Pho Le (Luk Yeung Galleria)

平時行過見到佢寫著係米芝蓮餐廳，又唔係好貴，今日終於試左! 首先，我試咗軟殼蟹撈檬，軟殼蟹炸得金黃香脆，搭配上撈檬的清爽，味道非常搭，淋埋酸酸地既魚露，真係好開胃，味道層次分明，真係好滿足另外我地叫左個咖哩雞扒飯！咖哩香濃，雞扒煮得剛好，肉質軟嫩，搭配上香噴噴的米飯。咖哩的味道唔會太過重，適合各種口味，食完之後心情都好好。食越南菜又點可以唔試火車頭金邊粉！金邊粉煮得啱啱好，口感滑順，加上個湯底好濃好香，扎肉同埋牛肉都好足料，黎到一定要試，好好食最後，我地仲叫左個大蝦扎肉米紙卷同埋白灼時蔬，米紙卷整得唔錯，米紙煙韌得黎唔會好硬，加埋大蝦扎肉生菜個口感好爽脆飲品方面，我哋揀咗暴龍美綠同埋檬檸青檸水。暴龍美綠原來係美綠再加Cream，好肥呀! 不過飲落去又真係滑好多檬檸青檸水就酸酸甜甜，解渴又開胃，好適合夏天。總括來講，呢到不愧係美芝蓮餐廳，值得一試…Read More

近期個個朋友都去越南旅行，搞到我又好掛住越南嘅美食，所以放工就即刻約埋朋友仔去咗荃灣嘅「錦麗」食我最愛嘅🦀🦀湯粉🤭抵食大份又足料Good～越式蟹肉餅蕃茄湯檬粉第一啖飲啖先飲湯，酸酸地嘅蕃茄湯底因為蟹肉嘅關係勁鮮味，蟹餅有成個碗咁大塊，鮮味之餘仲帶有蟹膏濃郁嘅香味，食落口啖啖嘅蟹肉真係好爽😋湯底入邊嘅豆卜索晒啲蕃茄湯爆晒汁，檬粉幼細絲滑配搭足料嘅蕃茄湯，酸爽鮮甜集於一身👍🏻火車頭飯我見好多枱都有叫呢個火車頭飯，勁大碟呀，有一大塊嘅香茅豬扒、脆片煎蛋、雞翼、扎肉同魚餅，豬扒酥脆軟腍，肉質鬆化，將太陽蛋嘅蛋黃篤穿撈入米飯配搭醬油同蔥油，咸香加上蛋香絕對係最佳配搭😋扎肉加入咗多種香料，都已經唔需要再加任何調味已經好好食，口感較為紮實彈牙，越菜中不可缺少👍🏻火車頭粉火車頭粉同火車頭飯入邊嘅食材唔同架，有穀飼肉眼、牛筋、熟牛肉、牛丸同扎肉，肉眼片啱啱好熟，肉質軟滑牛味濃，大大條滑捋捋嘅牛筋完全都唔使咬，牛腩帶筋膜嘅位置比較有咬口，牛丸勁彈牙又爽口，咬開仲充滿肉汁，大大碗有齊咁多款食材都只係$88，CP值高👍🏻蒜蓉牛油雞翼越式蔥油雞翼晚餐仲可以以優惠價加配小食，試晒兩款口味嘅雞翼：蒜蓉牛油同越式香蔥，兩款都啱晒我口味✌🏻蒜蓉牛油味道就較為香濃，遠遠已經聞到好香嘅蒜蓉味，蔥油就啱晒香港人口味，雞翼脆嫩多汁，香口又邪惡嘅小食😆話梅青檸蜜酸甜清爽，勁fresh係夏天最佳嘅消暑飲品暴龍美祿美祿上面加上忌廉再灑上美祿粉，每次飲一定要食咗上面啲忌廉同美祿粉食咗先😆香甜又夠濃味📍錦麗 (荃灣)荃灣蕙荃路22-66號綠楊坊地下G15-G16號舖人均消費：$100-150食物：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…Read More

今日同朋友去荃灣綠楊坊錦麗食晚餐，品嚐美味嘅越南菜式，餐牌嘅食物款式都不少，我哋分別選咗正宗越南牛骨湯粉嘅火車頭粉，越式撈檬嘅大蝦扎肉撈檬，風味小食嘅特色小食拼盤、白灼時菜，好椰系列嘅椰青斑腩椰汁糕，風味飲品嘅話梅青檸蜜、椰汁三色冰。這間餐廳地方寬敞整潔，裝修得舒適溫馨，枱凳擺放整齊，令人坐得舒服，店員服務態度又好，來這裏食真不錯。🔥火車頭粉（綜合牛肉湯粉）牛骨熬製的清甜湯底，帶有淡淡肉桂、八角香氣，表面浮著翠綠蔥花與銀芽，喝前擠入青檸增添清新酸味，穀飼肉眼薄切粉嫩，吸附湯汁後柔嫩帶油脂香，牛筋半透明膠質狀，咬下如啫喱般顫動，扎肉是越南特色扎肉切片，彈牙有肉香，微有胡椒辛香，熟牛肉片狀燉牛肉，纖維感明顯但入味，牛丸緊實爆汁，中心帶點粉紅色，黑胡椒顆粒隱現，薄荷葉偶然釋放的清涼感是亮點，夾起河粉一齊食時帶上美味湯汁，非常配搭。🔥大蝦扎肉撈檬（冷拌米粉）雪白米粉打底，上鋪橘紅大蝦、粉白扎肉片、炸金黃蔥酥、花生碎，淋琥珀色魚露汁，米粉冰涼滑順，大蝦彈牙鮮甜，扎肉鹹香有嚼勁，魚露混合青檸汁、糖、蒜末，酸甜中帶鹹鮮，加上紅蘿蔔絲、青瓜絲、芽菜，拌勻後清新開胃，爽口香甜。🔥特色小食拼盤金絲蝦春卷外層細如髮絲的炸麵絲極脆，內餡蝦肉混芋頭絲，蘸甜辣醬解膩，越式蔗蝦嘅蝦膠裹甘蔗炭烤，甘蔗甜味滲入蝦肉，吃完可啃甘蔗汁水，蒜蓉牛油雞翼嘅雞皮焦脆，蒜香與牛油奶香濃郁，指尖會沾上金色油光， 香茅豬扒表面微焦，切開可見香茅碎嵌在肉中，香氣撲鼻，配合酸甜醬汁，非常好味好食。🔥白灼菜心簡單之美食，份量不少，菜心翠綠挺拔，莖部爽脆微甜，尾部嫩葉沾豉油，樸素但解膩。🔥椰青斑蘭椰汁糕令人有雙層味道，一層新鮮椰子水椰製成的椰青糕體有草本清香，令一層綠色斑蘭椰汁糕濃郁滑嫩，配上椰汁增添口感，食落清爽好美味。🔥話梅青檸蜜（凍）第一口鹹甜交織，話梅的陳皮與鹽漬味，隨後青檸酸味爆發，尾韻回甘，杯底沉著顆話梅可續有鹹甜味。🔥椰汁三色冰（凍）綠色斑蘭凍、紅色大紅豆、白色椰奶碎冰，攪勻後每一勺都有不同口感，甜度不高與椰香平衡入口。從火車頭粉的豐盛暖胃，到撈檬的清爽，小食拼盤的香氣轟炸，最後以甜品飲料的甜蜜收尾，完整呈現越南菜的酸、甜、鮮、香，真係令人食得高興，好值得推介俾大家。…Read More

越南菜一直都深受香港人嘅喜愛每到夏日我以前成日都會去食越南檬粉酸酸甜甜，凍冰冰好開胃今日放工經過荃灣，見到綠楊坊原來開咗錦麗既然諗唔到食咩，一於試吓佢啦雖然係連鎖餐廳，但係價錢一啲都唔貴普遍晚餐都係$60-70左右晚市套餐仲包括埋嘢飲越式蟹•肉餅蕃茄湯檬粉蕃茄湯酸酸甜甜好開胃，而且我覺得個湯底都幾濃郁，配上爽口嘅檬粉好夾，檬粉口感滑溜順口，而且蟹餅內邊有一絲絲蟹肉，一配搭兩塊扎肉雞絲扎肉香濃雞湯金邊粉湯底呈金黃色，飲落好香雞味，河粉係比較滑身個隻，但係個份量就唔算好多女士食都OK，如果男士可能會差少少特色小食拼盤一次過就可以食晒幾款越南小吃，包括蔗蝦、香茅豬扒、蒜蓉牛油雞翼、金絲春卷我平時最鍾意食嘅蔗蝦，口感都幾彈牙金絲春卷炸得好酥脆，配埋泰式辣醬幾有風味…Read More

下午茶時段來到這集團的第十間分店吃個下午茶。下午茶餐選擇也有多款，錦麗賣越式食品為主，所以我也選取最基本的牛肉湯粉，試試味道如何。下午茶套餐加一個小食配飲品，54元再加一，結帳59元，價格並不便宜。不過開在商場內，地點又近地鐵站，價格貴少少仍是可接受。生牛肉小粉，粉的份量以下午茶來看算可以，不需要飽肚，輕輕吃一吃便可。我要了金邊粉，粉條細滑。生牛肉色澤對眼，半粉嫩半嬌紅。肉片切得很薄，一碗只有幾片，一入口不用怎樣咀嚼已差不多可吞下。這碗粉的精髓是那個湯底，牛肉味濃郁，不太鹹，每一口粉掛上湯汁送口中可嚐到那份越式湯粉應有的味道。家鄉魚餅，薄薄一片，賣相不錯，煎得金黃，不過吃起來沒有什麼特別。飲品要了熱鹹檸檬青檸水，鹹檸和青檸都只有小小一片，酸度和鹹度都是一般，口感不好。這飲品我是沒有喝完。整個套餐我覺得那碗粉是不錯的，其他就一般般。…Read More

荃灣綠楊錦麗作為全港第十間分店，延續品牌一貫的越南牛肉粉專門店風格，讓食客品嚐地道的南洋風味。晚市套餐包括主食及指定飲品，仲可以優惠價加配小食，既滿足味蕾，又兼顧性價比。胡志明綜合粉，湯底清甜而不過膩，帶出生牛肉的細嫩、熟牛肉的醇厚，以及牛丸的彈牙口感，追加即炸半條油炸鬼，吸滿湯汁後外脆內軟，絕對是最佳拍檔。火車頭飯亦是一大亮點，香茅炸豬扒外香內嫩，脆邊煎蛋增添層次，雞翼、扎肉、魚餅則讓整體配搭更加豐富，食得津津有味。酥炸軟殼蟹炸得香脆，蟹肉鮮甜，單吃或配搭白灼時蔬同樣美味。椰青•斑斕椰汁糕椰香馥郁，斑斕的淡淡草本香氣更添異國風情，為整頓飯劃上完美句號。玫瑰龍眼茶花香清幽，與甘甜清新的甘蔗汁各有特色，為味蕾帶來不同層次的享受。總結，餐廳在食材選用與味道搭配上皆展現巧妙心思，絕對值得再去品嚐。…Read More

三色春卷籃三色春卷一定不可以錯過！紫薯春卷一入口就香甜滿溢，外皮酥脆得啱啱好。蔬菜春卷就清新爽口，係好好中和嘅搭配。至於金絲網蝦春卷，蝦肉Q彈又美味，外層酥脆，真係正到不得了！越式蟹·肉餅蕃茄湯檬粉如果你鐘意酸甜番茄湯，越式蟹肉餅蕃茄湯檬粉絕對係你嘅心水之選。裡面嘅蟹肉餅夠實在，每啖都係蟹肉嘅鮮甜。再加埋檬粉，整體口感真係豐富得嚟又滿足。火車頭粉火車頭粉真係牛肉愛好者福音。由清湯打底，加埋啲爽口芽菜，仲有牛筋、牛丸、牛腩、扎肉同穀飼肉眼，啲牛肉種類繁多又豐富，簡直係一碗牛肉盛宴。咁多種不一樣嘅肉，又係好味又係充滿驚喜，食唔停口。家鄉魚餅香辣的家鄉魚餅係一個唔錯嘅小食選擇，食完真係忍唔住想再嚟多啲。椰青斑斕椰汁糕香濃嘅椰青糕，椰香四溢，加上斑斕葉嘅自然清香，對於甜品迷嚟講一定係絕佳選擇。越式蔗蝦越式蔗蝦甜美清香，係開胃嘅不二之選。每啖都充滿甜香，令人愛不釋口。越式蒜蓉牛油雞翼蒜蓉牛油雞翼蒜香濃郁，絕對係人人都會鍾意嘅美味。香茅牛蒡椰子茶呢款養生茶清新得嚟又特別。香茅同椰子嘅香氣交織，牛蒡嘅風味獨特，每啖都係天然香氣。想養生嘅朋友一定要試，飲完精神好多。鹹檸檬青檸水鹹檸檬青檸水係酸酸甜甜咁，提神一流。唔好錯過呢款熱飲。…Read More

📍 錦麗 (綠楊坊) (荃灣)荃灣蕙荃路22-66號綠楊坊地下G15-G16號舖今日食咗錦麗既火車頭河粉同胡志明綜合河粉晚餐套餐，真係食到好滿足！👉 火車頭河粉套餐💰136😋😋😋😋.8/5✨呢碗河粉真係超級豐富，穀飼肉眼肉質嫩滑，牛筋煮得剛好，入面嘅牛丸口感彈牙，扎肉更加香口，食落去真係好有層次感！湯底鮮甜，粉又滑，整體味道一流，食完好滿足。✨蒜蓉牛油雞翼，兩件夠味，蒜香味濃，牛油味唔膩，咬下去外脆內嫩，真係好吸引！✨越式蔥油雞翼都唔錯，蔥香味好清新，搭配河粉，簡直無得輸。✨再加埋一杯凍嘅越南滴滴咖啡，飲落去香濃，甜度剛好，真係好解渴，完美收尾！👉 胡志明綜合河粉套餐💰120😋😋😋😋.8/5✨呢碗河粉同樣好好味，生牛肉熟牛肉加上牛丸，肉質鮮嫩，湯底清甜，粉質滑順，食得好開心！✨家鄉魚餅兩件，外脆內滑，魚肉鮮甜，✨搭配白灼菜芯，清脆爽口，幫助解膩。✨清甜甘蔗汁凍飲，甜而不膩，真係好好飲，完美結束呢一餐。回頭: yes 總括嚟講，呢兩個套餐都好抵食，特別係鍾意牛肉同越南美食嘅朋友！下次一定會再嚟！…Read More

是日行程去荃灣行街睇戲😎😎未夠鐘開場又行到攰～決定坐低食個tea🍽️經過綠楊坊見到呢間連鎖越式餐廳～門口睇餐牌發現下午茶又幾抵喎😃而且坐滿客人～吸引我哋都入去食埋一份啦！.點咗三個下午茶餐Share食🫶🏻🫶🏻✨錦麗生牛肉河粉 幾乎每次必點嘅生牛河😚次次水準都好好！湯底牛味濃卻清而不膩👍🏻生牛肉肉質軟嫩～河粉口感細滑！！配紫薯春卷(跟餐)餐飲 ☕越南滴滴咖啡 +$9追加✨絕配油炸鬼 +$8🤗🤗香脆熱辣！.✨錦麗生熟牛肉河粉朋友唔鍾意全部都係生牛肉～所以叫咗生熟半半牛肉🐂生牛肉鮮嫩可口～熟牛腩入味軟腍～加入辣椒粒及青檸汁令湯底更有風味🫶🏻🫶🏻餐飲 🥥越式椰子沙冰 +$22追加✨蒜蓉牛油雞翼一隻 +$9.✨椰青·斑斕椰汁糕[自家製]擺盤精緻🌴好有椰林風情!!當中最鍾意件椰青糕～口感有啲似大菜糕～清甜爽口🥰🥰餐飲 🥤椰汁三色冰 +$9追加✨蒜蓉牛油雞翼一隻 +$9.另外唔夠喉～再散叫咗：✨特色小食拼盤好有睇頭！包括有春卷、越式蔗蝦、香茅豬扒、 法式蒜蓉牛油雞翼～當中最鍾意卜卜脆雞翼滿溢牛油蒜香🙌🏻及香甜多汁又彈牙嘅蔗蝦！！.✨加一服務費…Read More

今日荃灣收工，心諗都好耐無食越南野，就同同事黎左公司樓下呢間錦麗呢到主打正宗越南河粉，仲話係胡志明市最好食既pho，緊係要試試佢黎到果然好香，而且估唔到既係牛肉分量都勁多，差唔多同河粉比例係1：1，大癲不過最緊要都係個味道，湯底好濃郁夠味，河粉索滿湯汁勁出色，牛肉有肉片同腩位，兩者都好淋身，果然名不虛傳同事叫左越式一人鍋，胡椒椰子鮮雞鍋，雞肉嫩滑一啲都唔硬，不過胡椒味唔算太重，以為會好似胡椒豬肚湯咁辣辣地，反而椰子水既鮮甜就飲得出啦跟餐仲有個河粉或加錢加配料，同事最後飽到啲河粉食淨一半越式小食拼盤，有春卷、炸雞翼、香茅豬扒、甘蔗蝦，真係一次過滿足幾個願望最正係個春卷勁脆身香口，仲要係熱辣辣上枱，呢個抵讚野飲方面都好有特色，班蘭生薑茶好飲到讚不絕口，唔會太甜後勁好重班蘭味，同事話聽到我每飲一啖都講一次「真係好好飲」好煩唔好再講，我自己都無留意😂…Read More

錦麗終於係荃灣有店了 人氣越菜河粉品牌最迎更推出左越式冬季一人鍋 河粉及越式小食外的另一選擇OooooO🔶牛腩蘿蔔鍋 $78湯底清甜 牛腩肉質嫩但保留口感蘿蔔入哂味且清甜 越式冬季一人鍋送河粉/金邊粉/飯&同指定飲品仲可以跟餐加菜及生牛肉等 真正既一人邊爐OooooO小食🔶蒜蓉牛油雞翼 外皮鬆脆 即炸配上蒜蓉牛油香氣十足🔶魚餅 香茅味濃加甜酸醬更佳🔶金絲網蝦春卷 金絲網春卷皮超鬆化OooooO🔶火車頭粉 $88大大碗 重點都係佢既牛肉湯真係好好味配有多款配料 用料非常豐富🔶盞醬時菜 $38新鮮翠綠的菜心，搭配濃郁的馬拉盞醬，香氣四溢，入口微辣，惹味開胃，風味十足。…Read More

想食越南菜唔使飛峴港！荃灣綠楊坊【錦麗】主打越南地道風味湯粉、小食🤩「特色小食拼盤」$76 炸得金黃的越式春捲、大蝦扎肉米紙卷 (2件) $40透出薄荷香氣，配酸辣魚露汁瞬間穿越河內街頭！「胡志明綜合粉」(推薦👍🏼) 湯頭每日鮮熬，牛骨香mix雞油香，河粉滑溜掛湯，配料齊集生熟牛肉、牛丸、牛筋，一碗吃盡西貢精髓🍜「越式蟹肉餅蕃茄湯檬」手打蟹餅鮮甜彈牙，番茄湯底酸甜醒胃，追加$10白灼時蔬平衡肉感更健康！飲品推介$8「話梅青檸蜜」鹹甜交織超解膩，收尾必點斑斕椰汁糕，椰奶香滑唔太甜😋，配清甜甘蔗汁完美作結🌿…Read More

身邊朋友介紹錦麗新出左一人火鍋，天氣突然轉凍，試一試剛剛好！加上荃灣分店新開，荃灣地鐵站一出就到，交通方便，所以放工就用老婆約埋一齊去食。新分店都幾容易搵到，響正綠楊新村商場門口，而且招牌都好大，裝修都好新淨，坐得幾舒服。我地主要黎試個一人的火鍋，見隔離台好多人都點，而且份量幾大，所以我地叫左一個椰子雞煲share。包一個河粉或者金邊粉，價錢都只係78蚊，真係幾低。湯底：好清甜，椰子味好濃，我地都飲左半碗，店員好貼心主動詢問是否需要加湯，之後就好主動甘俾多左碗雞湯我地。配料： D雞份量都幾多，有8件，唔係好調過味，不過好有雞味，無雪味，好新鮮好鮮甜，配合埋椰子的清香，一絕，極力推介。之後我地又點左個夢幻彩虹多士，個麵包烘得好脆，配一杯咖啡雞蛋醬，甜甜地之餘有咖啡的香濃，味道配搭好特別，作為飯後甜品好唔錯。兩個餐都可以加少少錢配飲品，我就叫左杯暴龍美綠，老婆就叫左杯斑斕生薑茶。暴龍美綠：我以為會係好濃列勁多美綠粉的飲品，黎到其實只係一杯美綠加d cream，唸唔明點解叫呢個名，雖然無係好surprise，但味道都係好唔錯，好香濃。斑斕生薑茶：暖暖地，薑味好濃烈，有d似台灣的薑母茶，不過就唔會話好甜，女生養生一流啦。總括黎講今晚的晚餐味道好好，食材都食得錯用的係新鮮食材，價錢都非常宜人，非常好，推介俾大家如果對越南野有興趣都可以黎試下！…Read More

最近約咗朋友喺綠楊坊，見到開咗「錦麗」越南餐廳，真係一個唔錯嘅選擇！整體環境舒適，服務員態度友善，嘢食又好食，唔怪得平日晚餐都座無虛席👍🏻😋小食我哋試咗越式蔗蝦，總共有4件，蝦肉鮮甜，包裹住嘅甘蔗味道淡淡地襯托出蝦肉嘅鮮味，口感非常好。外面炸得香脆，內裏又保持住蝦的鮮嫩，配埋甜酸醬，真係一個開胃嘅小食🍤🍤🍤🍤主菜我哋點咗火車頭河粉。湯底味道鮮香，河粉滑溜，非常入味。配料豐富，裡面有穀飼肉眼，肉質鮮嫩，入口即化；牛筋軟糯，黑椒扎肉味道香口，熱牛肉新鮮嫩滑的口感，牛丸彈牙，仲有芽菜、香葉同青檸做配菜，好好味呀🥩🍢🍜🍋‍🟩牛腩蘿蔔鍋就係我哋今日嘅重頭戲！牛腩軟嫩入味，蘿蔔吸收咗湯汁後，味道特別香甜。再加配白飯，呢排天氣咁凍食好適合。呢個鍋優惠價真係超抵，只需要$78加一🤑我哋仲追加咗生牛肉、魚丸、黑椒扎肉同埋蔬菜拼盤。生牛肉新鮮，魚丸彈牙，黑椒扎肉味道濃郁，蔬菜拼盤新鮮，喺牛腩鍋烚吓烚吓好過癮🍲🥓🍡🍚飲品朋友試下越南滴滴咖啡，睇住佢滴下滴下非常過癮，咖啡味濃烈，加上有少少奶喺底，甜度適中🇻🇳☕️我就點咗一個新鮮椰青，椰汁清甜，椰肉嫩滑，係一個清爽嘅選擇，完美解渴🥥😋…Read More

屋企附近新開咗間越南菜餐廳，平時收工時間見到都會排長龍，難得有得早放，就約埋好朋友一齊食晚飯。🥘我地叫左個胡椒椰子鮮雞鍋，揀左配河粉。雞鍋入面有紅蘿蔔🥕、嫩雞塊。雞湯加埋胡椒食完好暖身，而紅蘿蔔吸收哂雞湯底既精華，好鮮味👍🏼🍝我哋又叫咗軟殼蟹撈檬粉，軟殼蟹炸得金黃酥脆又大件多肉，仲有肉鬆、青瓜絲同花生碎，落埋越式檬汁，一啲都唔膩。我哋跟餐加錢叫咗兩件越式蒜蓉牛油雞翼。雞翼超大件，裹粉再炸過外皮好鬆脆，入面雞肉嫩滑，🥗我最鍾意牛油果米紙卷，入面好多生菜、牛油果都好新鮮，米紙就好軟糯，唔似出面超市買既好靭，點埋個檬汁好清新，正👍🏼🍹野飲朋友點左斑斕生薑茶，斑斕味清香，生薑暖胃，飲落帶甜；我就叫左香茅牛蒡椰子茶，牛蒡味同椰子味突出，仲有一條條嘅椰子肉，飲得又食得。價錢都大眾化，但野食真係有啲水準，唔怪得成日見到都排哂隊等位。…Read More