雲南記 (Closed)

想食辣米線，原本想揀譚仔，但又想試試新嘢，亦聽聞呢間雲南米線頗出色，於是就試新嘢啦！揀咗兩餸，俾完錢發現原來餸係買一送一（大概係疫情影響生意緣故），加咗凍檸茶同加錢轉麻辣湯，價錢一啲都唔貴，但食物就好一般，湯底係即食嘢，紅菜頭米線完全無任何特色，最爆係兩餸嘅魚腐同野菌餃，魚腐得兩粒，野菌餃一大隻（事實係大嘅），但如果買一送一代表啲餸嘅量要減少，不如直接同我講俾原價，唔係咁樣偷工減料，真係有少少後悔無幫襯對面嘅譚仔😑

由於最近都冇咩野做，所以都到附近食午餐，最近發現咗一間好有特色嘅雲南米線，佢嘅面先有唔同顏色可以選擇。佢並唔係人造色素，而係唔同蔬菜做出嚟唔同顏色嘅米線🍜當中有原味白色、綠色(菠菜）、紅色（紅菜頭）、黑色（墨汁）、黃色（蘿蔔）！今次我叫咗一個原味同一個菠菜味！配料方面叫咗黃炆雞、豬耳口感唔錯，味道亦都非常濃烈。最緊要係好足料

今日黎到粉嶺，由於我fd係米線愛好者💕佢就帶我去食呢間米線🍜我地各嗌佐一碗文山酸辣湯米線，但不同配料，冇得揀辣度，但對於我黎講相當於譚仔既十小辣再輕啲啲☺️唔係好辣！碗米線感覺同普通小窩米線差不多，都幾大碗，值得一讚係配料很充足👍有金菇雲耳芽菜豆卜等等。米線有好多食唔嗮，個人覺得個米線同平時個d冇乜分別😂但隔離個米線愛好者就表示，個米線係特別彈牙和爽口，同埋啲米線係自製的，聽聞之前tvb既飲食節目都有採訪過，同埋每日有唔同「顏色」既米線供應，睇menu介紹，啲顏色係用天然色素製成，所以都幾特別💕見到啲人嗌外賣都會問下今日有咩色既米線😉另一方面，我有跟餐嗌一杯珍珠奶茶，個人飲得唔係好慣😂但亦都唔係難飲既。因為佢啲奶茶係港式奶茶，比較香茶味。珍珠冇乜甜味但頗彈牙，同平時既台式珍珠奶茶有啲分別，都值得一試😉

早排晚上出動，去了粉嶺聯和墟，搵下小店美食🥰🥰🥰粉嶺聯和墟雲南記.醋.米線，推介推介大家去支持。所有米線全是自家製，有五種口味，心意已經滿滿，味道真心一流，Cp值極高，真心是超大碗，一碗絕對可以兩人吃。我點了碗波菜小鍋米線，看一碗超多超多超多肉碎，最後吃到真是飽死（我本人是大食，也覺得太大碗）。👍👍不過，老闆真心可以想想把米線份量弄小點點，對女生來說真心太大碗，肯定是吃不完，又做成浪費。有機會來粉嶺，希望大家一定要支持下。🙏🙏

同朋友一起去粉嶺做野, 試下呢間電視介紹過的自家製米線, 我不能食辣,試左鹵肉紅菜頭米線($44)+ 米線強調要"林"D, 因為聽講自家製是比一般的米線硬身. 米線上檯有豆腐卜,木耳, 6-8舊鹵肉(都好足料), 先試飲啖湯, 係幾濃, 飲到有雞,豬骨等味道, 鹵肉係五花腩連皮,幾香幾特別, 全瘦部位有一點實及鞋,我自問牙力不足, 放棄了.只食了幾舊, 皮已去毛, 相當細心,店裝修簡單, 實而不華, 粉嶺聯和墟人真有口福。老闆相信是有實力之人, 亦是推崇香港制造精神, 希望老闆繼續努力,日後再開分店. 下次經過會再試下其他,

今日看見蘋果報導，又剛巧晚市經過便一於去試一試店家的米線。以為一報導還要是周末一定很多人但卻很少人。本來以為賣點是用了幾個月時間研究而成的獨家米線，而餐廳裡面看到最多的卻是雲南多種野生菌。我叫了個黃燜雞米線，雖然我也不知道什麼是黃燜雞便即管試下，因為我試過上水一間藥膳米線的類似款式，很好吃。$42 還有飲品，比我想像中便宜。這裡採用自助形式購買與拎食物，反正我只看好吃與否，形式也不重要。賣相也就不講究，先試湯底，本以為會用了雲南菌去煮，但卻不是，只是一個普通的湯底，雞件是有味的但沒什特別。重點米線比一般坊間米線粗身，有多一點咬口但同時不是爽口那種，特別就不會說是很特別，最特別之處是米線長到好像拉麵一樣，更顯得是自製。凍檸茶也不要有什麼要求，正常偏淡的凍檸茶。這地區有另一間米線還有譚仔，看你喜歡什麼類型的米線與湯底，但相信這間米線也不會特別受歡迎。

要推介下呢間新鮮製米線店，我都幫襯過好幾次，每次都試唔同口味，因為湯底本身種類比較多！之前食過佢地既文山酸辣湯底，正不正宗我不知道，但酸辣感很合我口味，由於米線新鮮製，口感同其他米線店完全不一樣，能夠啖啖米線都是爽、彈、滑，應該也是這店最大賣點今晚一行二人試點了雲南野生菌切雞米線，雞夠滑而且是雞腿肉，野生菌是用了出面少有的姬松茸，菇味濃郁，另一碗是卤肉米線，不太肥吃得安心又健康

補充體力之選，汽鍋雞湯米線🍜米線控又食米線，岩岩發現對正開左間譚仔🙊 打對台好玩咩😂雖然都冇咩大衝突，事關大家路線好唔同，想食譚仔的時候我都係會食譚仔，而呢間就係健康之選。紅色係紅菜頭米線，白色係原味米線。另外仲有菠菜等等，total好似係5隻色。而兩個湯分別係：羊肚菌野菌汽鍋雞、蟲草花石斛汽鍋雞。前一排咳左一段時間，成日走過黎飲三七根丹蔘汽鍋雞，補氣又補身。食完好暖胃，而咁岩次次我都係落雨食，岩晒時間。

汽鍋雞好似行養生路線，有四種口味選擇，索價68蚊有一客白飯，一個雞湯加一個指定小食！我另外加咗18蚊飲罐韓國啤酒，酒味唔算淡，麥味均衡！主角汽鍋雞湯濃但配料同雞件量少，即係以小食佐飯為主，小食安排咗係拍青瓜，口味帶辣，如果係開胃菜就ok, 佐飯就……總括而言呢個set唔會吸引我再叫，反而見到佢嘅米線有好多顏色，如：紅菜頭=紅色，菠菜=綠色……等不過叫呢啲特別口味嘅米線係要另外加錢，好在都唔算加得多，都係2蚊起！下次試吓先！

因為學校field trip的緣故來到粉嶺，專程來到決定要到粉嶺有名的店家嘗嘗。在網上搜一搜，見到推介這間雲南米線鋪，自家開漿鮮造，逐碗即製，還有不同味道的米線，幾新奇，所以決定一試。店家位置不近地鐵，要步行十五分鐘才能達。十二點左右到達，人不算多，都係街城同岩岩放學既小朋友。坐下後要自己出counter落order同取餐。我叫左個昭通黃燜雞紅菜頭米線，因為對米線期望幾高，所以食落都幾失望。自製米線比一般米線粗同淋，但唔係特別好食，紅菜頭味亦無網上所言既清甜，雞亦好乾下，湯底唔太開胃，網上提到可以免費飲既養生醋當日都無曬。

又到午餐嘅時候 ，好想搵啲濕嘅嘢食就搵咗呢一間 ，我貪佢係有一杯 ，自家製嘅醋可以飲 ，入到去係自助式， 需要先點食物我就叫咗一個高原野生菌雲吞米線，超高嘅菌味 ，不過不失沒有特別 自家造有啲怪味， 還可以的。

本身其實諗住食串燒但係冇開，所以唔打唔撞走咗入呢間雲南米線諗住試吓佢個特色野菌火鍋，本來冇乜期望見佢店內裝修好一般食客亦都唔算多，都係諗住求其食餐，佢個套餐入邊有四種菌一個雜菜拼盤一碟米線兩隻水餃，同埋最驚喜係嘅有一隻雞比肉，首先加晒啲菇入去煲滾嗰陣漂出來嗰陣味已有強烈的菇菌香味然後青菜很新鮮甜美，芋頭也是一讚煮完很份很甜，份量也很足，米線我們揀了綠色的菠菜米線，一開頭不知要煮多久老闆亦都冇提醒所以第一次煮得太來夾吳起好容易斷可能因為係新鮮自家製的關係，第二次嘗試問咗老闆之後老闆話一煮起就食得果然煥然一新，所以建議老闆下次可以溫馨提示食客否則會造成浪費因為夾唔起。食材新鮮乾淨湯底很濃郁的雞味成煲飲晒之後冇口渴應該冇乜味精。我本身在雲南也食過當地地道的野菌煲這個比起來唔會輸蝕多少！唯一要彈的真的是店舖的裝修比較奇特有點不和諧的感覺，行過見到唔會有入來的衝動，浪費了老闆的對食材的追求和心機但一定會推介朋友來吃

可以吸引我翻焯的火鍋🍲唔多，不過呢個養生野菌鍋又真係勁正！朋友推介天麻靈芝湯，聽說祛頭風，還有助陽氣、通血脈、護肝的作用。入口清香，飲完即時覺得自己健康左🤣 野菌有六種: 白牛肝菌，松茸，鷄棕菌，鷄油菌，黑虎掌菌，羊肚菌。好多都係名貴品種。陣容好強大鷄湯作鍋底，先落鷄，慢慢食野菌。再配適量海鮮，肥牛，青菜，主食米綫或野菌雲吞。(由於海鮮同野菌都被秒殺了😂😂😂 未能影到相) 好食到一個點！食飽正餐仲有正正子甜品- 桃膠糖水！聽講係煲左2-3個鐘架！ 心機野 清甜又滋潤

<<生在美食天堂，點可以唔識食>> <<I born in Paradise of Food，but what Food do we have?>>雲南米線各家各派有好味有唔好味依家算係.....中最有突色係飲醋!?相信同健康有關到食物了正~氣鍋湯水有不少款式揀，算係米線店撈埋第二範，但係都唔失禮普通丫~除左炸醬外都係好清淡既感覺，未至於唔好食，但係又無咩味，無調味，都無鮮味究竟係咩湯底黎既呢!?到裝修，燈光充足，座位尚算舒適服務侍應良好

甚少去上水粉嶺既九龍人，點解山長水遠入去食火鍋🍲？ 拿拿，皆因我個好女友平時係呢區返工當飯堂既<雲南記>，雲南米線🍜就最出名，臨近入冬就出左個醉雞鍋🐥 於是為食貓🐱就咁樣俾距引左入去🙊 不過，又真係掂喎！😆 湯底一睇就知好足料🥣雞好新鮮，對我黎講唔肥先係最重點！ 如果5係千斤罪惡感丫喵~~~~ 食到咁上下既雞就來左碟三色米線🍜 賣相好好，清楚三色: 原味, 菠菜，墨魚🎣本身我就中意食冧身既米線，果然雲南米線并不是浪得虛名。 菠菜味比較淡，適合健康人士，我就偏好墨魚🦑啦，少少彈牙口感一流，連湯飲啖就更正！正餐食飽，輪到我第二個胃，特色甜品當然要試桃膠啦！ 熬煮數小時，滋補養潤美顏聖品，口感好得意，有d爽口，再加桂圓肉清甜。 好舒服😌食完，喵🐱也是醉了~