露露冰室 (Closed)

到葵涌廣場買逛逛，剛好到下午茶時間，肚餓了，又不想行太遠。有間茶餐廳，外面看進去裝修都ok既。信心不大，姑且試一試。餐廳都頗多座位，算闊落。我被安排到窗邊的卡位。想吃湯麵類，點了下午茶餐的腩肉清湯米線。撇除完全不完清湯底外😂😂，又竟然不錯喎，腩肉米線湯底香濃惹味，配搭韭菜 、花生碎、葱花等，少少的辣味啱晒我，對於小朋友來說就可能唔啱。而且份量都幾多，$38算抵食。飲品不錯，茶餐廳中上水平，冇伏。…Read More

今日送貨經過葵涌廣場，見到呢間露露冰室 好似幾好咁樣，於是送完貨之後就去嗰度食飯。睇完菜單之後我發覺其實都冇乜嘢心水，而且啲嘢好貴，我覺得係比快餐店，同附近嘅茶記都仲要貴。既然坐低咗都要嗌嚟食啦，我就嗌咗一個煎肉餅飯嚟食，呢個煎肉餅飯真係經典。經典在於佢好鹹，食落口又好似啲肉質有好多粉咁樣，而且肉質地好乾好硬，口感好差，最奇怪就係其實本身呢個肉餅都已經好鹹，佢仲要喺面頭落好多豉油，真係咸得冇道理。點解要咁樣做呢？真係一個疑團。又唔好食又貴，我點like得落。 下次都咪搞，唔會再有下次。 你叫露露冰室啫，但我唔係LuLu呀。…Read More

葵廣從未有食肆令我感興趣，今日無意之中行到嗰個位，睇睇餐牌，俾佢即蒸點心吸引到，二話不說決定左是日晚餐地方兩個人叫左1/氣鍋雞2/焗豬扒飯3/金錢肚4/小籠飽凍檸茶+茶走氣鍋雞：用料十足，雞好入味，配菜豐富焗豬扒飯：鮮茄醬，唔似大集團食肆一味得個酸字，豬扒好正，芝士好夾個飯，好味😋金錢肚好冧，好味小籠包亦唔錯以後去葵廣，必食之選埋單只係$206，對得住個價錢有餘難得一間咁有質數嘅冰室，由西貢過去食都變得合理…Read More

本身諗住佢只係間普通不過、環境唔錯嘅茶餐廳，點知原來又唔係喎...!餐廳內有好多卡位，座位十分闊落，環境好舒適！拼棄一般茶餐廳的作風，食品選擇都幾多元化，有點心、飯、麵同米線等...叫左個蔥油豬扒雙蛋飯，鼓油汁好食！仲有一碗茄牛烏冬，都幾大碗呀！加多一杯野飲都係$100找到數，抵食啦！…Read More

以前食開三洋 好耐冇泥 原來變左做露露冰室好彩趕得切食早餐 見佢個常餐要50$ 都幾貴😂沙嗲牛肉個味偏咸 個麵食落又唔似出前一丁😂火腿炒蛋就不過不失唯一有小小搞笑嘅係我叫茶走 個姐姐同我講冇橙汁 我就講要茶走呀唔係橙汁 佢答我哦 之後又有另一個姐姐問我飲咩😂我話茶走 佢先話哦 原來係茶走 因為我地冇橙汁架😂😂😂好無奈…Read More