雅園餐廳小廚 (Closed)

三間唔同既茶餐廳，外賣飯盒餐盒幾乎三間一模一樣，好有可疑喎！叔叔竟然運到入會場真利害。涼瓜斑腩炆伊麵，涼瓜斑腩還涼瓜斑腩、乾燒伊麵還乾燒伊麵，河水不犯井水，沒有一丁點溝通各自各精彩！只係在乾燒伊麵上鋪滿涼瓜斑腩吧。是否我點錯？應該要點涼瓜斑腩炒伊麵？涼瓜少少爽脆釋出瓜汁，苦味比甘味強。斑腩厚厚大大舊，肉質結實食得到的甜甜不腥的魚味，外層炸粉完全濕透黏黏的。都話走蔥走芽菜咯！硬係咁聞塞唔聽人家講野，係咪好平呢？竟然連洋蔥都有，耐心地全部剔除，幸好不是太多。乾燒伊麵炒得出色，乾爽嚥韌帶彈的麵質，醬油調味恰到好處，大啖大啖地吸啜格外美味！咸蛋切雞髀飯，過熟的咸蛋，硬硬的蛋黃沒有半滴黃油剩下！甘香蛋黃咸咸蛋白跟甜豉油撈飯仍是可口。全熟的白切雞髀沒任何血絲，薄薄微脆雞皮不肥不膩，白肉結實點點肉汁，安全合格。馬拉盞通菜肉片飯，難得肉片韌韌沒鬆肉粉，仍有少少彈感，肉味濃郁而滴著馬拉盞的咸辣味。爽甜通菜搭肉片拖著厚厚味濃馬拉盞汁非常好送飯！多多肉多多菜一小啖飯就是我，不經意消掉大半！減磅中的我，罪過罪過。

其實平時都冇乜幫襯呢一間餐廳，但係今日因為去敏華餐廳買飯嘅時候，佢哋話做唔切，唔做外賣，所以我唯有走咗去呢度，諗住快快趣買完去醫院探爸爸。 入到去一個阿叔招待我，我見到個餐牌寫住窩蛋免治牛飯，我問佢免治牛係咪茄汁免治牛，佢話係，於是我話要煎蛋唔要窩蛋，佢話冇問題，仲有一杯餐飲送添，盛謂$50。果下心諗真係抵到爛，因為敏華都好似要$58/$59。 等咗大約十分鐘，佢就拎住盒飯話係煎蛋免治牛。但我行到一半，從半透明嘅膠袋發現盒飯唔係茄汁嚟，而係一啲啡色嘅芡，而且嗰啲牛肉係細細舊一粒粒一片片，而唔係免治牛。我嬲到爆炸！但係因為我要趕住去探爸爸，唔想返去同佢嘈，唯有去第二間買過。 呢間嘢真係送都唔要！ 不過中肯啲講，佢嘅味道唔係差，不過呢個點都唔會係免治牛囉，商品與說明不符，點都唔會再幫襯。

本身諗住坐低 ，環境衛生惡劣，地下全部都係污水，油積，差少少滑低，一位穿黑色制服的女店員，大概40歲，紮馬尾回應客人服務態度非常差，非常沒有禮貌，不建議大家去食。

坐下4人座位, 隨即要換至2位搭枱, 我表示不搭枱, 即黑面: 你唔換一陣都要換架! 之後埋黎粗聲粗氣:  唸倒未?食了不久, 便有一位樣貌似道友的男侍應帶了一位食客坐我對面, 大力放低杯茶, 我望一下他, 他還怒BEAR 我, 像想打交!!!

#breakfastforlunch, #cheapeat, #watchingI passed by this place so many times on most of my train ride... thus is a rather large restaurant typically not something I draw into... it seems I hv explored most around the area, so giving it a try. (just thought of two other places I wanted to tried).he decor is very dated and the cleanliness is not that welcoming... I think there are still too many options within a few blocks.. so look away...

第一次寫食評，就係負評。 入到去，冇咩人，又唔係忙，但冇人問幾位，冇人帶位。自己坐低，問個係應門口52蚊個特餐係邊，如夢初醒，好人第一日番工，最後自己揾到。 枱面冇餐具，冇人留意到，要自己係隔離枱拎。而家非常時期，店方應該盡量避免食客自己拎餐具，個個隻手掂過，唔衛生。 野飲凍檸茶先到，個杯非常核凸，勁多白色野，用匙可以割得甩。問個樓面姐姐可唔可以換個杯，答我「可以，不過呢D係咁架喎。」但我見隔離枱果杯又可事，廢事用咁多聲。第二杯黎到又係咁(圖片係第二杯)，都冇改善。 個飯下品茶記水平，唔熱，白飯用舊米，冇味口感乾散。炒蛋係煎蛋，炒過火。叉燒乾鞋難咬，蝦爽口冇味，有一陣豬異味，好有機會係隔左唔只一日。所以試住用紅油姐住D味。雖然本身好肚飯，但最後都係食剩唔少。

今日來到吃了一個午飯，選了一個蔥油雞及鹹蛋肉碎蒸水蛋，點了一杯阿華田及熱咖啡。結果令人超失望。1. 蔥油雞淨係得鹹味，雞肉食落口口感極差。2. 鹹蛋肉碎蒸水蛋相反一啲鹹味都沒有！3. 柯華田好似加多了一倍水落去。4. 杯咖啡又煲窿咗嘅味道。只可説一句，極度差。兩個餐加起來也要100元！同樣價錢，中環那邊比他食得好。

今日夜左收工，去到灣仔嘅時候已經係12點幾啦，眼見都冇乜選擇，入咗呢間茶餐廳，見到有燒味飯，咁就試咗個啦三拼燒味飯（有D貪心）叉燒油雞燒鴨 賣相幾好，起碼唔會乾爭爭，叉燒好軟林，燒鴨啲皮仲有少少脆😍咬落去嗰浸油香真係好正，係夜麻麻仲有咁嘅質素真係唔錯，加杯凍奶茶都係$63，絕對超值👍佢呢度除咗燒味飯可以食之外，見到佢仲有其他小菜，價錢都唔係好貴都係$70左右，不過因為而家餐廳有座位距離，中間有擋板，所以你舉手叫侍應都未必睇得到😅

本來念住食隔離間薔x，但行過見到雅園個扒餐都抵，加上見就見得多，無食過，今次就去試下距。雞扒Ok嫩口，勁熱炸炸聲，其他同普通茶餐廳一般。但服務態度麻麻，好似好唔耐煩咁，但唔知點解咁多人入黎食，可能貪門面光猛。椒鹽豬扒飯碟頭飯，Ok既，惹味，味好足，都算辣，椒鹽落夠多，好似狐狸仔呢啲怕辣既人真系唔試得。白飯。。。乾柴左啲。個羅宋湯系勁大碗😂不過一般。奶茶Creamy左啲，總括而言，試過一次就算啦😂普通茶餐廳一間。可能叫其他好食啲。

第一次看見乳豬四寶飯，覺得很驚喜❣️❣️❣️❣️❣️因為平時都是四寶飯，燒腩四寶飯，很少會有「乳豬四寶飯」，所以馬上叫了個嚐嚐！「乳豬四寶飯」有乳豬，紅腸，雞和鹹蛋。乳豬真的很好吃皮很脆，最喜歡吃脆皮了！

《雅園餐廳小廚》 #食在灣仔📍灣仔莊士敦道194號灣仔商業中心地下B&C舖-🔹雪菜肉絲炆米 $48灣仔區茶記黎講價錢中規中矩啦 但論味道 睇圖都覺得一般啦😂唔難食嘅 有雪菜肉絲味 米粉唔會太淋唔會好乾身又唔會太濕 係無咩特別 普通打工仔食個lunch都收貨嘅🍴5/10

環境2分：正常茶記格局，有卡位又有圓枱，預左人多要搭枱，畀兩分。衛生2分：枱上有辣醬任用，但就立立地，都係兩分。服務2分：態度正常，但同班friend一齊叫食物我果份就要等成廿分鐘，落單又冇講明要等，扣三分。味道1分：碟牛舌焗意粉呢雖然係叫做焗，但係食落又唔多覺得有焗果種口感，可能要加多Ｄ芝士先至似樣，同埋意粉就夠多，但係Ｄ牛舌又乾又un，早知要等廿分鐘一定唔會叫，一分都唔想畀。抵食1分：正常茶記價錢水位，唔使等位但要等嘢食，仲要超難食，食到成肚氣，咁唔抵冇可能畀多分。

凍奶茶，凍檸茶得幾粒冰，冰十分鐘後唔見晒兩杯飲品唔凍好難飲。碟蝦仁炒蛋飲好鞋，仲煮到水汪汪，洋葱雞扒個汁成個献結到漿糊咁，冇咩咸味仲酸酸地，我個女係 焚化爐 都可以食一啖就成碟唔想食。從未如此難食過的茶餐廳。 待應個個黑口黑面，唸住放假食啲啱胃口既嘢點知味覺，視覺同感覺都受罪。

馬來西亞朋友來港未落機已指定要食燒鵝，可怕他飛機到達再安頓好相是晚上九點十點。本來想帶他們一起試試酒店附近的米芝蓮甘X燒鵝，雖然聽過不是負評指現在已主力做遊客團餐，但當我們到達時己提早沽清，想以身試伏都唔得，於是選擇了這間正正在酒店對面，招牌當中有寫明以自家燒味自豪的茶記。隔著玻璃看燒味部掛著的燒味，賣相已不錯，雖然是晚上較夜的時間，燒味在架上仍然排滿滿，閃令令，絕不是賣剩貨。很多時看食物賣相外型，已八九成估到那個食物好不好食，特別是閱燒味無數的香港人。四五十蚊大大碗靚靚燒味飯包飲品，在港島旺區算十分抵食了。看外型已十分吸引。燒鵝皮脆，皮下脂肪是比較多，但個人就是喜歡食那種騷騷哋的脂香。乳豬燒肉同樣卜卜脆，不會死鹹。四寶叉雞紅腸同樣出色。食不到甘記，塞翁失馬焉知非福，茶記可能CP值更高。

Do not confuse this restaurant with the “Rose Kitchen" which is actually the restaurant upstairs on the next level up. The staff was friendly enough and gave us an English menu, but we were disappointed to find out that we had to pay a lot more for drinks $20, unlike other restaurants. We were also a bit taken aback by the amount of dirt on the floor and table and even found a random hair on the table. The silverware in the drawer also seemed questionable in regards to hygiene with the random sp