雲貴軒米線專門店 (Closed)

店內以綠色為主調，樓底頗高，感覺凊新又開洋，以往感覺一般酸辣米線店有一股酸臭味，此店可能淸潔頻密，感覺衛生舒服。 我今天想食雲吞麵，見菜單有一款叫香茜餃米線為首選，價格相宜$38，奉送一杯飲品，雖然標明供應有限，但是任何時間也有貨。個人不吃太辣，點了微辣。我等了五分鐘左右已經奉上熱騰騰米線，香茜餃有四粒，尚算化算，餃子外皮薄還佈著香茜便為惹味、配以豬肉，肉質鬆化軟腍，鹹度也適中，加上滿滿爽口惹味且粗身的榨菜絲，味道也滲進了湯底裡，乾脆與滑溜溜又富彈性的米線同放進口中，感覺就是爽與滋味! 美味一餐，結脹只是$38，不加一，大家可以一試…Read More

下午茶時段，見屯門有新野，又係我係市區食過覺得好味既雲貴軒，有食評試過有讚，就試下新野啦...川味館，我通常都點麻辣湯底米線。咁就點左香茜餃麻辣米線試啦，一試即中伏！！！米線煮得太“淋“唔Q，(三哥都好過佢)，湯底，麻辣做得好，有麻有辣，但咸爆，未試過一間餐廳湯底咁咸，湯底一入口即感到咸到苦，同樓面職員講完，並要求加清湯中和咸度。加完清湯再試，有改善DD，但依然咸得入唔到口，職員好心比杯清水我沖水黎食，心諗咁食法不如我自己煮啦，使乜過黎食呢？:(呢個都算，但客人(同枱幾個客人)反映後，廚師居然只敷衍話唔覺咸就算...真心講句，如果廚師味蕾有障礙就唔好做廚師啦，唔係好趕客！呢間絕對唔值回頭，大家要幫襯時，記得三思啦！！(利申：為左避免更多人中伏而專程sign up comment等大家留意)…Read More

最近返工經過屯門寶怡商場，<紅高梁> 原址的兩個舖位，開了 KFC 及 <雲貴軒米線專門店>！兩間平日早上已營業，一於找個週末到 <雲貴軒米線專門店> 食早餐！剛剛星期五開業，門外放上色彩斑斕的花籃！看到餐牌才得知，這是大當家集團； 而找 Openrice 的餐廳資料，分店遍佈於新界區，包括：屯門、元朗、荃灣、葵芳一帶！這裡光潔明亮！ 簡約舒適！:)至於，早餐的名字也頗為吸引及有趣味！例如：笑哈哈、冬醬西望、出雙入對…大玩同音異字甚為玩味！笑哈哈鮮茄湯米線 $30不用 5分鐘便送上，賣相的而已確似哈哈笑，不過，有點走位！哈哈哈！ 令人見到都會心微笑！:)蕃茄湯調味很合胃口， 夾雜鮮茄肉，不排除加入茄膏，其酸度並非蕃茄的純天然味道，米線看起來是軟腍，入口卻是軟硬適中還帶點煙韌，口感比預期討好，還好過 <米線陣>！配料包括：清甜的甘筍、爽口的粟米芯、彈牙的貢丸、味帶甜美又香口的炸魚角、大約 1cm 的煎午餐肉，略為有點過鹹！ 整體配搭豐富又不錯！飽肚又滿足！熱檸水既然我傷風仍未瘉，還是在食物上補充維他命 C，檸檬飲品是必然之選！店方很慷慨，有四塊薄切檸檬之多！ 充滿天然果酸，醒胃又提神！都幾抵食！…Read More