Video
Opening Hours
Today
12:00 - 05:00
Mon - Sun
12:00 - 05:00
Above information is for reference only. Please check details with the restaurant.
今日我同朋友去旺角食陳記魚蛋，真係超正！一入去就聞到香噴噴的味道，心情都好好。我們點了魚蛋，鮮嫩可口，配上秘製醬汁，濃郁的小辣味正好。不止呢，我們仲叫了魷魚，口感彈牙，真係食得停唔到手。另外，牛柏葉味道特別，齋菜更係清新無比，讓人感受到香港地道美食的魅力。最後，我們再叫了一碗生菜魚肉湯，湯底清甜，魚肉滑嫩，簡直是完美的搭配。還有魚肉碗魚翅，真係食得我心滿意足。陳記魚蛋 (旺角) #陳記魚蛋 #旺角旺角道44號地下2A號舖
continue reading
旺角陳記魚蛋食評：這次來到旺角陳記魚蛋，點了一份$10/6粒的魚蛋和$10/6粒的燒賣，並選擇了小小辣的沙嗲醬。魚蛋的口感相當彈牙，沙嗲醬的香氣濃郁，但辣度超乎預期，帶來了一絲刺激的感受。相比之下，燒賣的味道更顯出色，肉質鮮嫩，與沙嗲醬的搭配更為和諧，讓人回味無窮。整體來說，燒賣更勝一籌，令人滿足。這是一場味蕾上的小冒險，帶來了意想不到的驚喜。
continue reading
今日行過旺角【陳記魚蛋】，睇住佢哋的秘製辣醬已經流口水🤤 之前响深水埗食過，原來旺角都有，正！✨鎮店三寶✨❤️咖喱魚蛋一啖咬落去魚蛋超彈牙，即刻想encore多串🧡魚肉燒賣燒賣皮薄到透光，咬開爆出超濃魚肉香，正到停唔到口💛白灼牛柏葉&魷魚簡簡單單灼到剛剛熟，牛柏葉爽脆&魷魚鬚脆卜卜💡重點係+辣醬秘製辣醬好過癮，唔係得個辣字！初入口係甜，跟住個辣勁慢慢湧上嚟，吊出鮮味之餘仲有啲攻鼻感，食唔停口!
continue reading
北角新光戲院係大家集體回憶，好不幸地經營困難已經由三月起結業，連帶旁邊由細食到大嘅陳記魚蛋都面臨結業。起初知道呢個消息都好失落，不過見到有其他媒體介紹原來已經搬遷到旺角道，日後就真係好就腳。今日經過旺角確實想懷緬一番，所以趁收工時間打算買黎當晚餐。見到新店門面乾淨整齊，舖頭比較細但餐牌上既食品種類依舊，當中亦見到熟悉嘅面孔，舊店員工亦有坐鎮，記憶返晒嚟~ 除咗招牌魚蛋外，最出色嘅亦係秘製辣汁。最後點選左魚肉碗仔翅、魚蛋、魷魚、牛柏葉、齋、腸仔、蘿蔔、牛丸、螺肉、燒賣!!! 店員一路同我傾計一路整理食物，等咗大約十分鐘所有食物已經處理完成上枱啦~ 道別後就攞返屋企慢慢嘆，影完相就準備開餐。首先講個魚肉碗仔翅：魚肉份量夠多，魚肉有香濃魚味而且口感彈牙。碗仔翅入面真係絲絲入扣，有粉絲、木耳絲、肉絲、冬菇絲，再加上胡椒粉，完全係傳統嘅味道。其後到陳皮魚蛋：口感偏實身，陳皮味幾重外魚味都好香濃，香港以外嘅地區真係好少搵到呢的質感。牛柏葉：質地夠爽，每塊都比較大令掛汁嘅範圍相對多，口感一流。水魷魚：非常新鮮爽口，特別係魷魚鬚位置掛汁一流，每啖刺激又惹味。齋：即係麵筋，入口完全無油益味，口感煙韌再加上吸晒所有辣汁，食落夠辣又刺激。腸仔：十蚊有兩條性價比都相當高，選用嘅廚師腸味道傳統，同其他內地合成肉完全唔同層次。蘿蔔：大大嚿非常清甜，入口完全無渣，配合辣汁非常惹味。牛丸：有四大粒性價比都相當高，因為加快烹煮過程所以都有鎅花，掛汁情況更加理想，入口彈牙爽口，係必點之選。螺肉：之前未食過，不過見到好多食客食，所以都嗌返串。肉質比較爽口而且一粒粒都方便食用，質感鮮甜。燒賣：喺蒸爐蒸熟，食嗰陣時好燙口，口感彈牙，不過加豉油或辣油會比較建議。最後不得不提秘製辣汁，由於有三款唔同嘅辣度，而我同另一半都食唔到咁辣，所以最後都叫咗個小小辣。秘製辣汁味道非常濃郁，而小小辣亦帶少少甜好惹味。每次食到個頭都晒出汗，真係好爽食到舔舔脷。大辣我就真係唔敢試啦~ 所有食物加上個辣汁好香濃會令你好想繼續食，的確係值得一試。陳記魚蛋喺全港有幾間分店都做咗好多年，質素都依舊咁高，依家好多集體回憶慢慢消失，希望大家可以珍惜香港仲有嘅嘢......
continue reading
老闆每日親自挑選新鮮魚肉製作，自製魚肉的食得出傳統港式風味！有啲特別既洗式小食，例如魚肉碗仔翅撈麵🌶️獨門秘製辣醬🌶️少少辣 - 沙嗲底微甜帶香（新手友善）小辣 - 辣味慢慢滲出（最受歡迎）大辣 - 顏色深很多喔（挑戰者專屬）🔸魚肉碗仔翅 $26魚肉多到滿瀉！每日用新鮮魚肉手打加埋粉絲同木耳絲，口感豐富🔸生菜魚肉 $24 魚肉彈牙有魚香，完全冇腥味 生菜翠綠爽脆，湯底清甜解辣🔸魚蛋 $10魚蛋細細粒但超彈牙🔸牛柏葉 $14 牛柏葉爽脆冇異味🔸魷魚 $14 魷魚新鮮唔韌，吸盡秘製辣汁
continue reading