阿翁上海飯店 (Closed)

去到門口滿心歡喜今晚可以享用一餐美味上海菜，但一入到門口已經聞到好大陣臭味，本人覺得係一陣味...之後坐低睇睇menu，價錢的確係比出面嘅上海舖平；我地叫咗三個餸，分別係小籠包、上海粗炒及肴肉。肴肉都還可以，不是太吸引；上海粗炒偏酸，自己不喜歡。而最離譜的竟然是招牌小籠包！第一次蒸出黎居然唔熟，店員仲話係咁無問題... 之後換過一份新嘅嚟，但已經比之前個壞印象扣哂分！！食物唔好味係其次，做飲食業做嘅態度就好有問題！:(…Read More

之前拎外賣仔嘅時候，已經問住佢幾多個餐會送外賣， 佢哋搭話三個餐就送， 今日諗住試下佢， 我哋叫咗三個餐， 佢開頭話送， 點知道送餐時間嘅時候， 佢先打電話嚟話唔夠人手唔送， 嗰一刻真係覺得畀佢翹起咗， 飯都冇得食， 真心覺得呢間嘢不負責任…Read More

我下晝兩點同家人去食，因為以往去都是下午茶時段，所以仲特登睇過餐牌，上海年糕下午茶$36，午餐$40，個侍應姐姐仲好好人咁話送野飲....點知，結帳時原本有另一個單點餐牌是$55，那侍應說'唔係點鮮我會話送野飲'，堅持說我叫餐用的是單點餐牌.....（注：沒單的，結帳時她只告訴你金額，要單據需要詢問）食物品質只是中規中矩，味道我覺得夏麵館更好一點，所以我就不評了，總之大家去既話記得查單，免招損失～～…Read More

黎間鋪新開時有黎食過，當時覺得服務一般，侍應叫極唔應，擔擔面同外間食完全唔同，勁酸。當時同侍應講，佢都係懶懶行話係酸酸地既味，無問題。第二次係過左幾個月，始終雙鳳街無乜上海鋪，佢都算係便宜既。 但一坐低，覺得餐具有d痴luplup。叫左鱔糊面又勁咸，小籠包叫左套餐，有4個，一上已經有2個穿左。雖然跟餐的担坦面好左d，但整體而言真係好一般。尤其衛生情況令人卻步，所有餐具都係唔乾淨的感覺。下次應該唔會再黎。…Read More

香港地，因為地產霸權關係，好多小食肆已經無曬生存空間，出去商埸食親既都係美X集團，唔係就咩咩集團的!要搵番餐小店的風味已經買小見小，而做得好又做得住的小店，更加難得一遇!是日想食上海野，聽個frd講呢間唔，而且好多泊車位，就拿拿臨開車出發去黃大仙！在黃大仙竹園區，呢間野唔係一個有外區人來食的地方，但估唔到帶來意外驚喜！叫左個：小籠包—皮薄多汁，夠新鮮，唔係平時食開的冰鮮行貨銀絲卷—即叫即蒸，熱騰騰，入面軟熟，好難唔好食上海粗炒—鑊氣夠，唔會好似出面咁，得個咸字擔擔面—叫佢多湯，佢又真係多湯比我，而且味道不減老實講，環境就一般，堅係一間小店，但係就有連鎖店無的人情味同小時侯食上海野的味道！大家唔好意思，因為太肚餓關係，同埋開餐前冇想過會寫ｐｏｓｔ，所以唔記得左影相，大家勿插。…Read More