Dimsum & Hotpot Specialists (Closed)

急不及待要跟大家分享太子超抵食任飲任食火窩，每位$158，本來只為填飽肚子，心想這個價錢也沒什麼好貨色，但我錯了！真心靚料，服務亦熱情，街坊生意值得支持支持再支持，我一定會組隊再光顧！ 湯底有六款左右，忘了有什麼，我們要了粟米豬骨，味道清清的，沒太大豬骨味。其實我反而覺得這樣沒太大問題，起碼少一點味精，$158一位也不會期待太高。 沒漏單實在抵讚！一次過把食物執齊上桌，每碟都衛生，碟沒有"痴立立"，必食推介，首推肉類！手切肥牛，色澤不錯，吃下去，口感夠滑溜，牛味甚濃郁，和吉x家大x樂的差很遠，贏幾條街！ 這個價錢有涮涮窩的享受，而且有兩小時任食，這一點已經值回票價！ 豬肉片，質素拍得住日式牛窩，夠薄切，一涮即熟，口感亦是滑溜溜的，愛豬者一定不會失望！ 其他火窩配料亦非求求其之輩，蔬菜夠新鮮！ 年藕片好爽口，時令果然是不同的～ 手打墨魚滑，好味又彈牙！必食！ 飲品選擇多，refill快手！這款桃味啤酒都有，有時候去吃韓菜，一罐索價過$20呢！ 不得不提醬料自助bar，當中潮州辣椒醬和沙茶醬，沾打邊爐料超正！街外難求！ 脆鯇片口感不錯，愛魚的友人encore了兩次！甜品有棉花杯，港式打邊爐包甜品真心不多，我十分滿意！街客甚多，訂座會比較好，十級推介！…Read More

呢間任食火鍋第一次黎, 嘢食選擇算多, 飲單選擇都好多. 除一般汽水外, 仲有好多款韓國飲品, 其中個桃味汽酒好正, 超級推介. 另外個芒果汽酒都幾好. 兩種都只有少少酒, 啱哂我呢d酒量嫲嫲既人.成兩大櫃飲品多款醬料選擇, 滿足哂唔同口味.任食火鍋包埋湯底, 算老實, 唔使再比錢加呢樣果樣.我地揀咗豬骨湯, 足料, 但個人覺得不夠濃.火鍋料選擇算多, 無漏單, 所有嘢都黎足, 份量都足, 放題黎講算幾好. 我地encore咗蝦同蜆無限咁多轉肥牛質素唔錯, 叫幾多黎幾多.臨走食埋個雪糕, 完滿結束.…Read More

喺太子一帶有嘢買，肚餓的時候有啲想食點心，下午時段就同屋企人去咗太子的鍋心。夜晚主要係做火鍋放題，而其他時段就係食點心，感覺有啲似中式茶樓。鍋心蝦餃皇和小籠包，午市做緊優惠$1/每人一隻鍋心蝦餃皇可以算是皮薄餡靚，一督就穿，蝦肉爽口彈牙，但蝦味並不重。小籠包，要小心翼翼地＂不＂起它，內裏多汁，肉塊也調味得很好。原粒蟹籽燒賣$7/隻很好爽口彈牙，而且表面幾滑身，蒸到熱辣辣，好食。迷你珍珠雞$23感覺上幾抵食又飽肚，餡料份量適中，不會過多。特別喜歡它的肉汁。黃金流沙包，一口咬落去甜甜的奶黃醬，實在可口。蜜汁叉燒包的外皮鬆脆，內裏裝著熱啦啦的叉燒醬，十分好吃。蒸滑雞，冬菇林身，而且非常之入味，特別喜歡它的滑雞汁。雞非常之滑身，相信生粉的分量剛剛好，食唔停手。呢度有啲似fusion中式點心，因為佢提供韓式飲料、泰國大大杯飲品和泰式甜品和雙皮奶等。不過今次食到飽飽滯滯就唔叫飯後甜品啦。整體來說餐廳的食物很不錯，而且價錢適中，很適合一家大細嚟食點心。一睇餐牌之下，原來晚市的火鍋放題都好抵食，有機會一定要嚟試下呀！！…Read More

鍋心一間喺太子站附近既任食邊爐 價錢好抵 5點至9 點 158 蚊位 9點後138 位但食物一d都唔差 湯底 同食物大部分都係任食。如果隻拼鍋 或者某d特式鍋， 又或者一d比較昂貴既材料就要另外加錢但其實任食既食材全部都幾高 平靚正本身要加錢 既九尾雞鍋 今日做緊promote可以免費點 九尾藥材 同雞肉做成既鍋 雞肉新鮮嫩滑 連埋九尾藥材 可以飲少少湯 冬天食呢個煲十分唔錯而醬料好似辣椒 蒜 葱 沙茶醬 可以出面自己攞， 飲品除左一般汽水外 仲有好多特式飲品 好似好多果肉新鮮既越南果汁 芒果味既韓國啤酒 同韓國桃味清酒 都夠哂特別 , 而仲有雀巢 雪糕可以自己拎熟食方面 應有盡有牛切肥牛 牛展 黑豚肉 滑牛 全部都唔錯 尤其係牛展十分煙韌彈牙 黑豚肉 肥瘦適中金菇 蔬菜 木耳 豆腐 粟米全部十分新鮮仲有鮮甜蟹棒爽滑鵝腸 豬潤 豬粉腸等等各式既丸 手打丸 蝦滑 全部above average水餃 雲吞 九菜餃全部自家製 十分新鮮 而估唔到竟然有田雞食甘既價錢食到呢個質素任食邊爐 實在好抵食…Read More

​ 家人親戚搵左一日假期，一齊去食點心中茶。 由於大家住得好遙遠，所以揀咗個中間位嘆茶， 而且可以選擇中午或下午時段同樣可以享受早茶的食品。 樓下阿姨主打人頭一蚊一粒蝦餃，不過之後再叫先要比正價。 鍋心水晶蝦餃＄8@1隻 水晶外皮而且有韌勁，味道相當不錯，中間蝦仁亦爽口。 原粒蟹籽燒賣＄7@1隻 大大粒表面有孩子裏面又有蝦肉以及豬肉，有啲肥肉所以口感比較軟身，味道不錯。 南翔小籠包＄5@1隻 小籠包裡湯汁很多，點上紅醋味道更佳，說得上皮薄餡靚。 迷你珍珠雞＄23 總共三件裝，裏面材料亦算豐富，有肉有菇，飯質黏身，有着綿綿的質感。 北菇棉花雞＄25 雞肉非常嫩滑，而且棉花好爽口，調味好啱我食，又爽又滑咁，不愧為好味嘅點心。 鍋心鮮蝦腸＄23 食完蝦餃，有點少得先下場。 鮮蝦腸裏面啲蝦仁夠晒爽口， 加埋出面個皮夠滑嫩，點埋豉油就夠晒好味道。 即焗雪山叉燒包＄18 平時嘅叉燒包都係中式，但係雪山叉燒包就係混合左類似菠蘿包同埋中式叉燒包一齊整， 出面甜甜地裏面依然好甜，叉燒有肥有瘦味道唔錯。 香煎清純蘿蔔糕＄16 朋友鍾意蘿蔔糕所以揀個蘿蔔糕，裏面有小小羅白絲叫做OK豐富， 最緊要係兩邊都剪得啱啱好唔會煎太黑或者冇火候。 青檸梳打＄13 味道偏甜，青檸味都可以，價錢合宜。 薑汁雙皮奶＄20 奶味濃郁，仲要有啲薑味，口感順滑沒有楂。 中西合璧果然利害，無論早上定下午都有得食點心，啱晒點心迷！鍋心旺角太子道西96-100號萬年大廈地下A舖及1樓…Read More

從來上Openrice都只看不寫，但今次要將依個第一次＂送＂俾依間餐廳。 訂位時講明食2個鍾，餐廳的宣傳品都係寫食2個鐘。 我哋6：05入坐, 結果7：35有個阿姐就拎張單埋嚟話剩番15分鐘，我問我哋6：05入坐唔係應該可以食到8：05？ 個阿姐剩係不斷同我哋講“差唔多啦～差唔多啦～”。   到7:45見我哋仲食緊另一個男既過嚟張我哋檯面d食物直接倒落個鍋裏面（絕冇問過我哋！）跟住收埋d空盤同碟走～～～過幾分鍾個男直接過嚟叫我哋“熄火喇～熄火喇～”趕我哋走。 我同佢講話都未夠鍾，個男既就不斷講“我哋d單入咗系統絕冇呃鍾呀～”， “下次嚟俾你哋坐耐d”， 結果我哋落到樓下都未夠7：55………………令我“高興”既係依間餐廳都做到一視同仁，因為我哋見到其它有幾臺都係咁俾佢哋趕走。既然講明係食2個鐘就應該俾足時間，如果係覺得時間太長大可以改成1.5個鐘，只要係清清楚楚講明就冇問題。平心而論，係任食火鍋嚟講依間既食物質素算唔錯～但依種欺騙顧客既做法真係太過分～冇下次～～～…Read More

冬天跟朋友聚會，首選一定是去吃火鍋，每次吃完都會有暖笠笠的感覺。今次來到鍋心任食火鍋，晚餐時段只需$158/1位， 除了包多款火鍋配料，汽水飲品雪糕等都是任飲任食，以太子區來說實在非常抵食!! 剔好火鍋配料之後就可以去混醬，混醬區選擇很多， 除了有一般火鍋豉油蔥花芫茜之外，更有少見的花椒油、汕頭沙茶醬等， 不過我選的麻辣湯底已經非常濃郁，只需簡單配上火鍋豉油己能提升鮮味。 多款汽水及支裝飲品可以自取。 我跟好友都愛吃辣，所以湯底選了正宗麻辣鍋，想不到免費湯底也這樣有水準， 麻香味十足，真材實料好惹味。 上菜速度有效率，不用十分鐘已上齊火鍋配料。 手切肥牛，不算很肥美但肉味很濃而且口感軟滑，質素算不錯。 手打墨魚丸，應該是餐廳自家製，好新鮮彈牙，又有墨魚香，必試之選。 自家即日制韭菜鮮肉餃，外皮厚薄適中，有大量韭菜好香口。 生菜新鮮翠綠，吸滿麻辣湯汁，特別好味! 最後吃杯雪糕，大滿足。 每人只是百幾蚊，抵!…Read More

與好朋友約會，凍凍地想去打邊爐但又怕兩個人難叫嘢食，朋友介紹話呢期都幾紅嘅鍋心，見百幾蚊任食又幾抵喎。Book咗7點但遲咗要7點半才去到，中途即刻打去通知，好彩服務員好好，去到仲比咗間房……話打電話黎預約咗，雖然遲咗滿座但點都會安排返個位，好鍋心呀 同朋友坐低後實在太肚餓……點咗好多嘢食，手切肥牛不太肥啱啱好，平時唔係好食牛但試咗又幾有牛味，脆肉鯇，炸魚皮都夠脆，墨魚滑都彈牙。食物普遍都好有水準，不會將價就貨。估唔到兩個人都食得晒，最後仲encore多一碟肥牛。飲品大多數係韓國款式，桃味唔錯……另外飲咗款未試過嘅荔枝奇亞果都幾好飲，幾特別。食埋個雪糕甜品，超滿足呀…Read More

午市，平常都會跟家人來點返幾籠點心，知其晚市有2小時仼食火鍋，而且價錢公道又負擔得起，是夜跟公公來嚐，反正父母外遊家中無飯開......下面有外賣點心上面環境不太大先來粟米豬骨鍋，用的蔬菜頗多，清澈的湯底看到大大塊豬骨，原以為湯清味道亦清，想不到味道是如此濃郁湯底鮮甜，不鹹不膩，一個好既湯底，就算不用用上'混'醬，亦能令食物入味非常，帶出食物本身鮮味由於是夜跟公公來吃，菜還是多點，肉可免則免或淺嚐已足夠先嚐了個湯，再來吃個豬骨豬骨入味，而且煮得腍身，相信已烹調得十分夠火侯嚐後，再來個飲品，這幾款平常外面小飲到，因此必飲，特別最右面的mango lingo，係第一次飲，其實係果汁溝啤酒，好飲!再來還是比較清的蔬菜~蕃茄，特別一提不知怎，這裡的蕃茄比往常吃到的較硬身，因此放入湯底還是可以耐一點，令其更入味而韮菜鮮肉餃跟平常吃到的，味道稍為不同，味更濃，大概是做點心出品的不同另外點了鮮魷及田雞鮮魷薄切，因此放入湯底很快就會捲起，口感更彈牙又唔黐牙田雞亦係平常火鍋店較少機會吃到的肉嫩且鮮，被湯底浸透後更是味美最後來個西洋菜及唐生菜，份量頗大新鮮爽脆當然飯後少不得的雪糕，這裡有紅豆味呢，怎可不吃！整體：這個湯底味道十分之討好，放入的所有食物都能滲入其湯的鮮甜味，不用用上仼何醬料都可入味非常，唯獨是每一次上的份量都大，如我這類吃得不多但又愛吃多款式的人確實不太喜歡，而且有漏單或上錯食物情況，畢竟大概這裡較別的火鍋放題節奏更快速，我倆吃不到1.5小時就已離開，可想已知，但味道及價錢確是很不錯的！…Read More

是日到旺角買模型 先要醫醫肚先天氣凍想食點心暖胃 為方便隨便上左一間 估唔到幾有水準每個時段有不同優惠餐廳上晝係似茶食點心夜晚係任飲任食邊爐先叫左個炸雲吞 舊式茶樓既係皮沾大部份肉只有少少 主要係食個皮同個酸甜汁呢度既就係皮少肉多 入面包住一大舊蝦肉蝦肉爽口 皮金黃香脆 綿花雞 非常之足料 可見碟上鋪滿雞肉 魚肚 厚冬菇魚肚唔鯹 厚又爽 吸左D汁味道岩岩好鳳爪 隻隻肥大完整 炆得夠腍同入味最後仲叫左個甜品 雙皮奶可惜只係普通燉奶 唔係雙皮奶同埋甜左D總結 食物有心思 水準高過好多酒樓有服務 地點方便…Read More

最近這家火鍋店很火紅，我們也要早一日打電話訂位終於等到天氣有點涼，馬上跟朋友來這邊試試看入座計兩個小時任食火鍋來講這間食物的質量算不錯的價錢又親民！款式也夠多唯一座得有點迫，地方實在不太通道頗為狹窄正價時間：5:00pm-9:30pm成人$158，小童$98特價時間：9:30-02:00am成人$138，小童$98任飲飲料韓式特飲，果味酒一應俱全免費湯底共有 6 款包括四川蕃茄鍋、正宗麻辣鍋、川式酸菜鍋 粟米豬骨鍋、豆腐清湯鍋跟皮蛋芫茜鍋外面更有混醬，除了正常的火鍋豉油，蔥花 更有我很愛的花椒油粟米豬骨鍋手切肥牛 入口肉味頗濃脆骨腩鮮味又爽口海蝦非常新鮮 encore了好幾次即晚推介海鮮這晚是沙白蜆每隻都肥美肉厚…Read More

百多元2小時人的火鍋任飲任食去邊度搵？友人的推薦下去了太子一間火鍋店，雖然裝潢不是豪華，但尚算坐得舒適，服務態度也不錯。多款飲品如茶類，果汁類，可任君選擇。 免費湯底有六款之多。我選擇了芫荽皮蛋湯鍋。材料不少噢！有一大塊滑豆腐，吃不完的皮蛋，頗多的芫荽，還有爽囗的馬蹄。火鍋料中，牛肉是靈魂， 不可缺少。肉質非常柔軟，有牛香，肥膏位不多，滋味好食。海鮮類比起預期的好，不會將價就貨。海蝦，花枝片，白鱔，脆鯇魚.....等 ，又鮮又甜，值回票價。其他配料如手打魚滑，冰豆腐，生根，蘿蔔...各樣品質高。蔬菜類每款都翠緑新鮮，乾淨衛生，另人食得放心。吃過火鍋，還有甜品的雪糕，説不上是出名的牌子，總算ok 啦！論水準，論抵食，值得推介。…Read More

放假又係放縱的日子，同朋友一行四人出黎打邊爐，前排收到傳單見鍋心做緊$158一位，任食任飲兩小時，咁抵就梗係要黎試下，7:30前埋單仲有十蚊減，一於食5:30不用等位又平啲，正。湯底要了粟米豬骨鍋，味道很清淡，應該沒有加師傅。醬料自己整，要左豉油，麻醬，辣椒，芫荽，沙茶醬，蒜粒同南薑，南薑要老舖先有，估唔到打邊爐居然有呢個調味料，有驚喜，麻醬係花生芝麻醬，不是日式個種，全部混埋一齊真係幾正。食物很多選擇，牛肉、豬肉、丸、腸、魷魚、鱔片、蔬菜、菇等，基本上打邊爐會食呢野都會有得揀，一碟份量都唔少，第一round就睇定啲慢慢叫。上面的手切肥牛同呢碟豬肉片都好正，不比日式牛涮鍋差多少，但可以打兩個鐘感覺上很化算。開波，先掉哂啲瓜瓜菜菜，蓮藕片，冬瓜，雜菇，呢啲可以慢慢滾。再黎就雜丸，魚滑，雲吞等，再加上肥牛，啲湯已經開始油丸、餃子等，點啲醬勁好味。白鱔片勁鮮甜，好新鮮。仲有呢個腐皮包墨魚滑之類野，勁大條，一條已飽，哈哈。尾聲就再加把菜，吸了牛油好鮮甜。甜品有雀巢雪糕，四款味，有芒果，芝麻，紅豆同雲呢拿。飲品忙了拍照，有茶、汽水、果汁、同啤酒，應有盡有，食到飽飽好滿足呀。…Read More

是日星期五，放工後約左2個好姊妹去打邊爐。位於太子既鍋心，出左名有新派任食火鍋，每位都係$168，見幾抵咁，所以都想黎試下。火鍋店位於萬年大廈既一樓，上去要行一條長樓梯，如果有老人家既可能就唔係咁方便啦。上樓上途中見到唔少中國既特色擺設，真係幾特別。坐低後第一件事係揀左湯底先，湯底共有 6 款，四川蕃茄鍋、正宗麻辣鍋、川式酸菜鍋、粟米豬骨鍋、皮蛋芫茜鍋同豆腐清湯鍋，我地揀左粟米豬骨鍋，清清地，可以配合大家既口味。呢到既飲品仲要係任飲，仲有好多款，有韓式特飲啦，汽水啦，無糖茶啦，但係就無COKE ZERO，怕肥既我只可以飲無糖既茶，咁都好好呀。火鍋既配料有好多，有部份食物好似墨魚滑呀墨魚丸呀仲要係自家製，所以一定要試。真係有好大舊豬骨架。炸魚皮亦都好脆豬皮非常爽口，肥牛脂肪分布平均，海蝦又爽脆又鮮甜，所以都叫左好幾次，豬肉方面，可能因為我煮得太耐，所以有D 韌。包心魚卷同埋腐皮蝦卷都好少機會有得食，估唔到係到試到。蟹柳都幾好味，但係因為上菜時已經defrost左，所以真係煮一煮就食得架啦，至於墨魚丸同墨丸滑，食落幾彈牙，但係兩者有咩分別就唔太分到啦。呢到既雪榚都係任食架，不過可惜只係得牛奶公司，無我鍾意既haagen-daz，不過百幾蚊有咁多野食，可以食足兩個鐘，真係算唔錯架啦。…Read More

聖誕假期倒數剩兩日，今天預訂行程去行山，出發前吃個豐富的 Boxing Day 點心午餐，繼續假期的放縰，吃得開心最緊要，出發去行山也有足夠體力。在太子有間新開張的點心店，假期下午兩三點開始滿座，想吃的話要早點來到。坐低後送上茶壺，自己倒茶不用麻煩店員，然後從點心紙中選擇，大多數點心都一籠三件，蝦餃、小籠包、燒賣等則可選兩件，比較方便二人來，可以吃到多點款式。陳年老醬蒸鳳爪$18不知陳年老醬是什麼，鳳爪入口吃到好濃蒜香味，然後有平常的鳳爪微甜醬汁，很是惹味，鳳爪煮到好軟腍入味，令人想吃多一碟。陳皮豉汁蒸排骨$18排骨不像平時吃到的軟腍，頗有嚼勁，是蒸太久了嗎，底下的南瓜卻有驚喜，吸收了肉汁香味，加上南瓜濃香，特別滋味。即焗雪山叉燒包$18果然是熱辣辣香噴噴的，咬落鬆化，皮不太厚，叉燒餡料味道甜，份量適當。魚湯鮮竹卷$17喜歡食鮮竹卷，咬下去爆出湯汁，蒸得夠軟腍，這個雖說魚湯，但魚味不濃，就如一般上湯，餡料有肉有菜，頗鮮味。蟹籽蒸燒賣$14/2隻好豐滿的燒賣，個人食一粒覺得好足夠，身邊的燒賣怪竟然食到三粒，的確這燒賣豬肉夠彈性肉香鮮濃，加上蝦隻爽彈，高水準！山竹牛肉球$18牛肉球做得夠鬆化，夾雜馬蹄粒及芫茜，加上喼汁，頗對味。水晶蝦餃$16與燒賣一樣出色，蝦隻量多而新鮮甜美，爽脆滋味，蝦餃皮又薄。南翔小籠包$10/2隻皮好薄，可是因為太薄，兩隻拿起都是穿了漏了點湯汁，湯汁較深色，較濃味。白灼青菜$20灼得比較腍的菜芯，吃點心也要顧及健康，所以要食個菜。青檸梳打$13、椰汁冰$13兩杯飲品等了45分鐘，催了幾次才到，即棄膠杯，不知是否從外買來的，價錢蠻便宜，兩杯味道好夠濃，有泰國喝到的味道。薑汁雙皮奶$20雙皮奶不見了雙皮，只有燉奶，燉奶頗滑，薑汁易入口，只是稍甜。椰汁西米糕$18厚厚的椰汁蓋著煮到腍的西米露，椰汁味夠濃，好似在九龍城泰國人整的口味。…Read More