陳記燒鵝茶餐廳 (Closed)

叫咗碟燒鵝四寶飯，收我58蚊，燒鵝無肉，油雞得一舊肉，紅腸難入口，另外叫咗碟咸魚雞粒炒飯，炒燶飯的，雞無味，中途見到侍應見隻碗污穢咗，求其搵塊布抹下佢，就準備俾下位用，衛生差，叫侍應落單，叫三次都無人應，侍應重好鐘意無嗱嗱大聲講普通話，古怪。最後，128埋單，俾130佢找，好似唔想找咁，企咗係度一陣先不情願才找嗰2蚊。唉，可以給個理由再來嗎？…Read More

放假諗住食個靚靚燒鵝瀨下午茶，呢間叫燒鵝茶餐廳應該無錯，加埋杯凍奶茶嘆應該好perfect，太太食雞亦沙律熱奶茶。見到隔離枱一對男女小風波，直指枱面上一冰粒同侍應投訴叫佢睇下，侍應好大聲話咩野呀？投訴者大聲話冰粒裡面有甲由！侍應好似不願地話换過，投訴者大聲話换過都想嘔，然後望住我吔杯凍奶茶細細聲話有甲由，嬲爆走了。我並沒有親眼目到甲甴，只遠處望到冰粒裡面有黑色不明物體。但望住我剛飲過嘅凍奶茶再睇下冰粒都有點想嘔，要求换過熱飲。其他搭枱食客見睹都有同樣要求。侍應無禮地問乜野事扮無野，我地重複話見到杯凍奶茶就想嘔，才肯换過。燒鵝瀨其實唔錯。但諗起飲過杯凍奶茶就冇哂胃口，而且太太食四隻炸雞有三隻裡面有血水而放棄了。衛生, 侍應求求其其嘅服務態度足已令我吔不會再黎。…Read More

尋日(20-7-2014 Sun)晏晝同班朋友打保齡,由於約o左1:00pm,所以我同男友都唔使咁急食o野,亦索性食個lunch,但始終到11:00am都肚餓,好彩大多數o既食肆,都開始供應lunch喇.我o地揀o黎呢間,佢$38.00o既set lunch唔多吸引,睇睇餐牌,有好多o野食,男友揀o左$45.00o既芝士撈出前一丁麵餐,有奶油脆脆豬,要吉列魚柳,但女侍應話冇吉列魚柳,咁佢就改要奇味腸,加$3.00要凍檸水.我要$44.00o既楊州炒飯,同樣要凍檸水,但要加$10.00.好快,奶油脆脆豬到o黎,佢冇完全切開晒,我自己搣半個o黎食,嘩!好甜,因為鍊奶聚晒o係一齊,個豬仔包都脆,牛油唔太多,o岩o岩好, OK o既.然後兩杯凍檸水到o黎,同樣係大半杯冰,味道偏甜,我飲完係唔夠,仍然口渴.男友o既芝士撈出前一丁麵都到o黎,我都估到奇味腸係司華力腸,呢個芝士味濃,麵身爽口,餸同麵都仍熱熱地o既.最後我o既楊州炒飯都到o黎,見到好幾多叉燒粒,食落,味道淡o左啲,我想加豉油,但枱上冇,咁加啲鹽啦,加o左啲就夠味,呢個鑊氣爭o左啲啲,不過唔想太熱氣就o岩o既.我o地share食,覺得份量o岩o岩好,到我o地打完波,都未覺得餓.…Read More

前日途經陳記，惗起以前佢啲燒鵝好正，於是專程入去重温回味一吓。叫咗個$110嘅半邊燒鵝下庄，點知一上枱見到即時火都嚟埋，隻鵝脾細到燒鴨脾咁，仲係凍嘅，凍到瓊哂油，都算嘞，惡啃完隻脾仲那慶，原來下面全部都係皮包骨，仲要斬到碎濕濕，又細件又係無肉，仲要份量少得驚人，整體比半邊燒鴨下庄還要少好多，真係好懷疑究竟我哋食緊嘅係鵝還是鴨 !!埋單時向個收銀阿姑反映一吓，點知佢竟然裝聾扮啞，咁都得 !一於永不錄用 !…Read More

叫咗個燒鵝四寶飯，一來見到已經火都嚟⋯主打嘅燒鵝只有皮加骨，完全無食在內，雞就肥糕厚度多個肉，只有幾件紅腸可以食，跟住叫服務員過嚟同佢講，燒餓太肥無肉，佢睇都無睇，個男服務員就話：燒餓係肥架啦，跟住轉身行開咗⋯我以為陳記燒鵝出名，可能我太天真了⋯陳記燒鵝，無下次…Read More

去過上環的瑞記咖啡，便打道回府。後來有點肚餓，便出來荃灣覓食，未到達荃灣，已經有了目標，就是吃過燒臘飯。在荃灣有好幾間燒臘飯店，其中較出名的有聯發，連鎖店則有太興和陳記，前兩者在下都試過，因此就選擇了後者。來到陳記門口，就給它的燒鵝吸引，因為此店以燒鵝聞名，於是走進店內。看過餐牌在，在下也想試試叉燒，於是便點選了雙併飯叉燒燒鵝飯加熱奶茶。環顧店內環境，不失為一間茶記格局，卡座和方枱椅都是茶記特色之一，店內還有幾幅黑白照片，似乎在敍述了陳記的歷史。而且時間已經在下午三時多，不乏有下午茶時間的顧客。不消一會，雙併飯上桌。叉燒燒鵝表面看來對辦，但是呷一口叉燒，卻未見鬆化且有點韌度，肉質也未見腍，比較硬了一點，但是仍然有點蜜味的；而燒鵝則較為多骨肉就較少，而且燒鵝皮也燒得不脆，飯就粒粒可見，尚可。至於奶茶，完完全全不是在下的一杯茶，只是一杯頗重奶味的茶，而茶味亦見薄弱，在下完全喝不出茶的幼滑，只是感覺到奶的滑度，在下相信這是一杯奶味極重的奶茶，在下相信不會再喝這裡的奶茶。整體來說，陳記的叉燒及燒鵝不在水準之中，今餐算是頗差的午飯，還希望陳記可以提升食物水準吧。而這裡的服務，令在下覺得有點像打衝峰的感覺，好像好忙似的，雖然不至於令在下厭惡，但是似乎有點服務下降的感覺。…Read More

This is a fairly nice chan ting style restaurant which offers one of the strongest lai cha (milk tea) that I have had in Hong Kong. So, strong that it could qualify as 'stocking tea'! Very nice indeed. The MaPoToFu atop rice is qQuite nice. Not enough to blow you away, but enough spiciness to make each mouth full invigorating. Neither are the pickles overpowering (with the entree). When ordering here, it is important to explicitly specify NO MSG - as almost all dishes will either have a bit or a lot of MSG added by default - a bad thing for those of us who react poorly to MSG administration. In this case, they kindly obliged. …Read More

媽媽話見到間野開左好耐~好想試~出面見d價錢都唔平~希望真係一分錢一分貨啦~媽媽叫左乳鴿炒飯~好似52蚊~媽媽見到佢斬開左好唔滿意= =因為d乳鴿超快凍左~Waiter 俾左d 椒鹽黎~但原來入面d椒鹽潮溼哂~倒唔出= =d乳鴿一d都唔香~唉~弟弟叫左個燒鵝葡式炒飯~好似都係52蚊~同媽媽既飯一樣色~只不過多左d 青紅椒同提子乾~d燒鵝比我既普通燒鵝飯多~話就話炒飯~其實兩隻都係得個色~無咩味= =我既普通燒鵝同爸爸既燒肉飯(各$35) 睇相個時~都仲見到有d菜心~上到黎~竟然得幾片青瓜= =個樣同份量同食外賣燒味飯盒無分別~俾$35 堂食外賣燒味飯盒~天呀!!!我唔會再黎呢度食囉~發覺係度食晚飯既熟客~都係食普通"食送"~中伏了~…Read More

27-10-2012(Sat)晚同爸爸睇完大哥後返荃灣食飯,爸爸了又話去陳記,不過佢見我話悶,就話去太興,我o地行經翠苑,睇睇佢o既晚餐,一個普通西餐都要$78.00,而中式小業要$55.00,太貴啦,唔入去食喇.行去太興,冇乜人,不過冇餐牌睇,都係唔入去,最後都係入陳記食.由於爸爸留o左湯畀我飲,所以唔食咁多o野喇,我要個$30.00o既小食套餐,今次睇真啲,係唔使加錢就有o野飲,我要炸雞髀沙律,點知話冇晒雞髀,就要炸雞翼(2隻)沙律,飲熱好立克.爸爸就要前一晚o係o度見到人o地食有燒鵝但係炒飯o既餐,原來係$52.00o既燒鵝葡式飯,爸爸要中湯.好快,兩樣飲品到o黎,中湯係青紅蘿蔔湯,顏色比較淺,爸爸話味道淡,麻麻.而我o地好立克呢,水好熱,但味道都係偏淡.之後爸爸o既燒鵝葡式飯到o黎,我試吓啲飯,唔…..味道淡淡地,但麻麻,爸爸話唔好食,寧願食中式炒飯,而燒鵝佢都話係麻麻.我o既炸雞翼(2隻)沙律好耐至到,睇吓炸雞翼o既顏色唔深,食落,原來都幾夠味,同好熱,OK o既,而沙律呢,口感好’漿’,奇怪.…Read More

25-10-2012(Thur)晚,同爸爸探完大哥後搵o野食,問爸爸去邊o度食?佢話返荃灣陳記.其實佢已經連續幾晚o黎呢o度食,佢真係唔厭.而我其實想食西餐,不過都陪佢一齊食啦.我o地8:30pm左右o黎到,冇乜人.我揀$30.00o既燻蹄油雞瀨,個女仔話呢個係下午茶.我問夜晚有冇?佢答有,我o地就揭餐牌睇,不過冇呢個.我問佢咁夜晚幾錢?佢查查,話$35.00.啊多$5.00,照要啦,同埋要杯熱華田.而爸爸就要$40.00o既支竹牛腩飯.個女仔話支竹賣晒,就提議爸爸要苦瓜牛腩飯,咁爸爸照要,同飲熱檸水.叫好晒,畀o左張單o黎,我睇睇,咦?!o野飲要各加$8.00o既?乜唔係餐o黎咩?爸爸答不嬲都要另加錢.早知係咁我唔叫o野飲啦.兩杯o野飲到o黎,我落一茶匙糖,覺得味道有啲空洞洞咁.之後我o既燻蹄油雞瀨,瀨粉同燻蹄油雞分開上,油雞就畀o左雞翼我,燻蹄得五片,重要係唔完整,好奇怪.我先食瀨粉,瀨粉有啲碎,口感較腍,食得出有米味,湯底太清,好彩有畀薑蔥.而燻蹄呢,鹹味好夠,肉質正常冇問題;油雞竟然好入味,都唔太差.而爸爸o既苦瓜牛腩飯到o黎,同樣飯餸分開上,飯大大碟,苦瓜牛腩食澤夠深,爸爸話牛腩唔夠腍,叫我都試吓.咁我試一舊啦,嗯,係唔夠腍,欠少少,但味道就好夠,同牛肉味都好強烈.如果飲品唔使加錢或只加$3-$5就合理啲.環境:一入o黎坐低就覺得好凍,冷氣唔使開咁大o掛.卡位係硬座,呢點唔係幾好.服務:由頭到尾都係個女仔serve,佢OK冇問題,不過入單o既男仔就一般,好似好驚奇,大大聲問苦瓜牛腩?喂喂,唔係我o地自己改,係你o地提議o架.之後畀錢都冇人講一聲多謝. …Read More

*今日天氣酷熱先ORDER了一杯凍奶茶,再跟個'深井炒飯*炒飯$28,跟餐凍飲$3 深井炒粉來到香噴噴 蝦醬味濃 惹味燒肉粒頗多 夾雜住芥蘭菜粒 覺得清新醒胃飯底偏淋 差了點份量為中size 點到即止凍奶茶 茶夠凍夠味 而奶味偏重 幾滑…Read More

一心出黎係食個乳豬飯，點知原來已經無左，唉，唯有食燒鵝燒腩肉飯啦嘩，D燒鵝有幾舊好肥呀，有D就好瘦，不過D醬唔夠味呀燒腩肉，D皮都ok ga!!! 而且唔係好肥，對比之下燒腩肉好食過燒鵝應該唔會再食依間呀，都幾貴呀說咁樣都要$41…Read More

奇怪有咁多劣評, service唔係好好, 有時D伙計會掛住傾計次次黎我都係食燒味, 燒鵝, 乳豬同乳鴿都唔錯呀, 又可以坐得舒服,價錢唔係太平又唔係貴, 質素亦唔係次次都咁好食, 不過我一定會再食!…Read More

　　今天是清明節，我們一早便得去掃墓，很早便掃完了，於是便早一點吃一個Brunch，於是便來了這裏。　　其實去年我們掃墓的時候也來過這裏，那次也是失望頂透，因為我們全家的食物都來了之後，弟弟要的東西還沒上，原來是沒有落單，搞得弟弟暴跳如雷。　　今天我就姑且再給它一次機會，因為看到門外展示了很多食物的照片，結果同樣是──讓人失望。　　首先，我們看到茶餐有芝士魚柳撈丁，便嚷著要吃，其時還沒到十一點，他們說不供應。也就算了。再細看茶餐　　　　然後，我們看到港式早餐有菠蘿包或牛油麵包配麵／米粉／通粉，我們很想吃菠蘿包，於是便又興高采烈地嚷著要吃，結果侍應又說，沒有菠蘿包。　　我們勉勉強強要了兩個牛油麵包加沙嗲牛肉麵，一個香腸麵加牛油麵包。牛油麵包無甚可觀，而沙嗲牛肉麵及香腸麵就光是沙嗲牛肉加麵以及香腸加麵而已，連雜豆都沒一粒。　　比較可取的是奶茶夠甘香。　　我們決定不會再給它機會的了。…Read More

今日(1-2-2011 Tue)我又要為今晚o既晚飯買餸,於是又同男友起身後一齊落荃灣先食個早餐,又去邊o度食呢?我原本想食點心,但唔就腳,男友話都係茶餐廳.又去兆和街嗎?No喇,不如陳記啦.入到o黎,我o地坐o係最入o個張卡位,睇完menu好快就落單,男友要$21.00o既港式早餐,餐蛋通,牛油方包,加$2.00要凍檸茶.我要$25.00o既歐陸早餐,蕃茄薯仔牛肉湯粉,牛油方包,又加$2.00要凍奶茶.落完單,兩件牛油方包即到,方包鬆軟冇問題,牛油都算多.飲品都到o黎,連續幾日係咁飲凍奶茶,今次呢間都飲得出奶同茶味,但好明顯,呢間奶o既比例多啲.之後兩個通粉到o黎,都幾大碗,通粉細細粒,我o個碗蕃茄湯味好夠,牛肉味道唔太濃,不過好熱,唔錯.…Read More