雍雅食堂

Open Now

Now Closed

觀塘打工仔唔洗帶飯都有住家飯食!?雍雅食堂主打無加味精住家飯，主打煎魚、蒸魚及其他海鮮料理，幸運的話還會遇到龍蝦!!而且價錢相宜非常抵食，每逢午時時間都滿座相當誇張!!👵🐟- 大連鮑魚粉絲蒸肉餅 HK$67 🦪🐷有肉又有海鮮充滿家的味道!!鮑魚蒸得柔軟鮮味，而且非常大方放上兩隻鮑魚!!粉絲吸收所有豉油及肉餅精華，咸香十足拌飯一流!!肉餅肉汁甘香油潤，添加粒粒馬蹄增添口感，而且即叫即蒸新鮮出爐非常幸福!!- 芝麻海蜇太爺雞 HK$78 🐙🐣- 鮮蟹肉帶子蒸蛋 HK$63 🦀🥚- 黑椒薯仔炒牛柳粒 HK$74 🥔🐂

應家中長輩及小朋友要求， 訂了四款外賣 （龍蝦伊麵, 雞蛋蒸魚腸, 花雕浸鮑魚, 芝麻卷) 。雞蛋蒸魚腸（連砵上）- 現沒有多少酒樓會做這個菜，因為手工太複雜，美中不足，魚腸不夠肥味。 花雕浸鮑魚 - 食後齒頰留香 但沒有酒的濃烈味道， 加上話梅的甜味，絕配😋😋😋！！！芝麻卷 - 而家好多地方都仲有得食, 但係同以前的味道完全不一樣，現在的芝麻卷一般沒有芝麻香味只是甜，而且芝麻卷用的粉不一樣，很黏口。 但大家記得記兒時的芝麻卷，通常是爽口而且能夠攤平食😅， 每一啖都有好香嘅芝麻味。 今日完全食到四十年前的味道👍🏻👍🏻👍🏻

今日依然係寒冷既天氣，lunch time又要諗食咩，其實甘凍既天氣應該叫外賣好啲，可以留係公司暖下😂不過日日係office成日，再唔襯lunch出去行下，個肚腩真係會越黎越大，同事話想食魚，所以今日就去左一間食堂到食魚，呢到有好多唔多款式既魚選擇，而且價錢合理好有住家飯既味道，不過無論外賣定堂食都一定要係十一點前whatsapp 落order，walk in係無得食！因為啲餐已經賣唒🤣.佢哋每日既餐牌都唔同，每個餐都會有例湯，白飯，時菜同紅茶～湯白飯同菜係可以無限添😊岩唒食量大既朋友😁餐廳夜晚仲會做私房菜但需要提早預約。.今日個例湯係粉葛海底椰合掌瓜甘笋豬骨湯湯好入味，唔係味精湯.大連鮑魚粉絲蒸肉餅$64呢碟餸隔離枱都有叫，一上枱佢大叫左一句真係有鮑魚架😂肉餅上面有兩隻鮑魚，鮑魚唔會好韌但就無乜味，肉餅肥肉唔算多唔太夠味不過配上調味過既粉絲就岩岩好.花甲粉絲蒸蛋$58蒸蛋好滑，配上蜆同粉絲好鮮味(可能花甲賣唒所以變左係蜆🤔).姜葱霸王雞半隻$78隻雞一上枱，除左我哋嘩嘩聲，連隔離枱都嘩！碟雞比我哋想像中大碟，個個都話無諗過份量係甘多，霸王雞肉質嫩滑配上葱油香味再加上佢哋獨家烹調既豉油

官塘晏晝想食魚鮮，朋友推介工廠大廈有間雍雅食堂，聽個名以為好貴，菜單各款菜式都只係$5x~$80左右，包一湯一菜一飯，主要係蒸煮菜式，聲稱不含味精。食堂唔算好大，但座位郤有番咁上下，加埋外賣客，同時招呼咁多客人，㕑房都有啲踢腳。如果想去試吓，就要早少少打電話留位及叫埋嘢食，即埸叫餐加餐就有排等，而且佢哋每款嘅餸菜數量有限，好快就沽清（一點左右乜都冇）。話明係食堂，都預咗座位都係排排坐，招呼唔到果種。我和朋友慕名去試食，叫咗蒸盧魚、原隻花蟹蒸蛋、貴花蚌粉絲蒸肉餅，上枱賣相唔錯，食落就一般，冇諗過主打既魚蒸得太熟、老咗！

有日觀塘街上有個叔叔派住雍雅食堂既餐單，標榜無加味精嘅住家飯，而佢個menu又幾吸引，於是就嚟試下~ .佢主打新鮮魚類，無論堂食定外賣都要11點前落單，所有野食賣完即止~😇 豉汁蒸倉魚 ($66)倉魚大大條，熱辣辣新鮮上枱~ 倉魚肉質本身係較結實，食落有魚味，加埋豆豉嘅酸鹹味，真係忍唔住爬多幾啖飯！🤩跟餐仲有住家湯、菜心同埋紅茶，湯同飯仲可以無限添，真係有住家既感覺！🥰 .朋友就食左條豉汁蒸左口魚，魚肉好滑又有左口魚嘅油香，都唔錯，但就$118比倉魚貴幾多~😛 .呢度日日都有唔同嘅menu，一間咁用心嘅家庭經營嘅小店，食物質素又高，好值得試下！👍🏻

本來覺得觀塘有間住家飯有海鮮食幾好。價錢正常食物口味較淡，但海鮮係好新鮮嘅。蒸魚配嘅豉油甜多過鹹。whatsapp叫過幾次外賣，成日唔覆/好遲覆，送餐時間試過遲半個幾鐘到，照住佢俾嘅每月menu黎order，朝早9點就order，10點半覆我話冇左。我覆遲半個鐘就話嘢食已沽清，問多句confirm係咪冇晒又唔覆，叫左第間之後又打電話黎話句沽清係群發，唔係話我叫嘅嘢冇晒，真係溝通能力為負。真係唔憂做嘅生意態度，我哋都唔會再幫襯。

雍雅食堂其實就係我最近去觀塘client office 嘅一個canteen 。佢嘅食物全部都係冇味精、超級健康嘅住家飯。但係可惜嘅就係佢超級受歡迎, 如果大家想食嘅話就要每日十一點嘅時候用電話佢落單預留啲食物, 如果唔係你想walk in就乜都冇得食㗎喇。Lunch set薑蔥霸王雞 ($70)今次食嘅係薑蔥霸王雞, 拎到嚟我畀佢個份量嚇一跳。雖然我知道佢係半隻雞, 但係冇諗過係咁大嘅半隻雞。我好努力咁淨係食啲肉都食唔哂, 我唔係好肯定佢係新鮮雞定係冰鮮雞, 但係我覺得就算佢係冰鮮雞, 你都食唔出佢嗰種冰鮮嘅感覺, 因為佢處理得非常之好。Address:觀塘巧明街106號冠力工業大廈13樓1306室Room 1306, 13/F, Crown Industrial building, 106 How Ming Street, Kwun Tong港鐵觀塘站 B2 出口, 步行約5分鐘#food #foodie #foodhk #foodiehk #觀塘 #美食 #觀塘美食 #hkrestaurant #hongkong #foodlover #香港

真係估唔到觀塘臥虎藏龍，收收埋埋呢一間好有人情味，家庭式嘅住家飯！下午時間嘅超多魚嘅選擇，黃花魚，倉魚，馬友，甚至好多我都唔知係咩魚嘅魚差唔多有成10款，有啲可以揀煎嘅，大部份都係蒸除咗蒸魚之外，仲有小菜選擇，每日有五款左右。今日我上到嚟糖食，就揀咗梅菜蒸黃花魚。餐廳首先會上冇味精餐湯，同埋一碟油菜，等大家等緊魚嘅時候有啲嘢食如果想加野飲嘅話，有紙包飲品或者汽水選擇，好似係加$2都主角黃花魚出場啦！比想像中更加大條食落雖然係養魚，但係都幾新鮮！只係豉油比較甜，其他方面都幾滿意！

成日出街食飯，但又冇住家飯食好慘？最近就發現左觀塘工廠大廈竟然搵到充滿屋企的味道嘅餐廳🏠一嚟到店員就送上例湯同菜芯🥬見到有菜食真係幾感動😹唔夠菜食的話，仲可以免費加多碟！例湯幾足料，不過味道就有啲似茶記例湯🤣🤣🌟蝦仁炒蛋炒蛋係極滑身，蝦仁大大隻又爽口🥰 加上有蔥花調味，蛋汁撈飯一流👍🏻🌟煎封黃花魚煎黃花魚嚟到，同行朋友都”Wow “左聲！真係煎到好金黃脆身！加上黃花魚魚油，唔洗點醬汁都好好味呀😋🌟黑松露墨魚膠蒸蛋冇諗過住家餸都會有黑松露🤣 墨膠爽口，食到有墨魚粒🦑，滑蛋滑到同茶碗蒸差唔多！不過覺得淨食蒸水蛋好味啲😣🌟蟲草花雲耳蒸雞調味同所有配搭同👧🏻屋企食係冇分別😝 好味👍🏻🌟丁香魚魷魚筒蒸肉餅蒸肉餅肥肉唔算多，保持依舊滑身唔鞋口👍🏻配上有啲似白飯魚仔嘅丁香魚，即刻可以食得幾啖白飯。魷魚筒似用曬乾嘅魷魚，就咁食覺得過咸🥲

🍪 【#觀塘】雍雅食堂 Yung Nga💥觀塘返工必食 湯任飲住家飯💥.🍪 觀塘可能係返工地獄☠️但絕對唔係美食地獄~ 資深觀塘返工人士唔會對雍雅食堂陌生，呢間家庭式餐廳提供健康住家小菜，餐單日日唔同！餐單特別之處係有好多海鮮🦑🦀例如有好多款魚食🐟🐡🐠正！晚市只做私房菜，午市價錢更合理，食物好味之餘，仲包菜包茶、可無限添飯同湯，個個都食飽飽啦！☺️✧ Who else feels homey and comfortable dining in a family-owned eatery? That’s always true for me🥰Yung Nga’s kitchen prepares HK local dishes that we are all familiar with, but it takes a step further to design a menu that differs every day! 😱Some may be delighted to find a variety of fishes available! Dinner is only open for

從來未寫過食評，但今次真係太嬲！！！本身同朋友去食個lunch ,叫左個白鱔，我地大約12:15入座，但到12:50我個鱔仲未到，過程中起碼問左4,5次，待應每一次都係聽完就算，冇幫我問亦都冇答翻我幾時到，去到13:00頂唔順走左，人生第一次咩都冇食過就走左。其實甩單嗰d真係小問題，但完全冇交代冇道歉就係問題，個半個鐘喺度呆等，待應當您冇到個感覺真係好難受！！！！食物質素我真係唔知，因為想食都冇機會食員工態度就一定係差，完全當客透明！

無意間知道呢個既餐廳，之前都無見菜單都多選擇同價錢實惠，雖然見到傳單上面係要十一點前定無論堂食定外賣，但係我地都照上左去。雖然係工廈但環境簡潔而且坐得都唔會迫，餐廳話最好都係要提早what’s app 落單，唔係就唔一定會有。我地叫左花甲蒸蛋，南乳脆腩肉(又香又脆，下次去如果有都會聲叫)蒸馬友同蒸雞，上菜速度快只係個魚即叫即蒸就無咁快有。上菜前仲會每個人都有碗中湯同菜，好健康😺食完真係覺得唔錯，特別係個魚好大條好新鮮同嫩滑👍🏻👍🏻👍🏻

【意外發現觀塘冇味精家庭式lunch🥳】喺公司附近見到有位叔叔派傳單，態度誠懇又落力。所以有一次等燈位時，拎張傳單睇下。叔叔落力介紹餐廳，標榜冇味精，lunch有好多唔同魚類既set😁 每日有唔同menu。 另外夜晚仲會做私房菜👅可以WhatsApp落單，差唔多夠時間先去拎👍🏻超級方便平時屋企兩口子好少煮魚，所以lunch我就叫左個豉汁倉魚試下，另一位同事就叫肉餅飯。上到去店員態度非常親切，原來仲有得堂食，見到有人食蟹😳🤯 外賣嘅話送一罐汽水，選擇都幾多。菜心比其他舖頭幾多，滿意😏條魚都唔錯，反而係同事嘅肉餅份量比較少，佢係男仔覺得唔夠食。個湯仲好似清淡咗啲🙃 整體感覺都唔錯，打算下星期再去幫襯，試吓其他魚先🥳🥳🥳7/10 分

以前喺「駿業熟食中心」嘅時候，已經一路有幫襯開，當時嘅印象係，蒸魚夠晒新鮮大條又抵食，白飯、時菜、老火湯任裝，但舖頭實在太細，所以嗰陣時唔係成日幫襯。自從搬咗上去冠力13樓，就開始多咗幫襯，限聚令之前仲有幸book到佢晚上做嘅私房菜，呢個下次再講。好啦，入正題，今日lunch, 我成差唔多兩點先同同事去到，老闆娘一如既往非常之好笑容，熱情嘅招呼，一坐低，就會奉上每人一碗老火湯&時菜，今日嘅老火湯係「粉葛海底椰合掌瓜甘笋豬骨湯」，無味精，救火喉，我前後飲咗三碗今日同同事每人點咗一個餸，有「江南百花雞」同埋老闆娘推介嘅「清蒸石蚌魚」，其實我係第一次食百花雞，嘩～原來係心機功夫懷舊菜，碟餸送到嚟嘅時候，我仲以為佢送錯咗，真係失禮😅😅 上面果層嘅手打蝦膠好新鮮好香好好味，下面係拆晒骨嘅雞肉，好滑，連埋雞皮食又唔會覺得好油膩，總之一個字「正！」至於呢條「清蒸石蚌魚」，肉嫩味鮮，今日menu係無嘅，都係老闆娘推介。呢間餐廳日日都會轉menu, 不過日日都有新鮮蒸魚食，鍾意食好味健康住家飯嘅觀塘友，我真心大力推介俾各位！啊～ 仲有一個今日冇嘅菜式，就係「黑松露墨魚膠蒸蛋」，呢個係超級超級好食，印象中

雍雅食堂由來: 雍雅山房，是香港昔日一座茶座建築物，粤語片時代係最多取景嘅地方。由於已經結業嘅關係，昔日雍雅山房的主厨，就開了這間雍雅食堂 … 一間位於觀塘舊式工廈既私房菜, 平日只做Lunch 住家菜為主(呢度最出名係食蒸魚) , 夜晚係唔開架… 如果要食私房菜必須提前預訂!如果唔係就摸門釘啦!!   今次我地8個人,預左每人$250 -$300 老闆度身訂做左以下菜單:  粉葛海底椰合掌瓜豬骨湯湯料十分足,非常入味同滋潤有住家湯既味道 .. 唔係味精湯.. 正!!  荷香蒸海中蝦老板娘話其實避風堂炒會惹味D …不過Budget有限，佢幫我地選擇左荷葉蒸⋯食到荷葉香味, 蝦本身都新鮮，不用點豉油都OK. 但唔算突出! 屋企都做到既菜式..  豉椒炒肉蟹咁多道菜入面最鍾意既係豉椒炒肉蟹, 惹味十足, 肉蟹鮮甜…有驚喜!! 清蒸海上鮮呢度最出名係食蒸魚, 平日LUNCH 成條魚我都食得晒… 最鍾意佢既冬菜蒸黃花魚… 但可惜今晚係另一隻魚…. 我自己覺得一般, 但同事們就讚口不絕…佢地既豉油真係好好食.. 因為佢地冇食過冬菜蒸黃花 … 哈哈哈哈….  姜葱霸王雞隻霸王雞大大隻, 肉嫩又諗身