6
7
3
Telephone
22676176
Opening Hours
Today
07:00 - 02:00
Mon - Sun
07:00 - 02:00
Payment Methods
Cash
Other Info
Open Till Late
Review (18)
Level4 2021-05-23
83 views
星期日下午我在「西貢」乘坐巴士,前往「尖沙咀」海傍大型商場,光顧可以支付現金的飲品店之後,就乘坐港鐵返回「鑽石山」,再徒步前往「新蒲崗」,享用「牛腩」食品之後,還想再食「雞肉」本身食品。於是我退而求其次,嘗試看看「新蒲崗」在星期日的晚上,還有沒有正在營業的其他潮州粉麵食店,可以製作和提供到潮州「牛腩粉」食品給我享用。結果我在「新蒲崗」「崇齡街」旁邊,找到一間類似港式茶餐廳,但是又有製作和提供類似潮州粉麵食品的食店,食店的名稱叫做「開樂粉麵茶餐廳」。既然「開樂粉麵茶餐廳」廚房有製作和提供一般港式茶餐廳的「咖喱飯」食品,又有製作潮州「雞肉」湯粉麵食品,令當時的我陷入一段「選擇困難」時間裡面。最後我決定享用「開樂粉麵茶餐廳」晚餐裡面的「椰香咖喱雞扒煲」套餐,套餐配所有飲品都需要另外加錢,配熱飲飲品需要加港幣三元,食客想享用凍飲飲品的話就需要另加港幣五元。加上「椰香咖喱雞扒煲」套餐本身已經需要港幣六十元,相對之下價錢不算非常便宜,就連套餐配冷飲抑或熱飲飲品,最後都需要加錢,所以未享用晚餐前,感覺套餐整體價錢有點昂貴。再加上我進入光顧「開樂粉麵茶餐廳」之後,發現餐廳樓面竟然放置了足足兩部電視機,結果「開樂粉麵茶餐廳」兩部電視機,分別播放不同正在播放新聞報導的電視頻道,令我一度擔心自己最後會避無可避。結果我又再需要退而求其次,選擇坐在餐廳裡面,其中一部正在播放新聞報導電視機底下的卡位,那部電視機裡面的聲浪,相對下已經不算最響亮。「開樂粉麵茶餐廳」「椰香咖喱雞扒煲」套餐還有提供餐湯,不過餐廳實際上只是一般中式,有「冬瓜」跟「豬肉」在裡面的餐湯,「冬瓜」令餐湯實際味道裡面,有着一股甜味。幸好我在星期日晚上,才在「新蒲崗」享用晚餐,所以實際上我不太介意晚餐中式餐湯裡面,有加入「瘦肉」去熬煮,不過餐湯裡面的「瘦肉」口感比較乾,所以我食了一口就放棄食「瘦肉」,直接喝湯好過。至於晚餐裡面的主菜食品「椰香咖喱雞扒煲」,餐廳還另外隨著套餐而附上了一大碟「白飯」,所以食客基本上不用擔心面對自己,可能會有食不飽的問題。「椰香咖喱雞扒煲」裡面的「咖喱」汁實際色澤偏黃,至於偏黃「咖喱」汁的實際味道,則是感覺先有「椰汁」甜味,後有「辣椒」辣味,辣味感覺像是後發先至,是不可以小覷的辣味。至於「椰香咖喱雞扒煲」裡面的「牛腩」,「雞扒」裡面的口感感覺,比我預期來得更加香脆,所以「雞扒」實際肉質感覺頗腍,口感也不難以去咬,不難以去咀嚼嚼爛吞嚥「雞扒」裡面的肉。另一方面,我發現「椰香咖喱雞扒煲」裡面,除了有肉質不瘦,不難咀嚼的「雞扒」之外,還隱約感覺「椰香咖喱雞扒煲」夾雜不少「馬鈴薯」,「馬鈴薯」也完全吸收「咖喱」汁裡面的甜味和辣味。就連「椰香咖喱雞扒煲」裡面的其他蔬菜配料,例如「青椒」也徹底吸收「咖喱」汁裡面的辣味跟甜味,而且「青椒」的實際口感也變得很腍。所以我享用「椰香咖喱雞扒煲」整個實際製成品裡面,幾乎每一個部分的食品,無論是主菜抑或是配料,都可以全部放進我口裡面,慢慢咀嚼品嚐味道。至於「開樂粉麵茶餐廳」「椰香咖喱雞扒煲」套餐裡面的飲品,我選擇了享用「凍奶茶」。「凍奶茶」裡面加入了不少甜味「淡奶」,所以飲品實際甜味感覺不差。「凍奶茶」飲品的實際份量不少,所以「凍奶茶」裡面有不少比例,來自「奶茶」裡面的「紅茶」比例感覺也都不少,加上還有冰塊,令飲品實際感覺十分冰涼暢快。食完味道甜中帶辣,口感也都很飽滿的「椰香咖喱雞扒煲」之後,至少我的星期日晚餐裡面,除了食完「牛腩」食品之外,還有份量豐盛,味道濃厚的「咖喱雞扒」飯。要數「開樂粉麵茶餐廳」唯一美中不足的地方,只是餐廳樓面範圍內,到處也看到電視機播放礙眼的「新聞報導」,即使我坐在電視機底下用餐,也隱約聽到新聞報導相關聲浪,令晚餐實際評價打了折扣。 continue reading
(The above review is the personal opinion of a user which does not represent OpenRice's point of view.)
係新蒲崗普通既茶記, 覺得卡座有D迫, 唔係太好坐, ORDER左一個瑤柱蛋白炒飯, 黎到都幾大碟, 清清淡淡既炒飯, 但瑤柱就真係無乜啦, 成碟野就係得蛋白+飯+油 咁就食左6X蚊, 但係就係覺得D油太多, 食到成咀都油淋淋.同埋環境好嘈雜, 樓面好少人幫手, 等左好耐先ORDER到野食, 所以我決定左都唔會有下次 continue reading
(The above review is the personal opinion of a user which does not represent OpenRice's point of view.)
食物:人生從來未食過一啲咁冇誠意的炒飯。難食唔緊要,因為味道因人而異。但最起碼可唔可以將啲鹽炒花少少,咬落口嘅時候可以一嚿鹽起個口腔入面散開。。。。。含鹽。。。頂!好啦諗住期望下d蒸雞, 點知啲蒸雞味道,淨係得豉油味,而且啲肉非常之老,完全唔知自己食緊啲乜嘢f,基本上成餐飯我覺得味道最正常嘅就係啲白飯同埋啲檸檬。態度方面簡直係驚為天人,又大聲又冇禮貌😅其實新蒲崗真係好多選擇,除咗係佢個位風水好之外,我真係唔知點解佢仲有人入去食🤦‍♂️係絕對唔會返轉頭嘅選擇。 continue reading
(The above review is the personal opinion of a user which does not represent OpenRice's point of view.)
Level2 2019-04-01
566 views
夜晚11點幾諗住去茶餐廳食野,呢間未試過,諗住試下新美食,而且見佢選擇都唔算少,就決定食呢間。我嗌咗一碟香矛豬排飯同一杯凍檸茶,佢都有附送例湯。佢個例湯飲落已經好水,都冇乜味咁制,飲咗幾啖就冇飲到。然後個飯一黎到,就咁睇都已經覺得好油無論飯定豬排都超級油,食落口超級唔舒服,感覺好嘔心。除咗好油之外,塊豬排都超級薄,薄過一張紙,又薄又唔好食,完全大失所望仲有杯凍檸茶,超級甜,就算嗌咗少甜都仲係好甜,超級唔好飲。 continue reading
(The above review is the personal opinion of a user which does not represent OpenRice's point of view.)
Level1 2018-10-28
416 views
星期六下午,我一個小女子,本來打算食下午茶,一開門,最少有五,六張吉台,但係店員係都要我搭台,唔俾我自己坐一張台,係咁叫我坐,坐啦,同人搭台。真係唔明?我話有咁多吉台點解唔可以坐?個姐姐話,因為星期六多人,要留俾客人。我話咁算啦。頭也不回行出店。反正新蒲崗大把食店。搭台其實真係無所謂,但係奇係奇在明明最少有五,六張吉台係都唔俾我坐,係都要我搭台。點解嘅?我真係唔明。唔緊要啦,咁我就將我個位留返俾你D客啦。 continue reading
(The above review is the personal opinion of a user which does not represent OpenRice's point of view.)