Ali Baba Curry House (Closed)

這間咖哩屋由印度人主理，店子旁有開放式攤子售賣薄餅。即叫即造，還可以看表演（！）印度哥哥會搓薄餅，放餡料，再煎熟包好。吃了一個羊肉薄餅 $16，好香，皮薄。我不太吃得辣，所以覺得辣味太重，蓋過了羊肉的鮮味。切好共有四塊，這就是我一個人的晚餐啦。…Read More

話說臨急臨忙竟然都約到很久不見的kaka吃晚飯!! 大家都沒主意吃甚麼, 小妹就隨便進了這家假期前夕都不人多的咖哩屋。在等kaka的時候小妹已經想好了要怎樣點菜~~~ 女侍者見小妹閱讀menu良久, 主動上前作介紹, 每款咖哩都詳細講解~~~我們都不能吃辣, 就選了滑汁咖哩雞, 所謂滑汁是因為有忌廉的關係, 而且辣度也較輕~ 除了大大塊薯仔外還有青豆作配菜。因為不太餓, 就放棄飯類, 點個薯仔薄餅。 還有小妹1定要吃的菜菜, 就簡單要個炒雜菜。薄餅是即製的, 不過知錯了, 薯仔餡帶點甜味初時真讓小妹以為是蕃薯, 但又夾雜青椒, 小妹覺得怪怪的.. 其實應該叫淨薄餅, 再蘸咖哩汁就好了 =~=炒雜菜沒甚麼特別, 而且有點兒太油。 滑汁咖哩雞也是即點即煮所以慢1點, 不過是誠意之作總比預先煮好1大鍋然後落單就舀出來上桌吧~ 果然是很滑的咖哩XD 而且淡味得來也有陣辣度, 還是跟薄餅配著吃最好~~~ 薯仔煮得最好味, 並不是澱粉很重的薯仔, 入味得來又不會變得變得1團粉的~~其實我們還叫了果汁, 是不知名牌子的包裝果汁倒進杯裡加冰, 小妹杯橙汁味道非常的假=x= ....整體食物味道也不錯, 而且小店經營價錢又便宜~~ 可以1試 =)…Read More

:)本人第一次寫食評，因為呢次我個真係覺得值得一寫。一間係旺角街頭既一間細店入面有好正既印度菜真係令你估佢唔到。 今日係朋友帶我去食，我個朋友話好正叫我去試下，搵到呢間食店。坦白講第一個印象，唔係太顯眼既一間食店。 入到去都係同印度菜一樣食咖哩啦！第一樣我地叫左個餐(咖喱羊)坦白講黎到既時候....沒有好靚既碟.....沒有好靚既伴菜，普通既一碟咖哩羊。食完感覺....咖哩有D稀，但羊肉超"林"。以香港 40蚊咁既價錢黎講份量都足夠。第2樣我地叫左個(獲仔牛肉) ** 必食之選中辣** ####唔係餐####一黎到....香味已經傳入鼻食落.....牛肉"林"既程度同上環"九記咖哩牛根腩"一樣...送餅/ 飯食一流第3樣我叫左個牛肉卷講真...個賣相真係差左D,但食左入口真係好惹味用來送啤酒真係一流(可惜佢地唔賣啤酒)是日埋單$100 PER / 1人食完感覺:呢到沒有好舒適既坐位，亦沒有細心既裝修。更沒有好靚既碟。但有即整既印度咖哩同埋薄餅，有佢地既服務態度。已經值得我再次去食多次。的確佢完全唔覺眼,但味道真係唔會差得過佐敦既印度咖哩 或者 重慶 ，如果大家下次去開旺角不妨試下佢地既"即整咖哩"*****提示*****佢地都幾重味鐘意清淡既你就未必係你既首選…Read More

咁耐無 update, 之前食評不錯, 便去試試, 點知 lai 嘢....菠菜羊咖哩 : 菠菜有沙, 黃哂, 切得粗, 羊肉煲完湯瘦肉, 又硬又粗, ....咖哩雞: 雞如嚼膠, 水一樣..飯: 唔係印度米,係平價大陸米, 無飯味只為填肚...羊烤餅: 入面羊碎似嚼泥,無羊味. 酸奶: 唯一滿意,因為無乜落其他嘢....食完仲肚痾.唔想浪費時間寫太多,只為警告其他人, 這店有辱印度菜...一如已往, 飯食男女介紹的, 一定不會好吃.…Read More

除夕晚上, 心想已是2010的最後一餐, 所以不希望吃得太隨便. 在行經砵蘭街時見到這間阿里巴巴咖哩屋, 其實一直都知這裡有間印度餐廳, 只是未有特別的想去試. 見店內好像沒什麼人, 就膽粗粗入去坐下.店內有幾張長方枱和圓木凳, 其實有點似雲吞麵店. 原本見店外有套餐的牌, 可是店內卻沒有. 既來之則安之, 就叫了免治牛肉炒飯和一杯酸奶(甜). 後來有客人問侍應有沒有套餐, 她才答今天沒有套餐...由於在大學時期本人曾和一位孟加拉的朋友一起合作共3個學期. 他曾請我去高級的印度餐廳吃飯, 也試過親自下廚煮印度餐給我們的project group, 還經常請我飲咖啡... 想起來真是受了他不少的恩惠. 加上因為西澳位置接近南亞, 也有不少的南亞人士在西澳居住, 總之我敢講我吃南亞食品的經驗不算少.酸奶其實初初入口覺得唔好味的, 但飲飲下就覺得酸酸地都唔錯. 可能配返濃味的印度食品清清地反而更好.免治牛肉炒飯的份量不少, 我只是剛好能吃完, 很奇怪樓下的食評有位小姐說份量剛好, 可能是因為正價的炒飯份量大點. 炒飯是足夠乾身的, 除了免治牛肉外還有紅蘿蔔碎. 飯裡還埋藏了兩件薯仔, 相信好難會唔夠飽吧. 食落就知對路, 雖然不是很辣, 但一入口就是強烈的香料味, 配上酸奶就剛剛好中和返. 相信未必人人能接受這麼重香料味, 但這才是印度風味吧.埋單一共57元, 相信如果能以套餐的價錢會更加抵. 食品是有一定水準的, 至少比以前在澳洲food court吃的印度餐好得多. 除夕夜的印度晚餐, 為2010劃上句號. 希望明年能繼續食好嘢, 影人像相能繼續影得更加靚.…Read More

因有小朋友嘅關係，一直未有機會食到。今天好運，唔洗等。一個人叫咗個masala chicken 加牛肉卷餅。因事先冇expectation, 所以當食到嗰種特別嘅香料味同小辣，所有favor 都出哂嚟。想信仲意咖哩同有地道風味就fit 晒。最重要係個口冇aftertaste.…Read More

星期二果晚收咗工,又唔想成日都去奧海食,所以今日就行遠D,去呢度試下.....入到去,見到坐爆等一陣,OK.等咗十分鐘左右,就入坐.一個女仔,都唔知食D咩好,就叫個免治牛肉炒飯+LASSI.講真,佢地價錢唔平,但勝在出品好!而且碟頭又唔算好巨型,剛好!!:)一個女仔食就夠飽,但如果係男人就差D.....杯LASSI,好似係酸奶咁,我個人就好鍾意!.…Read More

因為突然收到久未露面的朋友電話相約吃飯，就急忙往旺角出發了，基於朋友本在郎豪坊取衫，而朋友們普遍對吃飯都是沒什麼諗頭之輩，於是就提議在朗豪Food Court解決，正當在路上之際，不太愛Food Court的我突然想起「阿里巴巴」 - 一間我記下想前往一試的咖哩店，於是就拉隊改道前往了～甫一到埗，噫...無人既？莫非中計？不過一場來到，怎樣都要一試的，就看看Menu研究研究啦，詢問一下店內「地道」的侍應，再和以前老闆是印度人的朋友(坐下來傾談才知道)討論一下後就點了數樣食品。咖哩套餐 = 免治牛肉咖哩飯 + 印度奶茶咖哩香、亦足夠的辣。「印度員工」朋友一邊食卻要了杯飲水，問他是太辣嗎? 他就回應從前老闆煮了碟咖哩說不辣的給他品嚐，他卻食得滿頭大汗、不停飲水，相較之下這裡的已經不算太辣，足見這處的咖哩味道正宗之餘，應該有就著「本地」口味調節過。而印度奶茶，比較起港式奶茶奶味較少茶味較重之餘，亦見它不是使用一般「港茶」的淡奶，呷了兩口別有一番滋味。小食 = 牛肉卷餅 + 羊肉咖哩角小食相對就較為失色一點， 牛肉卷餅雖說是「餅」但上場其實是「條條」，以牛肉餡來說牛肉味不夠重，肉條較為乾身就像吃肉腸一般；而咖哩角的外皮炸得不夠「透」，令外層淋身之餘有點油膩，而羊肉餡可能因為餡料較少同樣味道不彰。雞肉印度炒飯炒飯以雞肉碎加上印度香米炒成，味道亦算香也不會太油膩，食到底的時候原來還有一件雞脾原來在下面呢～馬沙拉奶茶加上香料「馬沙拉」的奶茶，味道如何我不知道，不過「印度員工」朋友說味道和印度老闆給他喝的差不多。埋單的時候，噫......一百五十元，三個人這麼便宜的？原來此處沒有加一，雖然每碟的份量不太多但計回質素後，性價比已很不錯呢～離開的時候才留意到門外播放著印度音樂，而且隔一會師傅會在門口製一下烤餅，再次奇怪這裡怎麼會沒人的呢？相較旺角別處咖哩店門口經常堆滿人，下次想食咖哩又不想等的話可以多個選擇了，下次一於來個Naan好了…Read More

今次我請客~帶一些巴基斯坦的小朋友黎呢度食curry!由於地點近d小朋友~又唔洗去重慶就黎呢度食啦~其實我之前都試過同同事食~覺得好食都幾抵食~今次係我第2次黎嫁喇..上次想order榴槤薄餅,但冇,,,於是叫左個原味薄餅,覺得好味~所以今次一定叫返榴槤薄餅~~$20些店除了durian還有很多生果味~最貴的只售20元~全餐我最滿意就是這個!!!呢間店係佢地自己人開既~門口都有個師傅即叫即製新鮮paratha!榴槤薄餅並非求其用榴槤味粉開而製成,而中間是有榴槤餡的~榴槤不苦而且很香甜~送上來的時候還熱呼呼的~~榴槤肉熱後食落口入口即溶~就像在吃榴槤蓉一樣!!十分好吃呢~~榴槤fans請勿錯過呢~~~出面也很少會有榴槤味的~而且坐後枱的那個男人一個都叫了5,6款paratha(即是薄餅)!由此觀之就知道有幾好食啦~坐在附近的很多也是south asian...我想應該也算是地道的菜式吧~chicken tikka是小吃$30不算辣...但個人覺得大多印度餐廳煮的雞都比較白身.像之後才加醃料似的...我自己不太喜歡不過巴基斯坦的小朋友卻十分喜歡...還叫了3碟...kabab$20這次我上次也有叫~是很spicy的!愛辣朋友可以點這個~!其實它是東巴牛肉~hk朋友可能會吃不慣他們的牛肉味~因為比較像羊肉..跟旺角萬家燒餅皇的肉味很像~不過覺得很好吃~可以一試呢~~indian chicken fried rice (bariny)$42連drinks這個也是巴基斯坦小朋友指定要吃的~還點了2碟..雞也是不嫩口的,白色的,出面塗了橙色的醃料~他們很喜歡吃~不過飯是一粒粒的不黏口~也不覺得會很辣~不過個人更欣賞這裡的paratha!下次來應該只會叫paratha~叫了一杯印度奶茶(凍)$10味道十分特別~不過切記要先吃才喝,否則受不了的人會有想吐的感覺~和馬沙拉奶茶(熱)$10這個也是$10,十分便宜呢~不過只有熱飲~但是地道的奶茶..有點像玉桂味的奶茶同樣地,切記要先吃才喝,否則受不了的人會有想吐的感覺~還叫了一杯mango juice~$10不是先搾的~是一杯很普通的果汁...3人總共吃了$265元~…Read More

很久沒有吃過印度式的咖喱了，也想回味一番，找到這位於砵蘭街的咖喱屋，門口貼有喬寶寶大頭的鱔稿介紹，源自尖沙咀重慶，加租結業後搬去佐敦吳松街，這旺角開的是分店，較有印象的，是陳真兄也曾談論過這裡的出品，一位是我敬重的食友，另一位則是公認最靈活的藝人，焉有不去的理由?! 基本的咖喱「套餐」承惠三十八元，只是咖喱一碗另加白飯，想吃烤餅請加多六元，當晚天氣甚熱，來一杯原味的Lassi，最後加多兩件咖喱角，每樣各要十二餘元，加起上來可近七十元，一闊三大，再看其他食譜，單價也要五、六十元，價錢來說不算實惠。門口有一位南亞裔的師傅在弄烤餅，其手法也算熟練，始終是印度的「國食」之一，兩件烤餅切成八件之下，其樣子狀似油酥餅，卻沒多餘的油份，熱烘烘的十分軟熟，味道甚有麥香，也不需用咖喱汁來送食，剩吃已是十分不錯，略嫌高筋麵粉較多，韌性較重，攤涼之下就有點失色矣。第一次喝Lassi的時候，絕對受不了那「酸宿」的味道，飲了三分一已大叫投降，今天卻是越喝越愛，到了非叫不可的地步，卻不愛芒果只選原味。這裡的奶味和酸度平衡也叫適宜，稍為甜了一點，大熱天時之下，不失為一杯解渴和止辣的佳品。選了雜菜餡的印式的咖喱角，外皮十分鬆化，油份不多，內有調味的雜菜粒，是一道稱職的小吃。最後的主菜是咖喱羊，應不是瑪沙拉的風味，色澤深紅，裡面的羊腩肉嫩熟而不太味羶，似是用上東山羊；味道以香辣為主，香料味則不算明顯。味道是不差的，察覺有適應港人口味之嫌，其味道和在石崗、重慶或廟街比較，總覺有點差異，連坐鎮的店面的也是香港人，當喬寶寶也要去軒尼斯道作茶餐廳侍應時，這裡不多不少也要「入鄉隨俗」，但給我選擇的話，總勝過美食廣場的出品。…Read More

一向不嚐辣的朋友竟然話想去食咖喱，我當然樂於奉陪。不要將這裡跟重慶大廈的咖喱店去比，因為呢度係冇得揀咖哩口味的，可以選的只有要羊、雞或牛。但以$38的午餐價錢，還有飲品，大概都可以接受了。餐廳由兩位印度人主理，樓面的那位通曉廣東話，因此除了印籍的客人外，也吸引了不少嗜辣的香港人。咖喱羊和雞各一，配薄餅，另加一客牛肉卷餅，就是我們的午餐。咖喱汁味道和辣度均是可以，當然要挑剔的是缺乏香料既香味，不過若純為過口瘾的話，是絕對收貨的。羊和雞之間，我較喜歡前者，起碼肉質鬆化稔身，帶應有的羶味，夠晒惹味。薄餅即叫即製，熱呼呼的，酥香可口，醮上咖喱汁吃，是幾好味的。小食的牛肉卷餅，外層煎得香口，裡頭就是免治牛做成的，感覺是較乾身，但味道濃郁，夾著洋蔥吃最好。同時，這味卷餅，與像薄荷的醬汁，又是異常的匹配。以咁既價錢，可以過印度咖喱口癮，不妨一試。…Read More

是晚齋妹去了佛堂辦事, 得返我一個就最好出去食野. 係油麻地落車, 慣性地找尋一遍才立下目標. 而今次俾我找到的, 是周不時有幾個操純正廣東話既印巴人, 不繼的叫賣...."阿里巴巴印度咖喱好食"......令我心中有個起頭, 係旺角街頭開既咖喱店, 有幾得.呢間咖喱屋, 有台式餐廳feel, 長檯, 長凳, 排排坐. 而我入到黎正宗咖喱人開既咖喱店, 當然不能食Curry咁簡單. 咖喱, 一定要食一些不同口味, 用上不同舶料去整的香咖喱. 而我永遠的三步曲是, Samosa, Naan, 同 Masala. (咖喱角, 印度烤餅, 同馬沙拉咖喱).首先來了一客羊肉咖喱角, 呢度既咖喱角, 細細隻. 皮不太厚. 咬入去, 羊肉加上特製香料. 令到咖喱角非常之香口, 熱辣辣, 是食印度菜既必食之選. 其實咖喱角可以凍食, 不過熱食, 當然最佳. 那種香味, 不是羊羶, 不是咖喱Spicy, 甜甜地, 味道香......除了用好食, 都難以形容.烤餅, 不是我叫開的大大塊Naan, 印度咁多個民族, 東南西北口味各有不同, 如果用中文叫薄餅, 就會做餐廳老細既鄉下薄餅俾你. 看到此烤餅, 細細塊, 而且起少少酥皮. 講薄既程度, 的確是薄, 我全部用來點咖喱汁, 味道不差.咖喱, 我永遠的首選, 就是Masala咖喱, 貪其夠辣, 多香料. 味道甜中帶點spicy. 咖喱角要了羊, 主食咖喱便要 Chicken Tikka, 燒雞柳. 叫Tikka, 雞柳不是一早如生肉般, 放入咖喱汁一齊煮. 而是扎雞肉先燒好, 再落落個汁去煮成. 所以, 雞肉既嫩滑, 口感又實實在在, 而且呢度既Masala, 非常之香, 其香料味落得好重手, 辣就要求了中辣, 夠哂香夠哂Spicy. 感覺呢間小店, 比起重慶的樓上鋪, 更有水準. 食印度咖喱, 又多一個據點了.…Read More

今晚(3-2-2010 Wed)爸爸又上o左大陸,男友話過o黎,佢買o左好多o野食,o係呢間,佢買o左咖哩羊腩飯同酸奶.佢一食個咖哩,佢話完全唔辣,只有羊羶味,但羊腩夠腍,男友徹底失望,因為為o左迎合香港人口味而攪成咁.而酸奶呢,佢話甜o左啲,又係為香港人而改,不過都好過咖哩羊腩喎.…Read More

尋晚我同d 屋企人共8個人嚟食嘢~ 今次第2次嚟...上次兩個人叫唔到多嘢今次叫盡佢~ 1) 咖哩雞, 牛, 羊2) 香蕉薄餅3) 普通薄餅 x 24) 芝士薄餅5) 牛肉卷餅6) 雜菜天婦羅7) 白飯 x 28) 咖哩魚柳9) 芒果酸奶 x 310) 汽水 x 5 今次因為散叫所以店員問我要大, 中 or 小辣~我媽咪都辣得吓就點一個大辣兩個小辣試吓...一上菜大家都左點右點試吓d 咖哩...嘩!!! 個大辣都真係幾辣...唔食得辣嘅朋友仔小辣就 ok 喇~但唔知係咪因為散叫可以選辣...啱自己口味好似連咖哩都香 d 咁~超正芝士薄餅~係甜唔係鹹嫁...不過又掂喎~小小甜+薄餅脆脆哋 funny牛肉卷餅~好香好好食小小辣…配上附送嘅薄荷乳酪醬 yummy8人埋單都係$ 330我屋企人仲話下次自己同朋友嚟食 lunch 添…Read More

地道，係呢間野係搵唔到的，兩個印度人做廚，一個做酥餅，唔夠酥，個邊仲實實地，一個做咖喱，羊肉3.5 塊，因為有一舊好大舊骨，仲衰過你去超食買即食產品，份量仲唔夠你食兩塊酥餅。杯奶茶....英式鍚蘭紅茶加奶，豆蒄呢？本來區區 $38 唔想講，但為免咖喱迷誤墮陷阱，都係講左安心。人地好景商場樓下新疆回族薄餅店個間仲正喇，下午茶又得，晚飯又得，真係豐檢由人。快快讓個舖位出來please...…Read More