Hanshin (Closed)

今晚有米懶煮，決定叫外賣探下店，就揀左呢間大阪燒小店，點了期間限定的精選二人套餐（$258）其中火炙芝士海鮮大阪燒和日式紫薯薯餅很好吃，特別是大阪燒，海鮮份量十分佛心，有好幾舊大大舊的八爪魚，亦食到原整蝦仁，味道適中唔會太鹹，粉也不算厚，欣賞；紫薯薯餅食到有栗子粒，有少少驚喜雖然係叫外賣，但食時仍跪口，唔錯！其餘的餐點就覺得一般，特別係阪神薯條，不似薯餅般保持脆度。雖然點了蜜糖芥末口味，但一啲蜜糖味都無，只有沙律醬的酸味，個人覺得唔太好食。其他餐點一般，無特別評論！…Read More

之前食過大阪燒同飯都okay住附近成日都心思思想食呢間嘅薯條私心明太子味！$35份量好多 又好夠醬😆😆😆嚟緊想試埋黑松露味店員都好好人好有禮貌不過唔見成日有人幫襯可能鋪位問題🥲…Read More

食過旺角分店既蟹肉蟹膏大阪燒，覺得好好食，味道出眾，又唔會太多麵粉，大阪燒本身好多材料😍沙田分店相對失望，大阪燒既賣相雖然整得同旺角分店一樣咁靚、大阪燒外層既醬料亦都好食，但可惜大阪燒本身實在太多麵粉，食落其實唔係太多料，反而係麵粉居多，所以口感普通……😓叫左三款（蟹肉蟹膏大阪燒、黑松露飯立貝大阪燒、明太子章魚大阪燒），全部都係味道醬料好食，但全部都係太多麵粉……下次想再食，都係去返旺角分店了……Read More

話說我喺附近返工 經過見到呢間咁啱新開張睇落又幾吸引 於是就買咗個外賣返去我叫咗炸豬扒炒烏冬 大約等咗10分鐘左右 就拎咗返舖頭食！一開始我已經同店員講咗話炸豬扒要多沙律醬但係我拎到上手嗰陣 先發現極之少就行咗過去問店員 可唔可以俾多少少我之後店員既態度非常惡劣 我好記得係女店員話下次再叫先加 我真係唔明 一開始你無加比我 點解要我下次先再有？呢種系咪傳銷手法？加上個豬扒極度之乾 炸粉又厚 所以下次經過都唔會再去食 亦都唔推介大家過去食 除非大家接受到佢哋嘅服務態度！價錢亦都唔便宜 …Read More

而家沙田中心外圍新開左啲外賣小食店，見到竟然有大阪燒食仲幾多人排隊，就諗住一次過試晒所有野做晚餐～比目魚扒飯 $60比目魚本身質素唔太好，咬落口感唔夠紮實，亦冇油脂香，份量來說要送成碗飯有難度🙊唐揚炸雞飯 $55外賣到食得應該40分鐘左右，已經淋左，再焗返就微脆，味道正常豚肉炒面 $45豚肉份量偏少，整咗加上醬汁撈埋麵食係ok嘅章魚大阪燒 $48全場最好食係大阪燒！中間都幾多粒章魚而且有厚度，醬汁惹味，粉都唔厚黑松露蛋黃醬薯條 $35同炸雞一樣全部淋哂，不過最傷心係焗返都唔脆😢味道好食，但係薯條太淋了，外賣返屋企要三思⋯總結：坦白講除左大阪燒正常發揮之外，其他野食都真係麻麻，我試過其他煎炸類外賣焗返都會脆，但偏偏佢唔係好掂同食物質素麻麻，價錢唔貴，如果路過肚餓買個大阪燒都ok，但其他就不了🙊評分（5⭐️為最高）：食物：⭐️⭐️價錢：⭐️⭐️⭐️⭐️ …Read More