集眾菜館

Open Now

Now Closed

Dinner in the private room.Here’s what we had. Soup 集眾極品雞- succulent and intensely flavorful.脆皮炸大腸- cleaned meticulously then deep-fried to shattering crunch, with a chewy, fatty center.咕嚕肉- crisp, airy, and juicy, with a vibrant sauce that balanced sweet, tangy, and savory without being cloying.鎮店小炒皇- fiery stir-fry that celebrated wok hei: bold, explosive flavors and full of texture. 紅燒乳鴿- lacquered and glistening, with crispy skin and succulent, slightly gamey flesh.金薯蜜椒安格斯牛柳粒- crisp-edged be

第一次寫呢啲評論，亦第一次有咁差嘅用餐體驗，而且相信呢間餐廳負責人/員工態度一向惡劣，並非偶爾一次半次嘅事。希望可以係警世文，如果係生客真係可以唔使來呢間嘢食。因為我地人多所以早咗個幾禮拜book檯，結果book咗檯都要企喺度等超過30分鐘。老闆娘全程溝通嘅態度超級差，無禮貌，黑面皺眉，0個唔好意思，催佢就嫌我地煩叫我地唔好講咁多嘢，同埋話佢都無辦法因為無檯比我地。菜館內環境係十分逼夾，啲檯已經係擺到最盡，而且係真係全場爆滿，但係你做唔掂唔係我地嘅問題，做唔掂就唔好接我地booking。book咗來到話無檯，仲可以比面色個客睇同咁理直氣壯話個客我地就實在係十分不解喇。公道講句，嘢食味道係還好，但其實只係還好係未好食到我要受氣來食，比佢更好食嘅菜館多的是。一定不會再來，而且會同身邊親戚朋友分享是次極差用餐體驗，奉勸睇到呢篇文章嘅你搵過第二間食，慳返金錢同時間，唔好比佢地喺社交媒體嘅廣告呃到

book咗7:30，去到8點都未有枱，應該係overbook曬，而且啲staff態度好差，又keep住話我地係book 7:45，明明電話confirm係7:30😅嗰位應該係老闆娘？講到係我地問題咁😓用餐體驗極差嘢食係okay，不過咁嘅服務態度就唔會再黎😓

幸得多隆契仔關照、得得得償所望集結生日飯四人幫在集眾菜館歡聚一間小炒館能夠在菜牌上列明最低消費為每位$200都知道它的叫座程度絕非等閑之輩杏汁豬肺湯紅燒乳鴿豉油王鵝腸避風塘瀨尿蝦花甲蒸水蛋蒜蓉粉絲蒸蟶子皇魚香茄子煲白胡椒煎魚卜咕嚕肉上湯勝瓜不能夠誇口說每道菜都令人驚喜十足、比較之下，不論雞蛋的SKII滑溜度、花甲獨特的清甜確實聚興家技高一籌、避風塘瀨尿蝦不論炸䊢及材料都是金豪稍稍出色一點、但能夠集結多間菜館著名菜式於一身、我覺得集眾菜館絕對其中一間寥寥可數的出色小炒館。 當中最令我留下深刻印象的莫過於白胡椒煎魚卜、首先鐵板上、煎得外脆軟糯、10分惹味、豉油王鵝腸$168豉油汁適中、足以媲美以前老巴剎必須提前預訂的豉油王鵝腸、相比之下「蔗渣價錢燒鵝味道」 、 咕嚕肉炸漿夠薄又鬆化、用上爽肉、加上拔絲效果、全枱猛男Approved . 蒜蓉粉絲蟶子王用料新鮮、師傅蒸海鮮公架十足、不偏不倚剛剛好「😋」究竟有沒有落味精、就算其他高級菜館都有機會用、我的味精quota會給他

終於試得到傳說中用大石斑做嘅魚米之「香」，而食呢個餸，除咗要預早訂定之外，上菜嘅時候仲有指定步驟，就好似上面幅相咁首先係會上個魚片嘅。然後就會喺魚片上面鋪滿炸到卜卜脆嘅米粒，魚米之「香」嘅咪就係講呢啲米粒。跟手就會倒超級香濃嘅鮮魚湯落去，當啲湯遇到啲脆米你就會聽到shot shot聲。大功告成，可以開動，因為條石斑夠大條，所以啖啖肉而且啲肉好厚身，佢蒸到啲魚肉啱啱好，所以好嫩滑，唔夠魚湯，自己仲可以斟，到到最後直頭就咁飲晒啲魚湯，超正。佢個魚米之「香」係兩食，第二食就係炆班頭腩，呢個都好好食，好新鮮又多肉。

呢一間係太子嘅粵式小炒餸菜出色之外，佢嘅燉湯真係唔可以錯過。今次因為冇提早預訂，所以只係試到佢嘅杏汁白肺湯，香甜濃郁，真係要用料好足先至咬得到呢一種味道出嚟，個湯底應該落咗啲瑤柱魚翅海味等等嘅材料先至有呢一種味道，豬肺都新鮮乾淨，數量亦都比想像多，因為出邊好多地方都係得少少豬肺，食得唔夠喉唔過癮。小菜嗌咗三款，三款都非常精彩，咕嚕肉同埋鐵板白胡椒煎魚卜不相伯仲，非常有驚喜。另外佢個乳鴿都做得好出色，啲肉好嫩滑。最後想讚一讚佢呢度呢隻德國麥啤好好飲。

豉油王鵝腸：豉油王真係好香，鵝腸係新鮮鵝腸，好爽口彈牙，鵝腸入面仲連住少少鵝膏鵝油，食嘅時候雖然罪惡但係真係好香。招牌咕嚕肉真係好好食，咕嚕肉外脆內軟，淋咗汁之後都冇影響嗰個脆口度，新鮮菠蘿加新鮮柳莓肉，真係食得出個分別。問老闆娘今日有乜嘢特別嘢，佢就推介我哋試吓蒜蓉粉絲蒸蟶子皇，果然冇介紹錯，新鮮美味，蒸得啱啱好，唔會太熟又唔會太生，火喉掌握得好好。第四個餸係小炒王，呢個都好好食，我欣賞佢唔會好油膩，同埋我鍾意佢嗰啲炸芋頭絲。另外佢呢度有隻德國麥啤好好飲。

鑊氣小炒不同凡響，係一間性價比好高嘅小菜館。聽講一定要訂位先至有位，所以訂位嘅時候順手掟埋個燉鷓鴣湯，睇呢啲湯渣就知幾足料，所以個湯好香甜而且好潤。呢個龍仔甜梅菜蒸菜心又係一絕，係店員介紹嘅，個甜梅菜嘅甜味雕出菜心嘅鮮味，要撈埋一齊食就特別感受到。呢個腰果芥末牛柳粒味道唔錯，個wasabi味都幾惹味，又估唔到粵菜可以配wasabi會咁鬼正。最後呢個餸係鐵板啫啫雞雜，非常惹味，配埋呢度得有嘅德國小麥啤零舍正。

### 食評：太子集眾餐廳最近，我朋友帶我去咗太子集眾，聽聞佢哋嘅食物質素相當不錯，令我非常期待。餐廳位於太子，環境就一般，有人食煙同埋住個得幾迫。有朋友特意推薦我試佢哋的雞煲翅，據說味道非常好，但可惜今次我冇機會試到。下次我一定要提前預訂，親自嚐一嚐。雖然未能品嚐雞煲翅，但我聽到周圍食客都對呢道菜讚不絕口，實在令人期待。而我這次嘅重點則係避風塘瀨尿蝦，真係必食！呢道菜嘅蝦肉鮮甜，配上香脆的蒜蓉和香辣的調味，口感層次分明。蝦肉彈牙，每一口都充滿海鮮的鮮味，實在令人陶醉。搭配一碗白飯，簡直係完美嘅組合。不過，由於餐廳人氣相當高，建議大家記得提前打電話預訂枱，特別是周末或假日，否則可能需要等一段時間。總體來說，太子集眾餐廳提供咗一個非常好的用餐體驗，食物質素讓我感到滿意。雖然今次冇試到雞煲翅，但避風塘瀨尿蝦已經讓我充滿了期待。下次我一定會再來，親自品嚐雞煲翅，重溫這份美味！如果你鍾意港式菜，太子集眾絕對值得一試！

呢一間嘅小炒真係食過返尋味，今晚人唔多幫襯，所以只叫得三樣嘢食。招牌雞果然係招牌雞，雞味都濃，皮薄而且冇乜脂肪，雞肉嫩滑，好新鮮，配埋雞雞腸雞腎呢啲雞雜，另外碟雞茸係有新鮮薑，難得。蒜蓉粉絲蒸蟶子王超好食，蟶子本身就非常新鮮，而且大廚嘅廚藝都非常高，個聖子蒸得啱啱熟，所以食得出鮮嫩嘅味道，蒜蓉粉絲就吸晒蟶子嘅鮮味，所以要嚟撈飯就好掂。加碼叫咗個豉油王炒麵，因為見隔籬枱嗰碟熱辣辣香噴噴好似好正，所以忍唔住嗌咗，佢個炒麵炒得好好，好乾身，蔥段芽菜芝麻等等都非常之香。啤酒就試咗呢隻德國啤，又真係幾好味，好易入口。

星期二晚同幾個朋友去太子試下呢間小炒，我預早一日打嚟訂位，同時預留一隻炸子雞同杏汁猪肺湯，滿懷希望諗住嚟食好嘢，但真係未食過500蚊而無味嘅炸子雞，杏汁猪肺湯，得7碗，要328蚊，杏汁重到好似食緊杏仁糊咁，我就真係錯在預訂時無問價錢，因為諗住呢啲小炒地方食隻炸子雞飲個湯有幾貴呀，今次係買個教訓，當中食咗小炒王，避風塘瀨尿蝦，拔絲咕嚕肉，鐵板生啫雞雜，白胡椒煎魚卜，除咗個芥辣牛柳粒同豉油王鵝腸好食外，無一樣嘢係出色，但就每一樣都唔平，仲要訂位先食到，真係諗唔明點解仲咁多人食

天氣太熱，坐低即刻叫啤酒先至再慢慢揀餸，呢隻德國麥啤幾好飲，真係飲到小麥味，又爽又清涼有冇苦澀味。叫咗個鐵板啫啫雞什，又香口又惹味送酒一流，雖然心入面覺得有啲邪惡但係真係好食。佢個集眾招牌雞都好食，難得有雞味，隻雞嘅皮好薄，冇乜脂肪肥膏嗰啲，雞肉都嫩滑，相入面係半隻份量都好足吓。又肉又內臟，梗係要叫返個蔬菜類別平衡返一下健康啦，呢個係龍仔甜梅菜蒸菜心，菜心好嫩好綠，加咗甜椰菜上去原來個味道都幾夾，呢個都幾好食。

因為未齊人，所以先叫咗個小食邊等邊食，就係叫咗呢個冷盤，川椒豬手，個豬手都幾入味，雖然叫做川椒，但係其實又唔係好辣。另一個小食就試咗冰火魷魚，都係冷盤，不過呢個魷魚堅辣，叫冰火真係一D都無錯，兩個小食都好食。終於等齊人可以開餐，我地叫咗4個餸，4個都幾好食，呢間小菜館真係勁。先上枱嘅係呢度嘅招牌菜鮮菠蘿拔絲咕嚕肉，呢個真係做得好出色，個咕嚕肉外層係輕輕的脆口，入面粒肉就軟林林，個汁都好食，唔係一味死酸。個集眾招牌雞又係好正，隻雞好有雞味，雞皮薄，又唔肥，連埋雞潤雞腎雞腸，證明真新鮮。呢個鹽水花甲好新鮮，又無沙，而且都幾大粒肉。個菜都好有特色，菜芯加上甜梅菜原來都幾夾幾好食，值得推介。

招牌咕嚕肉個味道同個口感又真係唔錯，難怪差唔多每一枱客人都嗌，佢好食嘅地方就係咕嚕肉嗰個外皮好脆，就算淋咗個酸汁落去都冇影響到嗰個脆度，但係佢又唔係渣到硬晒嗰種咕嚕肉，佢入面嚿肉係好軟滑嘅。貪得意嗌咗個鹹蛋蒸肉餅，個肉餅多瘦肉少肥肉。金銀蛋浸勝瓜真係超好食，師傅將個勝瓜刨晒啲皮，淨係保留勝瓜最遠最滑最腍嘅部份，冇諗過勝瓜都可以咁嫩口。最後一個係金薯安格斯牛柳粒，所謂甘薯其實就係炸過嘅薯仔粒，呢個好食，因為薯仔粒吸咗牛肉嘅香味。

朋友澳洲返嚟約食飯梗係要同佢食一啲夠晒地道而且有鑊氣嘅粵菜啦，所以就揀咗太子呢一間小菜館。招牌咕嚕肉叫唔得啦，老闆娘話除咗菠蘿係新鮮菠蘿之外，連咕嚕肉用嘅豬肉都係新鮮豬肉，唔怪之得食出嚟又鮮味又亂畫，咕嚕肉外層嘅皮加咗個甜酸汁之後仍然保留微微嘅脆口，味道真係非常出眾。唔好淨係食肉要食啲菜，老闆娘推介我哋試呢一個甜梅菜龍仔蒸菜心，甜梅菜嘅清甜帶出左菜心嘅鮮味，呢個配合搭真係幾好食。第三個餸就叫咗一個邪惡小小嘅薑蔥鐵板魚春魚卜，呢個餸夠晒嘢未夠晒香口，因為鐵板上所以可以保持個新嘅溫度，我自己覺得乳酪好食過魚春。呢度隻德國麥啤幾好飲，出面好似好少飲得到。