再早啲嘅抗疾時期，因為見到某旅遊App有賣「靚媽黃金腸粉」嘅優惠卷，買一送一套餐優惠($28有蝦米腸同火鴨絲腸)好似好抵食咁👍，於是就買咗嚟做午餐～。小店幾近地鐵站，但同時亦喺垃圾站對面...🙈。中午時份，有唔少人幫襯，我哋都要等兩三個人先買到。我哋仲見住個後生師傅仔即場喺到整添，製作需時哦。不過佢無乜禮貌，唔睬人😒！小店主打腸粉，但同時亦有賣腌尖麵，個名好過癮咁😝。價錢屬中等水平，不過我發現佢長期都有同唔同App做合作優惠，想慳番幾蚊可以留意下。佢喺收銀處有個好隱蔽嘅牌寫住買腸粉有加配優惠，即係慳幾蚊食埋腌尖麵。我覺得佢好衰囉，有優惠但又收收埋埋，咁不如唔好做🤭。為食嘅我倆叫咗三份腸粉、一個麵同一串燒賣，好似真係有啲多🙈。蔥花蝦米黃金腸粉($25)，呢個係套餐預設咗嘅項目，如果任揀就一定唔會嗌。因為🍤蝦米腸本身就同齋腸冇乜分別。黃金腸粉嘅造型的確同普通腸粉唔同，因為係蛋黃色的，但食落我食唔出有咩特別，反而米香欠奉😐。再者，佢係似廣州嗰隻皺紋腸粉，所以亦都唔滑。香茜火鴨絲黃金腸粉($29)，如果要比較嘅話，佢稍為好過蝦米腸少少。之但係所謂嘅火鴨絲份量真係少得可憐😅，攝牙罅都唔夠；而且太細條肉，食唔出好唔好味。但留意番芫荽味都幾濃。脆脆黃金腸粉($29)，呢個係限量供應，本身冇諗住叫嘅，不過同事話好特別、好想試埋。出奇地呢款腸粉確係幾有驚喜😋，因為腸粉入面包住嘅係越南春卷，咬落真係好脆，個組合幾夾又夠飽。但建議唔好擺太耐，否則春卷淋咗就唔係嗰回事。麻辣腌尖麵(加配價$12)，麵食好似有得揀大細份量，加配嘅就係細。腌尖麵實情係刀削麵，味道正正常常啦，🌶麻辣味唔太辣，易入口嘅，冇記錯的話麵上面加咗唔少蒜粒脆脆同芝士粉。雖然腸粉飽肚，但我都係嫌麵量較少。手作香菇燒賣($13/4粒)，呢個我認為係可以省略唔嗌，又細粒又肥，加上連佢係咪豬肉燒賣都唔係好食得出，因為冇乜味👎🏻。總括嚟講，我覺得佢嘅黃金腸粉係噱頭嘢，個樣整色整水、夠晒特別，亦都幾啱打卡，但食落味道就非常一般，口味偏淡，就算落咗豉油都係咁話🙊。一份腸粉份量唔少，當午餐食男仔都勉強夠的。如果以優惠價計算，就值得一試。正價不了，你會失望。但如果你真係仍然要試，就試脆脆黃金腸粉啦！…Read More
見佢加$12可以要個麵，所以就叫咗個細嘅麻辣腌尖麵，我就覺得份量啱啱好，而且佢個麻辣只係少少辣，好啱我口味！之後仲叫咗個蒸燒賣，呢個味道就一般啦，不過$13有四粒都幾抵食:)香港真係好需要多啲呢啲小店賣下啲特色小食，所以一定要繼續嚟支持吓！
