Luk Ho (Closed)

因為冇影相，簡單寫兩句，20號晚，叫左個焗豬扒飯，等左50分鐘，食物質素一般啦另外叫左個蒸鯇魚餐，都等左30分鐘，仲要蒸到老曬，唉⋯失望，埋單146$依個等候時間，已經叫店員去幫手催既情況下，如果你冇叫你，可能等1個鐘都有機會補充一句，之前都食過幾次，係性價比高既，但現在不是！如果大家唔趕時間，又唔想係屋企煮野食既，可以試下伏既，當然啦，希望大家有足夠既心理準備，另外叫外賣都係要等一段比較長既時間。…Read More

難食得嚟又貴咗啲，叫肉醬意粉，碎上🫣，感覺係煮咗好耐，一夾就斷開晒。叫咗常餐，普通到。。。張台仲要一陣up 味。甚少寫食評，真係頂唔順要寫差評！跟本晤值呢個餐錢！…Read More

新開試下 點知一試出事 坐底叫個蔥油雞扒飯 黎錯豬扒換過 ，聽到隔離枱話 有味 心諗咩有味，點知原來係蔥油有臭味，變左 ！！！我特登喺個侍應隔離講 蔥油有味bad list 跟住聽到佢同廚房講蔥油有味就倒左佢喇 ！心諗 有味你仲出…Read More

首先餐廳內樓底矮很重壓迫感，冷氣晤夠又多射燈好焗，枱很密，整個環境十分之不舒適！伏！點了星洲炒米，賣相可以，一吃立即反感，晤熱的！疑似微波爐加熱，伏！我坐在廚房出餐位附近，樓面及廚房阿姨不停講嘢無停過，好嘈好大聲，有食物出餐都繼續傾🤢 嘈到有點擾人，最後飲左幾啖奶茶就走人！整體感覺很差，伏！無下次 :( …Read More

第一次上open寫差評，見新不久去試一試又貴又不知所謂，味道一般，基本茶記常餐它算特餐連凍飲$56，見佢+3牛油多士可轉丹麥蘇好像很特別，點知黎到係塊更細既麵包加牛油，問職員佢竟然同我講牛油多士係厚包加少牛油，第一次覺得餐廳不知所謂…Read More

從未有一間餐廳難食到我食完要即刻寫劣評。外賣叫黑椒牛柳絲炒意粉，嚟到變咗黑椒牛柳絲炒麵，仲要係比一般炒麵更幼嘅麵，好似炒米粉咁，所謂牛柳絲幼到差啲睇唔到，完全貨不對辦！叫咗杯凍檸茶，雖然係走甜，但係完全冇茶味，好似飲凍水咁，中伏，不會再幫襯！…Read More

從來未食過咁難食嘅鐵板餐， 豬扒牛扒，雞扒，全部 用梳打粉 搞到冇曬味道 ， 鐵板又唔熱 ， 意粉凍嘅又無味， 黑椒汁 唔似黑椒汁 ， 我真係太天真 以為陸號推介 就一定好食 點知原來係中伏，最可惡就係奶茶 有昆蟲， 同職員講 佢就話係茶葉 ！ 明明係有腳有翼 ！例湯似滾水， 芝士 蕃茄 焗雞扒飯 一樣難食 雞都係冇味 ， 見唔到有蕃茄， 啲飯又濕 又有硬物 ，好可惜冇睇食評 ， 睇咗就一定唔會去食喇， 真係超級中伏！ 嬲到我都冇影相 點解普通一間茶餐廳 都會難食到咁得人驚， 影響曬我全晚嘅心情…Read More

4月19號夜晚去買外賣，落單等左半小時都未整好。行去問，員工話：啊漏左你張單 宜家幫我補單。佢叫我等多15分鐘。15分鐘後，我又去問，員工竟然話：我個餐D材料唔夠，叫我換第二個餐。？？？我前前後後等左1個鐘先同我講冇材料整？我就問佢哋點解唔早D講，我中間已經去問過兩次都唔講呢個問題。一個肥肥哋嘅男人，大住肚腩，冇戴眼鏡，冇著制服，喺度指點員工，我估應該係經理或者老細，佢竟然仲喺度話：唔等就退返錢佢咯，有咩大不了。咁嘅態度都有😅😅😅…Read More

走進這家聲稱擁有「皇牌」咖哩牛腩飯的餐廳，我滿心期待。然而，第一口下去，牛腩的質感卻出奇地老硬，與「皇牌」的名號格格不入。我禮貌地向服務員反映情況，希望能換一份新的。服務員雖然答應了我的請求，但整個過程中的不耐煩態度讓我感到不悅。新上桌的牛腩飯雖然牛腩稍微嫩了一些，但飯粒依舊乾硬，缺乏應有的飽滿彈性。整體而言，這次的用餐經驗讓我大失所望。從食物到服務，都未能達到基本的標準。最終，我只能嘆息地決定，這將是我最後一次光顧這家餐廳。未來，我會選擇其他能提供更優質食物和服務的地方。…Read More

嗌左個生炒排骨 咬左一啖先知係魚話俾錯枱 俾返人地 換返人地碟排骨我地 但係啲肉仲要酸地酸同梅梅地🥲 個四川回鍋肉都叫ok ge但個價位可以自己再衡量下環境都叫做ok ge …Read More

諗住新開試下，同屋企人去食，去到環境一般，地下超污糟，張枱濕納納有陣味。等咗一陣先有侍應落單，叫左2個每日例餐。一個係蒸雞，一個咖喱薯仔牛肉飯。點知等左半個鐘，期間搵咗2位侍應吹單，一個好串咁話d單入緊。另一個又完全唔知做咩，無理過我哋。最後掉低一張隔籬枱 既order單俾我哋，就走左去。我哋又要再揾番人嚟問，係唔係無落到單。個侍應竟然話唔知。完全無幫我哋落過單，最後都係去食其他好過。依間野真係可一不可再。🫠🫠🫠…Read More

中午和家人找地方吃午餐，就隨便走進一間。怎知點餐時，找服務員下單已經等很久，等到了到來的服務員態度也超惡劣，下單款式也很少選擇，環境一般。我點了焗飯，但到來的只是燴飯不是焗飯，用一個白色焗碗放入炒飯，上面放上肉類和淋上飯汁，面頭放少少芝士就當焗飯了。簡直是見過最差的焗飯，我平常都很少幫食物拍照的，今次不得不拍因為要有相為証，相片可見，完全沒看得出是焗飯。沒想到這家餐廳的服務和食品都這麼差勁，我和家人都覺得以後不用再來了…Read More

我滑蛋變碎蛋，飯係淋pat pat，食緊冷飯咁。今日同朋友係樂富食飯，見間嘢新開就試下啦，咁我就有四個人，侍應見到一位女士係兩人就坐左係個四人枱，咁就叫佢讓俾我地，坐低後，我地同侍應講落單都已經等左7-8分鐘。落單後當時係7點半，由等單都等咁耐，我地當時已經feel到有小小唔對路，我地就講笑話8點會唔會先有得食。之後，我地嘢飲係7點45分先有齊，8點10分先有第一個飯，而且個飯其實並唔係我嘅，係我地黎之前嘅果位女士果枱嘅飯，由於我地叫嘅飯係相似，我就誤以為個飯係我嘅。侍應明知道我地係掉轉咗枱都冇係部電腦更改。導致我食咗佢哋個飯，其後個侍應仲同返我哋講怪責我哋食咗佢哋個飯。我叫嘅飯係蔥花叉燒蝦仁蛋蓋飯，而女士果枱就係蔥花叉燒蛋蓋飯。當時我就誤以為佢地俾漏咗蝦仁，所以就同侍應講冇咗啲蝦仁，侍應就話幫我哋睇睇，之後冇再有任何回應。當時蔥花叉燒蛋蓋飯，就是圖片中嘅樣，請問蛋蓋飯哪裏有蓋到飯？，賣相十分之差。飯係淋pat pat，食緊冷飯咁。蛋就味道非常淡，叉燒是正常，已經係以難食為形容，幸好之後問了侍應叫他們給了另一碗新嘅飯我，是正常的。這個飯是賣61蚊，是十分不值得。兩餸飯都好味過佢。其後，我朋友的餐是經過我們催了很多次，去到我地話要取消，佢先肯出俾我地，當時時間已經係8點半多小小。之後其他食客見到我地話要取消，都開始離開，至少走咗三四枱。我哋因為比佢哋留住咗話好快會出，所以我哋就等多咗陣，最後佢係出咗三個餐，有一個朋友冇食到。佢哋個餐嘅賣相同味道都正常，沒有特別。仲有就係果位女士果枱佢地早我哋少少入座淨係嗌個鐵板餐都要等半個鐘，佢哋啲單非常之混亂，有好多台嘅食物都嚟咗我哋嗰台。喺我哋等緊嘅時候我哋見其他食客都係同樣地同我地一樣係等到十分鼓譟。間嘢開咗幾日就搞成咁，我相信頂唔到一個月。香港消費真係貼錢買難受…Read More

朝早見間舖頭新開，諗住去試下，都等左一段時間先有人幫手落單，跟住等左15分鍾，都見冇野食冇野飲上，但見到隔離差唔多時間入黎既客都已經有哂野食野飲，就問返落單個姐姐到底有冇幫我落到單。轉個頭佢又走埋黎問我食咩，我問佢咁其實到底有冇幫我落單，我話如果冇咁我就走。佢就話電腦冇，之後又係咁問我之前係咪同佢落單😅之後我都想走架啦，心諗間野咁慢，仲要等左幾個字都冇幫我落單，之後佢就係咁話好快好快話幫我叫廚房整左先，結果我見住佢幫我落完，都冇走去同廚房講話做左我果份先。之後想搵其他人幫手，又冇人理咁，又見其他客係度催緊食物。到最後咩都冇上就走左，同個呀姐講cancel張單算，佢仲要一句sorry 都冇，態度仲要麻麻，我心諗明明係你落漏我單… 同埋你落漏左張單應該即刻去廚房水吧度跟，話做左呢份先，結果佢咩都冇做，仲想個客按正常咁等，是但打返落電腦就算🥲仲要係咁話好快好快，明明現場已經見到其他客催食物。…Read More

今日經過樂富廣場，見到一間新開張食店（陸號），於是入店品嚐美食 進店後、點了黃金炒飯、「（特）忌廉雞湯.脆皮雞中翼米粉、火腿炒蛋，丹麥酥」等食物； 黃金炒飯食材有帶子、雞粒、瑤柱及鹹蛋黃，起初送到枱面、以為送錯咗、因外觀沒有黃金色，不設預期、只與一般炒白飯無異，但檢查食材整備，只係鹹蛋只有幾粒； 火腿炒蛋的火腿口感似白烚，炒蛋較硬身，脆皮雞中翼尚可； 店內環境光猛，坐位尚算坐得舒服，只是食物方面有待改善，希望下一次去會有所改善（新店磨合期）…Read More