Wanton Shing Noodles

入到去坐低叫咗個崩沙牛腩河粉&淨韭菜餃，$45個崩沙腩河算抵食，D牛腩好入味算腍身，唔錯， 韭菜餃好多餡，但係太多肉，如果多啲韭菜就好喇， 以平民粉麵檔嚟講算好食及抵食。…Read More

呢間鋪，好多年無黎食過，早兩日加班開夜，就黎買宵夜，呢度啲牛腩好入味，又夠腍😋😋雲吞又大大粒，夠晒足料👍🏽👍🏽不過換左啲外賣盒，好似細兜左😅😅同事叫個淨菜心，得幾條仔😓😓另外有同事食崩沙腩飯，個飯盒真係好細盒，食宵夜都好似唔係好夠😅😅…Read More

深水埗雲吞城平時有叫呢間外賣自取，平時就算等幾耐都好，都算等得快。最慘係今次pack外賣既時候我見到其中一個阿姨將外賣匙錯手跌左落地下然後竟然照當冇事發生過咁執返起放入我個外賣袋到我平時d外賣筷子同匙會直接食用，好不衛生，至小起碼我係其他舖頭冇遇到呢個情況。仲有d河粉太碎 完全夾唔起同埋d河粉似係浸左好耐，對比之前完住沒有呢個問題，其實連崩砂腩以前都好好味，入口即溶，宜家咬都比較偏硬。經此一事，我決不會再光顧呢一間舖頭！…Read More

早上吃了一個豐富早餐，等到下午兩時半才吃午餐。由於一陣又吃晚餐，所以就決定不吃這麼飽。🙂最後決定去吃粉麵。由於此店最出名是雲吞，所以叫了一個雲吞麵、一個雲吞河+腩汁、一碟油菜、一碗炸魚皮，全部外賣🥡，盛惠$76，抵到爛了，還附送了辣椒油。😋雲吞很大粒足料，果然是招牌，粉麵也恰到好處，奈何湯底很鹹，要喝很多水才可止渴。🥴油菜原本叫她走蠔油，可是卻忘了😭菜心是淋身，份量很少，沒有太大菜味。😬炸魚皮太碎了，吃得不夠過癮。🥲…Read More

嗌左水餃，四寶麵，牛筋麵，但系四寶麵唔記得比麵，錢又照收野就比唔齊。都唔知系唔係特登，味道一般就算份量都唔足。真系伏到冇人有，唯有下次嗌外賣樣樣打開睇下有冇少到la…Read More

有一日夜晚的11,12點車個朋友返屋企，喺太子附近，佢林落車我問佢附近有冇咩宵夜好食，佢就介紹咗我過嚟深水埗食雲吞麵，話好抵食。我臨坐低之前都專登上網望一望啲食評，見有人話好垃圾，原本我都好驚，但朋友介紹就儘管試吓。朋友推介食牛筋麵，配個腐乳通菜。我就跟足佢指示，另外再嗌多個炸魚皮，佢啲價錢真係幾抵食，一碗麵$30都唔使，當然食嘢味道最緊要，首先我覺得佢份量好足夠，牛筋都好多舊，食落口出奇地的確唔錯，牛筋好有咬口，但一啲都唔韌，係好容易咬得開帶一點爽口感覺，以咁嘅價錢有咁嘅質素我覺得非常好，腐乳通菜都好食，亦都係大大碟，炸魚皮雖然我咁夜去食都係好脆，唔會係放咗成日林晒嗰啲。你問我，真心如果下次差唔多時間經過呢度想搵宵夜食，我會再嚟…Read More

鋪頭招牌"雲吞成" 餐牌"潮龍園" 好亂呀😅問咗伙記 力証仲係"雲吞成" (C9搜查完成)唔理咁多 只想食碗麵 …… 魚旦湯麵~$23 抵食 份量足魚旦3粒 魚片3大片 有條菜麵爽口 冇重鹼水味湯底濃咸 餐後有頸喝牛什湯河~ $25 多河粉夠飽肚牛什夠淋 滷味唔香 一般"潮龍園正宗手打牛丸大王" 咁就要試試……淨牛丸~ $25 6粒 香牛味質感似牛筋丸 略嫌牛丸外皮柴皮嚡口油通菜~ $10 跟餐價 份量唔多腐乳唔靚唔香糊糊咁凍奶茶~ 跟餐價 $8 凍嘢 可能唔受得有嘔心反應以上是2次嘅食評相片…Read More

以前經過深水步都會黎雲吞成食返碗麵，因為佢又平又好食!但今次黎都大裝修過，而且改埋名添~潮龍園~我見其他地方都好似有，可能俾人收購左?不過難得既係麵食價錢同以前都一樣係咁平! 22蚊一碗雲吞麵，唔係長沙灣深水步呢d舊區，你真係唔會搵得到唔洗5分鐘個麵就黎左，叫左牛什麵，都有7-8件牛雜但都係肚同肺為主，唔見有腸，有腸就好了.....牛雜食落味道唔錯，但煮得唔太夠腍夠入味麵方面都夠彈牙，唯獨湯咸左少少，同埋唔夠香，似味精湯咁。…Read More

經過買宵夜買左個牛丸撈麵。 翻屋企打開D麵痴埋一舊汁啊湯啊乜都冇真係唔荒驚喜除左難食都係難食😂快得黎又執漏野，以前就平靚正現在唔洗錢都唔會再食.唔差評對唔著自己個良心…Read More

自從某天放工經過此食店，幫襯過一碗魚蛋米後，就經常來這光顧。佢既魚蛋大粒兼十分彈牙，有鮮味！配上爽口米粉，再加大量的青（我個人喜好！這裡的青是芫荽更是我喜歡的加潻清甜的味道）一碗魚蛋米包含了鮮、爽、甜，而最後他它的份量還為你帶來了滿足！而且價錢相當商宜⋯⋯20元，現今還往那裡找這樣的食店呢！？今天試的雙拼，喜出望外之處是雙拼的兩餸份量很足，牛腩煮得𣺉之外還有我覺得最重要的腩香！浸入了湯底令整碗魚蛋牛腩米生息不少！價錢也只是$28！有機會來深水埗大家不防試試！…Read More

本想走到這邊試試這間新麵店，很快便進去店內，意想不到，看一看餐牌以及從眼看餐廳的裝修，感覺熟口熟面，越看越像某麵家。臨走時再一問收銀叔叔，原來也是潮龍園同一老闆轄下食店，就像孫悟空要逃出五指山一樣，以為逃出了，還是在潮龍園爪中。雖然上次吃過荃灣潮龍園評價非常之差，這天雖然下着微雨，但是為了散散心，又走到來油站這附近的餐廳，但是胃口沒有好到可以吃元朗冰室的豬扒，於是便來了這邊試試麵店。幸好質素沒有荃灣那一間那麼差，這一間質素與太子西洋菜南街分店有得揮，牛腩是正方形，但是有肥有瘦。牛腩總不會好像荃灣分店那麼差，非常之瘦，瘦得像木頭一樣，麵條還比米線大份，雖然不算多，但是好像的確比米線飽肚。20多元的一碗麵條，你又不期待它的牛腩有什麼特別或是過人之處或出色，但是也不至於好像上次荃灣的那一款木頭牛腩。凍檸茶的味道也不錯，以麵店而言，這茶味還算濃郁，檸亦新鮮。牛腩麵價格不同，加飲料也只售$30，印象中上次荃灣的木頭牛腩米線，吃得滿肚火，也要$28，這個質素不錯有肥有瘦的牛腩麵僅$22，值得推薦。嚇一嚇，還以為是否增設了開餐廳套餐，你付錢，便有代理替你弄室內裝潢、燈箱 以至餐牌等，好像加盟店那般；問過是同一老闆以致同樣模式，也令人安心。吃完之後好奇問一問收銀店員，他也稱這一間雖然人稱「雲吞成麵食」，但是老闆同屬潮龍園。…Read More

一般返工放工小弟總會在深水埗轉車，亦都有留意到呢間粉麵店但一直都未試過，因為通常都會去咗同區另一間比較出名的粉麵店食，嗰間粉麵店一碗雲吞麵30元，不過真係幾好食料又足，今日突然想試吓呢間，半夜4:00竟然好多人，坐咗8成人，睇一睇餐牌雲吞麵18元，食唔食得架心諗咁平質素應該一般般，小弟好怕麵質太淋所以揀咗雲吞撈麵（腩汁）好快送到黎，一睇只有三粒雲吞:(不過30元有撈麵算係咁喇，呢個價第二間多數食唔到試一試D麵先，入口比想像中爽口喎唔太差，再試雲吞，有哂心理準備會一般般，但食落又合格喎，應有味道都有，蝦爽口肉既味道也配合得唔錯只係三粒太少啫真心話相比30元一碗雲吞麵那一間，質素真係比唔上，但價錢上就絕對可補回不足之處，平咁多水準也合格，食得過…Read More

以前16蚊一碗!慢慢加到19蚊!以前成日黎食係因為又平又大碗!!而且味道，份量各方面都好有水準。唯一唔好既就係無得雙拼加餸，所以我永遠只叫單拼麵食最近見佢裝修過，整個門面變得光鮮整潔，所以再去懷念下，順便睇下質素有無改變。一入到已經見到26蚊可能裝修用左好多錢手麵多蔥，豬手都係又香又林又軟身。呢度既麵都係較林身lol，但完全無影響到佢既整體味道。但湯同以前一樣都係偏咸。整體上同以前一樣，唯一接收唔到既係今次加幅太多啦，一下加都26蚊起。比較起份量既話，米線鋪會抵啲…Read More

年三十都要開工，午餐求其食碗魚旦河，平時外賣$19，年三十加價至$26。其他食客等外賣都有微言話咁快加價呀！明白新年都係件開心件，唔緊要啦！之前食過呢間的魚旦及九菜餃好足料，湯底亦唔鹹。今次外賣就好快，平時都要等7-10分鐘，可能附近無乜野食，今日年三十變得特別旺。可惜。。。返到公司滿心歡喜時打開，點知，我的河粉變左米粉，愛蔥花的我竟然一粒都無。明明阿叔話呢碗係我，我亦保障講左係咪「魚旦河」點知都係錯。唉！雖然知可以去換，但唔想浪費時間。講返食物先，魚旦的確彈牙，魚片就不過不失。米粉煮得硬，易胃痛的我只能吃了一半。少少失望係食唔到想要的河粉，就算新年加價也可以接受。希望下次叔叔唔好再亂order啦！…Read More

雲吞麪傳到香港後，形成世家，如麥氏，何洪。香港人鑽研麪條技術，名家林立，如劉森。至於雲吞，把廣州的小雲吞變為中環的乒乓球，是沾仔記。乒乓球雲吞，鮮牛肉，鯪魚球三寶衍生四系列分支店舖:沾仔記麪食(有麪食兩字)有4間，雲吞麪每碗25元(沾仔記28元)。質素一般。 紅底黃字的招牌十分搶眼，中環正宗沾仔記已轉為黑色招牌。雲吞生麪食有4間，雲吞麪每碗24元。紅底黃字的招牌一樣十分搶眼，質素偏低。權記雲吞麪有6間，每碗16元，價錢最平(與興記一樣)。兼賣魚旦，墨魚丸，貢丸，牛丸。 仍用紅底黃字的招牌，質素不及正宗沾仔記。雲吞成有2間，標榜招牌雲吞和牛丸大王多線發展。用金字招牌，似劉森記。雲吞麪18元一碗，質素普通，水餃麪較好，20元一碗。崩沙腩麪38元一碗，質素中上，很腍，宜改善湯底，減咸味加牛肉味。總括而言，沾仔記麪食走模仿路線-只是形似，雲吞生麪食和權記走街坊路線-價低吸客。雲吞成已轉型為牛成，價錢親民並兼顧質素，十分多元化，轉型成功，不愧雲吞成，我推選為平價麪店典型。另一集團津味，曾盛極一時，早被市場淘汰。2003年百業蕭條，流行10元一碗麪，14年後雲吞成的雲吞麪18元一碗，合理。當然，質素不能和劉森記32元一碗比較(兩店只距57分鐘步程)。…Read More