雲吞麵食店 (Closed)

今日第二次去食, 第一次已經覺得好唔妥....點解碗麵個味咁似我2x年前美孚食個間車仔麵既? 再望一望個老闆娘...咁熟口面.....小弟嚴重怕羞...唔敢問, 食完就走...今日食晏完去, 今次見到老闆, 堅唔妥, 又咁面善.....食飽膽粗粗問下佢廿幾年前係唔係美孚做車仔麵, 點知真係佢.....佢仲話我已經唔係第一個認得出佢地講返野食, 我係車仔麵控, 車仔麵老手, 食左咁多間, 我只會推薦元朗合興, 深水埗文記, 石硤尾肥哥, 同埋呢一間合興同呢一間係一二之爭, 文記只係可以排佢地之後, 永年士多直頭係晒氣p.s. 千色米之蓮車仔麵....真係名過其實得太緊要....今日廿年後再食, 同老闆傾, 業主加租, 做到2月.....…Read More

雖然佢叫雲吞麵食店，但除左雲吞麵、魚旦粉外，佢仲會供應燒賣呀、車仔麵。而雖則喺佢隔離有拎左米芝蓮嘅千色車仔麵，但我覺得呢間無論係味道、價錢，甚至服務方面都比千色好好多。店面比較細，有5張4人檯，檯下有一層俾你放袋，唔駛擺地下。揀食車仔麵嘅話，檯附近有點餐紙同筆俾你自己圈。麵方面除咗基本嘅，仲有上海麵、日本拉麵，同埋可以加錢揀豬骨或味噌湯，幾特別。餸菜選擇都幾多，豬呀牛嘅部位疑似列哂出黎，有啲特別到唔知係餸黎，好似柚皮🧐每樣餸都係$6-9，三餸麵會送一杯點餐紙列出嘅嘢飲，凍都唔駛加錢，雖然我都唔飲凍嘢😛跟餐可加$8配碟油菜，佢嘅油菜真係好好味👍🏻麵可以揀汁，推介佢嘅辣汁，好多蒜粒好惹味，如果唔食得辣，可以叫佢落少啲試下😋🙏餸方面，佢嘅蠔皇冬菇、魷魚都唔錯👍🏻👍🏻…Read More

每個星期做完 yoga, 經過此小店，都見到有柚皮食，所以先尼油菜加柚皮 - 😉正，已經好小人識整柚皮，回味無窮，好小年紀細識食柚皮，所以老板話唔整得唔多，賣晒就冇，另外仲有豬心豬潤夠新鮮正，牛筋夠林，粗麵夠爽👍…Read More

本來來呢邊係食千色車仔麵，但見到隔離新開左呢間舖， 就打算試下。一入去，環境衛生不錯，雖然舖位細細，但坐位唔太迫。感覺不錯👍🏽點餐紙揀餸揀麵㨂湯底，見到餸的選擇都幾多，都幾有心做， 可能因為做埋雲吞麵，所以有牛腩/雲吞/牛肉呢d 較特別的選擇， 仲要有有柚皮，真難得。友人食呢碗， 豬腸👍🏽👍🏽， 豬腸最驚店家洗唔乾淨會臭，但呢間就無呢個問題， 而且都鹵得入味。反而鹵汁無咩特別。我就食呢碗米粉牛肉夠嫩；豬潤煮得剛最緊要係個辣汁， 夠辣，又唔死鹹成餐感覺良好。係最尾，吃待應加辣汁時， 廚師👨‍🍳，應該係老闆，好似一面不悦咁， 其實成餐飯， 都聽到廚師老闆心情麻麻， 不斷話水吧（疑似老闆娘） 🤔🤔不過小店而言，品質不錯，選擇也多。值得一試…Read More

呢間位於千色店旁邊嘅車仔麵，我間唔中都會幫襯一下，因為貪佢點車仔麵可以配上我至愛嘅凍奶茶，都係只需加三蚊 ， 如沒有太多要求， 包埋嘅凍豆漿亦都唔錯 ！呢度車仔麵餸選擇十分多，而且套餐價都係非常之經濟實惠！鮮牛肉份量十分多，味道亦唔錯！牛丸，十分細心，將佢切開一半，令到兩邊加熱十分平均，最怕食到啲牛丸出面熱裏面仲係凍！呢度最佳選擇係豬腸，除咗脂肪不算太多，而且清理得十分乾淨，入口味道很香濃， 車仔麵點少得叫豬腸！呢度嘅醬汁我提議選擇咖哩汁，十分惹味！…Read More

今(9-9-2017 Sat)朝早同老公參加參加活動前食早餐,橫豎都要搭地鐵,於是行落荃灣食,食邊間,老公話睇吓車仔麵開o左未.行到o黎,見開o左,於是入o黎食.三餸麵$36.00送豆漿,於是入去食,我要o左豬皮,炸魚皮同龍蝦丸米粉,多鹵水汁同凍豆漿;老公要四餸o既米線,有牛膀,辣魚蛋,牛丸同芽菜,揀多腩汁,同樣要凍豆漿.冇耐,兩杯凍豆漿到o黎,唔太凍,味道亦唔太甜,豆味亦唔太濃.之後我o既車仔麵到o黎,但唔係米粉而變o左米線,之後老公o既都到,佢o既米線就變o左米粉,老闆撈亂o左.我先食米線,腍o既,而且係好腍;炸魚皮夠脆;豬皮口感o岩o岩好又冇沙,唔錯; 龍蝦丸好似有四件1/3粒,口感亦適中;要o左多鹵水汁,味道就o岩o岩好.而老公o既米粉呢?咖啡魚多唔辣,亦唔算彈牙;芽菜就正常冇問題;其他我就冇食到.味道係3.2分衛生:一般,張枱黐立立.價錢:埋單時,老闆問我o地食幾多咩o既?我答一個三餸一個四餸,佢就收我o地$70.00,點解呢?o衣o家睇返佢貼o係玻璃門o既紙,出面o個張係寫$36.00,但入面o個張寫$32.00,抵食係2.8分…Read More

黎到荃灣,如果窮人是你,身上得返30蚊,又想要有得揀?甘黎雲吞麵食家啦.黎到呢到間店名係雲吞麵,但食一定要食車仔麵,呢間店係重新裝修過,但幾十年老店,係荃灣企得住腳甘耐,緊有原因!!抵!!食!!夾!!大!!件!!千奇唔好去錯格黎間車仔麵,因為我已經去錯左一次,不過冇下次XD 哈哈已經介紹過冇數甘多朋友同事去, 有個朋友仲好食到一次過食左2碗XD (男人超高,YOU KNOW)好啦,黎到呢到,望一望D食評,都講到幾差,但講到甘差又唔汁?因為好食個D你地冇食到!!唔識食LOR~黎到呢到拎返張點餐紙, (老)水汁既野---豬腸,雞翼,雞翼尖.....唔會死錯人,叫得雲吞店,食餃子LA,菜肉餃唔錯的~羅白好味,冇渣同事話墨丸唔錯,一個餸有3粒,質素算係甘!再揀個菜啦大老,一間ALL_唔出_地硬XD最重要係個汁----辣汁 超好味,小小辣 唔好揀錯~~~~~~~同事唔食辣,叫左腩汁都話唔錯!!(終於有唔食辣既人幫手試到)仲要3個餸就送埋杯豆漿XD食得辣既可以問佢地拎辣菜普,但熟客先有XD …Read More

在荃灣千色店行街搵食之際，發現了這間“雲吞麵食店“。 從招牌及門面來看似是翻新過來的，為了吃個輕便的午餐，我進入了食店坐下來。 令我出奇的是，店子用餐地方不大，有點簡陋，內裡的木枱木櫈完全與門面裝潢不夾，在牆角位安裝了一部收不清的小電視機，帶點懷舊感覺。而小店以車仔麵食為主打，因為在半開房式小廚房上貼了大大張的車仔麵餐牌。無論是醬汁、配料、配菜及粉麵類也有很多選擇。 在每張枱上也有車仔麵點菜單供客人自選， 只要把所有想吃的都圈起來然後交給店員即可。※ 米粉配豬大腸、辣魚蛋、豆卜、魷魚及魚肉 加辣汁 ~ 這是我點的五餸米粉，他們用了較大的碗子盛載了。 環顧左右，其他食客是用標準碗子盛載麵食，我很大食嗎？這碗車仔麵我最欣賞它的辣汁，好香好惹味! 豬腸也好吃沒有騷味，魚蛋有咬口。 至於魷魚的分量少，切得也小，魚肉很腍。我愛吃車仔麵，雖然坊間有很多車仔麵店子，可是價錢並不便宜，加冷熱飲品要額外支付十多元。在這裡點一碗三餸以上的麵食即送凍豆漿一杯，再加 HKD 3 可轉其他凍或熱飲，十分化算。吃飽了，慢慢嘆著大大杯的凍檸茶睇著電視新聞也滿足!*留意! 在你選完粉麵及配料後切記切記要選擇飲品 (如：小冰，小甜，凍，檸茶)! 事關太多食客往往忘記或忽略了這部分，店員可能會叫你再圈過或帶點不耐煩地說句“記得下次圈返啦“。…Read More

叫左兩個餐 想問佢拎杯熱水洗下啲餐具佢無 仲要個語氣好似欠左佢咁 啲餐具又唔乾淨檸水上面有層油我都算 仲要連隻野飲羹都有積黑色一點點 最後想快啲埋單走人叫左十幾次唔該都唔應 都唔知係未要求佢收我錢 真係比錢買難受 以後唔會再去…Read More

買外賣返屋企食, 想食得清清地, 走左去買雲吞麵. 睇睇下有個雲吞麵餐, 有麵, 油菜同豆漿, 都係30蚊左右, 算OK.湯係比較清淡, 麵唔夠彈牙, 少少腍, 好唔似生麵.  而雲吞都大粒, 但蝦唔夠爽口, 雲吞皮夠薄罷了, 成碗無特別.個油菜又係淥到好腍, 不過份量算OK, 而且好多蠔油.呢間雲吞麵鋪都好耐歷史, 做街坊生意係OK既.…Read More

荃灣諗食咩真係好難，所以走去千色後面碰下運氣，結果有驚喜今次試咗三餸車仔麵仲送豆漿:)(牛腩汁)車仔麵個湯底就比較油，但係花椒八角味好香，口味頗濃。幼麵麵底軟硬適中，不會帶有麵粉/根味。(鮮牛肉,鮮片頭,牛柏葉)整體黎講餸就吾錯，牛柏葉份量比較少同埋冇甘爽口，而鮮牛肉就好滑,好嫩價錢幾抵食，一碗三個餸車仔麵29蚊仲有豆漿送！服務不錯，待應好nice!推…Read More

今天下班後很累, 特意到荃灣兆和街找相熟的按摩師鬆一鬆按摩後都差不多九點半, 所以在隨便找一間雲吞麵填飽肚就算了誰不知, 在這間雲吞麵食店可以食到這麼難食的雲吞麵!我點了雙拼雲吞魚蛋麵 ($26), 等了約5分鐘便送上, 上菜速度可接受!但味道確實不能接受, 雲吞內的蝦不新鮮, 帶怪味而魚旦是外面$80任食火煱的質數, 鬆散不彈牙, 帶濃烈腥味!奉勸各位如想到這家食店前請三思!!…Read More

是日要前往屯門參佛，可是我這一個素心不素口的人，總喜歡先破戒後敬佛的，路過荃灣，又時正下午茶時間，簡單輕食，是我的宗旨。就在千色店旁邊的小巷，簡簡單單，平平凡凡，一間細小的雲吞麵檔，就是我要輕食輕評的小小店。以雲吞為名，當然要點下一個雲吞麵，而我又不甘心吃單併，最後加了牛腩，簡單的一個牛腩雲吞麵，就是我是日的下午茶。雲吞是不錯的，食落仲有大地魚的味道，蝦是碎蝦，整體味道夠香口。牛腩就感覺差勁，不夠腍已是一個敗筆，味道上奇奇怪怪，肉又瘦得奇特，本來叫雲吞粗麵咪好囉，加了個牛腩反而影響了這一碗麵。簡單路過一食，算吧。…Read More

在荃灣千色店背後，兆和街的尾段，有著不起眼的兩間小麵食店。第一間是千色車仔麵，賣的只有車仔麵，味道較濃，人也較多。旁邊的雲吞麵食店呢？除了車仔麵，還有飯類小吃，魚仔碗仔翅等，但人流總不及千色車仔麵多，為甚麼？這裡的價錢更為親民，三餸一麵連豆漿，只是$26。旁邊的千色，隨便三餸一麵已經要$30，還要不連飲品。為何差這麼遠？其實這裡的車仔麵，一點也不失禮，試車仔麵，最好是試要烹煮的材料才能一試真章。蘿蔔清甜無渣，冬菇入味軟腍，牛腩不是碎腩，是整件的半肥瘦腩，當然，也是入味軟腍的。連清甜豆漿一杯，這個價錢實在超值。另一天再試了豬腸、牛柏葉、魷魚，豬腸滷得入味，肥膏不多，牛柏葉和魷魚則只是普通，算是清淡，和小時候街頭吃的牛柏葉魷魚再淋上咖哩汁差不多，是極需要醬汁才會好吃的。那為甚麼這裡和隔壁的人龍差這麼遠？除了千色感覺較乾淨外，這裡的湯，雖點了不辣，但還是有微微的沙爹香，但千色的，還是比這裡重口味，純湯的比較，千色的會使我較為口喝，當然，這邊我也不敢說味精是少的。除了湯，配料大部份也是隔壁較味濃，就看你有多喜歡重口味了。在這個年頭，三餸車仔麵連飲品，只賣$26，比法定最低工資還要少，其實，還能要求甚麼？…Read More

十二月下旬開了多年，賣車仔麵同雲吞的小店，對「十蚊店」一向都無幫襯意慾，但見附近除迴轉壽司外，幾乎可吃的都吃勻了，膽粗粗來碗酸辣手攪麵吧，好歹這裡也自稱手攪雲吞店。竟然要等上十分鐘？不是手腳慢，而是材料是即叫即煮，酸辣湯味道的炸醬不太辣但夠酸，亦夠熱，豬扒醃得夠味，即炸後切絲，肉連脂肪部分好好吃，味道很新派但還是可以接受的，至於手攪麵，粉粉腍腍就不怎好了。阿妹在佳節仍在幫忙看舖，問她為什麼不去跟朋友慶祝，她說收舖後才跟朋友去吃飯，招呼很好，有著街坊人情味小店，走前說了一句：「加油，祝佳節快樂。」。…Read More