With Your Mind

今晚同老公食新加坡菜，好耐無食過啦! 餐店環境舒適，燈光柔和，有多張四人枱，亦有卡座，簡約企理。餐牌清晰，有午/晚餐、二/四人餐、湯、菜類、小食、飲品、甜品等等，選擇唔少。二人餐（$218）最岩我地，有兩款主食、兩款小食和兩杯飲品。我揀海鮮喇沙，熱辣辣，香噴噴，滿滿一大碗，好吸引呀！泥黃色嘅喇沙湯底夠濃厚，有些椰香，亦香辣，味道香濃。麵底有米粉和瀨粉，又滑又彈，掛湯力強，入晒味好滋味! 海鮮有鮮蝦，彈牙鮮美；手打魚片好彈，有魚鮮；豆卜索晒湯汁，一咬就爆出湯汁，好入味；大大隻嘅帆立貝鮮嫩美味；仲有半隻好靚嘅熟蛋。老公揀隨心海南雞飯(無骨淨脾+$10)，推介！雞皮爽，肉鮮嫩，食落鮮香油潤，仲要啖啖肉，完全無骨，正！三款醬料有薑蓉、辣醬和黑醬油，各有不同風味。雞飯粒粒分明，好有油香；雞湯香濃！烏達($0/跟餐4件) 係魚肉泥與各種香料混合，用亞答葉包裹着烘烤，食落腍嫩，滿有香料味，辣辣地，好有風味。雞絲木瓜沙律($0/跟餐) 入口涼涼地，用料有青木瓜絲、紅蘿蔔絲、沙律菜和車厘茄，相當清爽，加埋嫩滑嘅雞絲，拌入泰式酸辣汁，又豐富又香辣醒胃！熱檸檬薏米水($0/跟餐) 有檸檬嘅清新，甜度剛好，薏米煲至軟身，出晒味，當然要飲晒食晒啦! 杞子雞湯 ($0/跟餐) 好有雞香，香甜美味，唔鹹唔油，好好飲！…Read More

前幾星期較多工作應酬，與外國同事交流，吃了不少西式晚餐。過了這忙碌的時間，特別和媽媽找間東南亞餐廳，品嚐星馬味道。隨心華人喇沙海南雞位於鰂魚涌海堤街，地鐵站出發大約六七分鐘便到，地點方便就腳。我們一行二人點了二人海南雞餐，一起互相分享。海南雞半隻(⭐⭐⭐⭐⭐)海南雞已經去了骨，吃起來啖啖肉，配上特製調味醬汁，令人停不了口。肉骨茶(⭐⭐⭐⭐⭐)肉骨茶吃起來有很濃鬱的藥材味道，冬天飲起來十分暖胃。排骨肥瘦適中，配上紅棗等等不同藥材，十分有特色。沙爹串燒(⭐⭐⭐⭐⭐)串燒我們選了豬和雞兩款。即叫即燒，上枱時還是熱辣辣。雞肉吃起來嫩口，豬肉有點嚼口，配上沙茶醬更為惹味。馬拉盞通菜(⭐⭐⭐⭐⭐)另外我們叫了個通菜，吃點蔬菜中和一下。通菜配上馬拉盞吃起來十分香口，而且份量也不少，兩個人分享綽綽有餘。飲品(⭐⭐⭐⭐⭐)跟餐飲品十分多選擇。我們分別選了熱檸檬薏米水，杞子雞湯。薏米水不太，甜而且有大大片檸檬。雞湯也十分不錯，真材實料沒有味精。總括而言，這間餐廳食物質素不錯，而且價錢十分大眾化。下次經過也一定會再來。~~~~~~~~~~~~~~~~~~~~~~~~隨心華人喇沙海南雞鰂魚涌海堤街6-16號龍景大廈地下4號舖推介菜式：海南雞，肉骨茶👍🏻地點方便👍🏻環境舒適👍🏻價錢大眾…Read More

呢度嘅款式種類都幾多，而且價錢大眾化先叫咗一個肉骨茶加排骨係用一個燉湯嘅形式上肉骨茶呈深啡色 啖啖藥材味道一路飲嘅時候都㷫烚烚 出晒汗另外加錢要左排骨 點啲甜豉油食就啱啱好另一個叫咗斑蘭咖吷多士走牛油四大塊多士疊高真係好震撼每一塊多士都好厚入邊有豐富嘅斑斕醬料唔會乾身鍾意食多士嘅一定唔好錯過咖哩薄餅 係酥餅加咖喱醬酥餅充滿香濃嘅牛油味道 再加埋惹味嘅咖喱醬點埋一齊嚟食好正最後嗌埋杯熱檸檬薏米水暖笠笠 啲薏米好腍…Read More

附近咁多商廈，午市放lunch多人係意料之內，幸好都唔駛等位，被安排左坐收銀旁邊嘅兩人位，雖然逼少少，但無咁嘈，又有足夠私隱度👍🏻 我哋兩個都叫左古法燒雞配油飯，呢間有養生嘅飲品選擇係我最欣賞嘅地方（檸檬薏米水、生薑茶、紅棗茶、杞子雞湯，雪梨茶）。我地叫左熱紅棗茶同檸檬薏米水。加埋熱飲，一個餐$80左右。古法燒雞配油飯燒雞好香，雞皮燒到脆卜卜🤤，雞肉嫩滑唔乾👍🏻仲有海帶伴碟👍🏻期待下次試下其他菜式。…Read More

最近轉咗新工喺北角鰂魚涌呢頭發現咗間「隱世」高質東南亞菜佢位置近鰂魚涌地鐵站B出口附近人流唔算多入到去有啲選擇困難我問老細有咩推介佢諗都唔諗就答「火山骨」既然佢咁果斷 我都即管試吓係咪咁正首先不得不提「火山骨」真係「骨如其名」成座火山咁超大份 一上菜 基本上係全場矚目店員即場灑酒 點埋火超級打卡able店員建議我哋直接用手拎嚟食佢哋都超細心 俾咗兩碗檸檬茶我哋清潔雙手火山骨脂肪較少 瘦肉較多炆到好腍好香醬汁酸酸甜甜勁開胃另外我哋叫咗個帆立貝喇沙湯底濃郁，有陣陣椰香，加上香料嘅辣味帆立貝有成四大粒 好新鮮好香米線索晒湯汁 超惹味小食就叫咗串燒(豬+雞)肉質鮮嫩好惹味點埋醬超好味椰汁紅豆冰大大杯 椰味超濃總結: 大推…Read More

🍴海南雞喇沙 $82 (7.5/10)喇沙本身係賴粉加米粉，叫左淨米粉，好吸湯都軟腍，個湯重椰漿味，香料辣味唔出，唔算濃比較淡但有味。仲有2舊豆卜，個雞好嫩滑有雞味，份量都幾足！味道唔錯的。🍴檸檬薏米水 +$8 (7/10)無糖，幾清熱！推薦指數： 7.5/10唔錯的，份量足，lunch time要等位…Read More

一向都喜歡吃馬拉娘惹菜的我今晚一次過食晒叻沙肉骨茶同炒蘿蔔糕三款美食，呢間主打叻沙同海南雞嘅餐廳味道還可以。叻沙就真係好一般，無乜蝦味，只有好重嘅椰漿味同咖哩味，幸好佢d米粉都索到d叻沙汁。肉骨茶都係一般，唔係重胡椒味又唔係重藥材味，舊排骨都ok嘅，油炸鬼薄就薄d不過係脆嘅。最好食係個炒蘿蔔糕，話就話係小食不過份量一d都唔少。外曾應該炸過，因為都幾脆口。…Read More

隨心(華人喇沙. 海南雞)鰂魚湧海堤街6至16號 龍景大厦4號地舖 坐港鐵鰂魚涌站B出口，行步行3-4分鐘就到，門面寬廣吸引，室內光線和氣氛柔和，店員有禮貌和笑容及介紹食物等。 火山骨：豬脊骨， 玫瑰酒、 香茅、 檸檬、薑蔥切幼粒，買相好靚😁😋份量重，店長叫我們小心他要倒玫瑰酒，然後點火，火山出現眼前💥令到豬脊骨更入味😋碟上已經滿滿酸辣醬汁再加上後來玫瑰酒更美味。每件骨都有肉，質感非常軟綿綿，同三五知己一起食更多笑聲! 吉列蝴蝶蝦：炸得好脆蝴蝶蝦，入口鬆軟有蝦味道，炸蝦嫩肉，入口有汁和豐富。 咬入口好脆和蝦肉重，真的好食。吉列蝴蝶蝦：炸得金黃色脆的蝴蝶蝦，恰到好處😊入口鬆軟有蝦肉味道，蝦汁又豐富。和食了令人回味!最後:我們叫杯熱拉茶、滑溜和充滿奶茶味及入口易飲。另一，朋友叫了熱話梅金桔茶，好飲，酸甜是這餐好滿意的一餐😋…Read More

《隨心華人喇沙海南雞》📍鰂魚涌海堤街龍景大廈地下舖，以東南亞美食為主。呢度美食，有皮滑肉嫩的招牌海南雞、多款惹味的喇沙、串燒、小食及甜品等。🥢雞絲木瓜沙律青木瓜絲、紅蘿蔔絲、車厘茄、配上酸辣泰式醬汁，木瓜絲清脆爽口，味道酸酸甜甜又帶辣味，開胃前菜。🥢吉列蝴蝶蝦外層炸至金黃，入口香脆，非常惹味😍🥢火山骨份量相當大，以長型豬脊骨，高高堆疊而成，火山骨上枱後，店員會再淋少許玫瑰露，再點火燒一下，令整個菜加添香氣，仲可以影相打卡😘。每條骨都用上肉瘦脂肪少的豬脊骨，配上以多款香料調配的醬汁。豬脊骨炆至軟腍，肉質鬆化，加上酸酸醬汁，惹味開胃，香而不膩。朋友即時用手抓起火山骨食，話這食法更有味道（店員亦非常貼心，上菜同時，亦會送上作洗手用的檸檬茶）。拉茶、話梅柑桔拉菜，茶/奶味道分明，入口滑溜鍾意柑桔飲的我，今日就點咗加入話梅的話梅柑桔熱飲，味道鹹鹹酸酸，暖胃又可解膩。…Read More

收工同朋友嚟咗係鰂魚涌地鐵站附近嘅隨心華人，位置好就腳。餐廳名入面有曬我地想食嘅喇沙同海南雞，問店員仲有無咩菜式推介我地，佢推薦火山排骨，呢道菜我係曼谷Jodd Fairs食過一次，決定係香港再試下~ 火山排骨: 上菜嘅時候職員會點火，火焰嘅效果令我地wow一聲，打卡一流! 份量都好大，舊舊排骨比我拳頭仲大。最有驚喜嘅係肉質，炆到好淋，一啲都唔韌，淋上香料，湯底微酸，味道唔辣，適合香港人口味。呢到嘅火山排骨比我係泰國夜市食嘅好食好多，我記得泰國夜市嘅排骨好韌，一味得個辣字，呢到就處理得好好多海南雞喇沙: 喇沙湯底好香，店員仲好好咁過嚟介紹話係老闆親自打磨南薑等等嘅香料，食得出啖啖心機。海南雞滑嫩新鮮，配嘅薑蓉打得夠碎得嚟又有薑絲，正。要特別讚下店員態度真係好友善，見我地食火山骨就主動問我地需唔需要檸檬水洗手同比紙巾同骨碟，非常貼心呀…Read More

經過門口比條大魚吸引咗入去食🐟入到去睇吓個Menu竟然有火山骨🔥毫不猶豫地揀咗佢！😍😍🌟火山骨一上枱俾佢嚇親，真係勁大碟😍店員仲會即場倒點左火既酒落去，打卡一流😍第一次食火山骨真係成座火山甘🌋醬汁酸酸辣辣好開胃，加咗少少酒嘅味道，成件事好夾😍 唔好以為全部得骨，但其實佢收埋咗好多肉，啲肉又夾住少少肥膏，但肥而不膩，再配埋啲醬汁一齊食，不得了阿😍而且店員好貼心，驚我地食火山骨嘅時候會整污糟隻手，仲俾咗兩兜檸檬水我哋洗手😍🌟新加坡炒貴刁佢同平時嘅炒貴刁好唔同，平時嘅炒貴刁得河粉，但係佢呢度係河粉加油面，個配搭好新鮮😍 有魚片頭有蝦之外，竟然仲有臘腸！蝦好彈牙好大隻🦐另外跟餐叫咗兩隻無骨鳳爪，醬汁酸酸辣辣好開胃，仲有啲蕃茄青瓜喺底😍嘢飲方面就叫咗凍柑桔檸檬🍋同凍檸檬薏米水🍋…Read More

行開鰂魚涌海堤街，見到一間餐廳好新淨，裝修有點似日本餐廳，睇真D原來係食喇沙海南雞🐔 ，於是決定試下，坐在舒舒服服的卡位上，選擇困難症，揀來揀去最終揀坐個＄218的2人套餐。套餐都幾豐富，有隨心海南雞飯 （無骨）跟白飯 ，鳳尾蝦金絲薯卷 （4件）， 熱檸檬意米水， 加沙爹串燒 4串，我們兩個都揀無骨海南雞🐔飯，鐘意啖啖肉，😘，份量充足，海南雞皮薄肉滑，雞有雞味，三種蘸醬，薑蓉醬油酸辣甜醬，每個餐有一杯仔熱辣辣香噴噴杞子雞湯，配菜有海帶青瓜車厘茄，葷素搭配最健康。鳳尾蝦金絲薯卷特別出色，炸得金黃香脆的薯絲，包住爽脆的蝦肉，鮮香味美，超級出品。👍串燒4條，雞肉加豬肉，點沙爹醬 ，超惹味。🤤🤤 檸檬意米水酸酸甜甜，油炸物的最佳配搭。2百蚊多D就食得非常滿意，超正。🥳🥳…Read More

今日放工想食返啲惹味嘅嘢😋星馬菜就啱晒我❤️聽到呢間舖頭出名海南雞同喇沙就一次過試晒兩樣😛原來仲有套餐既選擇包括野飲同埋小食🥹CP值好高呢⭐️ 隨心海南雞飯 🍗肉質嫩滑帶油香但係食落唔會太肥值得一讚👍🏻好地道咁配埋杯雞湯好清甜🍲⭐️ 慢煮咖喱牛肉喇沙 🥘喇沙湯底好濃郁又惹味🌶️ 加上咖喱牛肉口感好軟淋🍖質素不錯⭐️ 馬來串燒 🔥有碳烤既風味得黎唔會燒得太乾💛作為小食啱啱好⭐️ 班蘭椰絲球 🥥有種糯米糍QQ的口感🍡內餡係好濃郁嘅斑蘭Custard味道🌺好有熱帶的感覺感⭐️ 凍馬拉拉茶🧋比起一般嘅奶茶果然有種唔同嘅口感🥹入口Smooth D比較絲滑甜度唔太高🤗⭐️ 凍話梅柑桔 🍊柑橘帶酸甜嘅味道入口好消暑🍋‍🟩 加上話梅既味道就更有層次…Read More

今日放工經過一間平時好多人排隊嘅餐廳 一路都冇機會試 今日總於有機會試下海南雞飯海南雞好滑 雞嘅肥瘦都岩岩好 仲有個雞湯好鮮甜 淨係個雞湯都一流墨魚餅喇沙有墨魚餅 魚片 豆卜 超濃厚嘅湯底 配搭墨魚餅 令到我停唔到口沙嗲串燒串燒可以揀豬同雞 我地要雞串燒 串燒即叫即做 上枱熱辣辣 食得出廚師好有心嘅燒到外皮有少少脆口 食落層次非常豐富新加坡炒蘿蔔糕蘿蔔糕份量好夠 調味都好濃厚 做小食的確一流話梅金桔水非常有特色嘅飲品 有金桔潤喉嘅感覺 又有話梅味 岩晒秋天飲…Read More

今次是我第一次品嚐，首先海南雞份量足夠，雞頗滑，而飯亦甘香。額外加了錢點了湯及凍馬拉茶，都好好味。今次經openrice預訂自取有優惠，性格比高，值得推薦一試。…Read More