Holly Restaurant (San Shan Road)

第一次來幫襯、打算一陣去啟德體育園行吓。點心份量足，應該是質素穩定.午市週末非常抵食，五個人有炒嘢,有菜,有五個點心,有飯,有甜品只是$400。地方寬敞舒適服務有禮。…Read More

今日同老人家去了青葉飲下午茶，家人成日同朋友去話幾好，我就第一次。✅五穀炒飯粒粒分明但不油膩！有好多菜粒添加左爽脆既口感，食齋都覺得好味。✅ 薑葱叉燒撈麵味道還好，食到勁重薑味，其實落薑可以輕手d。話係撈面，但勁多汁水，應該要整得乾身D，面才會掛汁又不會比水浸到淋晒！✅ 水晶鮮蝦餃中上發揮，餡料入面無用太多肥豬肉，調味較清淡幾好✅ 蟹子燒賣皇蝦既比例多過豬肉，所以較爽口，幾好食，又係清淡的style✅ 焗叉燒餐包都唔錯的，包包少少煙韌幾軟熟，包面搽滿糖水幾好，但入面既叉燒粒太細粒！✅ 焦糖蜂巢糕幾香甜有焦糖味，但口感係淋的，仲以為係黃糖糕帶有煙韌口感嗰種…？✅ 翠綠帶子腸唔記得影！腸粉無乜透明度，但都有煙韌口感，內餡既帶子係細粒既，用了好動胡椒調味，一般。總結一下，都算唔錯，口味幾清淡I like…Read More

阿爸想食片皮鴨，之前係青葉食過，話父親節想黎食。6月14日打電話book位時，問父親節當日有無片皮鴨，佢答唔一定，當日要打黎問。到父親節正日，當日朝早專登打黎再問，職員答我話有。中午一到酒樓坐底，叫茶時即刻落order要隻片皮鴨，之後再揀其他野食。大家傾傾下計時，奇怪點解隻片皮鴨咁耐都唔見既？同個部長追單時，先話原來無落到單，咁都不得止，佢話當日原來無片皮鴨。明白大時大節，酒樓既套餐可能會有調整，所以當日專登都打個電話問清楚，坐底第一時間都落單先，到追單先話當日無？玩咩？我當日打電話問時，就應該知道當日唔會有片皮鴨啦！平時日子都算，父親節正日，老人家一心想食隻片皮鴨而無得食。。。呢間野無下次！！！…Read More

呢間酒楼位於土瓜灣， 舊區附近，從食評所知，有甚多老人家光顧，令揾食肥華以為佢係一間，地痞式街坊酒楼，但當4月9日肥華和靚媽踏入此間酒楼一睇個格局，就知肥華個想法錯到不堪，此酒楼嘅楼面裝修格局除咗比同區嘅，富臨及龍寶兩問優勝外，奉客茶具亦比佢哋兩間酒楼高級，加上此店早茶所供應嘅點心味道亦Ok，而個干蒸牛肉拼燒賣及煲鳳爪排骨飯，更係高水準食品，本來在呢個環境及食物都令人滿意情況下，嘆個早茶應是一件賞心樂事，可惜此酒楼廁所卻乏人清理， 尿兜有滿到瀉嘅情況出現 啲氣味更有渗出酒楼大廳感覺，真係大煞風景，必須扣分👍👍…Read More

女友小熊一直想食龍蝦伊同片皮鴨，龍蝦伊就滿足咗佢，片皮鴨就未有著落.上網左搵搵右搵搵，係鄰近搵到一間酒樓叫青葉，不單只有片皮鴨，仲有龍蝦伊𠻹，一次過滿足哂兩個要求!但最擔心係..... 近期幫襯D餐廳，三翻四次出問題，上 open 睇青葉食評，話佢服務態度好差，個心即刻冷咗一半!心諗幻覺嚟啫! 嚇我唔到嘅!照去! 睇吓服務係咪噤差!點咗個片皮鴨兩食，片皮之後殼就薑蔥炒，芝士焗波士頓龍蝦伊同蒜子上湯浸娃娃菜.芝士焗波士頓龍蝦芝士濃郁龍蝦肉豐富又鮮甜，滿意.娃娃菜份量足，早排去長洲蘇波記食娃娃菜，蘇波記少一半! 可想而知蘇波記偷工減料幾過份!好多時食片皮鴨之後嘅鴨殼都煮得唔太好食，通常炒得過柴又韌，但青葉薑蔥炒鴨肉仍算嫩口 Juicy，只係D蔥炒得過火唔夠爽脆.片皮鴨皮脆肉嫩，同樣滿意!食哂D薄包皮，叫侍應加多一籠! 佢地話加多一籠"摸摸" (唔知點解薄包皮叫摸摸?) 要加錢，無問題，但人地D"摸摸"嚟齊上哂枱，我地D"摸摸"就無聲氣! 一話取消"摸摸"就9秒9 極速上枱!問D侍應想話攞D濕紙巾，完全被無視!服務態度果然好差! 如果唔係龍蝦伊同片皮鴨掂! 相信會俾負評!扣分最多原因係想要摸摸無摸摸!…Read More

員工全無衞生安全意識！客人用饍中，職員整個人伏上枱，跨越整個枱面去攞個＂枱號＂牌來望一眼！我枱面俾佢＂伏＂過嘅食物仲要唔要食！？開句聲叫客人俾個牌睇下唔得嘅！？啞嘅！？啞都可以寫出要求啩！？…Read More

剛剛一個人上去飲茶，上到去都算有好多位，揀咗一張枱坐，服務員話有人留咗叫我坐第二張，坐第二張服務員又話有人留咗，竟然叫我坐一張未執嘅枱離晒大譜咁嘅服務質素等着執😡😡😡…Read More

未必係同區同級最平，但係物有所值。冬瓜盅冇味精，鹽要自己加可以控制鹹度⋯ 結果我一粒鹽都冇加，因為佢啲金華火腿都已比夠鹹味。啖湯清甜到不得了，冬瓜肉又霖，又入味。一個瓜盅可以出十碗，我兩個人飲左六碗，肚都脹；剩返嗰啲唔捨得，都要打包拎走。奄仔蟹唔知道係本灣、定係菲律賓，我估係後者。四五兩重，膏多、肉質清甜，正。話梅豬手，肉滑又入味，唔係間間店都食到。豉油王炒麵濕咗啲，但係個麵喺靚貨，豉油王都夠香，下次落單試吓叫佢吹番乾身啲先炒，唔知會唔會理我？送飯後紅綠豆沙各一碗，紅豆沙好味D。餐牌寫咗陳皮紅豆沙，但係唔覺有陳皮味。餐牌冇寫綠豆沙，而佢肯定冇臭草味。…Read More

青葉都開左兩三年倒，間唔中都會去飲茶或者食下野，今次星期六去到，大約一點既食飯時間。去到一點倒，唔洗等位，但係坐左一陣之後，就見出便已經要等位。叫左個蘿蔔絲酥餅，好咸，而且佢個皮係成塊黎，唔係一層層既，係一塊咁，冇左個鬆化既感覺，亦都冇層次感，個味道就大打折扣。另外叫左個$38既秋葵，大約有12件，大大碟，秋葵都好新鮮，佢係用豉油同wasabi比人點。另外再叫左個叉燒瀨同點心拼盤，拼盤有蝦餃燒賣馬拉糕同蜂巢糕，我剩係食左蜂巢糕，都幾好食。不過唔知係咪因為多人，間酒樓好嘈。…Read More

恭喜發財身體健康大年初一梗係要捉埋我高太同我母親大人去飲反餐茶啦阿媽平時同朋友去飲茶多數都會去依間我又試下先蒜香炸春卷:)炸得香脆，又夠蒜香味冰鎮秋葵阿媽話依個秋葵做得好爽口再點埋啲日本芥辣同剌身豉油就更加好味阿媽同我高太都話好味年年有餘慶年應節點心，即係粟米煎魚餅煎得幾香口，魚餅薄薄地，口感幾好蟹籽燒賣:):)正正常常，都ok既蒸蘿蔔糕初一飲茶點都要食下蘿蔔糕既:)雖然可能黎梗幾日都可能要對住距，不過又好似好耐都無食過蒸既，多數都係煎既炸松茸入面係一啲好似蘑菇類既野:):)一般般，我自已就唔太岩口味整體都 ok無咩邊樣特別唔岩食，價錢又夠親民，新春期間都無加價…Read More

夏日炎炎唔想煮飯，一家人外出飲茶。選了一間平日少去的中式茶樓（青葉）。滿目是人，點了一份中午（$188套餐），鹹魚雞粒炒飯並無鹹魚味，飯粒還算分明乾爽，份量不太多。燒腩仔皮不太脆，腩仔也是細小的。 蘿蔔絲酥餅還可以丶雞紮用了大陸染色蟹柳丶叉燒酥亦偏燶，炸腐皮也偏硬無料。叉燒腸也是一般般的。最抵食的是後來叫的黯然銷魂飯加半隻鹹蛋配上一碗白飯，$28叉燒量不算少，白飯亦夠熱。 酒樓由於人手不足，全程都係自己照顧自己， 自斟自飲自執枱。 約計午市飲茶價錢還算可以， 味道只是一般般。…Read More

當菁葉開張時光顧過一次，之後便沒有了。最近脨痛，不想走太遠，便又去試了，感覺尚可。但今早個經理一連說窗口兩張枱都有人。真想問，你老闆是這樣的訓練你，只招待幾枱熟客，其它的要坐便坐，要走隨意！很想問，你留的熟客只光顧你一家，吃得多都會厭，何況我們離開後，去了喜宴，價錢更平，質素更好！多謝你令我不滿意，找到了久違的飲茶味道！…Read More

在清明節及翌日，我跟好姊妹住土瓜灣8度酒店兩日，第二天，我們走到第一天經過又想幫襯的餐廳！當日，食完潮式午餐的一小時後，便走到附近炮仗街的 <青葉海鮮酒家>！星期六及假日每款點心要加錢！超值點心拼盤 $68+$10 (星期六日及假期$68) 份量剛好我們兩個女人呢！蝦餃晶瑩剔透的蝦餃皮，充滿爽口的蝦肉！菜苗餃滿載翠綠色的菜及鮮味的豬肉餡！燒賣夾雜豬肉及蝦肉，鮮味的配搭！馬拉糕熱辣辣香噴噴！芳香鬆軟，不算好甜！:)薑汁糕薑味濃郁，入口煙韌，味道清甜，甜美辛辣，口味平衡！:)清香金菊卷 $13.8+$3外型獨特花心思，猶如菊花鮮明的鮮黃色，入口帶煙韌！…Read More

8:50pm問定樓下知客收檔未 答我未 有排！上到去 坐底 即叫餸。全場得幾枱客同埋有麻雀聲。食到9:40pm叫職員拎外賣盒比我。已經有個短髮執枱阿姐推住架裝滿污糟碗碟嘅車 企係我張枱3呎內 一直望住我地 當時我未埋單。 夾完打包嘅餸 執枱阿姐瞬間衝過嚟開始執嘢。。。連我碗紅豆沙都收埋 我叫住佢 佢好唔願意咁放低！我忍唔住開聲 趕收工都唔係咁啩？然後佢黑晒面回應 再”不”過碗囉！然後我即刻埋單走人。。。。。當時9:48pm。到底間嘢收幾點咖？！以後問准執枱果個阿姐先好放人入去食。…Read More

未試過平日黎青葉飲早茶，要自己搵位仲要搭枱真係即刻想走，見係同爸媽一齊就算賴得行。環境都幾光鮮，地下木地板都感覺乾淨！食物正常囉，無話好多野食不過有d優惠孖寶都算低。下次可以試下下午茶…Read More