Video
6-min walk from Exit C2, Sham Shui Po MTR Station
continue reading
Telephone
27788966
Opening Hours
Today
07:30 - 21:30
Mon - Sun
07:30 - 21:30
Above information is for reference only. Please check details with the restaurant.
周末在深水埗工作完，一個人想在附近找間餐廳抖抖，剛好在 Openrice 見到附近有間餐廳，仲係社企，聘用的都是長者。一直有機會的話都會盡量支持社企，希望大家在最艱難的時候要撐過去。見到 Openrice 上面的食評好壞不一，但覺得既然都咁平，就算不好食，也算是光顧了一間社企，至少午餐時間過得充實，會感覺良好。鋪頭座落一條在深水埗裏是很乾净的一條街，樓上是較新式的大廈。周六下午兩點半，大臺無位，所以坐了旁邊一列單人的座位。餐牌上的選擇有些價錢同比其他餐廳平少少，有的卻是平好多。由於自己不是太常去深水埗，所以有點貪心，想試多幾樣。最後選了：芋頭香酥鴨飯煉奶奄列是日菜湯（好吃的話，不夠再加）落單要自己填紙仔，寫號碼就得。我一開始不知道所以叫了嬸嬸過來落單，雖然被溫提了但也不會是其他食評裏面話好惡。街坊生意，算係咁喇。點解唔惡，我文末再寫。上菜好快，不用五分鐘就上齊。份量其實 OK，我見到另一個食評話份量仲少過兩餸飯。個人覺得真的是鷄同牛比。兩餸飯流轉快，絕大部份也不設堂食，成本當然比較低。這裏悠閑，我坐低其實都用了幾分鐘先揀到想食乜，全程都無人催我 （你試下在兩餸飯前面捻幾分鐘？睇睇會發生咩事）講返食物，先來個是日菜湯，有些少祛濕豆，有少少黑木耳。好大碗，夠熱，雖然湯有點稀。但只收你 $10，個人覺得算係咁喇。然後上了個煉奶奄列，大概比平時屋企用的飯碗大稍稍，唔算太薄，上面一層煉奶好似豬仔包咁，收$5。最後來了個飯，是用砵上的，有幾條菜同半隻鹹蛋。香酥鴨大概三塊吧，都幾香，有肉香，個飯$12食緊飯的時候聼店内阿姐自己傾計，話不知道邊款麵包賣唔曬，所以我埋單（他們收八達通）之後，就揀了三個麵包，也無理她們是邊款賣唔曬了，反正我就揀了菠蘿包、鷄尾包、提子包，三款都係細個食開的款，覺得個女都應該會鍾意食。我原本見到 $20 三個麵包已覺得價錢合理，點知俾錢時阿姐話係 $3 一個麵包！（可能 $20 是三大份麵包）記得買麵包只收現金，同餐廳是分開的。果晚試過三個麵包，味道正常，不算好飽肚，老實講有少少似外面的連鎖麵包店的“空氣包”，但每個麵包只收 $3，不是空氣包的話，我反而會好擔心下次過來深水埗仲見不見到呢間餐廳。如果我下次在附近，又是一個人的話，我一定是會再來的。（午餐期間旁邊有個老翁俾阿姐閙，事源他食飯將骨頭全部都吐在臺面，俾了骨碟都係咁。聽落可能是熟客而且屢勸不改。阿姐就話再係咁以後不再幫他落單。見那老翁自己一個人，申請呆濟，應該是有身體/情緒病。最後阿姐囉嗦完，其實都係幫他抹走曬臺面骨頭。你地自己評評理，咁樣係咪惡）所以 total 就 $27 一餐 + $9 三個麵包
continue reading
知道係為長者就業而設的社企食肆, 餐牌售價標榜售廉人人負擔得起, 所以過來試試, 今次是第3次試, 但失望的一次比一次差!餐牌上餸菜的售價幾蚊至十幾蚊看似很平, 但一上枱$15梅花扣肉 (沒有影相) 的份量少得至平時兩餸飯半殼的份量都沒有, 3小薄片的扣肉和少量梅菜, 與我上次來食的份量一看就覺得少了差不多一半 (雖然同樣是8cm左右的小碗), 7-11的梅菜扣肉叮飯的餸份量一半也多過佢!因為突然咁少份量唔夠飽, 便加多一個蘿蔔牛腩$12, 這個仲過份! 成碗汁只得3小舊牛腩碎和3小粒蘿蔔, 堆埋一起只得半平小碗, 咁就$12! 兩餸飯的一殼份量一定是它的3倍囉! 但兩餸飯的一餸也只是$8-12, 更過份是隔離枱同樣上的竟然是大粒蘿蔔, 我的只是半碗都冇的牛腩碎!讚的是羅漢果茶和白粥只是$2質素才不錯! 如果只是想食下白粥, 飲下果茶, 來呢間冰室都可以推薦, 食餸就無謂了.....
continue reading
平到你唔信😳 $2隻烚蛋😱 $2碗白粥😱$2白飯 $10份炒麵/炒米😱 呢間社企專為銀髮族提供就業機會👍 這是其中以平價又大碟家庭式的店，似回家食飯無味精少鹽少油少糖的健康飯餸🫰南乳豬手 $12 份量都不少喎🤩仲有好多花生😋 忟得夠淋同入味👍味道唔錯👍香菇飯 $12 碗飯都唔細架😊仲跟咗幾條菜好健康👍冬菇夠淋好有菇味👍羅漢果茶 $2 少少甜夠潤喉😋滷水豆腐$5 滷得耐咗，有點老不夠滑😅埋單$31唔講得好好味但唔難食係平實的一餐， 一餐飯除了為自己飽腹，亦幫到長者就業🫰 幸福滿滿🫶
continue reading
噚日（26-12-2024 Thur）boxing day晏晝，同老公去冬日美食展，遇上銀杏館booth，有賣魚皮花生，蝴蝶酥，曲奇，鹹柑桔...我見到曲奇有柑桔味，而姐姐過佢哋自己喺上水有機種植，咁就買一包$45.00啦。夜晚食完飯後，忍唔住拎出嚟食，睇到一包有六件長方形嘅，食落，口感有啲硬，味道係有柑桔味但有啲澀，成個麻麻地好食。睇返上芫荽味曲奇嘅食評，原來都唔好食（食評係2024年4月9日刊登嘅呢篇：https://www.openrice.com/zh/hongkong/review/%E9%A0%88%E8%AA%BF%E6%95%B4%E5%90%93-e5397746）睇嚟銀杏館嘅烘焙產品唔係幾得。
continue reading
是一間幸福感滿滿的，銀髮族就業社企。餐牌食物以豆腐雞蛋青菜為主，清淡適合長者吞嚥。當然亦有一般茶餐廳的梅菜扣肉、清蒸海斑，不過就要耐心等候。節瓜粉絲蝦米飯（$12）, 清淡的家常便飯，節瓜切得很幼細很入味，媽媽煮的感覺。咖哩魚柳飯（$18), 一般的茶餐廳水準，細細碟，可以多試其他食物。蕃茄肉碎炒蛋幸福飯餐（$20), 這種易學難精的家常食物，做得很出色，味道融合得很好。青菜也切得碎碎，方便吞嚥，十分細心。因為上兩樣已經有白飯，叫了走飯，希望不會走掉幸福！鹵水豆腐($5）,個人覺得比較淡味，沒有傳聞中的出色。埋單55蚊，吃得飽飽，幸福滿滿，窮人恩物。門口還有銀髮族的手作食物，記得支持！
continue reading
You may be interested in