陳泗記

Open Now

Now Closed

從未係大排檔食過咁難食既野...12時左右去到亂去在此店食lunch..一坐底就聽到同枱既人兄話d野食好難食..(心想應該唔係咁難食呀)..不過都坐底左都要叫野食啦..2個人叫左碟四寶飯($27)同埋墨丸麵($15), 食物一來就有點嚇人碟飯既餸真係極少呀仲要加左d豉汁怪怪怪..仲收人$27真係賺到盡呀..味道亦麻麻, 碗墨丸麵應該最差不過..完全無墨丸味其他$10一碗既粉麵一定好味過佢十萬倍呀...此店應該係永久bad list

幾個兄弟好耐無見，相約中環陳泗記食飯吹水酒聚是日不太熱，坐街邊食飯都ok﹗試了雜菜煲及0者0者雞煲﹗同場加映露天街邊A&F黃色人仕買衫買成兩個鐘的鬧劇﹗陳泗記味道不錯，家常便飯，八個送都係$380埋單吧﹗

1. 漏單四餸嚟得三餸2. 貴食位於中環，一些地方連湯、連飯、送菜、有飲品四十有找。但那裏四五十蚊一個餸，又唔跟飯，冇野飲。3. 份量少一碟炒豬雜，淨食洋蔥飽，十件雜也沒有。啫啫滑雞煲變啫啫洋蔥煲、炒羊肉片原來係用嚟伴洋蔥成晚食洋蔥飽，全晚洋蔥多過飯4. 冇款所有食物全在menu搵到，但menu上的菜款又冇，真係唔知食乜。 5. 要乜冇乜成間大排檔學伙記講「我地冇椒鹽架！」6. 色香味俱無羊勁騷，又太老火，豬雜入面冇豬雜，所以真係食唔到個味

士丹利街排了多間大牌檔,但因唔係食晏時間,又未入夜,人客唔多。食完糖水降溫,仲要食埋夜晚果餐。簡單點了牛腩麵,麵雖無鹼水味但身麵很腍,反而牛腩唔錯,腍滑且頗為入味。期待士丹利街坐滿人客的場面。

Originally wanna goto 吳越之間but passed by this one and saw lots of ppl here. Okie. So gave it a try.The two of us had 香茅pork chop rice and bean-curd+tomato+pork rice in soup.$26 each. 都幾香口.and very local style there. Funny.

10-1-2007想在上課前吃點簡餐, 粉麵便是一個好選擇, 六點半去到座下, 一對男女剛食緊菜肉雲吞麵。向伙計落單要豬大腸麵及菜肉雲吞麵, 伙計對住張落單紙三秒後回答只可以叫小菜! 二話不說即走!

成日聽老友話佢親戚係中環個大排擋有好嘢食,尤其係冬天個羊腩煲好正, 對上一個星期終於同男友去試左.因為喉嚨痛,唔敢食太多熱氣嘢,所以只係試左一道招牌菜南乳頭骨,其他就好清: 一個生菜鯪魚球煲同埋豉汁蒸大魚腩.個南乳骨比我想像中肥,而且上左粉至炸,所以就略嫌油膩左d. 個人喜好,唔係咁鐘意上太多炸粉嘅炸物.碟蒸魚好似媽媽蒸得咁好食, 量重要係塊魚腩夠新鮮,d 豆豉真係有"琢"過, 唔似得隔離間盛記, 淨係原粒豆豉鋪係面,完全都唔出味.個魚球煲就so-so,但係我欣賞佢地個湯清得黎唔係味精水.唔夠飽,諗住叫多個菜,老闆娘就介紹左個紹菜雞煲.成餐飯,我最喜歡就係呢一味. 好清,d雞係新鮮雞,好有雞味.絕對可以再去, 希望下次可以試到"傳說中嘅羊腩煲"

25/10(三) 11:30am為明天外遊作最後準備,到百年找換馬幣坡紙後,時間所剩無幾,大排檔不失為一個快,靚,正之選.環境比想像的通爽乾淨.食物方面我倆要了蠔仔肉碎湯飯$26,墨丸魚皮餃$18,灼唐生菜$8.蠔仔肉碎湯飯--湯頭頗清,味道算是鮮,飯的份量極多,談不上極有咬口;蠔仔恍如營養不良,鮮度亦不足.墨丸魚皮餃--各3粒,食味同樣沒驚喜,墨丸毫不彈牙,亦無鮮味,魚皮餃似是浸泡了好一陣子,味道極為清淡,餃皮腍爛.灼唐生菜$8--屬嫩綠鮮甜,略嫌不夠爽脆!服務方面老闆及老闆娘皆親切友善.$52的一個廉價午餐,平心而論,是享受其風味多於其食味!

早前在中環食完粥後，便來這裡炒返兩個小菜，再到附近買返兩支啤酒來飲。因唔算餓，只叫了香辣炒羊片和蝦醬炒通菜。可能真係慢功出細貨吧，等了很久才上菜，好在唔多肚餓。香辣炒羊片- 羊肉切到細細片，唔算太羶，加上切絲的生菜，增加了唔少口感，羊肉炒得很香，用來送酒食都算幾好。蝦醬炒通菜- 蝦醬味很濃，但菜唔算新鮮，比較偏韌，尤其是葉的部份，有還是爛的。天氣還未算夠凍，在大排檔食飯，還是比較熱了一點。

尋日食滯0左,今日去搵番d簡單既野食,就求其食下依間野啦,又係第一次,同最後一次!!我實在太後悔,無聽我家姐既忠告!!叫0左個牛腩墨丸河,多蔥.一睇佢個丸就知唔得啦,大大粒,無墨丸應有的墨. 食一淡,ok,唔洗再食,因為佢係一粒粉丸!!!! 完全無味的!! 我亦都好肯定佢係自家制的東西,因為我未食過咁難食的街貨.另一方面,佢個牛腩,係得一粒1cmx2cmx0.3cm大的牛腩. 另加3件牛根,炆到淋曬0個種. 個湯係無味精的(我估),因為佢完全無味囉.以後都唔可以去. 18$唔係平,因為佢完全唔食得!

上個星期五同d同事去呢度食飯，諗住重溫昔日大排檔o既風味。我地叫左1. 梅菜蒸鯇魚2. 鹽焗豬扒3. 蒜蓉炒娃娃菜4. 南乳炸雞件(招牌菜) - 不過唔係我諗o個種南乳吊燒雞，而係d雞件同南乳調味過再炸)5. 粉絲蝦米煲6. 清炒雜菜講真，唔知係唔係我期望太高，我真係有d失望。d食物並非想像中好食，同埋一d大排檔風味都冇。可能因為我地冇叫到d鑊氣重o既食物野啦(不過，我地想叫干炒肉片河又冇，蝦仁炒蛋又話冇蝦，我地根本冇咩野可以叫)。之後我同個妹講番，佢話根本冇人會去陳泗記食晚飯，因為人地最出名O既係燒鵝瀨粉麻，唔知係唔係呢?

天時暑熱，有十萬個理由不幫襯大排檔。但不知是否傳媒的影響力，身光頸靚的靚女同事竟對大排檔有興趣，唔止一次提起，硬要扯我同往，就趁今日開會開到一點三，又大家都沒有約人食飯，同佢來了一個「casual lunch」。成三十幾度，呢度要坐街邊，當然有位。我只西裝一度，難得同事背心/短裙/高跟鞋的去坐圓，難度比我更高。午市都唔使問有咩好食，唔係粉麵就湯飯，見氣溫咁熱，就來個以熱攻熱，叫了蕃茄豆腐肉片湯飯﹝圖示﹞及在隔離威記叫了另一個湯飯。這裡的湯飯是即叫即煮的，所以都要等了一陣子。上檯時的湯，基本上是非常熱的狀態。個人而言比較喜歡吃蕃茄豆腐肉片，蕃茄鮮味，加埋豆腐同埋灼肉片，清清地，幾健康；食完湯飯，熱上加熱，二人是吃到大汗淋漓。加埋兩支汽水，埋單37蚊，當然係平。下次都係天氣涼d再來食好一點。

17-6-2003今天約了同事在這裏吃午飯，到達後人不多可能是夏天的關係吧! 曾經來過食粉麵今次試下其他的，看看餐牌竟然有香茅豬扒估不到喎! 一於試試先。我們叫了香芹蠔仔肉碎湯飯同香茅豬扒飯，湯飯是即叫即煮所以要等候片刻，但很熱辣辣材料足又鮮味! 香茅豬扒是切件上的，豬扒夠入味帶有少少香茅味還有那些爆香了的蒜味道不錯，很久未食過好吃的香茅豬扒了現在在這裏尋回。太好了^-^後語: 聽同事話有同事講話政府可能快要收回此地，如果是咁到時又少了一處好食的地方。

雖然係大排檔，但係原來有樓上舖，有冷氣又乾淨d，而且大熱天時唔駛咁辛苦。原來lunch無小菜食，只得燒味、粉麵同湯飯。不過都唔差喎，碎肉蠔仔湯飯及蕃茄豆腐肉片湯飯，份量唔細又足料。叉燒米不但叉燒肉質唔差，仲有d米粉都好彈牙，生菜鯪魚球唔知係咪自家制，亦都有水準。

位於士丹利街尾，講得盛記就無理由不提這裡。據講呢度食物全部少油兼不含味精，老實講不能證實，因為每次來都會飲啤酒，什麼味精都沖走了。呢度奉行老式大排檔的一套，餐牌上寫的都是例牌菜如各式湯粉麵、燒臘飯等，下晝來到要知有咩好食要問老闆娘，蒸魚、蒸排骨、炒粉麵等就最多人叫，但我來都是在放工才來，當然又係要天氣好似而家咁涼涼地，兩個人叫個生菜鯪魚球煲或枝竹羊腩煲，叫兩支啤酒，滾下滾下吹下水，一樂也。話明正宗大排當然又係坐街邊，環境不會好到那裡，要吃就要有心理準備。