雲南小鍋米線 (Closed)

天呀，2020年真太令人心碎，身為在荃灣長大的人類，最喜歡的莫過於已結業的 #雄記魚肉春卷 米線和將結業的 #肥仔米線（哭）門口貼著海報說因疫情和業主不減租，終於也捱不住了，做到9月19日便光榮結業了，如想多吃一次，我覺得你現在要出門了，否則來不及，真的。-其實我說不上有什麼特別好吃，但就是好吃在那個風味嗎？最主要是湯底的調配吧應該，味道很濃但從不覺得口乾。我喜歡吃酸辣、朋友M喜歡麻辣、朋友W 喜歡撈米線、我媽喜歡紅薯粉，好像沒有那一款是特別多人點的，就各有各市場。餸我推薦豬大腸和墨魚頭，墨魚頭超爽彈又很大顆，我身邊的人都愛點腩肉。小食最喜歡炸雞中亦，燒豬頸肉我也愛，其實蒜泥白肉和那個松花蛋都好好吃，天呀我要哭了。-我期待肥仔米線會很快在附近開另一新店（祈禱）…Read More

經朋友介紹食咗一次就上癮 成日都會想去食每次都會叫小鍋米線腩肉紫菜豬紅如果有朋友一齊食 就會叫埋佢個酥炸雞翼同埋吉列豬扒 酥炸雞翼好好食 一定要試好 而豬扒都好入味 應該係佢預先醃左每次都會叫凍利賓納…Read More

因為疫情，所以今次叫外賣返屋企食。今次叫左‘腩肉雞絲麻辣米線’，麻辣小辣因為要10分鐘車程先返到屋企本身都好驚米線會冧晒，點知一食落口都係咁爽口店家係唔係見外賣而留手冇煮到咁冧身！湯底依舊係咁濃咁香咁麻辣雞絲索晒湯汁，啖啖肉同湯汁腩南依舊保持水準，肉片好爽身肥瘦平均食得出腩肉醃左好耐，好入味湯本身有配肉碎，唔好睇少跟米線既肉碎都食得出冇求其荃灣其實好多米線，但呢間，我一定會再食因為地點方便，又好味…Read More

今日和朋友到城門水塘行山，行完坐小巴落荃灣，行完一定要醫下肚，一落車見到這間米線，決定一試😀😀價錢合理米線一向是我的平價飽肚之選，今日叫了豬肚腩肉紅薯粉，米線🍜最重要就係湯底，肥仔米線這部分做得好惹味，而且好足料，芽菜，韭菜，碎肉樣樣齊，雖然略嫌有一點油膩，但實在太好味，我都忍不住多飲兩啖😅豬肚豬肚夠爽，彈牙，亦都好入味，雖然份量都唔少，不過每一粒都好細粒，如果切大粒少少，口感會更好呢腩肉腩肉亦都好入味，夠淋，都係果句，切大粒點就更好整體來講，這碗紅薯粉好惹味，濃濃的湯底實在令人上癮，但飲太多湯就會有啲鹹，所以我唯有叫杯凍檸茶🤪。…Read More

來到荃灣，真係有好多野食，其中荃灣最有名既，莫過於是人稱為米線之都既荃灣，曾經上網介紹過在荃灣兆和街有間好味既米線，想試試龍與鳳，約晚上八時左右，見到環境都可以，客人約坐了一半，我和女友就睇餐牌叫野食，我叫左個涼拌撈米線拼蘿蔔及雞絲，我女朋友就叫左酸辣小鍋米線拼腩肉及豬紅，好快就到了，我就覺得份量唔錯，涼拌米線入面本新已經有炸醬配搭，首先米線彈牙，雞絲有雞味，蘿蔔最正，好甜，我女朋友個碗腩肉正，豬紅正常，辣味好夠，我地叫左小辣，都覺得幾辣，下次可以叫幾小辣，總結來講會建議涼拌米線好啲，雞絲 蘿蔔 腩肉必叫，最後埋單$80。…Read More