開心飯小館

食過一兩次之前嗌外賣見佢44蚊下午茶包野飲咪試埋堂食第一次個阿姐已經好似想趕人走咁食一兩啖已經想收我碟野明明我成大碟連塊扒郁都冇郁過:(再點講都唔會覺得我已經食完啦個次冇道歉都算今次第二次一落單明明佢落錯仲俾臉色我睇話咩你話落依個架啵我都冇出聲佢自己嬲霸霸咁仲迫我照俾錢話陣間退返比我擺道明自己貪方便求其做落錯咪照用啲求其既方法耍走我囉轉個頭拎住部手機入廚房係到玩手機啲野食唔係難食 只係一般 但啲態度真係差到唔會再黎囉…Read More

星期日人唔多，食客大部分上佐年紀，椰菜豬肉餃變味，韭菜豬肉餃唔新鮮，凍奶茶算比較正常，本黎想叫泰式紅豆冰，竟然無做，佢話所有泰式都無，價錢唔算貴，兩人食佐100蚊…Read More

星期六下午到來吃餃子，見這裡標榜自家製作，決定過來一試。食店是先排隊購票才找位置坐下來⋯⋯眼見前面幾個食客都是點鴛鴦餃子套餐，反正都未試過，決定跟著點⋯⋯購票後坐下來等吃⋯⋯自助茶水、醬油調教，節省人手自助攪掂。看見店員又在收銀處工作後，又回到生產線包餃子，兩邊周圍走，相當落力⋯⋯星期六下午茶時段送餐飲一杯，還可選擇凍飲無需加錢，一讚。大大碗，餃子夠大粒，還有紫菜、芫茜，驟眼看相當夠份量。餃子雖大，但肉質頗腍，但喜歡他們配上海粗麵。疫情期間，所有外賣都奉送飲味，方便附近的街坊。…Read More

午飯又係荃灣搵啖食，呢次上黎飯小館。我本身係食肉獸，就算睇到佢地新鮮包餃子好似好好味，我都俾黑椒牛扒飯吸引左。無錯，呢度要先買飛，哦...快餐店咁囉，無所謂。最重要主菜，大大塊牛扒，碟頭飯黎講，我從未食咁大塊，有相你睇，肉質似一般雪藏牛扒，但配上黑椒汁，合我胃口…Read More

服務態度超差，要客人特地去收銀處叫單，叫服務員攞杯水，佢都要我自己走過去倒水，叫辛辣面，唔比辛辣粉，叫個服務員埋黎問點解係清湯，佢就係到講花話，講完一輪先西面比辛辣粉D野又難食，0分…Read More

以前的開心餐廳由細食到大，因為係我同學仔的屋企人開，基本上係我地食堂，但幾年前佢易手後都無乜黎過，聽聞仲好似不止易手一次，真係十年人士呢。重遊舊地，裝修靚過以前，價錢自然又會貴過之前啲啲，但都合理加幅。而家變左係半自助，自己畫紙仔埋收銀比錢，無姐姐同你落單，好似少左以前的街坊食堂 feel，唯一可取係有個侍應妹妹仲幾靚女架。叫左個豬軟骨面食吓，都正常既，係啲面腍左啲。食物都 ok 既，唔會好難食，又當然唔係勁好食，小弟都係好奇換左老闆後水準如何，有興趣可以黎試吓。…Read More

去開荃灣電腦場，都會來華都中心呢邊食嘢，特別喜歡這地方是香港少有的商場，因為商場內會有不同大小的食肆，感覺好得意😎呢間餐廳新開無耐，之前印象係同名嘅餐廳，但現在一分為二，地方細了許多，於是坐低試試😬供應食物方面，以碟頭飯為主，副食、小食都有供應，價格為四、五十元左右起步，但餐飲要另外加＄6元，似乎都幾貴下😳採取半自助形式，客人需先到收銀處下單及付款，再找位置坐下，形式像某些快餐連鎖店一樣，個人感覺怪怪的🤨幸好原來每日下午二時至七時是免費奉送指定冷熱飲品，識食嘅你應該知點做啦😬叫了這個叉燒蛋飯，賣相不錯，單看表面，微焦的蛋黃包著叉燒，把整碟飯也掩蓋了，還有香噴噴的醬油😋用匙羹弄開，飯底夠熱夠乾身，旁邊配上小小青菜，整體我比70分，要彈的地方是叉燒比較瘦，咬的時候比較困難，這個當然是個人喜好的關係🤗總括而言，自己還是喜歡從前的模式😅…Read More