Pho le (Tuen Mun Town Plaza) (Closed)

曾有多位朋友提及錦麗牛肉粉令你一試難忘，今天途經屯門，不經意地發現商場內有錦麗分店，可能時間尚早未見食午飯人龍，就值這次機會同朋友一齊品嚐<被華爾街日報>評為「胡志明市最好吃的牛肉粉」是否實至名歸？$68錦麗生牛肉河（湯底清香濃郁，鮮嫩牛肉配搭洋蔥丶九層塔、檸檬汁、芽菜一起吃更加好味）👍👍$68香茅豬扒撈檬（豬扒炸得又香脆又juicy，灑上花生碎再加越南獨有蒜頭醋撈起檬粉是最夾的😋😋）套餐加$8，可換上特式飲品，我梗係要越南最正正宗滴漏咖啡☕️（一定要加煉奶飲)而我朋友就選她的致愛椰汁紅豆冰（紅豆大大粒)🥤…Read More

限時優惠 ，今日香港人忙於抗疫，這間主打越南湯河的錦麗餐廳，竟推出十分抵食的下午茶套餐。這家餐廳實施了一些抗疫措施，如進入餐廳時必須量度體溫和有很多的隔板把食客隔開。生牛肉小粉套餐（平均只係$22.5一份，$45兩份）生牛河，又名Pho，越南名菜之一，歷史悠久。錦麗的生牛肉河，被《華爾街日報》評為「胡志明市最好吃牛肉粉」,據聞湯頭以牛骨、牛腩，加上草果、香葉、肉桂等香料熬煮六小時而成。結果等了多久，生牛肉河便上餐桌了。看起來湯很熱，看起來還是挺清的，有少量的牛脂浮在面上。碗內的牛肉是鮮紅色的，薄薄的，沒什麼肥膏，大多是瘦瘦的肉。我便把鮮紅的肉泡在熱湯裏，結果沒多久，肉就漸漸變成淺棕色。很有趣味，增加了食客的參與度。還可以加上九層塔，青檸檬汁等配料，使河粉味道更有層次，酸味可中和牛脂的油膩。我先品嚐牛肉，一放進口裏， 十分軟熟，一試難忘，是我食過最好味的生牛肉。之後飲了一口湯，湯非常好飲，牛的味道在口腔蔓延。非常值得推介！如河粉換成金邊粉，需加$1。免費的飲品有：甘蔗汁、薏米水、熱玫瑰龍眼水、熱檸檬青檸水。加$8的有紅豆冰等，椰青汁要加$20。我叫了一杯熱玫瑰龍眼水，很有越南特色。龍眼味十分濃郁，還有陣陣的玫瑰花香，甜入心。朋友叫了一杯紅豆冰，椰汁很多，紅豆蓉起沙，好飲。小食。牛油雞翼我還叫了一份牛油雞翼，沒想到竟有驚喜！一開始時被牛油雞翼的名字吸引，心想牛油味是什麼味道呢？沒想到原來是把雞翼炸到酥脆後，沾上濃郁的蒜蓉。再在上碟前，在每隻雞翼上放上一小塊牛油，等待溶化。一進口，蒜蓉的香味和牛油味刺激着我的味蕾，非常適合重口味的人士。香脆的雞翼表皮，配上濃郁的蒜蓉和牛油，簡直是絕配。這間店還採用了優質的雞翼，雞翼看起來是比一般的大，更能滿足口福。…Read More

今次已經係第二次黎錦麗食河粉，本身諗住唔會好多人排隊（因為係下就十一二點戈陣黎食）點知都係要排半個鐘先入到去。尼間野係專賣越南牛肉粉，詳細既背景就唔係到講，google search下就搵到。咁整體嚟講我係覺得間牛肉粉係好食既，唔係我都唔會突登嚟食第二次。首先係佢既香味真係好吸引，你未去到間店都離遠聞到佢陣牛肉粉既香味，咁對於唔知食咩好既人真係好誘惑。 我就叫咗個熟牛肉粉，因為我唔敢食生野。但係佢最推薦「錦麗」招牌牛肉粉入面就會有齊生/熟牛肉，牛丸，如果食得生牛肉既人就可以簡尼款。 然後落單之後，侍應就會拎兜有芽菜、九層塔、鵝蒂、青檸汁同辣椒等等既杯出嚟。我第一次以為係沙律，就咁支咗d青檸汁入芽菜到食🤮，戈下食到又酸又生既味道。原來佢尼杯嘢係俾你加埋入去個粉到食😂，咁當然我有拎多杯，因為佢係任拎既。後尾我先發現檯上面張紙有教我地點樣食😂。 跟著重頭戲嚟啦，就係個牛肉粉！ 店內亦有教食客最地道食法係要趁熱飲啖湯先，佢個湯真係不負眾望地好飲。然後就可以將岩岩兜野放入碗粉到粉（記得d青檸係要支汁而唔係就咁放入去）。而我就覺得放咗青檸汁反而無本身咁好食，所以淨係放咗青檸以外既料。 我地仲叫咗個春卷，咁味道就ok不過不失，同其他越南野既店就差唔多，但係價錢就偏高。 我地仲叫咗兩杯唔同口味既崩大碗，佢係傳統越南飲品，不過我地兩個都覺得唔太岩口味🤮，好大陣草清味，所以未試過你地都可以試下既，不過我地就嘛嘛哋。 最後係雖然個粉係好食，但係一碗要66蚊，份量都唔多，可能就唔太抵食，不過味道係真係一級棒，未食過既我好推薦大家去食下。…Read More

隔左成年,再食一次錦麗，已經無人排隊了。舊時係好排成半個鐘先可以入座。店員都開始懶懶閒，午餐時間去 但鋪得無咩客 得3枱人，張點餐紙無職員泥收，需要自行去搵職員交單，叫左牛丸同熟牛肉 個河粉淋左少少 湯唔夠熱 芽菜 落落去都熟唔到。但係個湯舊清甜，不過一邊食一邊口渴。熟牛肉口味淡左少少，但食材都係優質。牛丸偏甜，彈牙，係呢到自家的好味！！仲見到有桌客人全家都叫牛丸呢～看來牛丸都算係招牌菜！新菜單好似仲有飯，下次都試下先。本身想叫飲料，大概20蚊起，都幾特色，不過見冬天就唔飲凍飲啦。店員雖有怠慢，但相信係無心之失，仔細觀察，大部分職員都係細心既人！會照顧小朋友同埋提醒食客。提提大家埋單得八達通同現金，無左Alipay 啦…Read More

想試這間好耐，見今日條隊唔太多人，就排一排， 需時20分鐘，尚算合理我地3個人叫了2碗粉2個小食，份量剛好。一碗什錦河粉，有哂店內有名的牛丸/牛腩等等，另一碗是牛丸粉，牛丸好有味，而且彈牙，仲有河粉特別滑，好吸引😋 另叫了什錦併盆，每款小食都好好味， 雞翼是牛油雞翼，好香牛油味，蝦條，春卷都十分唔錯 好香口。另外叫了紙米卷，這款就麻麻地紙米好硬，而且厚。溫馨提示：如需要水，要自行提取:)結帳時，店員細心提點可用「支付寶」可有優惠卷，而且可即時使用…Read More

今日女朋友放工之後叫我過嚟你間鋪頭度食，咁我就會立即飛過去市中心過嚟你間鋪頭度等位啦，我打開個Menu嘅時候....都算貴喎！60幾蚊有冇嘢飲我個心離一離！諗咗一諗我哋終於叫咗兩個set ！1. 錦麗牛肉河食麵當然係試下個湯底先啦，等我飲咗一啖，嘩真係好足料啊，佢個湯底真係好重牛肉味，而且又唔油，飲咗都唔怕肥姨佢啲牛亦都唔啱，好易入口，都算新鮮，亦都足料！真係改觀左值$68！2. 咖喱牛筋腩飯由於我真係比較鍾意食架呢嚟到呢一度我一定要試一試佢嘅咖喱，食咗第一啖嘅時候發覺話佢嘅香料好足，而且好香椰汁味，簡直好懷念東南亞呢個咁嘅質素嘅咖喱！裏面仲有兩舊菠蘿，配埋個假你真係好match！…Read More

去完越南之後一直心思思想食返越南河粉之前都有聽過話錦麗好好食難得今日放平日 所以即刻就去食同朋友一人一個河粉我食咗個牛丸河 有勁多粒牛丸 可以話係我食過最好味嘅牛丸 牛丸食到淡淡鮮牛肉味 河粉軟硬適中 仲吸收哂濃濃嘅牛湯精華朋友個雜錦可都好似唔錯 下次我都會再食…Read More

好難得入咗嚟屯門探朋友，結束屯門一日遊就梗係要喺度食晚飯啦。朋友介紹左呢間越南餐廳，本來我都唔係好想食因為喺香港食咗咁多次越南pho 每次都幾失望，因為唔似喺雪梨嗰邊啲pho咁好食。不過既然朋友介紹得就試吓啦。裏面環境OK，座位空間都足夠，裏面人都幾多架，好彩唔駛等好耐就已經有位。一坐低就見到枱面上已經有加入越南菜嘅配料因為唔係好想食生牛肉，所以就叫咗個錦麗牛丸粉。佢湯底幾清，真係用牛骨熬嘅所以個湯上面有多咗少少油，注重健康嘅朋友可能要攞走湯面上邊嘅油先飲。不過講真係比較難得嘅清牛肉湯。食落個牛丸真係唔錯，好彈牙同埋牛味濃郁。值得一講嘅係裏面係有一啲肥膏喺裏面所以牛丸先至咁香同埋好味。咁樣食一次半次我都OK架，所以睇食果一刻都唔諗減肥。買單時候見每人大約$60左右，呢個價格係香港來講算真係唔錯㗎啦。…Read More

個人都幾喜歡食越南河，越南河黎講，我會揀錦麗錦麗黎講，我又會揀屯門人少啲，職員有禮貌啲重要係！湯夠熱，湯夠熱，湯夠熱！個人比較喜歡淨牛丸河牛肉一時時好食有時會好老，所以牛丸隱陣啲！食果陣加啲辣椒🌶️，好美味！佢送果啲芽菜唔好加為妙，有菜青味！順帶一講屯門依間少人啲排隊 啲職員都幾好禮貌地方都幾整潔同埋依間有飯同撈檬食同行人唔食牛都有得揀錦麗係茶木同一集團有分儲，儲完有得換雞翼或春卷我覺得好抵…Read More

屯門區既越南菜比較少選擇 岩岩好近排係屯門市中心開左一間之前係九龍灣食過既錦麗 本來都覺得好好食 所以都介紹朋友食呢間係我地一坐低之時 佢就派每位一杯小配料 比我地放係碗麵到晚市同午市差唔多 雖然選擇比較少 但夠精 好食既野唔洗多 生牛肉粉($63) 朋友叫左呢個 佢話生牛肉好好食 好入味 佢話冇介紹錯自己就唔係好食得生野 所以就叫左熟牛肉粉($60) 本人好鍾意湯底 好好飲 而且牛肉亦吸收湯底既味道 值得推介另一個朋友叫左香芧豬扒撈檬($65) 佢覺得好香口 酸酸地幾好食 岩曬夏天食牛油果沙律米紙卷($30) 朋友話好fresh 米紙配合牛油果好夾 亦都好岩夏天食另外叫左咸檸七 解渴一流朋友好好奇綠豆崩大碗係咩黎 之後就叫左 味道有d似綠豆冰 幾好飲 好一個嘗試總結來說 整體食物都好好食 選擇係比較少 不過就唔可以坐得耐 想食下越南野不妨係一個好選擇…Read More

平時好小食開越南菜,所以今晚就搵埋朋友仔去試下,之前都聽人講開錦麗既越南菜唔錯,結果同預期差唔多,都好值得一試.有個朋友唔食得生野,所以叫左個熟牛肉河粉.朋友話湯底好唔錯,無味精味另外位朋友仔叫左生牛肉河粉,朋友話牛肉好滑好好食我見天時熱熱,所以唔想食湯河,反而見到佢菜單上有撈濛,幾好食,好開胃,個人幾鍾意食.另外豬扒好入味,好香口,值得一試我地仲叫左小食,牛油果米紙,都唔錯:)叫左杯青檸鹹檸七,酸酸甜甜好開胃,係大熱天時飲返杯真係好爽朋友叫左崩大碗,口味有d 似綠豆沙,幾特別總括而言,呢間餐廳都唔錯,可以同朋友黎試試,我都會再去幫襯…Read More

今次係我第二次食錦麗，上次係去銅鑼灣世貿分店食，當時已覺得不錯👍🏻 這次來到屯門，剛好朋友話想試試，所以就再食多次 星期六晚上6:30左右，門外已經開始要排隊，等了十分鐘左右，終於可以入座，店內座位不算太多，裝潢跟其他分店是一樣的。一坐下店員已送上一些越南粉的配料：芽菜、七里香、青檸、辣椒等···錦麗主要係食越南湯河，餐牌上基本係冇撈檬。而且湯河的餸是以牛為主另外有一個特別餐牌： 是香茅豬扒撈檬$65 和 大蝦扎肉撈檬$65 我和友人分別點了：錦麗綜合粉$66 有生牛肉、牛丸和熟牛肉 湯底濃濃的，不錯 👍🏻 生牛肉十分滑，食入口冇渣 👍🏻 熟牛肉是厚切，好厚睇落個樣有點似牛腩，有幾舊好淋，但有兩舊好韌。最最最推介是牛丸，好彈牙，食入口牛丸有汁👍🏻 但牛丸份量太少，圖中似有三粒，但每粒只有一半 :(友人點了「香茅豬扒撈檬」$66豬扒分量十足，很大塊，而且很入味友人大讚不錯另外點了炸春卷$38（4件）炸得很香口，但食入口普通，好似有點甘筍絲、粉絲、個人不太喜歡牛油雞翼 $40（4件） 雞翼炸得十分香口，每隻雞翼上面都有大量牛油和蒜蓉，撈埋一齊食仲好食 凍滴漏咖啡 $30…Read More

屯門市中心以前食越南野通常食小巴黎依家小巴黎味道冇以前咁好啦太興集團嘅錦麗黎左🤩成日見到好多人排隊今日終於一食😁綜合河 首先要講個生牛肉幾好重口味另外就係個牛肉丸啦 佢同平時食嘅牛肉丸好唔同食落去嘅口感就係似手打牛丸 而且牛丸味嘅牛肉係鮮甜。另外就係個湯底啦 好重牛嘅味道好濃郁 滿滿牛嘅精華😀 另外叫咗蒜香雞翼同埋越南春卷首先個雞翼入味唔會油😀 之後越南春卷入面包嘅蝦都新鮮唔會有雪藏未 配嗰個醬汁酸酸甜甜好開胃當然唔少得越南蒸漏咖啡啦 個咖啡味真係好好味完全同越南飲嘅一樣一試難忘 入口甘甜香滑咖啡迷一定要叫呀…Read More

錦麗個名好出名, 成日行過都會見他的廣告, 經過又相當多人排隊, 對於最不愛排隊的我來說, 要進入去吃真是好像沒什麼可能, 最後, 有一天的星期日中午, 我排了起碼35分鐘, 一邊排隊一邊看著其他人吃得好開心, 我真是口水都流出來了。當一進到餐廳，職員遞上一杯香草芽菜，好新奇喔！我叫了熟牛肉河粉，我怕吃生牛肉，所以亦是好安全地叫熟肉了，先來說說牛骨湯底吧, 有點甜, 不像平日食開的廣東式牛肉湯底般咸香, 這就反而令我就有點不習慣了，再試牛肉 我感覺有點老身, 沒想像中那麼軟熟, 有點失望吧!女兒說叫牛油蒜香雞翼，好了叫到上來, 她吃了一口便不吃了, 說不喜歡那味道, 接下來是要我獨個兒把雞翼吃光, 真是有點難受, 最後我是抱著肚子好飽出去了。但試過了也不外是如此, 沒有說得那麼誇張好味吧!平均60多元一碗不算貴, 亦不用加小費, 總體是可以吧。:)…Read More

成日聽人講錦麗既越南粉好好味難得佢開左間係屯門而又唔使排隊當然要把握機會試一試😋😋今次我叫左個‘錦麗綜合粉’同‘鮮蝦米紙卷’食麵湯底最重要！所以第一啖一定要試下個湯底先佢既湯底真係好重牛肉味，而且唔油，飲哂都唔怕肥利，而佢既牛亦都唔韌，容易入口另外個米紙卷都好好味，好足料！推介👍🏻👍🏻👍🏻…Read More