長旺餐館

Open Now

Now Closed

店主和食客都非常和善，热情的教我如何点餐，人美声甜的小姐姐周到得跑来提醒我们需要自己去取餐，临走的时候还和小盆友招手拜拜。在这里遇到善良的好心人，让旅途的疲惫瞬间烟消云散了。感谢哦！ 点餐方法如下：1️⃣车仔面可以自由搭配，有十余种面条可以选择；2️⃣六种浓郁的汤底可任选其；3️⃣第二、三行的配菜总共可任选三种（我点的蜜汁叉烧，脆脆的边边很好吃哦）；4️⃣饮品多多，可任选一种，别忘了选择“热”或“冻”哦！ 希望友善一直传递下去

又係近近地係公司附近食lunch既一日，頹食個車仔麵先～佢有好多餸同麵可能選擇，我叫左5樣淨餸，每一款餸$8，總共$40。要推薦佢嘅蘿蔔！有成4-5舊咁多，仲要好入味好鮮甜，食得出係天然既甜味，冇浸糖水！其他餸暫時都還好，中規中矩，湯底都幾好味。整體黎講，味道正正常常，唔算特別好食，但絕對係平民食飯之選😂

從網上KOL的推介，知道這間又抵又好食，今日路過就上去試下。檔口姐姐遞咗張黃纸話可選三餸一麵。🎆豬大腸、咖哩魚蛋加支竹幼麵$33湯底用了牛腩汁，看不出非常熱，有牛腩稣香味，每樣餸各有4件，豬腸非常新鮮，洗得乾净，油脂味非常好味，支竹浸上湯底，不太淋不太硬，唔錯，咖哩魚蛋和麵底也很好，$33又抵又好食，仲連一杯熱或凍飲！🎆鱿魚、栢葉、肥牛片净食$24想停都唔得，再叫多個三餸净。水魷魚有三件，超爽，白雪雪柏葉就差少少，味道冇乜，但都脆口，肥牛片超多，起码有6件，軟淋滑，清湯底很熱，仲有幾條菜👍兒時吃的真的是車仔麵，牛腩、豬皮、魚蛋是木頭車上常有的餸，見住佢sharp sharp 下，印象深刻，已很久沒吃了，現在長旺的清湯很有以前的感覺！

平日食一個Lunch起碼都要40蚊，係旺角呢個鬧市，有一間我食左幾年都重係唔洗40蚊包飲品既餐廳，就係起旺角熟食市場入面既餐廳。呢到大部份餐廳都好平，不過今日唔想食咁飽，所以就幫襯左車仔麵。今日係平日，攞左假出黎行街，搞到差唔多3點先黎食Lunch，呢間車仔麵份量Ok，幼麵份量偏少，我叫左魷魚，鴨腎同埋瑞士雞翼，瑞士雞翼有兩隻，好夠味，鴨腎好林，味道都好鮮，魷魚正常味道都新鮮爽口既。另外簡左咖哩湯，咖哩味唔濃，微辣，都Ok。最抵讚係33蚊包飲品係可以簡汽水既，出面買一罐點都要幾蚊啦！屋企人叫左油麵，份量比較多同埋飽肚，如果好肚餓既建議可以試油麵，唔太餓既幼麵食完都有5成飽既。另外舖頭收銀+廚師們都無帶口罩既，如果好介意衛生既建議要三思。

通常人在旺角都好難搵到平靚正徙的野食, 食肆的確有好多, 但現今大多數只是針對內地客人口味, 又或者兩年貨仔居多, 哪有辦法保持水準, 而今次嘅題材係好耐好耐都無食過嘅"車仔麵"印象中好食嘅車仔麵係小學年代食嘅車仔麵, 口味相當濃而且辣, 那時候好味同濃味係一個等如嘅符號, 那堆深啡色嘅咖哩醬內滲入了大量的薩茸/蒜茸配合咖哩的氣味, 還有係相當咸嘅味道混雜唔少得嘅味粉, 後來在社會上做事, 越食就覺得越貴, 越貴但就是越難食, 到後來感覺是唔值得俾錢去食, 戒斷了二十多個年頭而近年開始市面又吹起2什麼摘星車仔麵之類的店,但始終提唔起興趣一試, 死灰無法復燃! 直到這天來到旺角, 自己認識的本土口味食肆(平價)不多, 而在這樓上的熟食檔口似乎又總會找到些吃的, 突然想食車仔麵, 發現三個餸一麵跟冷/熱飲都只係32 (貼紅紙手寫, 應該係最近才由$31 --> 32, 咁抵食邊度搵呀? ! 最低消費係兩個餸一麵跟冷/熱飲都只係25(張紙係咁印, 我當真架啦!) 麵底嘅麵份量標準, 湯本身好淡口下, 另外加的1Tbsp左右的濃醬即使重口味被湯水一開稀味道只是剛剛好唔會食完猛飲水, 墨

長旺餐廳著名吃車仔麵，價廉物美！個人車仔麵必吃推介： 咖哩魷魚！！ 牛肚！牛腩！牛柏葉！蘿蔔！墨丸！ 記得一定要配腩汁才是正宗的車仔麵，最夠地道最好食！而且三十一元就有三送一面吃得飽，還有飲品一杯，真是現在很難找的價錢！咖哩魷魚爽脆 很重咖哩味， 而且條條都帶大條魷魚鬚，十分抵食！牛肚夠香夠滑墨丸大大粒，又彈牙又有墨魚，絕對唔係街市貨色！牛柏葉非常爽口，一啲都唔靱 蘿蔔煮到完全腍身入曬味！配埋杯熱杏霜，杏仁味十足 呢個下午茶足夠飽到今晚

長旺餐館~位於旺角上海街市政大樓2樓熟食中心，呢度嘅車仔麵真係幾抵食，任選3餸1麵配凍飲都只係$31元，而且各式粉麵配料款式都幾多，我個人比較鍾意呢度嘅豬頸肉、牛腩，豬頸肉口感好爽，牛腩軟淋入味，再配上店家秘製嘅金牌醬汁，Yummy

1.$30 有3餸一麵+凍飲 我叫左魚旦/瑞士雞翼/原汁牛腩+米粉+凍檸茶 份量—個字勁！大魚旦4粒，雞翼2隻，牛腩4 舊，系旺角簡直不可思議2.質素 魚旦，正，爽質高，夠大粒 雞翼，好食，入味，不錯 牛腩系柱喉，好味，同一D專做牛腩麵舖有得. fight 我揀左金牌醬汁小辣湯底，0K 凍檸茶OK，不錯，不會太甜，適中。總結：呢間絶對系一間用心煮有質素兼$抵的食店，出品賣相不差，用料好，店員有禮，如果收$40也沒異議，地方在熟食中心，不迫狹。這婉麵令我想起小時候7層大廈車仔麵的感覺，我會再來試其他餸的希望大家支持良心小店

是日下午出了旺角，本來想去吃農夫飽的，友人卻說隔鄰的湯飯和車仔麵也佷值得一試，衡量午飯時間不想吃太飽的關係，就選了這家車仔麵。門面寫了很多不同的餸，不過最重要的還是自己剔紙仔，慢慢揀。檔口細細，能選的麵底卻十分多樣，餸方面幾乎想到的都有，而且十分大件。以$24兩餸一麵作為最低消費，但只要叫多一款餸，即三餸一麵$29，就能夠有免費飲品。計落+$5就有第三款餸+飲品，是最抵吃的。賣相非常不錯，餸都排得滿滿，看不到麵底的。先吃咖喱魚蛋，比想象中大粒。因為現在很多地方的車仔麵都已經轉用最便宜的細粒款，但這兒的魚蛋Size較大。魚蛋不單大粒，咬下去也不粉，反而有少許彈牙。雖然不是最上佳貨色，但因為咖喱汁的效果下，這款咖喱魚蛋不單有四粒咁多，仲係三款餸入面最值得推介的。蘿蔔十分大件，咬下去多汁弓稔，絕對有功架。顏色是十分白淨，有少許渣，算非常不錯。貢丸只有兩粒，算是尋常貨色，但作為一個車仔麵裡常選的餸，也是OK的。最後，卻是最重要的麵底。浪子選了幼麵，一種車仔麵很多人會選的麵，幼身而爽滑的麵，煮得不算太稔，鬆而不散。其實在等候期間，浪子在偷望店內的師傅煮麵情況，那種快上快落，滾水落，快揚幾下就上碗

有陣時食蒸飯食到悶悶地，又或者個日冇咩胃口唔想食太多嘢，我就會過隔離間店叫個車仔麵食。ｄ間三＂食送＂麵連凍熱飲都係29蚊，算係經濟啦。豬手唔係我鐘意嘅淋身口感，算爽。枝竹普普通通冇咩特別，ok咁啦。瑞士雞翼，正嘢~滷到啱啱好，熟到入骨之餘仲要好滑，又夠入味，大推！魚蛋係另一樣推薦，大大粒，彈牙又入味，唔錯唔錯魚腐都ｏｋ嘅，可以一試

今天我只是叫車仔麵先說湯底 : 很清甜, 唔錯白菜仔 : 分量都很多, 仲要係免費架栢業 : 幾爽口芝士腸 : 味道唔錯, $5有4條係好平呀豬大腸: 好臭及全都是脂肪 <-真的要扣分呀$20元來說已經做到算是90分啦,加上我見佢地kitchen既情況都算幾衛生同平時食開既車仔麵有點不同.

雖在多姿多彩的旺角上班卻極少外出吃lunch的小妹,受到車仔麵的引誘~~$20 = 1個麵 + 3款"食送" + 飲品 (熱飲/凍飲)好像很吸引吧v=幾個女生1起去吃~ 每人點不同的~~~小妹要的是米粉(不過來錯了米線_=) + 冬菇 + 鯪魚球 + 白菜仔,配"金牌醬汁" (分1個、2個、3個辣椒的, 小妹選了1個的)~小妹不太能吃辣, 但又見金牌醬汁似乎很獲好評, 於是就拜託店員"醬汁另上" XP其實每碗都會有少少菜配的~ 金牌醬汁真的夠辣, 幸好有分開上! @0@就是吃後整個喉嚨都像受辣椒油洗劫的感覺~ 但很惹味~冬菇: 很普通, 不夠軟身又不入味;＊鯪魚球: 其實應該叫鯪魚塊吧~ 不過很鮮味彈牙~跟其他女生交換回來的~沖繩鹵肉: 1片又硬又無味的肉豬...＊瑞士雞翼: 1點都不瑞士的, 實屬鹵水雞翼, 不過嫩滑味美~魷魚: 很大條~ 味道普通, 蠻爽口凍飲不用+$$ 真的令人很高興XD而且還比熱飲的大杯呢~~總的來說, 這兒在同場的食店當中實在非常物超所值~而且車仔選擇都算多~10分有7.5分~^

第一次去, 成日經都唔知呢度樓上咁多野食.一向我也是 車仔面fans.所以試了這個長旺車仔面.又是平價的, $20 三餸, 仲有野飲, 凍飲同價tim.米線都係平時咁上下.它的腩肉也挺不錯呀, 有少少肥, 食落香口.其他餸也是ok不錯.而這店最正應是秘制醬料吧, 配以餸 or 面都很香.少少辣, 很香的. 推介呀.

我承認係我衰,貪佢平再幫襯,搏佢唔會次次咁差,點知一次比一次唔掂!今次破晒歷史記載,等左半個鐘先等到一碗粉,仲要有好多雜質,包括黑點,雜肉,公仔麵碎,奇怪既油等等…最慘係有人遲黎先上岸,後過我既人有得先取,點解會咁?今次第一次點豬紅(因為以前點親,次次都話無,今次係第一次話有),雖然份量好多,但係油量仲多,食完想反胃,因為油得滯!決定了,不會幫襯你了!再見!

和親愛的同如如係奧海城睇完功夫熊貓行番過來旺角依邊開餐, 想介紹新奇的農夫包給如如三個人一個農夫包梗係唔夠啦, 所以另加一個車仔麵要豬紅, 豬頸肉, 金錢肚, 金牌醬汁, 粗麵金牌醬汁的湯底不錯, 不是一味的辣, 親愛的覺得比車品品還好份量都幾多, 還有蘿蔔紹菜, 三加凍飲都係$20, 抵! 鋪頭的小妹妹一定係趁暑假幫爸爸手, 能幹有禮!