YOUNG DABANG

【🌶️ 沙田青年大邦韓式海鮮年糕鍋！超豐富配料大滿足！】最近去咗沙田青年大邦試咗佢哋嘅韓式料理，真心推薦俾鍾意韓國菜嘅你哋！😋 今次試咗幾款招牌菜，每樣都各有特色，一齊睇下我嘅食評啦！👇🔥 海鮮年糕鍋配料超級豐富！有牛五花、牛腸、鮮蝦、鵪鶉蛋、魚糕、大蔥、意大利香芹、炸蒜片、年糕同拉麵，配搭Y D B招牌醬小辣！味道就係經典嘅韓式辣醬，甜甜辣辣，非常惹味！年糕同拉麵吸滿醬汁，口感一流！🦐🥓🍊 蜜柑梳打一大扎可以幾個人一齊飲，味道清爽又多氣，完美解膩！🍹🍚 燒石斑魚釜飯呢個飯有驚喜！首先將所有食材攪拌均勻，原汁原味食一次，之後倒入高湯軟化鍋巴，最後仲可以用紫菜包住食，三種食法，三種享受！🐟🍚🍲 牛肋骨雪濃湯湯底濃郁，牛肋骨煮得軟淋入味，鍾意飲湯嘅朋友一定要試！🥣🥗 蜜糖柚子八爪魚沙律八爪魚爽口彈牙，配上蜜糖柚子醬，清新又開胃！🍯🐙整體來講，青年大邦嘅食物質素唔錯，尤其係海鮮年糕鍋同燒石斑魚釜飯，真係值得一試！下次再約朋友一齊嚟encore！👯‍♀️#青年大邦 #沙田美食 #韓式料理 #海鮮年糕鍋 #燒石斑魚釜飯 #蜜柑梳打 #食評 #香港美食 #韓國菜 …Read More

去完韓國之後仍然念念不忘韓國美食😆 最近發現沙田新城市廣場新開了一間人氣韓國餐廳青年大邦！店面空間感十足，人氣極高，我去嗰日依然係全場爆滿🔥 最吸睛的必點之選：35cm 超長辣炒年糕鍋，打卡一流！🔥 煙燻牛五花年糕鍋 $278招牌年糕鍋可以自選醬汁～ 我地揀咗玫瑰醬，香辣帶甜、口感濃郁，完美包裹每款食材！牛五花油香十足，年糕超級煙韌彈牙，配料仲包括炸餃子、鵪鶉蛋、魚糕、椰菜！當然仲有邪惡拉麵🥹 每樣配料都吸滿醬汁！🍗 蜜糖蒜香雞 $228低溫慢煮烤雞嫩滑入味，配上烤原個蒜頭、炸蒜片，表面鋪滿晒香濃蜜糖蒜醬～ 另外仲估唔到係手切薯片，好食到停唔到口!! 🥹🌯 炸雞媽媽大邦太卷 $98超豐富的韓式飯卷，入面有炸雞柳、蛋絲、醃黃瓜，再配上蜂蜜芥末醬～ 比起平時紫菜包飯更加豐富～超果腹！▫️▫️▫️▫️▫️📍 🗺️青年大邦 (沙田)沙田沙田正街18-19號新城市廣場一期1樓103A號舖…Read More

🌊大邦海鮮年糕鍋是全場焦點，湯底濃郁，加入熔岩拉絲芝士後更添香濃口感。鮑魚、扇貝、齊口、蜆、墨魚仔等海鮮新鮮飽滿，與魚糕、年糕一同煮煮滾滾，鮮味滲入每一口，主角年糕煙韌彈牙，入口帶微微黏性但不黏牙，吸收湯底精華後更添濃郁風味。每一口都充滿忌廉粟米醬的香甜與海鮮的鮮味，咬下去有種「啖啖滋味」的滿足感。年糕既是主食又是配角，完美地串連整鍋食材，令口感層次更豐富。如果你喜歡煙韌口感，呢款年糕絕對唔會令你失望。佢唔似一般街頭年糕咁單薄，反而厚實有咬口，配合拉絲芝士一齊食，仲有種韓式fusion嘅感覺，令人一試難忘。想再加強食評內容，我可以幫你整合埋落去！芝士與海鮮的結合出乎意料地和諧，既有韓式辣鍋的熱情，又帶點西式濃郁。🐔蜜糖蒜香雞則是香氣撲鼻，原個燒蒜頭香氣濃烈，與蜂蜜醬汁完美融合，甜中帶鹹，雞肉外皮香脆，肉質嫩滑。底層鋪滿脆卜卜的炸薯片，吸收醬汁後依然保持爽脆，口感層次分明，令人一試難忘。🧀炸芝士條外層金黃酥脆，內裡芝士香濃拉絲，入口即化，鹹香濃郁，是芝士愛好者的必選小食。…Read More

海陸年糕鍋@$327第一眼就俾佢嘅牛腸同埋年糕吸引，因為年糕好長，好飽肚，而牛腸係我最鍾意嘅嘢食，所以就叫咗呢一個年糕鍋，入面有好多配料，有：牛五花肉、牛腸、鮮蝦、轉鶉蛋角糕、大蔥、炸森片蔥大利費芹、拉麵、年糕。都幾豐富，兩個人食一定飽，我哋後來加咗拉麵，因為個汁實在太好食啦，因為本身係普通韓式辣醬，但係我哋加咗玫瑰辣醬，有少少甜甜地，用嚟煮拉麵就一流😍😍😍栗子米酒米，就可以話係我嘅最愛，今次試吓呢一種新口味，從來未飲過，飲之前職員會幫你搖一搖啊米酒撈勻啲栗子醬先，之後再倒落去酒壺，幾有feel，栗子米酒佢偏甜，唔係好重栗子味，但係會飲到少少甜嘅味道，幾特別。環境唔錯，都算5多空位，我哋夜晚六點去左右，都好多人，有時仲要排隊，加上韓式裝修同埋韓國嘅音樂，好似以為自己去咗韓國咁🤣…Read More

新城市最近多左好多好野食🥹今次食左呢間6月開既韓國人氣年糕鍋專門店😛原來韓國有超過400間分店😳2個人晚市唔洗$500就食到勁飽嘅韓國菜 見到好多情侶淨係嗌個$2xx嘅鍋已經夠哂🤣🤣呢度最多人叫35cm瀑布年糕鍋 不過我地想食雞就冇揀到~✨芝士炸彈香雞 $248本身以為係炸雞 仲驚太熱氣 原來係低溫慢煮烤雞😆上面仲有芝士粟米片同手切薯片😝當然唔少得拉芝同車打芝士醬😋😋雞肉都幾嫩 又熱辣辣 份量多到最尾都係食剩左少少🫣✨牛五花釜飯 $158釜飯都有幾多款揀 牛五花肉量都唔少 仲配埋香菇 日本生蛋黃 青蔥 飯素等 職員細心教我地淨低既鍋巴可以加啲湯焗熱再食 亦都可以用紫菜包住飯咁食👍🏻✨泡沫咖啡 $46飲品有燒酒 米酒 梳打 咖啡 冰茶 我地少飲酒嗌杯咖啡都唔錯~…Read More

見前排好多Foodie介紹呢間個年糕鍋，覺得好吸引，所以就同朋友嚟試吓！嗰日係假日夜晚去嘅，等咗大概半個鐘左右～🇰🇷炸雞芝士瀑布年糕鍋 $293食完就知點解佢咁受歡迎！佢有得揀醬料嘅，我同朋友就揀咗玫瑰醬 (+$23)，啲年糕非常煙靭，炸雞同個醬汁都好夾！仲有啲韓式拉麵，邪惡得嚟又好好食！另外我哋仲加點咗炒飯，係等食晒鍋裏面嘅嘢之後再加嘅，記住食嗰時要留返少少醬，等店員用嚟炒飯～成餐超級豐富，食完之後我哋都好飽好滿足！之後一定會再嚟食-味道: 8/10服務: 7.5/10環境: 8/10回頭率: 8/10…Read More

喺全世界有多間分店嘅呢間「青年大邦」，最出名一定係35 cm嘅超長年糕，絕對係顛覆我平時年糕鍋嘅印象。🔥 海鮮年糕鍋一上枱就聞到香噴噴！鍋料多到睇見都開心～有牛五花、牛腸、鮮蝦、鵪鶉蛋、魚糕，仲有吸盡精華嘅年糕同拉麵！佢哋嘅招牌韓式辣醬甜甜辣辣，越食越開胃，真心推介！🍊 蜜柑梳打大大扎夠晒3-4個人分享～清新冰爽，氣泡十足，飲一啖即刻解膩，同濃味嘅韓式料理超夾！🐟 燒石斑魚釜飯呢個飯有三種食法，好玩又好食！先撈勻原汁原味試真啲魚香，再倒入高湯整成湯飯，最後用紫菜包住食～每種食法都有唔同風味，誠意推薦！🍲 牛肋骨雪濃湯湯底熬到奶白色，濃郁得嚟唔油膩～牛肋骨煮到軟淋入味，一啖湯一啖肉，暖笠笠好滿足！🐙 蜜糖柚子八爪魚沙律八爪魚新鮮彈牙，配上清甜嘅蜜糖柚子醬，酸甜開胃，作為前菜或者清一清味蕾都一流！環境舒適，服務貼心，快啲約班朋友去試下啦！記得預早book位啊～…Read More

一早已經想食呢間餐廳好耐，朋友介紹話佢嘅芝士雙拼炸雞好正，所以今次就叫咗一份芝士炸雞，一個麻糬煉奶波波，嘢飲就嗌咗一個芒果熱情果冰茶。先講吓佢嘅炸雞，面頭係一層超級厚嘅芝士，鋪滿晒成份炸雞，最底放咗好多類似薯片咁嘅脆片，吸滿晒炸雞嘅肉汁，最後食落去超好味，份量好多，完全足夠兩個人食，而且佢嘅芝士係拉絲，好正！另外個煉奶波波都好好食，內餡係麻糬好煙靭。間舖嘅環境同氣氛都好好，好適合情侶約會或者一家大細過嚟食。…Read More

因為最近係沙田新城市見到新開左間好hit既韓國過江龍「青年大邦」，聽講佢地十年內開左超過400間分店，而且招牌係果個35 cm超長年糕鍋，所以就約左朋友黎解下饞、打個卡，順便試下傳說中既長年糕🧡。地點方便，人流多，氣氛有活力，仲有好多年糕鍋選擇，感覺好適合一班人黎share。.酥炸魷魚皇年糕鍋 $288呢個係每枱必叫既招牌名物，份量足夠二至三人（年糕鍋至少有七款選擇，醬汁五選一）。落完order後，店員會將年糕鍋放係枱面既爐上，keep住溫度，整個過程感覺不錯。今次揀左YDB招牌醬，小辣，有原隻魷魚、炸餃子、維也納腸、鵪鶉蛋、魚糕、白椰菜、大蔥、拉麵、年糕。原隻魷魚好香脆，外層酥到有聲，內裡好彈牙同香口；35 cm果條超長年糕真係令人笑住剪—好有韓劇阿珠媽既感覺，玩味十足。年糕煙靭有嚼勁，吸滿左甜甜辣辣既招牌醬；而拉麵就吸晒醬汁既精華，每啖都係濃郁味道，整體層次夠，又易share，食到好滿足🍜🔥。.韓式辣芝士雞肉釜飯 $128釜飯上面舖滿雞肉、日式生蛋黃、馬蘇里拉芝士、紫蘇葉、青蔥、芝麻、蒜蓉同辣雞肉醬。拌勻後蛋黃同芝士拉到長長既牽絲感，雞肉香而帶微辣，飯粒底部有少少鍋巴，口感豐富。可以拌好就咁食，亦可以用紫菜包住一口一口食，兩種食法都幾正，風味有新鮮感，係一個較溫和但層次感十足既選擇🧀🍚。.Zero Coke $38 零卡可樂清爽帶氣，入口有清晰既碳酸感同一點點甜，解辣又解膩，配heavy味既韓食好實用🥤❄️。…Read More

終於試到韓國過江龍年糕鍋「青年大邦」！新店開喺沙田新城市，環境舒適✨ 主打招牌年糕鍋、釜飯同大邦香雞。重點推介必食「大邦香雞」🍗～ 雞件每日新鮮慢煮再焗，完美鎖住肉汁，入口特別嫩滑！配搭埋金黃香脆嘅手切薯片🍟，啱晒同朋友share食👭🏻！🦐 海鮮煎餅 $168煎餅超足料！表面鋪滿蔥絲，咬開見到蝦、蜆肉同魷魚，邊位煎到金黃香脆，點埋特製醬汁好開胃～😋🍯 蜜糖蒜香雞 $228必食推薦！外脆內嫩，蜜糖蒜蓉醬甜甜哋好惹味～配上炸到脆卜卜嘅蒜片同香芹，仲有厚切薯條，邪惡但停唔到口！🍗🍹 青提子梳打 $58食炸雞點少得清爽飲品～青提子味好清新，解膩一流！💚📍 青年大邦 沙田沙田正街18-19號新城市廣場一期1樓103A號舖…Read More

見到沙田有新開嘅韓式年糕鍋就去試下😋平日下晝兩點去到唔使排隊兩個人 嗌咗🧀炸雞芝上瀑布年糕鍋（$293）🥛牛奶芝士麻糬波（$68）🍑蜜桃青檸冰茶（$58）埋單要加一💰整體不錯的 但喺香港食韓國嘢價錢都偏貴食咗一次之後 短期內都唔會再想食🤣除非真係好想食年糕😗🧀炸雞芝上瀑布年糕鍋（$293）叫咗招牌甜辣醬 少辣🌶️啲芝士真係好似瀑布咁 又多又拉絲用嚟點炸雞、麵、年糕都好食👍🏻鍋入面有三條長年糕😋餐廳有鉸剪提供✂️年糕拎出嚟已經夠軟同入味 可以直接食🍗炸雞皮脆肉嫩是不錯的冬粉餡嘅餃子就普通 皮偏硬跟餐仲有四粒炸蝦球兩個人淨係食呢鍋都飽🫨⚠️個鍋會一直加熱 煮煮下聞到燶味去到中途我哋熄咗個煲🥛牛奶芝士麻糬波（$68）個皮偏厚 有啲似冇芝麻嘅煎堆餡有少少鮮奶味 一定要熱食！中間先會拉絲👍🏻不過凍咗食都仲煙韌鍾意食煙韌的can try🍑蜜桃青檸冰茶（$58）唔藥水嘅蜜桃味唔太甜👍🏻如果驚辣可以嗌…Read More

特意去咗沙田青年大邦 YOUNG DABANG 試好出名既超長年糕，整體感覺有啲兩極。點咗佢哋招牌酥炸魷魚皇年糕鍋，原隻魷魚上枱好有氣勢，仲有炸餃子、鵪鶉蛋、魚糕同拉麵，配搭算豐富，打卡一流。味道方面ok，但食落去偏油膩。蜜糖蒜香雞都係大份量，真係一隻雞上枱，仲有一大堆蕃薯片墊底，3個人都食唔晒，算抵食，但味道就比較單一，食多幾件會覺得漏。牛油香蒜薯條就完全唔掂，超普通又無牛油味，覺得浪費咗quota。牛奶芝士麻糬波份量少又無驚喜，價錢唔抵。熱帶水果梳打價錢唔平，3個人share其實每人得幾啖，唔推介。環境幾適合同朋友聚會，坐得算闊落。服務態度普通，無特別突出。總結：如果係想打卡，試下佢啲巨型炸雞鍋、超長年糕會幾過癮；但以味道同性價比嚟講，都可以一試既。…Read More

係韓國擁有超過400間分店嘅人氣年糕鍋專門店「青年大邦」係沙田新城市廣場正式開幕啦，餐廳以復古傢俱同木系裝飾營做出80年代韓國風，感覺好舒服。佢地嘅年糕鍋可以自由搭配，我揀左炸雞芝士瀑布年糕鍋 (HKD293) 呢款，一份年糕鍋足夠兩個人享用，入面有齊炸雞、炸餃子、魚糕、鵪鶉蛋、拉麵同35cm超長年糕等，加埋瀑布咁多嘅拉絲芝士真係夠曬開心同滿足！除左招牌年糕鍋外，佢地仲提供多款韓國地道美食，吞拿魚媽絲大邦太卷 (HKD98) 比一般的大件，餡料豐富，入口清新爽脆。黃金炸蠔 (HKD68) 炸得好鬆化，仲好juicy，都係唔同嘅選擇！飲品方面，推薦青提子梳打 (HKD58) 呢杯，微酸解膩有驚喜。…Read More

青年大邦 35 cm超長年糕 🇰🇷沙田新城市地下新開韓國菜「青年大邦」，由韓國開到嚟香港，10年之間開咗超過400間分店，主要食炒年糕，今晚就嚟試吓佢哋嘅炒年糕究竟有幾特別。我哋要咗酥炸魷魚皇年糕鍋，店員會開枱面嘅爐，熱住年糕鍋，所以一路食一路都會滾住。年糕鍋都幾大份一定夠，三四個人share一齊食。炸原隻魷魚🦑炸得香脆，口感又彈牙，好香口。仲有好多配料，包括炸餃子、鵪鶉蛋、魚糕、椰菜、大蔥、拉麵、年糕。年糕真係好長，聲稱有35 cm，我哋都係剪開一件件咁食，年糕好煙靭，年糕個汁甜甜辣辣都幾惹味！另外我哋叫咗個魚糕湯，味道同韓國街頭嘅魚糕湯一樣，有多款雜錦魚糕、白椰菜、大蔥、皇帝菜、青紅椒，又係大大份，比較適合同朋友嚟聚會一齊食。📍#青年大邦 (#沙田美食)#沙田 新城市廣場一期1樓103A號舖…Read More

最近沙田新城市廣場新開咗一間韓式餐廳「青年大邦」 每次經過都好多人排隊今次決心放工嚟一試究竟✨炸雞芝士瀑布年糕鍋$293呢間餐廳年糕鍋絕對係招牌因為年糕都有35 cm咁長架😱同一般嘅食開既年糕唔同醬汁仲可以揀味添 今次係揀咗招牌醬小辣配料包括有 芝士炸雞、炸餃子、維也納腸、鵪鶉蛋、魚糕、白椰菜、大蔥、拉麵同年糕每一款配料加埋個醬汁 非常之入味😍✨飛魚子紫菜炒飯$58每次食完韓國年糕鍋 必定再加上炒飯絕對係作為年糕鍋嘅精髓🤭✨炸魷魚$98完全冇諗過係會完整一條魷魚雖然配上任何醬汁 但鬆脆搭夠再配上少少酸酸地嘅沙律作為配搭 一流😗✨炸蠔$68有四隻 每隻都大大隻又新鮮架😝✨青年大邦 (沙田)沙田沙田正街18-19號新城市廣場一期1樓103A號舖.…Read More