Video
6-min walk from Exit P3, Tsim Sha Tsui / East Tsim Sha Tsui MTR Station
continue reading
Introduction
Signature dish is lamb soup rice noodles. The taste of soup is clear. Restaurant also offer many types of sides dishes such as Saliva Chicken and chili cucumber.
continue reading
Opening Hours
Mon - Sat
11:30 - 22:30
Sun
11:30 - 21:00
Public Holiday
11:30 - 22:30
Public Holiday Eve
11:30 - 22:30
Above information is for reference only. Please check details with the restaurant.
Recommended Dishes
話說喺尖沙嘴都已經試過唔同種類嘅餐廳，包括：韓國菜～火鍋～西餐～中餐等等。我就叫咗老婆去搵啲特別啲嘅食物，佢最後就揀咗呢間*雲南阿老表黑山羊米線 來試試。我掙扎咗好耐，最後揀咗一個羊肉飯嚟食，佢嘅飯同埋羊肉係分開上嘅，不過可能比較少人食飯 飯，煮得無咁靚， 一pat pat咁嘅樣； 羊肉方面煮得都幾淋，只不過對於我呢個羊肉愛好者黎講，羊味唔夠豐富，我哋最熱愛嘅就係羊嗰陣騷味，但係51蚊有咁大碟飯都算抵食既。
continue reading
張寶仔最愛既羊肉麵！佢啲湯係真係用羊骨同牛骨去熬製，我哋係會飲晒所有湯，都唔會覺得頸渴，所以佢係完全冇味精㗎 ！而且啲湯唔會太油，所以飲落好順口！最鍾意就係將佢個羊肉米線轉成上海麵，因為佢嘅上海麵好出色，幾彈牙，唔會太腍，粗幼適中！尖沙咀平價餐廳首選！佢其他小食都非常出色，張生最鍾意就係佢個豬耳，份量多，又有咬口，非常出色。寶仔最鍾意佢個土豆絲，唔會太辣，次次黎都會叫嫁！羊肉上海麵勁多葱！張寶仔超鍾意！
continue reading
第一次認識到呢間店係search 觀塘區有咩妹食時見到，話咁快呢間野已經係佐敦同埋尖沙咀開左兩間分店，位置就腳左。今次黎食先發現原來兩個人可以share 一碗大米線（$62)，之後再嗌小食，咁樣會抵過兩人分開嗌一碗細（$52)既好多，仲可以試多d 唔同既野食！米線方面嗌左一碗大既清湯羊米線，加麻辣豬耳（$25)同埋涼拌木耳（$20). 米線既湯底好好飲，羊肉香而不羶，雖然d 肉切得比較細塊，但食下食下都覺得幾多。兩樣小食就比較重口味，豬耳對唔食得辣既人黎講就比較辣，食完真係要加錢嗌杯野飲下~一個人食既話米線算貴，但兩個人share 一碗大既話就幾抵食
continue reading
之前系kt食過呢間羊肉米線比我發現佢系尖沙咀都開左分店一於就去試一試鋪面好細間，得十幾廿個位比起我幾年前食kt個間多左好多選擇，仲有飯食添而且米線都多左好多選擇羊、牛、雞、豬、餃子、豬頸肉小食都有好多咁我就緊系食番我最愛既牛羊雙拼酸辣米線（細）有齊牛腩同羊，無得頂而且價錢仲平過你單拼羊雖然叫細碗但份量真系唔少只系因為大碗個份量真系超大推薦必食酸辣湯佢個d酸菜超高質好惹味，帶微辣，唔食得辣都接受到的而我最鐘意就系加埋佢個菜莆好爽口，而且個味道好夾之後我會再加佢個秘制辣椒油呢三樣野加埋簡直系天衣無縫而咁樣叫只系42蚊，加埋凍飲都系加9蚊咁既價錢系尖沙咀黎講真系好平而且選擇又多，一個星期食幾次都省番唔少不過位置真系唔多，如果繁忙時間可能真系要早少少去先有位再唔系就要叫外賣啦
continue reading
自己都係一個好鐘意食米線嘅人, 呢間米線都見有人介紹同唔少嘅好評, 而且有日係尖沙咀見到就決定要一試！睇個名都知專食羊, 但我唔食羊, 所以我就叫左一個雞肉酸辣米線, 朋友就叫左個羊肉清湯米線, 再叫左一個豬耳做小食一黎到就見到好大碗, 但呢個只係中size, 肚餓嘅朋友可以叫大架！個湯底唔夠酸, 比起其他米線又唔特別, 我就覺得普通。 雞肉係帶骨嘅, 就比較鞋身, 唔係咁好食！米線又煮得比較林, 已經覺得有少少伏。但朋友又話個羊肉清湯米線嘅羊肉幾好食, 我就無試過, 不過可能人地專食羊肉係真係得羊肉好食啦！大家好鐘意食羊肉都可以去試試！豬耳就睇得出係普通豬耳再淋啲汁上去, 好似有啲hea, 不過個汁係好食嘅, 好麻, 會想繼續食, 個汁係唔錯！總括而言, 我就唔會再去, 大把米線好食過佢, 無咩野係特別出色
continue reading