陳仔花甲粉

又到左德福美食廣場搵食，上次試過陳仔花甲粉嘅香辣湯底唔錯，今次就嚟試下佢嘅沙嗲湯底。落完單攞住飛仔等叫號，美食廣場一如以往嘅熱鬧，依然係一枱難求，隨意搭枱啦😅⭐陳仔招牌沙嗲花甲粉叫咗份沙嗲花甲粉再加肥牛片，面底有粉絲或米線選擇，亦可以加八蚊轉稻庭烏冬，上次就試咗粉絲喇，今次就試下米線啦。湯底好香，有花生醬味鹹鹹鮮鮮仲帶少少辣，入面仲有唔少生蒜同炸蒜，令到個湯底更香口。花甲大大隻幾鮮甜，我呢碗有九隻😋米線夠滑又爽口，整體感覺唔錯🤤⭐麻辣雞腎主食加配小食可以正價減十蚊，叫咗一份麻辣雞腎，雞腎碎上賣相一般。呢份雞腎都幾辣，辣椒籽超多，留返畀愛辣嘅朋友搞掂佢啦😆⭐香辣蓮藕片另外仲加咗份藕片，呢個香辣對我嚟講辣度就啱啱好，蓮藕片好爽脆，辣得過引。⭐蜂蜜綠茶麵食免費跟紙包飲品或者罐裝汽水，仲可以加八蚊揀新出嘅鴨屎香檸檬茶沙冰，是晚想飲下蜂蜜綠茶就揀咗呢款道地嘅紙包飲品😝眼闊肚窄叫太多食唔曬😅兩份小食大部分都畀曬朋友搞掂佢，哈哈，幾時有個包底嘅朋友都好重要。…Read More

一直都好鍾意食花甲粉，但係好食嘅唔多。今次係德福廣場嘅food court見都幾香，一於就試下首先叫左陳仔招牌沙嗲花甲粉+鴨血，個沙嗲湯底好濃郁好香，粉絲吸晒湯底嘅味幾好食，仲煮得好軟熟！花甲份量都鮮甜，鴨血同沙嗲湯都好夾另外叫咗個香辣魚片花甲粉，辣到可以揀，今次就試咗個小辣。湯底鮮甜帶微辣都幾香！個魚片好有驚喜，咬落爽脆一啲都唔腥仲加多左個蒜香焗娃娃菜，除咗蒜香味突出之餘仲加咗菜葡，味道夾之餘又有咬口個餐包咗紙包飲品，另外仲可以加錢飲冰紅茶依間性價比好高，鍾意食花甲粉必試！…Read More

最近食咗九龍灣德福廣場嘅陳仔花甲粉，試咗佢哋嘅招牌菜，幾唔錯！我揀咗招牌沙嗲粉絲配肥牛，$58 嘅價錢好抵，沙嗲湯係新推出嘅，湯底香濃入味，肥牛份量多，粉絲亦唔少，食落去簡直過癮，粉絲索哂味👍🏻另外，仲試咗香辣魚片花甲粉轉米線 $69。呢個香辣湯底揀咗微辣，花甲鮮甜，魚片嫩滑，冇骨食得好方便！呢度仲可以選擇菜底，粉絲或米線，加 $8 就可以轉日本稻庭烏冬！套餐本身仲包紙盒裝飲品👍🏻我哋仲加咗陳仔秘製雞翼尖 $29，開胃又好味，調味不錯。下次再嚟可以試埋其他！…Read More

德福二期有美食廣場，行完街去午餐十分方便，今次選了陳仔花甲粉。招牌沙嗲湯底米線配廣島蠔，試了其招牌湯底，沙嗲不太辣，反而嚐到花生香，廣島蠔大隻飽滿，追加鴨血更豐富。用上錫紙及鍋上，更能保溫，有心思。另一款經典鮮味花甲粉，花甲有十多隻，加上豆腐乾，足料。簡單的用蒜蓉調味已能帶出花甲鮮味。選了粉絲，吸收了湯底精華，份量又多，大份兼美味。跟餐送紙包飲品，食完熱騰騰的花甲粉飲返盒烏龍茶飲品，解渴消暑一流。…Read More

例三做完運動，同媽咪約咗喺德福個food court食飯～😆媽咪話想食花甲粉，所以揾咗呢間，見到有沙嗲口味，就叫咗個試吓～果然好惹味！個沙嗲湯底好香濃，仲有啲花生碎，配咗無骨魚片同鴨血，粉絲底，吸晒啲沙嗲汁，超正！仲有好多娃娃菜同金菇，好豐富～媽咪嗰碗係清湯羊肉片花甲粉，轉咗米線。真係有好多花甲😍，隻隻都爽甜又冇沙，抵讚！羊肉片一啲都唔膻，好好味！另外叫咗個麻辣魚皮，又爽又脆，麻辣味好香口，食到停唔到口，真係過癮！飲品就叫咗鴨屎香檸檬茶沙冰🍋兩份分，酸酸甜甜又解辣，飲完成個人都涼爽晒～最重要係價錢唔貴，好抵食！Food court座位多，就算平日夜晚都容易搵到位。絕對會再嚟encore！👍…Read More