隨便坐車仔麵燒烤

Open Now

Now Closed

日間賣車仔麵，夜晚就變身做串燒檔，一個地方滿足晒你兩個願望🍜
隨便坐車仔麵燒烤 真係晚市掃街宵夜嘅最佳選擇！🕖 我哋七點幾到，啱啱好就食到佢哋嘅串燒，真係有驚喜！🥓 串燒：試咗好多款，雞軟骨燒到脆卜卜，雞全翼燒得香噴噴，羊肉串冇乜羶味，仲有惹味嘅司華力腸同雞肉串等等，款款都燒得好入味，忍唔住叫多幾串！🦪 燒生蠔：最最最驚喜嘅係佢哋嘅燒生蠔！大大隻，真係成隻手掌咁大，肉質好飽滿又juicy，食落超鮮甜，蠔迷必試！🐷 川汁豬耳：除咗串燒，小食都唔輸蝕！個川汁豬耳大大份，豬耳爽口彈牙，配埋個麻辣川汁，辣得嚟又好惹味，超開胃！呢度氣氛好地道，好有香港特色，同朋友嚟一邊食串燒一邊吹水，真係chill到爆！下次一定要試埋佢哋嘅車仔麵！💯

晚上饿的睡不着冲来「随便坐」撸串！接地气大排档氛围，老闆說1:30截單，可以坐通宵！吱吱和朋友点了一桌吃到撑，分享几个下次来还要吃的菜品⬇️✨净牛腩 💰128从未吃过这么好吃的牛腩！！又软又嫩，肥瘦相间，打底的青菜也吸满了汤汁✨鸡皮 $21以前吃的鸡皮都是一小串软软的，第一次吃这种一大片一大片脆得像薯片！油脂香配冰啤酒绝了✨牛肉串 💰15肉感扎实但不柴，亲测不是合成肉✨ 金菇包 💰27锡纸包着烤出来的金针菇又嫩又多汁，加上蒜蓉完全吃不腻人均💰：100➕📍彩虹牛池灣金池徑1號地舖

今日經過牛池灣，同朋友搵野食，經過牛池灣徑，見到有串燒食，於是坐低試下，天氣唔太熱，坐室外都ok既，由於7點前，麵檔仲未關，仲可以叫多碗面食😅😅再叫串燒飲啤酒🍻叫左好多串燒食，個沙爹汁好好味，個雞泡魚干好香，好好味😋😋😋，但個燒茄子，個調味就嫌略淡左啲啲，其他串燒都中規中矩啦，可以一試👍🏽👍🏽👍🏽

大家如果要食，建議一定要平日食，假期服務質素參差。呢間已經食過幾次既串燒，至從第一次試過雞皮覺得好食之後，之後都好難再食到…..每次去到叫燒雞皮，一係就話無貨，一係就話太多人燒吾切。吸取幾次教訓後，今年每次想食燒雞皮既時候，每次都會打定電話問店員今日有冇貨先，如果冇我就吾會專登去食。最失望同嬲既一次就係今日。已經一早打電話問有冇燒雞皮，店員話有貨，仲問我地幾點到，預定貨比我地。點知去到一早落左單，差唔多食晒所有野，催份燒雞皮既時候，店員竟然同我講今日冇雞皮。之後我話我地一早打電話問左係有貨先黎，另一店員再改口話而家先幫我地燒番，但起碼等半個鐘以上。咁既服務態度都得？！點解可以一齊落單但要漏左一樣吾燒？仲要吾問都吾通知我地！經過今次真係好失望！

👨🏻‍🍳隨便坐車仔麵燒烤 (彩虹)📍彩虹牛池灣金池徑1號地舖 「宵夜之選👍🏻又平又好食既串燒🤤」 想食又平又好食既串燒，黎到隨便坐😝撇除環境衛生，呢間串燒性價比都幾高！！師傅即場燒，份量多，平均十零蚊一串😝 ‼️必食‼️燒豬頸肉 (超肥厚，好juicy!!🥹) $15燒韭菜 $11燒粟米(成碌的😝) $11金菇肥牛卷 $19原條茄子 $27燒翠玉瓜 $11燒雞肉腸(細個廚師腸陣味😻不咸的) $6燒雞軟骨 $13 有👍🏻沙嗲汁同泰式酸辣汁揀。 有室內同室外，室內有冷氣、禁煙🚭；室外好似大排檔打冷，都算通風。環境衛生麻麻地的🙈🙈不過呢到既燒烤系幾好食😋又平！！👍🏻 #隨便坐 #隨便坐車仔麵燒烤

雖然環境麻麻，但野食一流，價錢好抵！以下有幾款推介：粟米：大半條，好甜，有牛油味香。司華力腸：好大條，抵食。韭菜：炒到好香口，微辣，有少少孜然味。翠玉瓜：好甜，爽口。美味指數：😋😋😋😋😋環境指數：⭐️回頭指數：👍🏻👍🏻👍🏻👍🏻👍🏻地址：隨便坐車仔麵燒烤 (彩虹)彩虹牛池灣金池徑1號地舖

【黃大仙區】【隨便坐車仔麵燒烤】我有啲肚餓，同朋友諗唔到去邊度好，佢當刻唔算肚餓，不過佢對於呢種搵唔到食乜係有豐富經驗，所以咁啱同佢一齊就啱晒啦。而最近由於呢位朋友中過招，反而佢喺中招之後覺得自己飲食選擇多元咗，搞笑。我都係第一次嚟牛池灣呢頭，見到係有幾檔宵夜檔，幾正喎，就坐低咗喺其中一檔。用點菜紙寫好之後就開始等，可能係客人都幾多嘅關係，所以都等得有啲耐。首先上咗 $11 嘅「九菜」，即係韮菜，一 pat 咁，麻麻哋。跟住係 $21 嘅「雞皮」，我哋叫咗兩份，一塊塊咁都 okay 嘅。而 $6 嘅「雞肉腸」我哋都係一人一條，正常囉。之後 $17 嘅「魷魚鬚」同 $16 嘅「墨魚咀」都係比較一般嘅，然後一人一串 $16 嘅「咸牛脷」，正正常常咁囉。之後到 $17 嘅「鵝肝」，原來係雞肝咁，好鞋口嗰隻，唔好呢味。反而 $13 嘅「車打芝士腸」幾香芝士味，有亮點。兩串 $15 嘅「豬頸肉」都嚟錯咗雞肉串，照食都係正正常常嘅。到 $16 嘅「豬腩肉」就有啲硬同靭，麻麻哋。仲叫咗 $13 嘅「燒烤薄餅」同 $15 嘅「雞全翼」，兩者唔難食但亦都冇特別嘅。嘢飲方面只係一人叫咗罐 $8 嘅「可樂」

喺未駛出街戴口罩嘅時代已經嚟過幫襯，當時係有車仔麵嗌，喺門口左面櫃檯叫姐姐執藥咁左執右執啲餸、麵底，俾低幾十，就自己捧住入面坐，順便再寫紙仔落單遞串燒，呢part就離開先埋單。依家個姐姐話疫情關係已cut咗車仔麵檔，門口多咗檔鹵味大叔即叫即斬。冷氣舖面裝潢大致一樣，只係冇咗張二人枱，依然係4張四至五人枱、圓凳。舖外幾張枱繼續室溫冇冷氣，有骰盅供應。冇澱粉質供應就唯有幫襯門口大叔加餸，再拎入舖食。執咗盒鹵水鵝腸、雞臀、鵝掌翼，盛惠$135。質素尚算企理，但較味頗鹹，腎弱慎食。嗌咗大量串串。串燒主要都係用七味粉灑面，所以調味只一個味，揀咗點沙嗲汁。唔知係難洗碗定唔夠碗碟，每位係用紙碟、木筷子，而串燒上住一批，食食吓佢再上一批，就將新嗰批串燒倒落之前嗰碟度。終於出事，其中一次將鄰枱點啲串燒倒咗落我枱隻串燒碟度，同侍應對單後佢將倒錯落嚟嗰啲串燒執番走，至於會否原食就咁俾番鄰枱定倒落垃圾桶就不得而知⋯⋯比較食得過係燒雞全翼、燒羊肉、燒原條茄子（嚟到必食）、燒秋葵、炒韮菜（見隔離兩枱都有嗌且炒得幾令）、豬大腸。食吓食吓唔覺淨係串燒、飲品埋單都三百幾，唔可以叫抵食。

成日同朋友嚟食尼間燒烤店。好多嘢都幾好食，特別係豬頸肉同薄餅，真係好食架👍👍另外仲有茄子同埋娃娃菜😋佢個醬幫到啲串燒加分：）今次係帶朋友嚟試，佢都話好正👍之後都會繼續嚟！

我除咗日式嘅串燒店之外其實我都好鍾意食港式嘅串燒，呢一檔都算係幫襯得最多嘅串燒檔，佢哋嘅串燒係非常之抵食嘅，兩個人食嘅話大概都係二百零蚊就走得。如果你驚食唔飽其實佢哋亦都有車仔麵供應。佢哋嘅串燒選擇都非常之多，例如有牛扒牛仔骨豚肉，雞翼腸仔或者唔同嘅丸類。比較特別嘅係佢哋亦都會有唔同嘅海鮮供應，就好似今次我哋揀咗蒜蓉焗蜆同埋蟶子。串燒都係即叫即燒，所以全部都係好香口同埋熱辣辣。佢哋亦會好貼心咁樣提供一碟沙嗲，如果你係重口味嘅人士，點埋沙嗲食就更加有風味同埋惹味啦但係當然你要接受到佢嘅環境唔係十分之好。

無論係搬屋前或者搬屋跑都好，彩虹對於我嚟講都係一個中轉站呢到除咗串燒仲會有車仔麵，如果我得食串燒唔夠飽就可以食多碗車仔麵令自己飽啲😂佢呢啲舊區相對上衛生環境可能差啲🙃室內會有冷氣，亦都有街邊位，會食煙飲酒嘅坐出邊會有feel啲串燒即點即燒，每一日都有唔同嘅海鮮✔️點好單之後好快就會有一大碟串燒出現喺你面前😋😋😋價錢絕對都唔係貴兩個人飲埋嘢都係$200左右性價比超高！ 佢嘢食都好夠味，如果再重口味啲仲可以點埋佢嘅沙嗲醬打完文都好想今晚即刻再食多次😂😂😂

豬軟骨牛腩河粉🍜$22見到有關注組成員介紹🤣咁啱響坪石邨個頭開工😗當然順便就去望下😁就響牛池灣街市附近😌呢間自選車仔麵唔算好難搵嘅🤭店內環境比較一般，但都算係寬躺🤣入去之前，已經響門前揀好咗食D咩😁俾完錢先至入去坐😃結果揀咗兩餸都係$22😌最平$6一樣餸🙃麵底都係$6一份😎感覺真係幾抵😉味道都幾好，性價比高☺️而且呢個價錢依家都少見😝隨便坐車仔麵燒烤 (彩虹)彩虹牛池灣金池徑1號地舖

食過呢間串燒小店好多次 👍🏻👍🏻蒜蓉焗蜆好好食，好香，啲蜆都好大隻，隻隻都開哂👍🏻雞翼都燒得好正，啲皮係脆架豆卜都燒得好好，好脆卜卜，次次我都會encore多一串👍🏻雞泡魚肝都幾好，冇腥味，因為喺其他小店食過，有時會覺得好腥 。

收晏時約了一班同事去宵夜，呢間係其中一個同事介紹，去到門面平實，店外放晒摺枱櫈，店外一個燒烤櫃檯，一行13人店員幫我們拼枱，飲品要入店內取！未叫食物店員已上沾醬（望落似沙嗲醬）食物選擇都幾多，串燒是港式的！由食過嘅同事發辦！好味：多春魚：燒得乾身又爆春，唔腥好味雞皮：平時唔食雞皮嘅我都食咗3塊，又乾又脆又惹味錫紙包蜆：多汁唔乾，食咗兩隻無沙牛肉：醃料入味，肉粒唔韌羊肉：醃料入味，肉粒唔韌，我食羊肉唔覺得膻錫紙金菇：多汁，好香蒜茸很香又不會太鹹豬腸：我極喜歡食腸，呢度唔壓又彈牙灼墨魚片：新鮮爽彈雞全翼：生燒，所以店員一開始就問定我哋要唔要落單，需要點時間，首先我個人唔喜歡食雞翼，都覺得好味，外面脆，入面熟又離骨，而非常嫩滑Ok:豆卜：自己唔喜歡豆卜芝士丸：自己唔喜歡食丸腎：自己喜歡腎的，惹味但太乾錫紙娃娃菜：味道清甜，但太淋，菜葉近乎爛燒蠔：來到只剩4隻，要晒，抽中可以食😂，我抽中咗，蠔🦪新鮮，加大量蒜茸，燒得唔乾雞軟骨：自己唔喜歡雞軟骨燒菠蘿：菠蘿多汁，不過燒得唔夠火喉，所以同食菠蘿片無乜分別不好味：牛肋骨：太鹹（最後食唔晒嘅一樣）鹹牛舌：牛舌肉見到不同位置就不同色，中央淺色是好味的，

夜麻麻想食串燒，呢間係不二之選，愈夜愈有風味。去到有五張單等燒緊，即叫即燒叫左雞軟骨、牛，羊，菠蘿，油魚，共十二串，盛惠$160，兩人宵夜就夠，當飯食肯定唔夠飽。味道就一般般，正常，勝在夠火候。