，最後我差唔多飲哂成碗湯，好好味👍🏻而個上海麵係另上嘅，要自己浸落啲湯到食，麵本身都係無乜特別，都係靠個湯啲味，不過可以接受👍🏻…Read More
The above review is the personal opinion of a user which does not represent OpenRice's point of view.
Like
Dining Method
Dine In
一支弓吃晚飯， 看見靚湯餃子便進去試試。一坐低看見那熟悉的辣菜脯， 感覺像坊間出名的餃子店。 坊間 有名的餃子店最出名便是這個辣菜脯和魚湯，好，那便和那有名的餃子店作一場比較吧。湯底： 喝不出魚湯的鮮味， 不過不失。餃子： 一咬下去有點漿口的感覺， 應該是餃子皮用的麵粉問題， 又或者可能是煮的時間太長把麵粉煮糊了。 餃子餡料 有點鬆散，内裏的肉好像撈了粉漿， 菜的比例太高。 餃子的大小大約 灣仔碼頭水餃的大小 ，但認真的說灣仔碼頭比他好吃。 更加不要和那出名的餃子店比較了。辣菜脯： 和另一名店差太遠 總結， 我不會說他難吃 ，但應該不會再幫襯了。openrice 要求200字才能提供好評及劣評， 又不是吃法國大餐， 老實說吃一碗普普通通的餃子 要提供200字的食評會不會太過份？…Read More
The above review is the personal opinion of a user which does not represent OpenRice's point of view.
1
Recommended Dishes
沒有
Dining Method
Dine In
韮菜餃好好好好好好好好咸。粟米餃係用罐頭粟米。兩款餃子入面所謂鮮肉完全食唔到，肉質似啫哩，似係用左好多肥膏同生粉:(仲有湯底好好好好好咸，唔似無加味精，食完好頸渴。比多十蚊我食返餃掂 ，可惜返工呢頭無
。 中意食餃子既人會好失望！OpenRice 好狗 要打夠200隻字先評分我呢度比分 得一粒⭐️…Read More
。 中意食餃子既人會好失望！OpenRice 好狗 要打夠200隻字先評分我呢度比分 得一粒⭐️…Read MoreThe above review is the personal opinion of a user which does not represent OpenRice's point of view.
Like
Dining Method
Dine In
同朋友本身行奧海城,本來想食FOOD COURT ,但我同我朋友都唔想食FOOD COURT,最後去左大角咀搵食,最後見到依間餐廳,我同我朋友剛巧都想食餃子,所以就入左依間餐廳。我同我朋友叫左冬茹白菜餃同栗米豬肉餃,其實我覺得依間餃子都ok,但佢d湯好似多左d,同好普通既清湯,我朋友比較喜歡栗米豬肉餃,佢話好味D…Read More
The above review is the personal opinion of a user which does not represent OpenRice's point of view.
Like
Date of Visit
2019-05-28
Dining Method
Dine In
Spending Per Head
$34 (Dinner)
係呢間店買左份外賣嘅椰菜雲耳餃10隻，42蚊。外賣要加收2蚊，可以同佢講裝埋一齊，就可以比少1蚊。一開始佢話44蚊，真係嚇一跳，因為佢本身都唔平，又無啦啦收多2蚊，所以記得問清楚！餐廳名有靚湯2字，當然要試試佢嘅湯。可惜只有顏色似湯，味道得嗰咸字，完全配不上叫靚湯。再講講餃子，尺寸係適中嘅。可惜餡味好淡，椰菜太大塊，有種要特登咬碎椰菜嘅感覺，令口感認真感覺差。幫襯左第二次，都係好失望，忍唔住要黎評論下，餐廳名叫靚湯水餃，麻煩餐廳改進下餃子同湯嘅味道。唔怕中伏嘅朋友可以一試！
…Read MoreThe above review is the personal opinion of a user which does not represent OpenRice's point of view.
Like
Date of Visit
2019-05-24
Waiting Time
5 Minutes (TakeAway)
Spending Per Head
$42 (Other)
大肚婆帶我去食飯， 她說有一間水餃都幾好味0味精, 肚內的小B一定喜歡。實而不華的小店，靚湯做主打，有兩款老火湯可供選擇。我和朋友叫了粟米豬肉水餃 及 椰菜雲耳水餃加米線。 兩款水餃的size也是大大隻包得很結實，加埋靚湯健康的感覺即上心頭。如果覺得味道太淡，可加上自制的辣辣菜圃。…Read More
The above review is the personal opinion of a user which does not represent OpenRice's point of view.
Like
Dining Method
Dine In
由佢舊舖已經開始食，今日第一次去新舖食，環境好過以前。記得以前好似會分星期幾係咩湯，但宜家得一隻「花膠螺片新鮮豬骨鮮淮山煲雞湯」。我自己就叫咗「鮮肉韭菜餃」七隻加「上海麵」👇🏻 OK好味。同事就叫左「鮮肉粟米餃」七隻加「米線」👇🏻…Read More
The above review is the personal opinion of a user which does not represent OpenRice's point of view.
1
Date of Visit
2019-03-04
Dining Method
Dine In
Spending Per Head
$42 (Lunch)
許久前朋友帶過我來過一回，那時的味道已經忘記。今天去到奥運，忽然想吃水餃，妹妹就提議一起去。店內人客數飽和，不用等位已可入座。眼見位置不同，方知原來已裝修過，舖子感覺地方大了呢！上菜速度好高，不需花時間等，十分好。妹妹欣賞的湯，我也感不錯，店員有禮還主動問會否想加湯，實屬難得，當然她也喝不了很多，並無加。香菇白菜餃42十隻個子不大，味道正常，菇很少，不難忘。韭菜餃42十隻真的太難忘，因為下鹽份量好多，我們都感挺咸，這是在完全無自加仼何調味下得出的結果，既使韭菜也香，已改變不了它超差的印象了。食後感：很想店方做好些，結帳時還是忍不住老實告知，希望他們好好改善，收銀姨姨蠻有禮的接受客人的意見，態度好😊…Read More
The above review is the personal opinion of a user which does not represent OpenRice's point of view.
Like
Dining Method
Dine In
Type of Meal
Dinner
