阿修羅 (Closed)

之前聽朋友講左好幾次話恆豐中心地庫有拉麵食，幾間鋪頭一齊任你揀食邊間; 感覺好新鮮，所以今次就去試下。入到去的確覺得幾特別，有五間拉麵店任揀; 於是揀左一間阿修羅叫左一碗豬軟骨拉麵，等食都等左35分鐘，到見到碗拉麵真係眼前一亮。。。咁細碗。麵身食落都有D咬口吾太林，豬軟骨都煮得夠林; 味道還可以，麵豉湯底部ok，吾太咸，但碗麵價錢就吾值$80蚊。…Read More

因公事須往佐敦，再一次到拉麵競技場吃個遲午餐。抵步時已是二時四十分，加上是工作天，場內自然是水靜鵝飛，雅座任坐。今回再戰久違了的拉麵，不想又吃义燒豚湯，故決定一試這個炸雞扒茄子拉麵。湯底要了大辣，果然有點厲害，向來視辣如無物的小人也邊吃邊流汗，不過越辣越想吃，嗜辣的小人還是把湯喝個清光。拉麵可選粗幼；幼麵仍有嚼勁，掛湯力還可。炸雞扒不太鞋，只是乾身了些；茄子倒是根本吃不出炸與不炸的分別，又吸不到湯汁，在這碗拉麵中顯得格格不入。因為太餓，還點了一客炸軟殼蟹。超巨型的蟹不像一般軟殼蟹，炸得很硬，吃下不覺有蟹香，兼且激油膩，好像沒有瀝過油便端出來似的，不管小人用了多少紙巾吸油，油仍是很多，結果一隻都吃不完便宣告投降了……拉麵水準普通，小食强差人意，可能試一次便已足夠。…Read More

偶爾聽人說恒豐中心地庫開了一系列日式拉麵店，特地來逛逛。今次選了"阿修羅"，全因圖裡的叉燒很吸引阿修羅拉麵基本上很簡單，分別在於辣、唔辣、有冇蛋、幾多叉燒，所以不怕選擇困難症發作。這次單點了小辣湯底，足料叉燒及一隻蛋($98)。小辣對於我呢啲鍾意辣味但又唔食得辣既人嚟講可以話啱啱好。猪骨湯底味道剛剛好，唔算太咸。蛋就同其他鋪味道差唔多(味付玉子都係食佢個質地架啦)。主角叉燒有陣陣炭燒味，係我以前食拉麵未試過有既，值得一讚。美中不足係瘦位比較乾，有啲難咬。整體上覺得呢個價錢算合理。除單點外，更有一人、二人前套餐，但由於小弟食量有限，未有深究套餐餐牌。題外話，由於即叫即整，全場都派部機，起菜震你去攞，唔洗企到腳軟。另外入門口俾張點菜咭你，靠佢點菜，食完靠佢埋單，唔好唔見呀！…Read More

第一次黎呢到，覺得好似food court，去到門口個職員會派張卡俾我，之後入去揾位同叫野食，有6間拉面店，最後揀左阿修羅，我叫左阿修羅特製拉面加雞翼，個拉面可以揀粗或幼，我揀左幼既食。終於見到個拉面，覺得好正！個湯底有啲蒜，聞落去好香，配料好多，忍唔住勁飲個湯。拉面雞翼好大隻，好嫩滑。埋單時download左soda app,過100元全單9折~~…Read More

話說有日同啲人去食拉麵，食過好幾間大品牌，我想試啲其他款，講起二郎系拉麵，我都未試過，就去咗Ramen Champion 見識下。第一眼見Ramen Champion 嘅格局，同food court 差唔多，只不過全部都係拉麵館。感覺有啲怪怪，不過最緊要好食啫。阿修羅拉麵，以炙熱叉燒為賣點，店員仲話佢哋嘅叉燒係Ramen Champion裡面最好食。招牌二郎系豚骨拉麵，芽菜份量有大中小，劃一價錢。叉燒賣相極之吸引，微微燒過嘅豚腩肉叉燒，肥瘦分佈四六，表面油光閃令令，散發住誘人嘅香味。味付半熟蛋，銀芽，生熟蒜粒，椰菜，色彩豐富，食慾大增。湯底豐厚，豚骨跟味噌味道鮮明，叉燒香口嫩滑，銀芽爽脆，夾雜住蒜香同椰菜嘅甜味，配合爽口嘅麵條，話係享受都唔算誇張。…Read More

我和亨利都幾鍾意食拉麵~ 這次難得過海, 不如晚飯就去試下!眾多拉麵店中最後選擇了這個, 原因都是有自己喜歡吃的, 而且還有套餐~二人套餐有A或B兩款~亦可配小食, 價錢也很合理!如果包埋飲品會更好~等了約5-8分鐘, 我地的二人套餐就ready啦!我點了和風豬軟骨特製拉麵, 賣相好吸引!而拉麵亦可選粗麵或幼麵~我就揀了幼麵的!個人認為食日式拉麵, 湯底好重要! 可惜這個味道不濃不淡不入味, 沒有驚喜~雖然豚軟骨好腍身, 幼麵也很爽口, 但配以整個湯底實在有點普通兼扣分, 感覺不值這個價錢!亨利揀了阿修羅叉燒拉麵~ 明明沒有要糖心蛋, 但最後竟然免費送?! 哈哈...叉燒沒有特別, 雖然無渣, 但不算軟腍或惹味~ 有點失望!加上粗麵口感好奇怪, 亨利說都是幼麵好味!反而雞軟骨餃子非常有咬口, 用料十分, 而且熱辣辣, 感覺好味!至於雞翼就比較油膩香口, 不過不失!可能抱著太大期望來食, 但結果...我和亨利還是喜歡食"巨二"超級好味的牛舌拉麵喔!!!…Read More

This is my second visit to Ramen Champion. There are 6 ramen stalls to choose from. I was quite indecisive as they offer similar stuff. I ended up picking this stall because 1) novelty (it wasn't there last time) and 2) they offer extra bean sprouts at no extra cost. Their house noodle came with 2 pieces of pork, 1 egg and your choice of thick / thin noodles, with extra bean sprouts, $88. I went with the thin noodles which has a soft texture. The pork was the best part of the noodle as it is charred and tastes like BBQ pork, which is very different than the pork you find elsewhere. However I found their broth a bit too salty and garlicky. The extra amount of bean sprouts did help to offset the saltiness though. …Read More

阿修羅。涼。團購餐包咗二郎系玉味拉麵、炸雞翼、汽水。除咗尖沙咀嘅富士山55、同場嘅大勝軒，兩者均供應沾麵，阿修羅嘅粗曲麵條係暫時見過最粗嘅一間，麵質實淨有嚼勁，雖湯底略鹹，配襯一起仍協調。叉燒以五花腩位醃製再略燒，非我最愛入口即溶類，但咬落幾有肉味。愛他的配料芽菜以黑椒調味，即炸小食炸雞翼以五香粉酒面，食落香口熱辣辣又惹味。溏心蛋除咗半生熟基本嘢，味道醃得鹹甜適中唔錯。但其實阿修羅有另一款新加坡口味拉麵，稍甜豚骨湯底，舖上薄豚肉片，配以溫泉蛋拌勻吃，味道更精彩！…Read More

拉麵擂台最近又做團購了。看來，定期團購已變成恆常的經營模式。不過，半年前的團購餐才$49，今轉已變成$54了。通脹上升速度真快。除此之外，上次的團購項目是進入場館才再選拉麵店，彈性較大。今次則是在購買團購券當下要立即決定要光顧的拉麵店。“沒相干”，超一行事果斷，一早己鎖定要進行情報搜集的食店。阿修羅，很霸道的名字。吃拉麵也要不失覇氣。常日晚上光顧，不用排隊，超一很快已找到位子安頓。套餐跟一罐飲料。今晚貨源很充足。隨便選了Lemon +C。“反正綠茶是任添飲的，這罐汽水還是 take away吧” 超一心想。套餐很快已準備好，滿滿的拉麵跟炸得金黃的雞翼。原來的套餐應是跟三件雞件，但是今晚雞件並沒有供應，換來了雞翼。 雖然雞翼不是太大件, 但都是即炸很夠熱，表皮金黃香脆。做佐酒小吃一流。選擇阿修羅的原因，是因為超一對它採用的拉麵品種很感興趣。像烏冬那樣粗度的拉麵，卻比烏冬來得結實，咬下去滿有嚼勁。跟一般普通粗幼的拉麵相比來得有新鮮感。至於用來煮麵的濃湯，超一便稍嫌過鹹。喝一兩口還可以，切勿打算全碗喝清光。除了拉麵，當然配餸也很重要。豬肉用上五花肉，有齊軟骨，瘦肉及肥肉層。單看豬肉塊的外形已覺十分討好。表面稍微燒焦，口感豐富且有肉香。可惜只得一塊。除了豬肉，更讓超一着迷的是那糖心蛋。蛋黃部份的半凝固狀態固然煮得出色，最令超一意外的竟是連蛋白部份也是煮得軟腍腍的，有種近乎好像吃着豆腐的口感， 很是過癮。不知下次的團購活動會是甚麼時候，亦不知到時候哪一間拉麵店會被取締。現刻的拉麵店開到奇門若市，要令人有深刻印象除了味道之外還需要有特色。粗麵與芽菜，是阿修羅的signature，水準亦算不錯。如果能稍調一下過鹹的湯底應會更好。…Read More

點了一個二人餐A  個麵簡直好食到一個點 啲湯咸到不斷喝茶都不行又肥 然後個麵底無問過客人就換成了另一款麵  完全不好吃 好的只能夠比四塊叉燒 另外見小食可以選擇兩款 於是選了餃子跟帶子帶子相對比較好吃 餃子又是過份咸…Read More

被超高的鬼芽富士山所吸引，我的阿修羅特製拉麵就要這個高度！芽菜有黑椒調味，滿滿的芽菜真的非常多，一個人未必食得晒！溏心蛋流心兼入味。拉麵選了粗的，很有嚼勁，湯底也好味！食完芽菜山真的超滿足！XD…Read More