Chung's Kitchen

7月1日來這間餐廳吃，乳鴿很不錯，$68有2隻，七味豆腐也很好，很脆很軟，因為有71折，買單時平了200多，很美味的一餐5個人坐卡位，感覺沒有圓枱舒服（純個人感覺）…Read More

喺銅鑼灣鬧市坐低飲茶都唔係咁容易，呢間算係價錢同質素比較合理嘅酒樓，可能因為咁次次嚟都要等一段時間先有位。佢係屬於稻香集團嘅品牌，所以都沿用稻香集團特有嘅自動煲水車。呢個安排原意係方便客人，不過如果唔係好識得操作，就變咗係一件麻煩嘅事。呢度好多點心都可以逐件叫，抵讚。蝦餃同燒賣嘅蝦都算幾新鮮，叉燒包嘅包皮都夠鬆軟，黑毛豬叉燒腸嘅叉燒都幾足料，腸粉皮唔算好薄但係夠滑，荷香珍珠雞同北菇棉花雞就正常發揮。整體而言，以呢個價錢喺時代廣場飲一餐茶，都算合理。…Read More

今晚同朋友去時代廣場食飯，揀咗間經常去嘅鍾廚，因太多人最好訂位。舖頭新裝修之後用白鴿做裝飾，唔知係唔係配合返佢做乳鴿嘅promote所以擺咁多白鴿裝飾。當晚叫咗個紅燒乳鴿皮脆肉嫩又抵食$68兩隻，加上百香果汁剛好解除了乳鴿的油膩感。濃湯浸魚腐，湯底鮮美濃郁，魚腐嫩滑搭配入味，訂咗個「龍騰四海」十分驚喜，龍蝦上面貼滿金箔，上菜時廚師用乾冰製造夢幻般效果個個見到都嘩嘩聲，視覺與味覺的雙重享受令人回味無窮。當晚大家食得好開心，下次會再嚟幫襯…Read More

我哋入座時餐廳無講今晚唔夠人手或廚房有問題，食完第一道菜乳鴿後，其餘兩道菜一路都未嚟。我哋中間追侍應，問第一次叫我哋等等，話廚房冧檔，好多枱都等緊啲餸未出到。隔一排再問又係叫我哋等等，到最尾我哋再問同要求侍應答幾時出到菜，佢哋先話出唔到幫我哋取消，成晚我哋七點半入座，等到九點半先話出唔到菜幫我哋取消埋單。成個運作流程有問題，浪費食客時間，到我哋出去埋單時，間餐廳仲接新客入座附上打單收據顯示時間，希望餐廳認真檢討成個流程。…Read More

冬天想吃的東西有很多，例如蛇羹、大閘蟹、羊腩煲。某天看報紙見到有飲食機構做大閘蟹滋補蛇羹宴，可以吃到蛇、羊，蟹、鵝、繕，半席賣1488元，這個價格很吸引，於是約齊朋友星期六去大吃一頓。選了時代廣場樓上的鐘廚，交通方便。食店門面不是很大，但內廳很深，一列食桌從頭放到尾，有卡座有圓桌，今晚全部有客，整間食店十分熱鬧。待應雖然不夠但服務還可以。我們選半席套餐，說是六人份量，但我們七人去吃也足夠。江南五小碟可視為開胃前菜，胡麻雞絲粉皮，粉皮色澤晶瑩，內有花生和青瓜絲，拌勻麻醬同吃，好味道。涼拌海哲，海哲清爽，醬汁入味。陳醋雲耳，雲耳細細隻，入口爽，陳醋酸甜適中。宮廷蘿蔔，是一款甜酸汁醃漬的蘿蔔，口感酸爽。拍蒜青瓜，青瓜顏色嫩綠，吃起來爽脆清新瓜味濃郁。五款食物各有特色，醬汁都是酸酸甜甜，吃完令人胃口大開。古法雙冬羊腩煲，一大煲放在石油器爐上加熱。煲內的食材除了羊腩外還有冬菇，馬蹄，竹荀，腐竹。醬汁濃稠合適，不過鹹或過淡，羊腩炆得夠腍，啖啖肉，容易咀嚼。滋補蛇羹，大大鍋，每人可分到滿滿一碗，蛇羹材料充足，每一口都有食材進口，羹有一定黏稠度，綿綿密密充塞咀裏。脆皮燒鵝皇，有半隻。鵝皮燒得焦紅有光澤，肉質細嫩，入口時肉汁滲出，皮帶微脆。我更喜歡伴碟的醬黃豆，粒粒分明有味道，不太硬，現在很少見到有菜式用醬黃豆伴碟的。蒸繕片，一圈圈圓圓的繕件吸收了豉汁的精華，啖啖甘香，啖啖肉。清蒸大閘蟹，剛蒸好的大閘蟹，細細隻，熱騰騰。打開蟹身看，蟹膏不至於很多，但也吃到點點潤滑蟹黃。因為要吃大閘蟹，我們要了兩枝花雕酒，酒樓提供暖酒的杯具還不錯。蛇汁唐生菜，今次這菜的口感像沙律菜，很清爽。我有些朋友覺炒得不夠腍，我反而喜歡爽口。生炒糯米飯，軟糯而不黏牙，飯內混和了臘腸粒，蝦米子，冬菇絲，吃起來很有香味。套餐的菜式已很豐富，但見到此店有很多食客叫乳鴿吃，乳鴿做買一送一優惠，於是我們也叫來吃。果然是很好味道。上檯時看到每隻鴿身都是燒得紅紅且發出油光，並帶有熱熱的香氣，入口時肉質嫩滑還滲出美味的肉汁。吃乳鴿每人都送一小杯杯熱情果汁，待應說果汁可以吃鴿前當開胃飲，也可以吃鴿後當去膩飲，想得十分周到。餐後有圓肉薑茶飲，每人一碗，內有桂圓肉和杞子，薑味甚濃，因為很熱所以入口更覺辣度十足，這茶果然夠薑。今次吃了很多冬天才有的菜式，真是大大滿足我們的食慾。…Read More

幫襯咗呢間粵菜好多年質素仍然咁好，性價比極高✨環境闊落夠光猛 坐得舒適上菜速度啱啱好▫️ 八小碟 - 涼拌海蜇、琥珀合桃、追味黑豚肉、蒜拍青瓜、崧子雞絲粉皮、五香沙薑豬手、七味脆豆腐、原味腰果全部都出色! 份量唔少 琥珀合桃食到唔停口▫️ 秘製鹽香雞鹹左少少 比較瘦 但肉質腍 皮薄爽口▫️ 清蒸大東星斑 新鮮大條厚身！魚肉白雪雪好嫩滑，熟度啱啱好▫️ 乳豬全體 脆皮👍🏻肉質腍 唔會太肥▫️ 花膠海鮮什菜煲好多料，好多唔同種類嘅菜，花膠好腍海鮮唔少，湯底唔會太鹹▫️ 西蘭花炒帶子份量大，帶子大粒爽口彈牙，唔會太油仲送甜品 - 紅棗糕香得嚟唔會好甜性價比非常抵食，好難得服務員態度又好，係同屋企人朋友聚餐嘅好地方👍🏻☺️—𝗋𝖾𝗌𝖾𝗋𝗏𝖺𝗍𝗂𝗈𝗇𝗌: yes𝗐𝗈𝗎𝗅𝖽 𝗋𝖾𝗏𝗂𝗌𝗂𝗍: yes💳 𝗉𝗋𝗂𝖼𝖾 $200-300 𝗉𝗉 (dinner)🌟 𝗈𝗏𝖾𝗋𝖺𝗅𝗅 8/10📍 鍾廚銅鑼灣勿地臣街1號時代廣場12樓1201號舖…Read More

週日和家人到銅鑼灣時代廣場12樓鍾廚吃長腳蟹晚餐，之前亞哥同朋友在這裏吃晚飯，話呢度食物質素唔錯，特別阿拉斯加長腳蟹好抵食，於是再嚟食蟹，六個人點了2隻乳鴿（$68買一送一）和一隻蟹（$198/斤、約4斤） 另外再叫一碟蜜味义燒及清蒸虎杉斑，同一個上湯菜苗。首先上桌的是义燒，义燒半肥瘦且是熱的，還有蠔油豆，太好吃，顧住吃，差不多吃完才記得拍照。跟住個菜也忘記了拍照。红燒乳鴿上菜，附有四杯百香果汁（忘記了拍照片），清甜好飲。女侍者貼心幫我們剪開乳鴿，再分成八份，六個人夠食，乳鴿好juicy，就是好吃魚蒸得洽到好處，肉質結實發現入坐竟有九成都有叫長腳蟹同紅燒乳鴿。最後，主角出場了，蟹太大，我們加錢$100，讓侍者替我們剪，剪得好專業，讓我們吃得特別舒服整體來說，這次體驗非常滿意，食物質素均不錯，促銷68元買一送一红燒乳鴿，皮脆肉嫩，好juicy，阿拉斯加長腳蟹，肉質豐腴，鮮甜味美，實在太大美味了，六個人吃不完剩下打包帶走。…Read More

昨晚跳舞班同學相約銅鑼灣時代廣場吃長腳蟹晚餐，一到步立即點咗2隻乳鴿（$68買一送一）和一隻蟹先（$198/斤、約4斤半）- 因為侍應話起碼要20-30分鐘；坐落發現入坐率竟有9乘滿，應該是十一黃金週関係，一半是國內客，雖然服務都不算差，可惜，飯店人手還是不足，好多時都要自己去換碗筷。我們還點了4盅燉湯（杏汁白肺）@$68，但味道就真係強差人異，有杏味但稀到不得了，飲咗1️⃣半就放棄；講番個主菜-蟹，味道不錯但不夠熱，似乎在廚房煮完放咗一陣才送上，而且要自己剪開，侍應剪要加$100😱，隻乳鴿則普通、略瘦，但可接受，最好反而是個什菜煲、夠大且多料，整體來說，是次體驗非常十分一般，朋友話「海港」應該好啲，但環境就可能冇咁好，因為這𥚃新裝修，格局高少少😅…Read More

星期六約咗阿姨飲茶傾偈⋯⋯搵間坐得耐啲嘅，阿姨建議食依間，因為之前食過啲嘢都唔差，咁我冇乜所謂la …佢去到大約等咗10分鐘先入得，因為我遲到😂😂佢個茶壺機好似稻香咁，自己按制加水，可能都係稻香集團掛⋯⋯食物方面質素都唔錯，叫咗個腐皮卷，一個大牛肉球，兩粒蝦餃，一個鯪魚球，乳鴿，全部都算幾好食⋯⋯唔會太差！最後食咗個楊枝甘露都唔錯。酒樓地方大…去廁所時見到好多枱有卡位有大枱有圓台，見到應該晚市有做海鮮，個池好多海鮮，都有我最愛嘅長腳蟹，可能夜晚會來試吓！我哋傾偈由1:00坐到4:30啲職員都冇詐型，服務都OK唔錯⋯⋯埋單約$300 2人…Read More

朋友約去鍾廚下午茶，銅鑼灣下午茶居然有6折喎，地方唔差，坐得舒服✨🥢紅燒乳鴿$68: 乳鴿買一送一，超抵食👍🏻，而且又熱又脆皮，仲有幾杯百香果汁俾你去油膩，夠貼心💕✨🥢香煎肉鬆一口包$37: 煎得個底脆脆的，ok✨🥢雞仔鹹水角$32: 細細仔，但好食😋✨🥢椒刴蒸排骨$37: 好肥又咸✨🥢雞湯浸西洋菜鯪魚球$37: 鯪魚球唔夠鬆，有啲硬✨🥢翅湯鮮竹卷$37: 大大條咁囉✨🥢川汁抄手$32: 一點都唔辣，皮又厚，不了✨🥢栗子焗西米布甸$28: 好多酒樓都無呢個甜品，個面燒得燶燶的，不過粒粟子唔夠淋，有點硬食咗咁多樣都係$350，抵食，雖然唔係好好食，不過呢個環境、價位無得輸👏🏻…Read More

好耐沒寫食評，食到一肚氣。今日到銅鑼灣飲茶，看到食評便試試，10.00 到達開門，門口職員態度奇差，第-次到教我開爐(其實吾會來第二次，按二次個爐我識字，吾駛大聲和其她職員講，幫客人開吾得?教到你識自己開)一個侍應都没，吾知以為食自助餐，又吾講掃碼落餐，之後侍應較多，服務亦好一點，衛生有待改善，冷氣較小地方太大，職員又吾夠，未食完又收碟，服務要改善，這裏地方大，坐位舒服十二點前结帳大中小點有折，沒留意全部沒折，乳鴿買一送一三文魚~較乾，賣相不太好，鬆皮不錯蟹肉感覺吾新鲜皮較厚買一送一造得最好這菜…Read More

今日同媽咪兩個人去撐枱腳想慢慢嘆就去左鍾廚飲下午茶😙😙入面好光猛，坐得好舒服，而且平日下午茶有六折優惠，甘就好抵食！！！我地兩個人叫左幾個點心😛燒乳鴿乳鴿有買一送一優惠，燒乳鴿外脆內軟，個皮入口即溶，有好香的油脂味😋😋鮮竹卷鮮竹卷有3條，大大條，好足料，個上湯咸度適中，好開胃😛😛豉汁排骨排骨就比較似住家菜，d肉多稔，上面加左辣椒仔做調味😁😁腸粉腸粉好軟熟，可惜落得太多醬但無落豉油，甜醬同花生醬落得太多🥹🥹總結今餐都係抵食！兩個人食每人唔駛100蚊就可以落樓🤗🤗…Read More

今晚一行4人到時代廣場12樓鍾府便飯，客人唔多。做緊乳鴿買一送一同芝麻雞，龍蝦E面優惠。外加一個蝦子柚皮，雜菜煲同大鴿飯。乳鴿同芝麻雞e面都好食，龍蝦亦比其他酒樓好，起碼有肉唔係得啲骨叫了乳鴿4隻，有個肥肥地既待應哥仔主動過來細心堂剪，剪得很專業細心。同時亦主動幫忙order其他dishes, 因為成手油不方便手機order.亦主動換碟又會禮貌交談。臨走我同佢講，佢係我近幾年見過最好的待應服務。加油。如果香港的服務業人員都有呢個哥仔既heart, 成個香港還是有希望的。…Read More

Went here to yum cha with my family and relatives during New Year. .We ordered a wide variety of diu sum dishes. Among all, the Pork Dumplings in Spicy Sauce stood out as my favourite. The spicy sauce was mouthwatering and paired with the pork dumplings nicely. The dumpling skin had just the right texture. The Steamed Red Sugar Sponge Cake left a lasting impression. It was spongy and soft, and the sweetness was on point. Also, I enjoyed the Steamed Beef Tripe in Black Pepper Sauce. The beef tripe was tender and well-seasoned, and had a delightful aroma from the black pepper sauce. The Stir-fried Noodles with Soy Sauce tasted savoury and had a chewy flavour. Other dim sum were not particularly memorable in comparison. .The resto operated on a self-service basis even though it had a service charge. We used a QR code to place order, and we had to make the tea and boil the water by ourselves. The food was quite pricey. …Read More

唔止係長輩鍾意飲茶，後生仔女都識嘆😆貴為一名點心控，對揀酒樓嘅標準有一定要求❗️首先環境闊落坐得舒適，其次必須要新鮮蒸起，然後就係上菜速度，同埋性價比。今次嚟食嘅鍾廚符合晒以上種種條件☺️星期一至五嘅早市同茶市，以及星期六嘅早市，非常抵食，大中小點都有六折😍😍茶樓位於鬧市正中心，再加上樓底超級高，採光到十足，枱與枱之間距離唔貼，坐得舒服，飲耐啲都得🤣特別推介煎炸類型的點心、紅油抄手、蒜香蒸排骨，雖然款式唔多，但樣樣都整得唔錯，幾好味，值得推薦～…Read More