Sportful Garden Restaurant (Closed)

星期日打算飲茶，12點落單到12點40分都只係嚟左一碟蘿蔔糕。12點半已經催問，個職員仲要話等半個鐘正常，完全唔知係乜服務。見隔離檯都有催，同樣聽到個職員話等半個鐘正常。…Read More

上两個星期去過尖東陶源,選了個孖寶和龍蝦伊面,烧腩仔,甜酸蝦球等,孖寶其中有一個是燉湯,非常濃郁和好重雞湯味,很好吃。咁啱經過荃湾見到這分店,咪諗住encore,出來的燉湯稀過例湯,喝了幾口沒有太大問題便算吧,之後吃湯渣,裡面的海參一陣叔嗅味,就馬上叫服務員更換,服務員提議更換一個冬瓜盅取代,我當初以為他們會调整差價,所以便答應了。冬瓜盅後來到了,再找經理確認一下,他答覆是當原價孖寶價錢收因為燉湯和冬瓜盅是同等價錢,經我番查和追問下,他最終決定取消了這份孖寶,再選擇真他食品。其他出品,個帶子蒸豆腐,豆豉超咸,龍蝦可能不太新鮮,用油炸方式處理,總括不會再來光顧,連這個品牌亦會畫上句號。…Read More

荃灣去飲茶首選陶源酒家，地點位於商業區嘉達環球中心，是一個極具口碑的茶樓。 最喜歡 他們的點心，精緻出色，絕對值得推薦。其中有兩款特別出眾的點心是蘿蔔絲酥餅和北菇棉花雞。蘿蔔絲酥餅外脆內軟，蘿蔔絲的甜味與酥皮的鹹香交織在一起，非常美味。北菇棉花雞則是一道創意料理，雞肉鮮嫩多汁，搭配著香菇的香氣和口感綿密的外皮，令人驚艷。 除了點心，陶源酒家的燒乳鴿也是一道不容錯過的招牌菜。燒乳鴿的皮烤得金黃酥脆，肉質鮮嫩多汁，帶著獨特的香氣，每一口都讓人回味無窮。 另外，他們還有一道別具特色的菜品，名為「別有洞天鴛鴦腸」。這道菜將超級酥脆嘅 油炸鬼和軟滑無窮嘅腸粉結合，口感豐富多樣，內脆外軟，味道獨特。 而且創意十足， 用了黑色皮腸粉，無論是視覺上的驚喜還是口感上的享受，都讓人感受到別樣的美味。 總括來說，如果你想要品嚐精緻出色的點心和特色菜品，陶源酒家絕對是一個值得光顧的地方。…Read More

今晚係KK day 買咗$128/1 隻的片皮鴨優惠，之後再叫咗個特價芝士龍蝦伊面（$188），由6:15pm 落單，結果到7:42pm 到嚟唔到，中途有再三問職員係咪漏咗單，結果係7:30pm 上咗上湯龍蝦伊面，我要求要回芝士龍蝦伊面，結果又係等唔到，我決定除消及埋單。首先張單記錯數，將我係KK day 已經比左錢嘅片皮鴨再收一次錢，我提醒職員要更改，之後我用自己嘅電話計多次，職員就開始不耐煩，到我比完張信用卡俾錢，佢哋開始玩嘢，全場只有我一張床要計數，佢哋唔比返張咭我，結果要我等咗15 分鐘，我開始發火先同我道歉。我由6:15pm - 7:42pm 的服務都係服務極差的對待，完全唔會再幫襯。…Read More

第一次來這間酒樓飲茶，都幾容易搵位。食滿200蚊，可以免費泊車2小時。如果好彩，出面仲有幾個錶位可以泊。食物方面，幾好！個炸大腸好脆，乳鴿幾juicy ，點心都幾好。環境方面，亦很不錯。地方夠大，樓底夠高，唔會覺得好迫，好嘈。但係侍應的服務態度非常惡劣。不是一個，而係2個😤。其中一人係收銀個阿姨，問兩句，語氣勁晦氣。另一個阿姨，佢縱使望到你，佢都係叫極都唔理，直行直過。今時今日咁嘅服務態度真係好唔得。…Read More

未食、打電話訂位、已經比一位聲稱姓洪的小姐非常惡劣的態度下質問訂坐資料！食品方面：點心可以、炒麵質素差可免則免、叉燒炒麵鹼水味太重、難以入口、而且炒麵製作需時、需預多點時間、趕時間勿選…Read More

今天中午因有事，需要來這裡訂外賣，到達時，只看到2-3台客人在，但想搵個人下單都沒。等了幾分鐘才有一個部長既人物行過，即刻向她表明要叫外賣，她的態度已經是一副不耐煩既樣，叫我直接去收銀落單。去收銀落單時，個收銀阿姐好悠閑咁坐係度，同佢落野，佢都唔知哋菜式名🫣，又勁差態度，愛答唔答咁…可能我阻住佢hea緊….6個餸，係廳面只有2-3台人既情況下，11:23等到12:01，都仲等緊，問幾時有，沒人知…😕😕😕 係附近返工，成日都未見過坐超過三分一的人，依家都開始明白點解。…Read More

星期日一家黎到飲茶，一埋位淨係識得sell 你叫燒鵝，話留左一隻比你地， 重複又重複！叫完燒鵝想再搵人收野、加水， 難過登天，最後咩都自己嚟。已經不是煩忙時段， 漏單問題嚴重。 半小時內前後搵左3位唔同職級同事跟進都仲係未到。 極品黑色口罩肥仔部長態勢囂張。十分差！星期日一家黎到飲茶，一埋位淨係識得sell 你叫燒鵝，話留左一隻比你地， 重複又重複！叫完燒鵝想再搵人收野、加水， 難過登天，最後咩都自己嚟。已經不是煩忙時段， 漏單問題嚴重。 半小時內前後搵左3位唔同職級同事跟進都仲係未到。 極品黑色口罩肥仔部長態勢囂張。十分差！…Read More

以前在觀塘陶源食過飯，唔知係唔係因為朋友既老闆係常客，所以招待週到食物都係熱既。見陶源有128元片皮鴨預購，就諗應該唔會太差啦！點知真係好差！除咗上來攞利是既時間有人理你，其他時間你都係透明既。片皮鴨在未去食飯之前電話確認了3次，連訂位張紙都寫咗，結果我地2個人仲叫多3個餸，食完片哂碟皮鴨都冇影😡。結果我老公向一位好似係女部長查詢之後，個位男部長好似終於想起片皮鴨未上，以9秒9高速叫人攞隻已經凍到好似隔夜餸既片皮鴨出黎片，連包鴨既麵皮都又凍又硬。咁凍既天氣，食咗兩片，真係好難頂，所以我決定攞返屋企用氣炸鍋整返熱先再食。…Read More

第二次來這酒家，第一次的經歷是食點心，上菜時間勁耐，排骨是不熟的，其他點心一般。心想可能只是偶然，不可一次下定論。所以今天再來一次，結果。。。。。叫是點心和蝦球炒河粉，20分鐘後沒有上來，之後又話無河粉，其他枱order的點心，叫乜無乜。所以這間店，真的不會再試。但這都不是我要寫這食評的重點，重點是我隔離枱買了蘿蔔糕券，他換了4個，結果他當場發現有3個餿的，他問店員製造後怎樣處理？有沒有放雪櫃？店員說沒有！😱😱😱如果今年有買這店的蘿蔔糕，請檢查有沒有問題，不然，新年時想食才出事，就真係。。。（吐）年快樂🤣🤣🤣🤣…Read More

因為家人外個返黎，話想飲茶，帶佢地去南豐紗廠行下，想搵間傳統酒樓，就搵左哩間係附近既。其實陶源都食過好多次，哩間分店第一次去。佢d食物係正常既。不過佢成間野極污糟。枱面痴立立，要自己用濕紙巾抹，地下地毯好多污糟野同食物殘餘物。好似成個星期都無吸過無清潔過甘既款。最恐怖係比我見到隻大既死曱甴。 直頭想嘔出黎。見到佢甘既情況，食完急都唔敢去廁所，啦啦林走。家人仲話：嘩..間野真係好污糟。千選萬選，選左間恐怖野🤮…Read More

喺KLook 到買左coupon ,平日去食大閘蟹, 時段19:30-21:30一入到去就俾咗一碟熱辣辣嘅片皮鴨，夠熱，鴨油又夠香，好食。係任食可以出去再攞，我都再refill咗兩次。大閘蟹有三種，清蒸、太雕同油鹽。三隻都有試，不過始終清蒸最正路。落單冇得揀蟹公，蟹乸，不過都算平均，叫左2轉，一轉全蟹公，一轉全蟹乸。蟹size大約係3.5-4兩，蟹乸質素較高，膏量足，甘香。蟹公比較細， 膏少，不過都食到白膏。雖然唔係話爆膏，但係任食，點都食得夠要食既膏量，多過你自己買幾隻6兩蟹。2個人食左20隻，隻隻都好新鮮，絕對無出現臭味，腥怪味情況。出餐算快，大約落單後10分鐘就有，2個人的話，建議4隻一轉咁叫，確保可以襯熱食。每人送一客鮑魚、遼參羹同埋蟹粉扒豆苗。鮑魚炆得夠淋，入味，唔係罐頭鮑。遼參真係好細條，不過不失。豆苗偏老，但係有啖菜食下，ok 啦。除左呢啲 仲有啲小食可以任食，乾扁四季豆，椒鹽蝦、豬扒，手拍青瓜。味道中規中矩。糖水有薑茶、楊枝甘露、蛋白杏仁茶。薑茶夠辣，good. 楊枝甘露足料有驚喜。蛋白杏仁茶手因為冇晒，所以試唔到。改善地方：1.工具：作為大閘蟹放題，但只有較剪 ，居然無蟹針同蟹匙2.蟹醋：唔夠香醇，好嘅蟹醋可以將大閘蟹嘅味道昇華，不過呢度嘅蟹醋真係麻麻總結：coupon $498一位，現場要再收加一茶芥，total $570.5 。呢個價錢，有咁多嘢食，有招呼有服務，我覺得絕對回本。抵食！好少寫食評，但係都忍唔住要幫陶源平反。因為睇左唔同分店既食評都講到勁差，又話臭，又話係假任食。但係我食完真係覺得唔錯，唔係驚膽固醇超標，我諗我真係會ancall🤭…Read More

我不是在網上購票的，價錢是$528但會員卡有95折，我見與網購價錢差不多，便直接打電話訂位沒有預購。5:45pm到達，職員會安排座位，6:00才可入單，是晚三人用餐，我第一輪入了18隻蟹，三款味道各6隻，大約6:20陸續上蟹，會分開不同味道呈上，期間亦有片皮鴨，侍應還加一隻鴨髀給我們，三款指定食品亦陸續呈上，鮑魚加百靈菇，尚算美味，遼參粥正，蟹粉豆苗三人份一碟上，正常味道。約7:00order第二輪18隻蟹，15分鐘後陸續呈上，期間都有侍應問要唔要片皮鴨，青瓜配菜醬料要追問先有，但態度還可以接受，7:30愈來愈多客人入座，眼見侍應開始忙亂，比之前服務差一點，但都明白人多服務員忙亂少不免，最後食埋糖水，再追加兩碗，過八點都沒有趕離座，只係話埋單先，全晚都沒有欠單，小菜會一輪一輪上，睇廚房煮咩先，建議第一輪選小菜時多一點，之後一路食蟹一路等小菜，整體服務講真算係咁，沒有太多客人時侍應都主動收碟，有問必應，味道不過不失，全單36隻蟹沒有一隻壞，全蟹乸，間中有幾隻有超多黃油，其他小菜一般，奶黃包同壽桃包熱辣辣呈上好味道，蕃薯糖水勁薑味，驅寒一流。雖然不是在網預購，少了醬油蟹，但我們都不吃生蟹的，所以沒有問題。整夜尚算滿意，食得開心，不用催蟹。我不是在網上購票的，價錢是$528但會員卡有95折，我見與網購價錢差不多，便直接打電話訂位沒有預購。5:45pm到達，職員會安排座位，6:00才可入單，是晚三人用餐，我第一輪入了18隻蟹，三款味道各6隻，大約6:20陸續上蟹，會分開不同味道呈上，期間亦有片皮鴨，侍應還加一隻鴨髀給我們，三款指定食品亦陸續呈上，鮑魚加百靈菇，尚算美味，遼參粥正，蟹粉豆苗三人份一碟上，正常味道。約7:00order第二輪18隻蟹，15分鐘後陸續呈上，期間都有侍應問要唔要片皮鴨，青瓜配菜醬料要追問先有，但態度還可以接受，7:30愈來愈多客人入座，眼見侍應開始忙亂，比之前服務差一點，但都明白人多服務員忙亂少不免，最後食埋糖水，再追加兩碗，過八點都沒有趕離座，只係話埋單先，全晚都沒有欠單，小菜會一輪一輪上，睇廚房煮咩先，建議第一輪選小菜時多一點，之後一路食蟹一路等小菜，整體服務講真算係咁，沒有太多客人時侍應都主動收碟，有問必應，味道不過不失，全單36隻蟹沒有一隻壞，全蟹乸，間中有幾隻有超多黃油，其他小菜一般，奶黃包同壽桃包熱辣辣呈上好味道，蕃薯糖水勁薑味，驅寒一流。雖然不是在網預購，少了醬油蟹，但我們都不吃生蟹的，所以沒有問題。整夜尚算滿意，食得開心，不用催蟹。…Read More

❌️陶源酒家『假●無限』任食大閘蟹陶源酒家無限任食大閘蟹2 小時放題$498一位，送蟹粉小籠包(星期一至四) (原價 $616)2個時段，晚上 6 時至 8 時、晚上 7 時半至 9 時半。Klook 預訂專享每位贈送蟹粉小籠包一隻。【❌️無限追加】大閘蟹特備三種食法 1.清蒸—可以食到蟹的新鮮度2.太雕蒸—太雕味實在係太太太少了3.油鹽焗—比較重味甚至有d大閘蟹已經開始有少少腥or臭🌸特盛三式一份1.鮑汁扣原隻鮑魚伴百靈菇—鮑魚細細隻，傻婆T一口一隻，味道一般啦！百靈菇比較硬質，唔夠入味。2.金湯小米燴遼參—細細碗，金湯味道幾好，小米比較硬身，遼參就煙韌的感覺。3.蟹粉扒豆苗—三人一碟上，味道不錯，都是冇咩蟹粉味，但食既時候要小心d，有蟹殼碎‼️🌸蟹粉小籠包比正常小籠包大隻一點，淡淡味的蟹粉，味道一般。🌸北京片皮鴨這個不過不失，但只限一碟，想吃多一碟都唔上。片皮鴨夠熱時都多鴨油，但配料要追待應拎才會有，一籠四塊膜膜。🌸小菜主食朱古力鴛鴦奶皇包—朱古力是表面的花紋，奶皇味道有層次，食到有吉士、椰絲、奶、蛋。椒鹽豬扒—豬扒用鬆肉粉嗱得太勁干煸四季豆—有肉碎辣椒炒的四季豆，不過不失。手拍青瓜—這個青瓜爽脆，醋的酸度可接受。🌸甜點楊枝金露同香芒布甸既味道一模一樣，芒果勁酸，一點誠意都冇。杏仁茶就像水沖的再加少少少量蛋白花紅棗糕就不過不失，正常味道。薑茶不太夠薑味，糖比較多，好似飲緊糖水甘。奶皇千層糕就正正常常。‼️‼️‼️一開始店員服務態度正常，不過有好多炒散，問野都比較難得到答案，例如我依個套餐係米有依d食物送架？都答不到的。大閘蟹只有一開始會上一次，食到一半，你需要不停甘去追食物，否則你會完全冇食物上枱，連甜品，小食一律都冇。傻婆6:45遞第三張單、7:10第四張單、7:20第五張單，去到7:30簡直冇上過任何食物，期間要不停追先有少少食物上枱！黑衫男經理本身好好甘提醒你快d落單就會快d有大閘蟹食，因為本身蒸既時間都需要15至20分鐘，但到最後竟然被恐嚇，因為我地由6:45遞既單去到7:30d大閘蟹係完全冇上過，侍應表示要搵經理先可以解決，所以傻婆們就叫經理過黎，好似乞丐甘先上左6隻大閘蟹，跟住想佢上埋另外2張單既大閘蟹，佢竟然好惡甘講：你要上晒d大閘蟹？你地食得晒咩？食5晒每一隻要收$68架！傻婆們回：係呀！食得晒，你上啦～但點知都係黎得10隻，再講一次先肯再上多10隻。不單止係傻婆們，其他同場同時段幾枱既食客既食物都係甘！成個過程真係好不滿，傻婆們食到成肚氣！完全同場既所有食客都要努力追單都未必有得上，但明明陶源酒家無限任食大閘蟹2 小時放題囉！不是寫無限任食就真的會給你任食，原來都會有限制，入單數量多就代表客人食左，只有落單冇出單架，這個黑衫男經理就是這樣！落單不出食物，但就去客人枱質疑食客，還作出恐嚇，最後黑衫男經理淆底潛水了。一間大型連所酒家都可以這樣做，真係完全不能接受，難道真係唔怕違反商品條例咩！======詳情======陶源酒家荃灣沙咀道6號嘉達環球中心地舖…Read More

Although this restaurant is so close to home but I only paid a visit last night. Nice decor and very spacious. Not too crowded for a week night and there were plenty of space in between tables. We ordered four dishes and each one of them were surprisingly good. The service was good too. This becomes one of our dinner spots !…Read More