Fairview Park Country Club (Chinese Restaurant)

入咗會梗係要多啲嚟幫襯😌😂一星期都最少食一次。呢度坐得好舒服又乾淨,服務不錯,冇其他酒樓咁嘈,點心質素都算幾👍價錢可能比出邊酒樓貴少少,不過唔使加一服務費,所以都唔算貴粉麵方面,通常都叫鮮茄牛肉稻庭烏冬或者嫩雞煨麵,一窩份量大,夠四人以上share,同感覺上幾健康清淡點心款式都幾多,最鍾意薑蔥牛柏葉,小籠包同蝦餃燒賣,星期六日出邊都有攤檔可以叫三色煎糕(蘿蔔糕、年糕、馬蹄糕),油菜,炒米粉,粥,齋等…Read More

聞名已久的錦綉樓，終認識了1位會員，除夕一家人前來吃晚飯。侍應招呼一流。每道菜都出色，令人暢懷，好想再來。特別想推介需預訂的時令菜 -- 五蛇羹，真的是必食之選。蛇肉、冬菇、黑耳煮成湯羹，每啖都食到材料豐富，令人很想追吃。心急吃好東西，忘了拍照呢!朋友至愛是梅菜扣肉。此菜極為邪惡，但在大家吃得津津樂道時，我亦吃了少塊試味。果然是入口即溶，鬆化不油膩，梅菜不是死咸,伴白飯吃是一流，好久沒吃這樣的家鄉菜。吃剩兩片才記得拍照...第3推介是芋泥炸成蜂巢，有點似在吃芋角, 很有特色。最後推介是川芎魚頭。藥膳湯底惹味，兩個大魚頭鮮味十足!是晚紅豆沙亦出眾，紅豆和整粒蓮子都煮得軟綿，還有果皮香。熱食甜品紅棗糕兩層,中間有層椰汁糕，可見心思! 千層薑汁糕夠薑。所有甜品都不過甜，做得真好!…Read More

錦綉新开店，食物種類不算多，我只外賣朱扒葱油飯及叉燒蛋飯，凍o茶; 感覺食物味道都好有心去做好，朱扒鬆化入味，煎疍煎有边，令人回味🥰🥰，值得去試，凍o茶好好饮…Read More

係錦繡想食中式酒樓，就淨係得兩個選擇。一間喺 市中心 湖邊，一間就係呢間喇。呢間一定要有會員簽咭先食得。朋友有會員member，我哋今日就喺度飲茶。 餐牌點心紙食物質素幾好，有啲點心都幾得意，例如有隻天鵝蘿蔔酥，小朋友見到好開心搶住要食。另有個雞包仔，佢整到成粒菇咁，睇落又幾似。 坐位都算坐得舒服，不過好似依家唔係好夠人手。有時舉咗手幾次都冇人見到。呢度最好嘅就係佢唔收加一，一大班人黎食都慳唔少架。鮮竹卷叉燒包煎腸粉 - 呢個煎腸粉又煎得幾乾身同脆口，幾好味!腸粉系列 - 叉燒腸 ，牛肉腸天鵝蘿蔔酥似菇嘅雞包菠蘿叉燒包春巻總括嚟講，呢度算係高質數中式酒樓， 師傅煮嘅嘢食有返咁上下， 會繼續嚟~…Read More

今日同黎左飲茶， 3大兩細叫左8 個點心一個菜， 埋單300。私人會所黎講都唔算太貴。點心質素唔錯， 最讚既係釀魚肚同燒賣， 連大廚老爺都讚。 至於花巧點心就有呢個天鵝蘿蔔酥同松露香菇包， 氹得兩位小姐好開心。…Read More

很久沒有返回 錦綉花園 看看這個老家, 之後便騎單車到 club house 吃個 lunch ~點了一碟菜心炒牛肉 配白飯 牛肉炒得腍滑, 略有梳打粉味, 菜心炒得青而脆口, 油份頗多, 茨汁吃得出是以蠔油為主調, 味道頗鹹, 整体來說, 就是80年代一般酒家的水準, 是懷舊的老味道 ~ 遇見幾位老街坊, 打個招呼, 寒暄幾句, 看見他們的臉容老了不少 .... 不勝唏噓 ~本篇完 ~…Read More

有一部份在錦繡的居民都不願意到外面用餐，而且大部份都是俱樂部的會員，所以錦繡樓是這社區居民的飯堂。這裡的拖尾叉燒和燒腩仔都是「一級棒」的！不像外面很多酒樓一小碟而且小小塊的，非常孤寒另外要讚他們的是蒸魚的技術。魚蒸得非常好！魚肉不會「黐骨」而且還可以保留魚的鮮味！還有要推薦的是鮑汁雞粒炆飯，既有鮑汁的鮮香味，又有飯香味，而且不會咸味太重。還有脆皮雞、芝麻雞、南乳吊燒雞！perfect!皮脆肉嫩！最重要的是它不會有很多多餘的脂肪！如果要吃到新鮮雞可是要提前預訂的喔！平日人不會太多，但一到假日，全場爆滿，想要吃飯真的要提前訂位！不過最近換了大㕑，有些菜的質素變了。注意：這兒可是members only!…Read More