雞蛋仔屋

Open Now

Now Closed

隱藏嚟舊式商住大厦內街地鋪位，由大街上幾乎唔會見到佢既存在。 亦因為咁，識得嚟既都係識路街坊或者慕名而至。有鷄蛋仔、格仔餅及各種煎炸小食。推介百味豆腐。 豆腐切成一個個小塊，大小剛好一口一件。 上面沾少少粉醬再炸到金黃香脆。 鬆脆既表面，包含住嫩滑嘅豆腐。 可以同時感受到香口惹味同嫩滑既口感。 仲有多種醬汁味都可以選擇。至於雞蛋仔，好有趣地係心形既。 可能蛋醬配方既關係，整體上口感比較硬，蛋香味頂多亦只可以算係中等。 反而加麻薯餡會比較夾。至於其他炸類小食，選擇眾多亦都做得唔錯。

土瓜灣雞蛋仔屋嘅Oreo雞蛋仔真是一個令人驚喜嘅街頭美食體驗！小店位於土瓜灣小巷裏，環境簡單但充滿地道風情。Oreo雞蛋仔外脆內軟，混雜濃郁嘅Oreo朱古力碎，甜度適中，令人一試難忘。雞蛋仔烤得金黃均勻，每粒泡泡都充滿空氣感，口感輕盈又帶點嚼勁，Oreo碎粒仲增添咗一絲脆口嘅驚喜，唯蛋味有點不夠。配搭一杯凍奶茶，簡直係完美嘅下午茶組合！老闆態度親切，製作過程一絲不苟，即叫即做，保證新鮮熱辣。價錢親民，份量十足，性價比高。不過，旺場時可能要等一陣，但新鮮出爐嘅雞蛋仔絕對值得耐心。整體而言，雞蛋仔屋嘅Oreo雞蛋仔係土瓜灣街頭嘅一顆小寶石，無論係同朋友一齊分享，定係獨自享受，都能感受到香港地道街食嘅魅力。強烈推薦俾鍾意甜食同街頭美食嘅朋友！

呢間位於小巷中既小食店深受街坊歡迎，佢既價錢仲係超抵，原味雞蛋仔都只係$14仲係心形造型💖除左雞蛋仔、格仔餅另外仲有多款小食同台式飲品，價錢都好親民～今次試左雙色雞蛋仔（原味+朱古力味），出面都算少見可以混合兩隻味既雞蛋仔，雞蛋仔全部都係即叫即整，新鮮熱辣非常脆口，心型造型賣相非常吸精😍雞蛋仔重椰香味，外脆內軟，真材實料入面好多餡，下次要再去試埋其他味🥰評分🖍️(滿分為5個🌕)抵食指數：🌕🌕🌕🌕🌗服務質素：🌕🌕🌕🌕🌕環境：🌕🌕🌕🌕🌗味道：🌕🌕🌕🌕🌗

呢間位於土瓜灣神秘後街角落嘅小食店都係呢度嘅街坊推介我先識路嚟搵食，仲聽講好多港產片都係呢條街實景拍攝。要試就當然是佢哋嘅招牌原味雞蛋仔啦，味道唔錯，用嘅蛋漿嘅雞蛋同埋麵粉嘅份量都幾適中，唔會一味得麵粉味無蛋味，不過用咗心形嘅雞蛋仔模，令到雞蛋仔嘅size細粒咗，所以口感上係差咗少少，不過我重新佢嘅味道係唔錯嘅，唯一缺點係可能糖份高咗少少，食完之後個口會一陣有輕微死甜嘅感覺，不過已一底14蚊嘅雞蛋仔嚟講，收貨兼冇投訴啦。

喺網上search下有啲乜嘢特色打卡小店😆跟住突然間見到呢個心形雞蛋仔幾得意喎，咁都算係市區算方便，咁就去買來打卡啦📸📸小店嘅位置有啲偏僻，要係一個橫街嘅路口行入去先搵到喺橫街就聞到好大浸嘅雞蛋仔味😀，小店外面有好多心形嘅貼紙好有本土特色小店除咗有心形嘅格仔餅，亦都有好多唔同嘅口味嘅雞蛋仔選擇， 原味啦，雙色呀，朱古力呀，綠茶等等 都有啲一般嘅小食，例如炸魚蛋啊，燒賣等等格仔餅一樣係心形切開咗做兩塊味道嚟講就係普通雞蛋仔同格仔餅，不過打卡就係一流嘅😎📸同埋老闆好有禮貌好細心，有兩個聖誕打卡裝飾放咗喺個雞蛋仔度

依間位於土瓜灣小店出名心形雞蛋仔同格仔餅，賣相非常打卡價格又非常親民。今日經過開土瓜灣，就買咗雞蛋仔同格仔餅返去試吓。咖啡味雞蛋仔$22小店製作嘅時候落雞蛋仔漿度，所以雞蛋仔充滿着濃郁嘅咖啡味。雞蛋仔亦都做到外脆內軟，一層空心一層蛋糕，口感非常好👍🏻原味心形格仔餅$13格仔餅一份有兩個，味道都幾好食，但同平時食開嗰啲都差唔多味(即係奶醬味），只不過係心形形狀夠吸引，非常適合用嚟打卡，同埋用嚟氹女仔🤣

✨原味雞蛋仔 ($12)我係比佢嘅心型圖案、價格、份量吸引咗嚟買💛我覺得好大塊～呢隻口味係相對外硬內軟，裡面係實心 冇咩空氣感👍🏻不過放多幾個鐘 佢就冇咁硬😋同埋食落都幾香口😚😚✨Oreo雞蛋仔 ($18)呢個嘅軟硬兼施，出面部分唔會好硬咁🖤都係一樣裡面係實心 冇咩空氣感～反而Oreo味唔太突出，可能係本身雞蛋仔嘅味比較突出😳🤔

今次要介紹一間土瓜灣超級良心價雞蛋仔，舖頭有少少隱蔽，估唔到依家都仲有$12一份雞蛋仔，一定要支持下啦!!!🥹🥹今次叫咗Oreo味，即叫即整確保熱辣辣，超級脆口，不過唔係好食到Oreo味，但係呢個價錢無咩好要求啦🫶🏻下次會試下最正宗嘅原味😋😎𝑶𝒗𝒆𝒓𝒂𝒍𝒍 𝑹𝒂𝒕𝒊𝒏𝒈: 味道: 𝟕/𝟏𝟎抵食指數: 𝟗/𝟏𝟎𝑹𝒆𝒗𝒊𝒔𝒊𝒕: 𝗬𝗲𝘀📍Address📍雞蛋仔屋 土瓜灣土瓜灣道313-323號捷通大廈地下16號舖

呢一間隱世🌼雞蛋仔屋🌼真係唔係個個都知，佢係一條唔係食街嘅巷，只係喺一間超舊式嘅樓宇底下，仲係一間唔起眼嘅店舖，因為佢本身嘅裝修係超級普通，冇堂食之餘得外賣，仲要係一個冇冷氣嘅地方等，不過可能係呢一區嘅街坊就一定知有呢一間嘅存在，因為見到好多放學嘅學生都會走過來買嘢食😌😌，雖然佢係一間雞蛋仔專門店，但原來呢度嘅嘢食真係幾乎超過幾十種款式，🧋手搖飲品，🍤炸物，🍢串燒就連🍜湯麵都有，簡直係一間小食店😍，雖然佢有咁多種款式，但係每種款式都有好多唔同嘅味道選擇😆，我去嘅時候只係得一個店員，真係一腳踢，就算唔夠人都好，佢哋嘅食物質素都非常高質，好似我買咗雞蛋仔同格仔餅咁👍🏻👍🏻🧡心形夾餅 $12 :呢款心形夾餅同出面嘅格仔餅差唔多，不過份量就少啲，但佢嘅賣相同價錢真心性價比超高👏🏻👏🏻，裏面嘅花生醬，煉奶迫爆，夾餅味道食得出淡淡的雞蛋香味🤩，佢唔算好香脆，但佢嘅夾餅非常軟熟，同埋都係即叫即整熱辣辣😘😘🧡黑芝麻雞蛋仔 $20: 而呢一款雞蛋仔賣相都非常新穎，全部都係🥰心心形狀🥰，非常特別，唔止佢嘅賣相，就連口感都值得一讚，最平嘅雞蛋仔完美只係$12 😱😱， size同出邊嘅一模一樣，真係超級抵食😆

雞蛋仔屋嘅雞蛋仔，真係由細食到大😍老實講，以前覺得佢嘅雞蛋仔一半，但呢幾年佢哋嘅雞蛋仔真係進步咗好多😍尤其是係佢哋嘅朱古力味雞蛋仔，咁多年來都仲未買超過$20底🤣而家仲轉咗做心形嘅雞蛋仔模！打卡都冇問題😂除咗雞蛋仔之外，我覺得佢嘅小食都唔錯㗎，之前有叫過佢嘅麥樂雞食，揸得啱啱好，亦都有唔同嘅醬料可以俾大家揀😍唔怪得平時小學生一放學就會衝過去食嘢啦，希望佢哋可以保持呢一個水平，整更加好食嘅雞蛋仔，唔好加價🤣🤣🤣😍

心形雞蛋仔，外型吸睛，唔少人都俾佢嘅心形，形狀吸引咗去買黎試吓，因為影相打卡認真一流，而且雞蛋仔嘅味道亦都10分出色，蛋香味超級濃郁，行街經過見到嘅話不妨買一包嚟試吓

這家雞蛋仔店的雞蛋仔真是讓人回味無窮！他們的雞蛋仔烤得剛剛好，外皮香脆，內里鬆軟多汁。店家提供多種口味選擇，包括原味、巧克力和抹茶等，而且每種口味都有自己獨特的味道。此外，店家還提供添加配料服務，包括糖漿、冰淇淋和水果等，讓您可以根據自己的口味喜好进行自由搭配。店员的服务非常友善和熱情，讓您購買和用餐的過程非常愜意。店內的裝修和环境也十分舒適，十分適合小型的聚會和聊天，相當受歡迎。一旦您嘗試了這家店的雞蛋仔，相信您會成為他們的忠實粉絲！总而言之，这家店的雞蛋仔是绝对值得一試的，是一種非常柔软香甜的糕点，這裡的各種口味和配料搭配的選擇是多样且物超所值，非常值得推薦。

上網見人介紹呢間雞蛋仔屋，話雞蛋仔好好食，造型又係心心咁特別，於是今日放假就嚟試試佢！🫡原味雞蛋仔 ($12)雞蛋仔外面雖然有啲厚但都算脆口，而個心就偏實；重點係，雞蛋仔完全無雞蛋香或者麵粉香，好似食緊一舊乾乾地又有小小甜味餅咁，食到一半就食唔落🫠價錢真係好平，但味道真係麻麻😶綠野仙蹤 ($15)呢杯嘢飲勁—甜—！！佢寫話呢杯係蝶豆花茶+乳酸+哈密瓜汁😓哈密瓜汁原來係細個會飲到嗰啲化學味糖漿，所以成杯嘢都係一陣勁化學嘅甜味，飲咗幾啖頂唔順就扔咗😶‍🌫️😶‍🌫️雖然好浪費，但真係好難飲🤥.呢間嘅嘢食價錢上真係算平，但食物質素真係有待改善😐

當我品嚐了這個小小的雞蛋仔時，我立刻被它的甜香味吸引住了。它酥脆的外殼裡面是柔軟的半熟雞蛋，口感非常不錯，讓我愛不釋手。雞蛋仔是一個小巧但美味的點心，如果你還沒有品嚐過，我強烈建議你快去試試！

雞蛋仔屋💚原味雞蛋仔 $12炸多春魚(3條) $14人均消費: $13 (2人)-原味雞蛋仔🥚好脆 好香🤤即整熱辣辣🔥好整齊嘅心形雞蛋仔❤️佢嗰啲多餘嘅邊邊都係飛走晒所以係一個好整齊嘅雞蛋仔😍都等得耐 但因為佢好似剩係得一部機⏱️同埋 整得好整齊 都覺得值得嘅😝因為好似慢工出細活房咁外脆內軟 入邊食落去 未去到一半嘅蛋漿🥚不過都幾香蛋味嘅😋·炸多春魚(3條)🐟都算大條 都炸得幾酥脆😋即叫即整 係真係熱辣辣🔥落咗好多 孜然粉定唔知係椒鹽嘅調味料🧂都幾大條 幾抵食🤩·以上評價 同🦩一齊寫所以帶返頭盔先👷🏽 -7/4/2023 ate服務都幾好🥰同我哋講聲 唔好意思等咗咁耐但其實我覺得還好🤣-有興趣嘅朋友仔 可以試吓👇🏽雞蛋仔屋 (土瓜灣)💚土瓜灣土瓜灣道313-323號捷通大廈地下16號舖· 好味程度：🌕🌕🌕🌕🌑抵食程度：🌕🌕🌕🌕🌑環境靚靚：🌕🌕🌕🌑🌑服務態度：🌕🌕🌕🌕🌑會回頭率：🌕🌕🌕🌑🌑·#od土瓜灣覓食之旅 #od食掃街 #od食香港嘢·希望疫情快啲完結啦💛大家都要身體健康💛