陳全記鮮果 (Closed)

經常光顧旁邊兩間台式飲品時都看見很多人到這裡買果汁﹐今天終於的起心肝跟友人來試。店鋪聲稱「不加水不加糖」﹐取而代之的是大量生果﹐友人的菠蘿柚子(大$18)很清甜﹐我的木瓜牛奶(大$16)則非常濃杰﹐我倆都很滿意﹐唯一缺點是不凍﹐該是太多人買﹑來不及雪凍牛奶及生果﹐希望下次再光顧時可以喝到冰凍的木瓜牛奶啦!…查看更多

由於番工關係經常會經過陳全記鮮果, 鋪面睇上來以為只係生果鋪, 一次放工係同事介紹下試下買黎飲, 因為佢地話呢間鋪頸既果汁唔加水又fresh。menu 花多眼亂 同事飲西柚橙話幾好就跟佢單喇, 細size $12都夠飲。睇住佢即榨出黎, 好過有d鋪頭榨好左唔知放幾耐, 而且十分清甜, highly recommended…查看更多

每一次去到銅鑼灣都一定會去幫襯既, 舖頭細細間, 睇住佢即榨果汁, 冇落手腳.......再加上老細又鬼咁好人, 勁好傾, 所以去到cwb就算唔口喝都會去幫襯~~之前幾次都係飲甜石榴汁, 即係紅石榴, 真係清甜好飲~~今次去到, 老細推介飲另類野, 天山雪蓮汁!!! 老細又話抗氧化, 又話唔知有d乜乜乜益處, 是但啦, 都係飲架姐, 好飲就得架啦.....叫左一杯廿蚊雞既天山雪蓮汁, 貴d都要試一試~~勁得意, 佢一榨出黎就係奶白色, 怪怪的, 但最奇怪既就係個杯野一落入我手就開始變色, 老闆娘話佢會好快變做麥綠色, 我就好似細個做lab咁眼金金望住杯野由奶白色變成墨綠色~~神奇~~~飲落口, 清清淡淡既青草味, 好似台灣飲既蔬菜汁.......少少既甜味, 好清新........不過下次都係飲番紅石榴汁, 因為自己響屋企逐粒逐粒剝出黎食都幾麻煩, 依家榨埋汁都係十幾蚊, 始終覺得咁樣俾錢人賺都值得d~~至少覺得比蘋果汁抵飲丫~~~hehe~~…查看更多