Stand By You Desserts (Closed)

呢個係熱既仙草芋圓，關於仙草，好少甜品店會弄熱的，大部分只弄凍的，因為仙草如果溫度太高會溶成水份。這家店的仙草芋圓熱得來並不會溶哂，放了Q彈的芋圓後，整體都唔錯。#陪著你走甜品…Read More

🐨 今次Ian生日應援令到小編多咗好多機會試新餐廳。依晚嚟到天后附近，所以依次叫咗啲小食，留肚晏啲再食其他嘢。😆［ 亂闖試食 ］🍨 忽冷忽暖忽爾再升溫 (藍鯨軟糖、忌廉 & 燉蛋白) 😋😋😋😋燉蛋白幾滑，本身冇乜甜味，加上忌廉同藍鯨🐬 軟糖，帶返啲甜味出嚟。小編本身對軟糖感覺一般，覺得整體甜度夠晒數喇！🍽 韓國午餐肉粒蕃茄濃湯通粉 😋😋😋😋午餐肉粒頗厚身，通粉亦淥得軟硬適中，有坑紋可以掛一掛蕃茄湯，仲有三色豆，整體食落酸酸甜甜，仲有午餐肉嘅鹹香！☺️晚餐 💵💵 約港幣$90/人💁🏻‍♀️ 小店座位算寬敞。大家如果行開維園一帶，可以去試下小食、小休一下。…Read More

行街行到又攰又熱 經過呢間甜品店見到有刨冰食就入咗去諗住休息吓💆🏻‍♀️咁啱撞正Ian生日應援👦🏻🎤入到去見到有幾位fans食甜品影下相亦都有人專程嚟攞應援🎉老闆以為我都係鏡粉就俾咗一份我😂店內環境寧靜企理 有一份溫馨咁🏡🍧黑糖牛奶Oreo碎夾心綿綿冰 ($88)睇相見到呢個刨冰幾精緻就叫左點知一嚟都係用紙碗裝住 不過唔緊要😂😂綿綿冰牛奶味幾重 但同黑糖漿唔太夾🙏🏻如果落返朱古力醬會更加好🍫分量來講都幾generous 性價比算唔錯👍🏻🧇阿華田醬脆脆窩夫 ($98)不出所料窩夫亦都係用紙碟裝住😂不過窩夫嘅賣相的確唔錯 如果有隻靚碟就好啦🤣但係我杯即叫即整上枱仲係熱嘅🔥加埋兩球雪糕一齊食冰火交融🧊🔥Whipping cream同阿華田醬好食阿華田醬滿佈窩夫坑裏 份量啱啱好🧇同朋友share食 都幾滿足🥰…Read More

適逢姜公誕長假期，當然要去幫襯間姜公誕應援小店。期間限定嘅薑啤蜜桃特飲賣相唔錯，一大球雲呢拿雪糕上面有蜜桃糖漿，旁邊係兩片罐頭蜜桃，下底就係薑啤，所有嘢加埋一齊估唔到味道都幾夾，好飲👍。陪著你走窩夫好大堆頭，四件窩夫上面係雪糕，忌廉，香蕉同士多啤梨，好豐富，兩球雪糕我揀咗朱古力同埋曲奇味，加埋滿滿嘅朱古力漿，啱哂我呢個 chocolate lover 嘅口味，美中不足係部份窩夫焗得燶咗少少，影響視覺🙈。…Read More

Order芋泥仙草外賣，個盒好難開，完全開唔到，開到好呢hea，成枱濕哂。一打開勁失望，芋泥毫無黏性，大小不一，賣相非常唔討好😑唔明點解咁多人排隊，唔會再幫襯。…Read More

.‼️❤️ 記得CLICK我PROFILE關注我呀 ❤️‼️.❌ 不可一不可再 @ 🌟 陪著你走甜品《👽食神大媽食甜品》.🚁 大家有無聽到聲？👂 系直升機嘅聲 😩 我衰左，見個舖頭名咁溫馨，食完晚飯又費事落返銅鑼灣搵甜品食，咁就賴左嘢。😑.👽 大家支持大媽咁耐都應該知道大媽唔太出中伏系列，畢竟小店經營不容易，絕非吹毛求疵。寫之前都驚自己偏見，上OPENRICE睇下D喊喊評論，發覺真係講得好啱：「唔好比佢D相呃到」😓 真後悔無去睇喊喊食評而去左中伏。.🙄 呢杯名為「綠茶雪糕蜜紅豆仙草杯」嘅物體，睇MENU上圖畫係一個樣，點知叫到上台，變成一杯「粟米片涼粉杯」。.👌 我明，我真係明點解要放粟米片去充撐，但係都不至於成個鋪滿吧。圖畫度D粟米片係點綴下，上到枱係變成三份一杯。口感係得個硬字，又要冇味道。😪 就算早餐食粟米片都要搵牛奶沖呱。。。🥴.🙄 而MENU圖畫度顯示嘅所謂仙草涼粉係佔全杯三份一杯左右啦，點知上到枱，大家自己望吓，係咪好似成杯朱古力醬呢？唔好妄想，唔係朱古力醬嚟㗎，係成杯齋涼粉。.😑 所謂嘅綠茶雪糕，係存在㗎，只不過係隱身咗喺滿滿嘅粟米片之中，同埋一上黎都幾溶下，落曬涼粉度「化作春泥更護花」。.👀 隔離枱叫咗窩夫，偷聽到隔離話性價比超低，因為竟然100蚊1底窩夫係一球雪糕都冇，好彩大媽冇嗌到。.😵‍💫 快快脆脆求其倒落口因為唔想浪費，食完呢個粟米片涼粉杯就走人LU。有冇下次？唔好玩啦 🥲 不過佢好好生意㗎，因為食完晚飯附近冇同類嘅競爭者，都係一啲老牌甜品舖頭飲糖水，或者係直接外賣走嘅小食類甜品。所以，如果想開呢類甜品店嘅朋友，絕對可以考慮吓喺呢一區。佢就唔會因為獨市所以就算咁嘅質素都會有生意了。😪.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.📍 天后興發街62-64號美城花園大廈地下KL3號舖☎️ +(852)5721-1250.…Read More

This little dessert place at Tin Hau sells various kinds of dessert, from Taro balls to shaved ice. Yet, its signature is certainly the creme brulee with a range of flavours for you to choose from, satisfying your after-supper sweet cravings.👀 .依間位於天后嘅甜品小店有多種甜品選擇，包括芋圓、棉花冰、中式糖水等。最出色嘅就係佢哋嘅焦糖燉蛋，有好多特別嘅味揀。焦糖燉蛋細細杯，最啱做飯後甜品🥰 加埋外脆內軟嘅棉花糖夠晒滿足！. Ovaltine Creme Brulee 阿華田焦糖燉蛋 $35Ovaltine flavour is quite rich. Although the caramel layer is sweet as well, the dessert won’t be overly-sweet after all. Kinda suit my taste buds 😋 Rating ⭐️: 9/10 Horlicks creme brulee w/ roasted marshmallow 棉花糖好立克焦糖燉蛋 $40The marshmallows on top are roasted just about right–golden and crispy on the outside while soft and creamy inside😍 The warm marshmallow adds a layer to the smooth creme brulee and makes it even better 😋 Rating ⭐️: 9/10 ($40 seems a bit overpriced?) .Stand By You Desserts Address: Shop KL3, G/F, Mayson Garden Building, 62-64 Hing Fat Street, Tin Hau, Hong Kong…Read More

呢度既甜品好有特色, 當中以Waffle最有特色, 另外仲有好多唔同款式既甜品添🍮 唔想食甜野既都有鹹食, 滿足到所有人😌 今次怕食Waffle太飽, 所以就食左我最愛既芋圓😍仙草八寶🧉($45)睇個名就覺得個甜品好豐富, 仲可以揀暖或凍添, 呢啲熱辣辣既天氣梗係食返個凍既爽下啦🧊 八寶既配料包括: 爽滑既仙草, QQ彈牙既雙色芋圓, 紅豆, 薏米, 珍珠, 西米同椰果🥥 呢啲配料全部覺身都有唔同既甜味, 所以都冇額外既糖需要落, 食完都唔會覺得甜得濟, 而且份量剛剛好, 食完啱啱好👍🏽黑白芋圓蕃薯圓配🍠 ($45)呢款就只得凍既選擇, 黑白既意思即係爽滑仙草配香滑豆腐花, 再加雙色芋圓, 紅豆同珍珠, 因為有豆腐花既關係, 相比起仙草八寶更加清爽😚呢度既裝修好有懷舊風味, 更加有啲未見過既玩具掛左係玻璃度🪀 就連枱面都係用左舊式茶餐廳既地磚砌, 係好有特色同埋打卡超好用😂 …Read More

係網上見過厚cream嘅waffle韓國好多，諗住飛到就第一時間飛轉韓國去食，點知經過天后見到呢間糖水舖有！即刻拉我男朋友入去食！第一眼已經比彩虹個個吸引咗一定要嗌，黎到未食見到咁靚已經好開心，打卡一流！個餅底外脆內軟，切落去個下好surprise，原來裡面有水果😳個cream食得出係自己打，淡淡地再加埋Nutella 醬甜味岩岩好，切切下我自己都食咗一半。男友見我食得咁開心，叫埋朱古力黎試下，見個賣相幾得意。朱古力oero個個仲開心，每啖cream入面有朱古力碎，越食越停唔到口，呢個窩夫男友都食得仲多過我。.唔洗去韓國都食到巨型窩夫好開心！真係好有驚喜又好食😋另外店員服務好親切，我同男友都食得好開心！下次一定會再黎試埋個榴連窩夫😍…Read More

聽朋友講呢間喺天后嘅甜品鋪啲芋圓好好食，嗰日食完古月就行過嚟試下。；番薯糖水芋圓 $38份量較少，不過番薯🍠幾大嚿，而且口感綿密，糖水帶淡淡嘅薑味。；八寶仙草芋圓 $45仙草一大pat，芋圓就小咗啲，同埋芋頭味欠奉，啲配料好食過啲芋圓囉。(☝︎ ՞ਊ ՞)☝︎…Read More

今日同男友喺大坑食完晚飯，諗起有間糖水舖喺天后，之前食過，但男友未，決定前行再食。特別要讚，甜品款式極多，中台西日有齊，之前食過熱既芋圓係正嘅，但晚餐食完個冬陰功湯粉，都係想食返啲涼浸浸嘅甜品，所以揀咗雀目牌蛋糕配雜果雪糕，貪佢夠多雪糕，開心😊不過啲食物都係切出嚟放上碟，一定係好食架啦，擺盤又七彩繽紛，所以好推薦👍🏻👍🏻如果想試真店家手勢，強烈推薦蛋白拼抹茶厥餅蜜紅豆，呢個真係好好味🥰三樣嘢單獨食都好正，味道全部都係主角材料，我同男友都讚不絕口，絕對可以再encore💋💋💋…Read More

又係我啦！🤗 上次已經向大家推薦過呢度嘅秘製醬陳皮魚蛋、仙草八寶同法式焦糖燉蛋。咁點解又要寫多篇食評呢？就係因為我又試咗佢其他甜品🤣 同埋我真係成日過嚟食㗎！一想食甜品就會諗起呢度！呢度座位唔多，但枱與枱之間有一定距離。店舖有兩邊係落地玻璃，可望街景。每張枱都有支消毒搓手液，menu同點餐紙。又嚟睇下個menu啦！呢度除咗有甜品，仲有熟食！熟食方面，我推薦黑松露醬炒腸粉 & 蜜糖雞翼配薯條！因為今日好想食榴槤，所以叫咗個3.6牛乳燉蛋白併榴槤柚子肉 (凍)。朋友就想食啲凍野，就叫咗黑糖牛奶Oreo碎夾心棉棉冰。🍨❤️ 3.6牛乳燉蛋白併榴槤柚子肉 $48建議第一啖食燉蛋白先，因為牛奶味較淡，如果第一啖食榴槤先，榴槤味會蓋過牛奶味。榴槤分量好多，一啲都唔孤寒！😛 可以撈埋燉蛋白大啖大啖咁食！柚子好似用糖水浸過，不過都新鮮嘅。好食度：⭐️⭐️⭐️✨ (3.5/5)❤️ 黑糖牛奶Oreo碎夾心棉棉冰 $88Oreo雪糕加牛奶綿綿冰，面頭有棉花糖，朱古力脆脆&朱古力百力枝，淋上黑糖糖漿。綿綿冰細緻輕柔，綿滑幼細入口即溶，內層仲有好多Oreo碎增加口感。不過我個人認為整體有少少太過甜，朋友就覺得個甜度OK！好食度：⭐️⭐️⭐️ (3/5)餐廳推薦度：⭐️⭐️⭐️✨ (3.5/5)店員好nice，係充滿人情味嘅小店。食物款式多，質素一直都唔錯，衞生情況亦理想。唯獨冷氣經常開得太勁，有時會坐得唔耐忍唔住走🥶…Read More

好耐唔食過糖水啦，因為店名陪著你走甜品就來試試。3.6牛乳燉蛋白併芒果，新鮮蛋加入3.6牛乳，奶味香濃之餘，甜度亦相當足夠，粒粒新鮮芒果肉相當清甜清新，因著含有豐富乳脂3.6牛乳的功勞，整個奶凍挺身又滑溜，值得一試。阿華田醬脆脆窩夫加雲呢拿雪糕，窩夫熱乎乎又香又軟，配上雪糕一起吃，一冷一熱很有口感，十分美味。雪糕芋圓杯配忌廉Oreo碎，芋圓煙煙韌韌，忌廉幼滑，雪糕上撒滿Oreo碎，口感十足，美味無比。…Read More

呢間應該係我最常去嘅甜品舖，可以令我一直encore嘅原因係一來焦糖燉蛋幾出色，二來天后真係無邊間係有賣芋圓仙草呀！！😅因為疫情關係，所有甜品都會用紙製容器裝住，每個會收返一蚊，勝在衞生。❤️ 秘製醬陳皮魚蛋$38個秘製醬真係無得輸，必須加！雖然有少少辣，但好味程度係會自動口水不停分泌！如果有得單買一樽秘製醬，我一定會買！陳皮魚蛋偏細粒實正，咬落都算彈牙，食到有陣陣陳皮香。好食度：⭐️⭐️⭐️✨(3.5/5)❤️ 仙草八寶(凍) $45曾經個個為咗呢個甜品而大排長龍，一等等成個鐘，可想而知呢個仙草八寶有幾受歡迎。八寶有仙草、芋圓、番薯圓、紅豆、薏米、珍珠、西米、椰果。真係幾足料咖！芋圓蕃薯圓份量多，口感煙韌有咬口，但味道唔太明顯。仙草唔似涼粉咁實在，比較有流動性，質感滑溜，唔太甜。其他配料不過不失。我只求過下口癮😂好食度：⭐️⭐️⭐️(3/5)❤️ 原味法式焦糖燉蛋(凍) $35呢個甜品係凍食嘅，面層有燒過，焦糖面好脆！雲喱拿味濃，見到入面有雲喱拿籽。我可以話呢個甜品絕對係呢間店嘅主打！呢度嘅焦糖燉蛋有幾隻味，我個人就最鐘意原味！佢仲有一款係配雜果杯，但兩樣野一齊食係超唔夾，可以唔洗配。好食度：⭐️⭐️⭐️✨(3.5/5)❤️ 紅豆沙西米芋圓番圓(凍) $38紅豆沙味道唔係太甜，岩哂我呢啲唔中意食死甜糖水嘅人。係屬於無陳皮味嘅紅豆沙。芋圓份量足，西米多。好食度：⭐️⭐️✨(2.5/5)餐廳推薦度：⭐️⭐️⭐️✨(3.5/5)經常過嚟同朋友食飯後甜品，地方雖然細，但勝在甜品款式多，每次都可以試下唔同甜品，好適合同朋友hea下傾計聚會。前排疫情啱啱開始嘅時候，店主亦有送上搓手液一細枝，好有人情味。…Read More

星期日晚上特意外賣自取一碗楊枝甘露一碗榴蓮3.6牛乳蛋白🥚店鋪位於天橋下，但不太顯眼，店舖內沒有太多客人，在門口觀察感覺環境亦頗為整潔。買回家後，立即打開享用，楊枝金露貌似很大碗😻但原來只有10粒芒果😿、30粒西米，大約一茶匙的柚子，其他就只有花奶和芒果汁，花奶比例較多，實在十分失望榴蓮3.6牛乳蛋白，有很多的榴槤和柚子，但是牛奶蛋白的味道相對較清淡，就算用上3.6牛乳🐄，味道亦不太濃烈。…Read More